الأحد، مايو 31، 2009

ايام و مواقف


اليوم كان غريب كتير

رح احكيلكم شو صار معي

انا زي ما انا دايما بحاول اكون احسن و ادور على الفرص الوظيفية اللي بعتبرها افضل بلا ملل

يعني ما بكمل سنتين الا انا مغيرة وظيفتي و مش مكان الوظيفة لا بغير نوعية الوظيفة يعني مرة معلمة و مرة سكرتارية طبية و مرة محاضرة في معهد و مرة ............. يعني كتير

و كل ما اشوف اعلان هه شوي برفع من معنوياتي بتحمس

مرة كنت مقدمة لوظيفة ما فهمت شو هي الشركة بالظبط اسمها غريب بس قلت يلا بنقابل و بنشوف شو هي و طبعا كعادة الغربيين بتصلوا فيك و بحددوا المقابلة بنفس اليوم

رحت و زي العادة متاخرة لاني لازم اتاخر على اي موعد بحياتي ما بعرف ليش عمري ما وصلت على موعدي حتى بالدوام

المهم قابلتني السكرتيرة و ادخلتني للمكتب و قالتلي بدك تستني ليخلص المدير شغلة ضرورية و الحق عليكي اتاخرتي

و قعدت بالمكتب الفخم و بلشت اتفرج على اكسسوارات المكتب زي العادة و لفت نظري انو الاكسسوارات كلها اشكالها غريبة و مريبة و مسكت وحدة و اكتشفت انها زي القنبلة و دخل المدير و تركت اللي بايدي و سلم علي بطريقة غريبة يعني كتير هالاجانب بكونوا ودودين و كانوا بعرفك من زمان و سالني عن حالي و دردشنا بامور الحياة و كاني جاية بس لاشرب قهوة بس مو مقابلة شغل

المهم الصدمة وين كانت

انها شركة لانتزاع الالغام الارضية و انو المدير بحاجة لمديرة مكتب بتقدر هذا العمل الانساني و بتحب السفر

اجا في بالي الحج ( الحج يعني بابا ) يعني تخيل و انا حاملة شنتايتي السفر السودا الكبيرة الصبح و طالعة من البيت

والله وين رايحة يا بابا

و الله مسافرة

اوكي بابي الله معك

مع انو بابا مو كتير بدق بس مش لدرجة السفر مع مين ما كان

المهم اعتذرت بطريقة لبقة كتير


هاي وحدة من المقابلات الغريبة


لكن اليوم كانت اكتر غرابة

اتصلوا فيي شركة طبية بدهم سكرتيرة ولاني مليت من شغل التدريس اللي صار معقد كتير اخدت موعد و رحت

طبعا لما بتدخل على الشركة بتلاقي شي عشر اشخاص على الاقل بستنوا المقابلة وانا على الاكيد اخرهم لاني متاخرة

و دور ورا دور و انا حاسة بتانيب الضمير بالنسبة الهم

يعني انا موظفة و راتبي منيح هم يمكن ما بشتغلوا ؟ و محتاجين شغل ؟

و انا وحدة انانية بقطع رزقة غيري

و هيك طلعت اخر وحدة و بعد خمس دقايق ما لقيت الا العالم كلهم بركضوا و حالتهم حالة

يا ساتر و يدخلوا على المكتب و يطلعوا و اصوات غريبة و حالة

و انا زي الاطرش بالزفة و كل ما حاولت اسال حدا بركض و بصرخ

يا ربي شو في

انا هون خفت

ما لقيت الا صوت سيارة الاسعاف و حمالة و مسعفين دخلوا على المكتب و حملوا المدير اللي المفروض يقابلني على حمالة و اخدوا

و الكل وراه

انا انصدمت و لما انصدم بتجمد

ضليت واقفة بمكاني و انتبهت اني لحالي بالمكتب و ما في حدا غيري

صابتني موجة من الضحك فجاة على الموقف اللي صار بعشر دقايق

و نزلت من المكتب

يعني الله يشفيه شو ما كان معوا

لكن ما اظن اني ما رح ارجع بعد هيك على الشركة ابدا

هناك 12 تعليقًا:

Unknown يقول...

مش قصه الصراحه!!! جد بتخوف!!

انتي بأنو بلد؟ لأني كنت مفكرتك بالخليج؟

لبنــــــــــى يقول...

اهلا مياسي
بالفعل انا بالخليج
اتصلت اتطمنت عليه اليوم ( على المدير يعني )
طلع يا حرام صايبتوا جلطة
بس عايش

alzaher يقول...

عفوا بس انتي شو عم تشتغلي بالظبط؟
بعدني ما فهمت!

