الثلاثاء، يونيو 14، 2011

معجزة عم تتحقق - الصمت -

لن تتوقع أبدا ما وراء الباب
و لو وصلت يوما الى تلك المرحلة
فانت
إلـه


المشكلة يا جماعة انو حتى الابواب المفتوحة اتسكرت
عن جد ما مرقت بهيك مرحلة بحياتي
مش عارفة بس احيانا الصمت ( بالنسبة للي زيي) معجزة
و عم تتحقق حاليا
هاي العبارات اللي عم اكتبها هي اكبر عبارات حكيتها لحدا من كم يوم
الايام هاي متل النهر اللي بلش يجف بمر ببطء و بعذب اللي بطلعوا عليه
يا رب ما توصل لمرحة اصعب
و النهر كلو
...........................

هناك 11 تعليقًا:

غير معرف يقول...

الله يفرجها عليكي من واسع فرجه

Moh'd Jarrar. يقول...

منيح الصمت بين كل فترة وفترة , بتراجعي فيها حساباتك , وبتفكري بالأبواب المسكّرة وكيف ممكن تنفتح كمان مرة

بالتوفيق ان شاء الله

sheeshany يقول...

مالنا! ؟ :(

مهندس مصري بيحب مصر يقول...

سلامتك
خير ان شاء الله ؟

لبنــــــــــى يقول...

غير معرف شكرا لدعوتك :)

LUNAR :بس احيانا الصمت بخوف و بلش ينبح صوتي انا مو متعودة على هيك
وصلت الى اني ما بدي اراجع شي
سكرت معي :) بس بكرة يمكن تروق
شكرا على الاهتمام

لبنــــــــــى يقول...

الشيشاني : كيفك
مالنا :................. مممممم
مالنا ؟؟؟ كتير
و ضيعت من وين ابلش
او احكيلك بلا وجع الراس هاي القصة طوييييييييييييييلة
الله يخليلك هيوم كنت امبارح عندك بالمدونة و ما عرفت اعلق النت عندي مضيع
شكلوا عدوى :))


مهندس مصري : شكلي بدي اعمل ثورة داخلية على حالي بس ما لقيت لهلا ميدان التحرير عندي
:)))))))
المهم .. كيفك ؟

Moh'd Jarrar. يقول...

اذا مش متعوّدة عالصمت (هسه انتبهت بالإدراج الاصلي) , معناته مشكلة كبيرة

حاولي تلهي حالك , تطلعي حالك من المود اللي انتي فيه , ممكن تكون ارشادات ضعيفة , بس بتمنّى تساعد

العفو , وان شاء الله ربنا بجيب اللي فيه الخير :)

لبنــــــــــى يقول...

LUNAR:عم نحاول يمكن يكون في نتيجة :))
صعبة كتير الصمت صح ؟؟؟

نيسآان يقول...

لله يفرجها عليكِ ...روحي عالبحر واعطيها صمت وتأمل ...وممكن تصرخي لحالك اذا بدك.

Moh'd Jarrar. يقول...

الصمت صعب , وتأثيره عاللي حواليكي كبير خاصة اذا مش متعودين منك الصمت

Whisper يقول...

الصمت مرات بكون افضل وسيله لحل المشكله .... بالكلام بزيد الوجع و بتكبر الامور

بس دائما تأكدي ان ما في باب بسكر بحياتنا الا ما يفتح باب تاني و لكن احنا لانا مشغولين بما وراء واحد من هالابواب اللي سكرو ما بنتطلع عاللي فتح

راس مالها..صمت فتره و تفكير عميق و خطوه لباب جديد

ربنا يكتبلك كل الخير و يفتح كل ابواب الفرج عن قريب