الثلاثاء، نوفمبر 24، 2009

Me & Jony &My self( ما الذ يريد ان يعرفه جوني ؟)



جوني زميل امريكي لام اظنها بريطانية على ما اتذكر( يعني شوف هالخلطة امريكي بريطاني )


جوني مؤسس فريق لكرة القدم في الشركة التي يعمل بها - خسر مباراته بالامس مع فريق شركة اخرى


قابلته عند كومار عامل القهوة التي انزوي لاصنعها بنفسي و اشتم رائحتها لتزيل بعض تعب اليوم


و سألته عن نتيجة المباراة و قال لي ان فريقه خسر للاسف مع انهم تحضروا للمباراة


ردي كان عاديا : hardluck


و رده كان فوق العادة : لا يهم انها رياضة و يجب ان تروض الروح على الخسارة و الربح


هل تعتقدين انني " عربي " ؟


و ضحك بلؤم و انسحب مع قهوته الامريكية ماسخة اللون و الطعم


بصراحة و بعد الذي شاهدته على التلفزيونات العربية و شخصيات تصرخ و تعبر بكلمة كانهم اتفقوا عليها مسبقا و رددت على مسامعي كوخز ابرة ( بلا عروبة بلا زفت )


عندما يظهر اعلامنا هذا الانحطاط لعروبتنا و اصولنا و لغتنا ماذا نتوقع من جوني و امثاله


كان جوني افندي دوما يسالني و يحاورني بشكل مقتطف بين الاجتماعات او المقابلات البسيطة باسئلة او كلمات تجعلني اسال ما الذي يريد ان يعرفه جوني ؟


قال جوني لي مرة ان العرب يتحدثون عن الاسلحة و الطائرات كانهم هم من صنعها


ردي كان : ليس من الضروري ان تكون صانعا للسلاح كي تعرفه . فنحن من جُرّب فينا و نحن ايضا نعرف ما تعنية القنابل و الاسلحة


الشركات المصنعة للاسلحة تحتاج لفترة لاختبارها و اختبار مداها . اي بياع خضرة على عتبات شارع منزوي في غزة يعرف مدى قصف الطائرات و الصواريخ و متاكد منها افضل من خبراء الاسلحة الذين يدرسونها على الورق او بافلام الفيديو . او يجربونها بصحراء خاوية . الدم هو الذي يعلِِِم


نحن من نموت بها و نحن من نتحمل تبعاتها . لذا نحن من نعرفها حقا


صمت جوني وقتها و قال انه مقتنع بان هذه الاسلحة لا انسانية و انه ياسف ان هناك من يستخدمها... لكنها ضرورة
( لاحظ انه لم ياسف لمن يموتون بها )


سألني مرة هل تكرهين الاسرائيلين : قلت له بدون تردد نعم


اندهش من صراحتي و اكملت : لن اكون كاذبة او دوبلوماسية في عرض مشاعري اتجاههم


ان لم اكره قاتلي و قاتل اهلي فمن اكره ؟ هل تكره انت بن لادن ؟


صمت و ابتسم و مضى




في نهاية كل اجتماع او انجاز يتعمد ان يقول لي عبارة


" لا استطيع ان اصدق انك عربية . فتاة عربية ؟


في اخر مرة قالها التفت اليه و ابتسمت " لانكم لا تريدون ان تروا في العرب الا ما تريدونه و مقتنعون به حتى تبرروا دوما لانفسكم ما تفعلونه او قد تفعلونه في يوم ما "




اما في موضوع الرياضة لم ارد و لم اجد ما اقوله


, , , عندما وصل الشباب المندفع الى السفارة الجزائرية


سألت نفسي لم لم يكن الوصول للسفارة الاسرائيلية سهل هكذا ,,,,,,,


،،،،،، الابواق الاعلامية و الردح الاعلامي الحاصل من الجهتين لم يكن ينقصه الا تعاطف و دموع راقصات و عاهرات الفضائيات و هن يتحدثن بوضاعة عن اعرق دولتين عربيتين لهما تاريخ تقف امامه العنقاء و تنحني ,,,,,,
هامش : اشتقت للمدونة و لقراءة مدوناتكم لكن العمل هاليومين :( بس اكيد ما رح فوت شي و رح اقرا كل اللي بتكتبوه .

هناك 20 تعليقًا:

يحيى المصري يقول...

فيه أحداث بتخليني أكره الحاضر
أثنائ حوار\خناقة مع زميل على موقفه من الجزائر كان بيقول الجزائر أسوأ من إسرائيل على الأقل إسرائيل ماعملتش معانا كده
حاولت أقنعه إن الجزائر ماضربتش الجمهور المصري بقذائف الفسفور الأبيض
كل اللي حصل خناقةة عادية بتحصل في مباريات الدوري المصري العادي بين جمهور أي فرقتين لكن التصعيد الإعلامي هاتظهر دوافعه قريب أكيد

Whisper يقول...