غير معرف يقول...

ya habebtiiii,,, waw 3jbni lamn 2lti inno btmski shantetk el sawda w btdhri mn el bait,, so cool d7kt hon !! inno tare2tek 7lwe be ketabeh..
w el osa el taneeh ya 3ami wala alla satar ma sabato el jalta wa2t ma kan 3m y3mlk el mo2abalh.. wlee kan shu sar feki ya m3tareeeen 3ala hl maw2eff!! 3njd allah y3eneek bs hon kamen d7kt lan t`7ayalt el maw2ef keef w henen 3m yrkdo hehehehe :)

bdeee kameeeen!! 2lelna kl youm shu 3m eseer m3ek!

لبنــــــــــى يقول...

الزاهر كيفك ؟
انا هلا مدرسة علوم بس للمرحلة الابتجائية يعني الصغار النونو
:)
و كمان بشتغل في شركة تعليمية خاصة بحوسبة المناهج
يعني ممكن تقول قربت على السبع صنايع

لبنــــــــــى يقول...

جمانة كيفو
ضحكتيني لما قلتي منيح ما انجلط و هو بالمقابلة معي بيني و بينك حكيتها بسري بس استحيت
:))))))
يعني مع الايام رح احكي عن المواقف اللي صارت فيي بالمقابلات الشخصية
( افلام ) و اللي رح تصير فيي

Che_wildwing يقول...

فكرتينى بصاحبة التنورة القصيرة
اللى اشتغلت بتنورتها

لبنــــــــــى يقول...

ههههههههه و في منها كتير
بتذكر اول ما اتخرجت من الجامعة كتبت عقد مع شركة و قبل ما اداوم بيوم اتصلوا اعتذروا مني لانهم لغوا العقد لسبب انهم بدهم موظفة الها خبرة اكتر مني
المفاجاة كانت انو بنت جيران احد اقاربي هي اللي توظفت و كانت اصغر مني و ما عندها اي شهادة او خبرات و راسبة بالثانوية العامة
بس في عندها مؤهلات اخرى خلت منها زوجة السيد المدير بعد 3 شهور فقط ....

سيدة ُ الزُّرقة يقول...

ضحكتيني عند ها الصبح..

أنا رح حط إعلان..بس ديري بالك تتفركشي وتجي على المقابلة..شي ألغام وشي جلطات والله يسترنا من التالتة


ودٌّ

لبنــــــــــى يقول...

سيدة الزرقة
بجد بلشت اخفف من تقديم طلبات للوظائف يعني الموضوع ما عاد مضمون
و كويس انك ضحكتي :)
هلا فيكي

غير معرف يقول...

Hey I'd like to thank you for such a great quality site!
I was sure this is a perfect way to introduce myself!

Sincerely,
Edwyn Sammy
if you're ever bored check out my site!
[url=http://www.partyopedia.com/articles/care-bears-party-supplies.html]care bears Party Supplies[/url].

غير معرف يقول...

Hey www.blogger.com dudes.

Are you searching to get your Site [b]Listed on top of Yahoo[/b] search engine? Maybe you are looking to get more traffic? We have the perfect deal for you! We offer you an exclusive chance to experiance the knowledge of our [b][url=http://xrumer-blast.com/marketplace/xrumer-products/]Xrumer Experts[/url][/b]. [url=http://www.xrumer-blast.com][img]http://xrumer-blast.com/wp-includes/images/smilies/icon_smile.gif[/img][/url]

It is NOT trash! This is a human created message created specifically to demonstrate the power of our automated software and its potential of reaching wide variety of audience in an effective and time saving manner.

We are a group of veteran [b]Xrumer[/b] and [b]SEO Experts[/b] that provide [b]Affordable, High Quality, [url=http://xrumer-blast.com/marketplace/seo-products/]SEO Service[/url][/b]. Post your message on thousands of forums, message boards, blogs and journals and gain organic traffic in a matter of days! With the help of our [b][url=http://xrumerblast.livejournal.com/]Search Engine Optimization Experts[/url][/b] your [b]Blog URL[/b] can appear on [b]5214[/b] journals and journals. Receive almost instant increase of SERPS, Get thousands of quality backlinks directly to your Forum without lifting a finger!

Our goal is simple; we want to make you and your website on the top of every search engine so you and your family can enjoy the comfort of steady, automatic income without leaving your home. Trough our [b][url=http://xrumer-blast.com/contact-xrumer-blast-com/]SEO Advice[/url][/b] you will get one of the best support seen in the industry. As part of our [b]Search Engine Optimization Services[/b], we take care of everything for you, from Optimizing your Website for search engines all through ranking your Blog on the first page of your Bing.

For more information regarding [b]Search Engine Optimiztion[/b] and [b]Xrumer Blast Services[/b] visit [b][url=http://xrumerservice2010.tumblr.com/]Xrumer Blast[/url][/b]. Our site includes everything you need to order your first [b]Xrumer Blast[/b], you can create the most appropriate message (Project) to suit your Blog, send us the information and after the payment clearance we will start working immediatly!

[url=http://xrumer-blast.com/marketplace/][img]http://xrumer-blast.com/wp-content/uploads/Xrumer-Blast-Logo.png[/img][/url]