الجمعة، أكتوبر 02، 2009

قتلهم مرة اخرى

منذ الصباح الباكر و انا اتابع على شاشات التلفاز خطوة بخطوة عملية تحرير الأسيرا الفلسطينيات . و المتابع يلاحظ ان الصفقة ابرمت مع حكومة حماس بوساطة المانية لكن خلت الساحة من الاعلام الخضراء و حلت محلها الاعلام الصفراء ( فتح ) و الاعلام الحمراء ( الجبهة ) و الله ساحتنا بتشهد تنوع و لا صحن الفتوش المهم . و قيل أن السلطة منعت رفع الاعلام الحمساوية لسبب ما بنفس يعقوب
و ما ان خرجت الاسيرات و عمت الفرحة على الساحة و انهمار الدموع لم توجه ايهن اي شكر على الأقل للايدي التي اسرت شاليط افندي اللي قايمة الدنيا و قاعدة على خازوق مشانو . ليس بالضرورة ان تكون حمساويا ان شكرت حماس بل فقط يكفي ان تشكر المجهولين الذين عرضوا نفسهم للموت لخطف الجندي الاسرائيلي و ان تشكر اهل غزة لما تحملوه من قتل و ضرب بسببه او بحجته
لكن قبل الفرحة عدت للماضي القريب و تذكرت عمليات التبادل التي قامت فوجدت انها كانت تقوم على اساس تبادل جثث على الاغلب باسرى لكن مع التطور التكنلوجي صار البني ادم و حريتوا عنا تساوي عرض دقيقة لشاليط افندي و هو مبتسم ( بس حلوة انو ماسك جريدة عليها اسم فلسطين يعني حركات ) تخيل انك بلحمك و بشحمك و بهيبتك و حريتك بتساوي عرض دقيقتين على شريط ( دنياااااااا مع زفرة طويلة جدا ا )
طبعا هذه المقارنة لا تشمل الا المواطن العربي يعني ما تخاف لن تحشر مع زمرة الاجانب لانهم بني ادمين اما انت.. ما بعرف ممكن تراجع الدستور لتعرف
انا ساقولها : شكرا للايدي الخفية التي ساهمت بحرية بعض الاسيرات و ستساهم هي ذاتهابحرية اخرين و شكرا حماس لانك كنت خير المفاوضين مش زي صاحبنا ابو حقيبة رايح جاي على اوسلو و كل اللي بحكم عليه كرسي بالمقاطعة احقر جندي اسرائيلي ما الو اهل و يعتبر ابن حرام برجلوا بدفش الكرسي و بطر اللي قاعد فوقيه
و بددت السلطة الفلسطينية فرحة حرية الاسيرات بما قامت به مخزية بسحب دعمها لاعتماد مشروع قرار تنديد اسرائيل لما قامت به من جرائم حرب في قطاع غزة . بيني و بينكم كنت مش مصدقة لانو مستحيل ... بس مع الحكومة العبسية تحصل دائما على المستحيل
طبعا هي مجازا حكومة على مين انا شخصيا ما بعرف و لا انتخبت و لا اصلا صوتت كفلسطينية غصب عن ابوهم ما حدا سألني بس اللي بعرفوا انو الحكومة بدها وطن ؟ ايا وطن اللي بتحكموا يا عباس ؟؟؟
عباس قال في اخر لقاء معه في التلفزيون الفلسطيني انه يحب احفاده اكثر من ابناءه و انه ينحاز لحفيدتيه لانه لم يرزق ببنات . اعرف جدا ايضا في غزة يشتاق لحفيدته التي استشهدت في الحرب الاخيرة و لم يصدق للان انها ماتت لانهم لم يجدوا جثة بل دفنوا قطعا من اللحم المقدد بالفسفور . ماذا لو حصل لاحد ابنائك او احفادك ما حصل لذلك الرجل العجوز في غزة ؟؟ هل تقبل بسحب دعم الحكومة ؟
و طبعا النا تاريخ بموضوع سحب القرارات لو رجعنا شوي لورا و تذكرنا مخيم جنين ... بس شو صار بعد هيك ؟؟؟
و شو رح يصير بعد سحب القرار يا ترى رح يستخدم الفلسطينيين شريحة هاتف نقال جديدة بارخص الاسعار
مش بقلكم صار البني ادم عنا و حريتوا و دمو بساووا تكنلوجيا ....
عن جد غصة بتقتل و خنقة ... بكفي حكي
قلم مبدع ( بعد اذنك ياسين )


هناك 8 تعليقات:

ثائر جبر يقول...

طبعا ما حدث, هو طبعا نصرا للمقاومة.
و لا بأس ببعض الشكر للحضارة الغربية التي أصلت مفاهيم الأنسان بكرامته و قيمته , فهذه المفاهيم هي التي دفعت الحكومة الأسرائيلية الى دفع ثمن باهظ مقابل فلم يوتيوبي قصير , لكي يطمئن المجتمع الأسرائيلي على شاليط "خلقة جندي -مبرغث-" (مبرغث مصطلح عسكري عربي يطلق على الجنود ذو الرتب الدنيا).

فلا غرب ان المواطن العربي يركب الأهوال و يصبح ماجلان عصره حتى يصل الى بلاد الغال و يحصل على جواز سفر يشعر من خلاله انه إنسان

jafra يقول...

ثائر ما جربه الفلسطيني من اهانة و موت و اسر و حصار لا ينطبق على كل الشعوب بل تفاوتت الطرق و الاساليب
و ما وصلنا اليه بايدينا نحن لا بايدي الغرب فقط خاصة ما نمر به الان
و جواز السفر لا يعطيك صكا بان تكون انسانا
ان لم تكن قبله

تحية

syriangavroche يقول...

عقبال كل الأسرى و المبعدين...


و شكراً على نقل اللينك :)


تحية

jafra يقول...

عقبال كل اسير بايا مكان و معتقل راي

نقل اللينك طبعا بعد اذنك :)
العفو

ماما يقول...

اهم شيء ان تتنفس اسيراتناالهواء
ان تحتضن كل منهن اولادها او امهاتها واخواتهابعد حرمان واشتياق
لكى تحياتى

ميسم يقول...

والله ياجفرا مش عارفه شو أحكي بالنسبه لهدول الأسيرات
والله يفك أسر كل هالأسرى وبالنسبه لتأجيل الادانه بالتقرير المشكله انه هدول المقرفين شئنا أم أبينا عم بيشتغلوا وبحكوا باسمنا ومعتبرين حالهم الممثل الشرعي والوحيد للشعب الفلسطيني الله يقرفهم بس زي ما رفعوا ضغطي اليوم

lubna يقول...

ايه..
الواحد شو بدو يحكي
دنيا تمشي بالمقلوب
تسمح بالخطأ و للشخص الخطأ بالجلوس و الظهور و البروز في المكان الخطأ..
الله يفرج عن بقية الاسرى
والله يخليلنا شاليط ..لو عندنا درزينة كنا حررنا القدس يمكن...مابنعرف!

jafra يقول...

ماما اهللا بيكي نورت صح معك حق و الله يعينهم

ميسم ضغط ابو ... ولا ضغطك ان شاء الله ابو ونوس بضل فوق راسهم لنخاص منهم
بس بصراحة شكلو ابو ونوس برجوازي ما بحب يضغط الا اللي زينا
لتكزني برجوازية ؟؟:)


دزينة من شاليط اعوذ بالله
اذا شاليط واحد وحرقوا اهل غزة بالفسفور كيف عشرة ... و الله لنصير كنتاكي :)