اول شي اشتقنالك كتير والله يعطيكي الف عافيه

للاسف اللي بصير بين مصر و الجزائر اشي يندى له الجبين
وانا برضه حاسه انه اشي مرتب اله من قبل
وكأنه وسيله لتحسين صوره القاده بمصر بالذات عاساس انهم رجعو يحسو مع الشعب مره تانيه

الله يهدي الجميع شو بدنا نحكي :$

قط البكتريا يقول...

والله يا خالتو جفرا ... شيئ مخزي انا بحكي اساسا عن مصر الجزائرين ساكتين ممكن عشان ما عندهم فضائيات بقدر المصريين ( عدي رجالك عدي من الاقرع -القاهرة اليوم - للمصدي دريم )
تهويل مخيف واجراس الحرب وحسني مبارك بدو يبعت قوات للسودان
طيب حلو خالص انو نستخدم الجيش للدفاع عن المواطنين بس سؤال هم فين الجرحي ؟؟
والقتلي ؟؟؟
طيب ليه السودان ما قالتش حاجه ؟؟ اللعب على ارضها
فين مراقبين الفيفا ؟؟ طيب السيارات المتكسرة والاسلحه الي تسلح بيها 15 الف- عسكري- جزائري ؟؟
عفكرة حركة العدل والمساوة هاجمت الخرطوم ب 300 عسكري المعلومة دي للتذكير بس
ليه الطعن بالعروبة والاصل والتذكير بالماضي لمصلحه مين كل ده ؟؟؟ وازاي توصل الحقارة والوضاعه بمذيع ( معفن) بطلب قتل الجزائرين بمصر - ده بيضرب السياحه -؟؟؟
ليه المصريين بسمو الجزائرين الصهاينه وانتو معملتوش ده مع الصهاينه ؟؟
الي عاوز اقولو بالاخر ... دي لعبة صناعة الابطال
الابطال تصنعهم المواقف الصعبه , معندناش قدرة نعمل حرب مش عاوزين نشوشر على اسمنا بالعالم مكنش قدمنا الا الفلم الهندي الي حصل

الهدف تعميق الشرخ بين الشرق العربي والمغرب العربي
ضرب العروبة والقومية والحس العروبي فيهم
ووضع جمال او علاء مكان الاخ البطل الهمام الي مش عارف ينام


عفكرة جفرا جوني زنخ ... جاي عبلي اترفشو

ياسمين..وثلجٌ أبيض يقول...

وانا ايضا اشتقت لثرثراتك
اماعن مستر جوني..فهيدا منو كتير
يعني لا تدققي
لكن بالنسبة لمباراة مصر والجزائر يعني
هيك جمهور بامكانه تحرير فلسطين بل اكثر
ولسا بيحكولي عن العروبة
مرحبا ..عروبة
شي مش بس بيعصب شي..بيجلط يا صديقتي

Shaima يقول...

مرحباعزيزتي،،
يعني بالزبط متل ما أنا كنت عم بفكر،،
وقتا انا اساسا ما كنت عارفة انو في مباراة بس حارس العمارة منه عرفت بعد ما قفل السماعة بوجهي لأنه مو قادر يضيع دقيقة ويحكي فيها معي وكان عم بصرخ وهو بقولي ( لما مصر تبقى تفوز في الماتش حاعملك اللي انتي عايزاااه)..

نعم!! جميل أن تتأهل بلدك لتراها في المونديال ولكن بالأخير يا ابني كلنا عرب،، ولا العروبية مو موجودة بالقاموس وكل واحد ماسك علمه وبس ( وأنا والباقي خس) :\ يا عمي اصحى عحالك وروح شوفلك الأخبار وشو بصير فيها لسا نازل تقول كرة وبطيخ!!! ايه يا مصري (ومو قصدي الكل) بدل ما تروحلي توقف عباب السفارة الجزائرية امرؤ عالغسرائيلية بطريقك !!! هبل الكرة اللي صار هاجس (يا ريت هالحزن يكون ع فلسطين أو لبنان أو غيرو او حتى انشاءالله عالمجاعة بأفريقيا) كرة؟؟؟

ايه ان شاء الله الكرة بتحررلنا فلسطين
وتحيا الأمة (الكروية)!!!
تعدد الغباء والسبب واحد (جهل)

تحياتي جفرا
وتقبلي مروري مرة أخرى ^^
شيما

Whisper يقول...

sa7ee7...you have been tagged :D

jafra يقول...

شيما المشكلة مو بالحارس او بمين كان يشجع ... لا ... حلو انو يكون عنا اهتمامات كروية و رياضية و غيرها و الاجمل انو بلدنا تلعب و نشجعها
لكن احنا كشعوب عربية ما عنا روح رياضاية
عنا ارث حربي و استعماري ما خلى عنا خلق لشي اما الموت او النصر حتى في كرة القدم
انا بس كنت حابة انو موضوع فلسطين يطلع من هالقصة الفاضية لانو مو كل ما دق الكوز بالجرة الكل عم يحكي فلسطين
معلش اعذريني بس قضية فلسطين صارت زي فوطة كل واحد حابب ينضف فيها حالوا
بعتذر عن التعبير بس هادا اللي عم حسوا و عم شوفوا مش بس من هلا لا من زمان

و اهلا بك شيما
تحية




ويسبر شكرا رح اعمل تدوينة خاصة الو
بس TAG حلو و مو ورطة :)
و بالنسبة لموضوع المباراة القصة مو قصة جزائر و مصر لا ...القصة كبيرة من زمان بينا كلنا و اكبر شاهد على هيك مباريات الوحدات والفيصلي
العصبية الجاهلية متوطنة فينا
و عم تظهر بدون حيا و صاروا العالم يفتخروا فيها كمان


قط البكتيريا : هلا واحد ابو امريكي و امو بريطانية كيف بدو يكون اكيد اقل شي لازم يكون زنخ
عودة للموضوع
لنكون منصفيت لازم نعتدل بالراي انا شخصيا ما بهمني مين عمل و شو اللي ورا القصة لانها بكرا رح تبين لحالها
بس للانصاف انا من الناس اللي كتير زعلوا و تضايقوا لما شافوا العلم المصري بينداس عليه من عالم اقل شي بنقال عنهم تافهين
انا متل ما بحب انو رمز بخصني يحترم لازم احترم الاخرين
و القصة ما بلشوها المصريين لحالهم الدور الجزائري واضح


ياسمين نحنا كمان اشتقنالك
بس كتل ما قلت لشيما
يا ريت ما كانوا جابوا سيرة فلسطين بهالقصة
يعني يتركوا فلسطين برة موضوع الكرة
و العصبية
بكفيها اللي هي فيه
كوني بالقرب :)

يحيى المصري : نورت المدونة . وينك من زمان ؟
التصعيد الاعلامي من الجهتين كان مبتذل و غير محترم
و اكتر شي استفزني لما واحد المفروض انو رياضي و برلماني ينقال ببرنامجوا بلا عروبة بلا زفت و برنامج تاني الو نسبة عالية من المشاهدة يضرب باخلاق البنات الجزائريين عرض الحائط و كمان الصحافة الجزائرية حدث و لا حرج
شي مخزي بالفعل
بس بكرة رح تهدا و الناس العقلاء رح ينسمع صوتهم و يبان كل شي
بس للاسف بعد شو ؟؟؟
كن بخير

قط البكتريا يقول...

للاسف الي بداء المصريين -حكومة مش شعب - بخصوص العلم طيب ما المصرين حرقو علم الجزائر ؟؟
واذا شخص قال كلمة منيحه بهاجموه ابواق الحكومة ... وعلاء وجمال

مابحكي انو ما غلطو الجزائرين ... بس هم انحرق دمهم من المعايرة وتشبيهم انهم عبيد الفرنسنين وانه برابرة - عفكرة البربر الهم تاريخ مشرف ومش هم البرابرة وما بقربوش لبعض بس تشابه باسم العيله -
انتي حطي على مودرن تفي وشوفي كيف بكتبو التاريخ بطريقة دنيئة مشوهه
انا بحكي انو الفئة الي بتتسمي مثقفة فئه ضلامية حمقاء غبيه
صدقيني كم الكلام الي انحكي اشي مخزي اكتر من ما تتخيلي

jafra يقول...

قط البكتيريا كل عام و انت بخير
انا مش عم قول انو المصريين ما غلطوا بس التواتر بالشحن كان شغال من الجهتين
انا سمعت و شفت حكي و مشاهد لو زادت عن هيك يمكن انجلطت
لكن كنت كمان عم بقرا و شاهد ناس متعقلين لا بل رائعين
متل مدونة نوارة نجم و غيرها كتير من المدونين المصريين

http://www.tahyyes.org/
و طبعا اكيد في جزائريين كمان كتبوا زيها وحكوا
بس للاسف هدول عم يتغطى على اصواتهم بطريقة بشعة

هلا شو بدك بهالحكي
كل عام و انت بخير
وين العيدية ؟

حـــــدوتـــــة يقول...

السلام عليكم

كل عام وانتم الى الله اقرب

وعيد اضحى مبارك

قط البكتريا يقول...

انا اصغر منك انتي لازم تعيديني ... وانتي بتامني بالمساوة
يلاه يا عمتو عيديني :D

mohra يقول...

اوجعتنى بما كتبت
يسعدنى ان يرى اخرين ما اراه


كل عام و انت بخير

jafra يقول...

مهرة كل عام و انت بخير و بتمنى وجع قلبنا كلنا ينتهي

تحية

حدوتة : كل عام وانت بخير و الاهل كلهم بخير

قط البكتيريا : هاي القصة شكلها علقت في خلص شو اكبر و اصغر لا ما اتفقنا على هيك
و بعيدين مين طلع هاي الاشاعة
قال مساواة
لا يا سيدي انا شخصيا من قبل العيد و بعدو ما بامن بالمساواة و الي وجهة نظر فيها
رح نحكي فيها ... لازم

شو رايك بكعك و فنجان قهوة هيك اظن اني كريمة

قط البكتريا يقول...

من منطلق انو بنضحك علي بسهولة ... خصوصا القهوة نقطة ضعفي
انا الي طلعت الاشاعه عفكرة انا يمكن اكبر منك باكمن شهر بس تحكيش لحدا
:d

بسر برضو مافيه عيدية ... بحبش ادفع مش بخل بس نوع من التوفير :d

Shaima يقول...

صديقتي،،
المشكلة مو إنو كل ما بصير شي بنقول فلسطين،، أنا مو ناسية العالم التانية اللي عم تموت وتتقتل والمجاعات والأمراض،،

الموضوع أكبر من هيك لأانو كتير العرب عم بدققوا عأشيا ما إالها معنى ولا داعي وبينسو الأشيا الأكبر واللي بتمس البشؤية والإنسانية،،

وبالآخر راح أقولك إنو أنا مع جوني لما حكالك " لانكم لا تريدون ان تروا في العرب الا ما تريدونه و مقتنعون به حتى تبرروا دوما لانفسكم ما تفعلونه او قد تفعلونه في يوم ما "
أساساً هاي بصمة العرب وين ما بروحوا

تحياتي مرة أخرى

وإلى عرب أفضل مع بعض الشك :)

jafra يقول...

شيما بالنسبة للعبارة اللي انت متفقة فيها مع جوني هاي عبارتي اللي انا قلتها كرد عليه
يعني هم كغرب ما بدهم يشوفوا فينا الا تخلف و ارهاب حتى حضاراتنا و اهمية موقعنا الجغرافي و غيروا عم ينكروا علينا
ببساطة
هم بدهم مثال معين ليبرروا اي عمل بقوموا فيه
عندك مثال حي و عم نشوفوا هلا بتغيراته و تقلباته
العراق و لبنان و المثل اللي عم نشوفا النا 60 سنة و اكتر فلسطين
و بما انو انا عربية كنعانية
فبقولك ما رح نكن عرب افضل الا اذا كان احترامنا لعروبتنا فعال مش كل كلمة نشب بالعرب زي ما صار بكتير مناسبات
كيف بدنا نكون عرب افضل و نحنا عم نوطي بحالنا اكتر و اكتر
مرورك اسعدني


قط البكتيريا :
هلا عيديتي هي اللي رح توقف مشروع التوفير اللي انت عامله ممممممممم اوكي وفر لاشوف شو رح يطلع معك
لاني جربت هادا مشروع التوفير و فشلت بشدة لا و كويس ما طلعت بديون كمان :)
و سرك في بير ما رح احكي لحدا انك اكبر مني
ما رح احكي ابدا انك اكبر مني
ابدا ما رح اقول لاي حدا انك اكبر مني
انا مو فتانة اني احكي لحدا انك اكبر مني
شايف ما قلت لحدا انك اكبر مني

بس كيف زبطت معك انك اكبر مني بكم شهر ؟؟؟؟؟:)

قط البكتريا يقول...

لا انا سفاح بالتوفير ... بس اوفر مبلغ معين بيجي واحد من اخواني او صاحب من صحابي بحتاج نفس الرقم الي وفرتو :P
يعني اموت واعرف كيف بعرفو الرقم

بخصوص كيف عرفت انو انا اكبر منك بسيطه بالرياضيات الاكتواريه ( بعرفش شو هيه ) &
انا كبير بعطائي وحبي وانتمائي وعبقريتي وابداعي وموهبتي
ومبين من بروفيلك كم عمرك وشو برجك :D

jafra يقول...

ههههههههه اه صحيح
بينت على حقيقتي شو عندي تخلف تكنلوجي

و عجبيتني قصة انهم بعرفوا التحويشة على القد

قط البكتريا يقول...

لا سلامتك من التخلف ... بس هاي عبقريتي :P

متواضع انا

Haitham Jafar يقول...

جوني خليه يشوف وضعنا الآن! :)