الجمعة، أبريل 02، 2010

اكذب اكذب حتى يصدقك الناس .....

و كأنوا العالم مليان صدق
و كل الناس اسم الله صادقين و صريحين
بيستنوا اول ابريل بس ليكذبوا
كذبة بيضا و كم فيلم قصير و ضحكة باخر اليوم و خلص
يعني كانوا نحنا عايشين في المدينة الفاضلة
و لابسين ابيض بابيض و
جوهنا كلنا بيضا من الحب و الاخلاص
لنستنى اول ابريل لنفش خلقنا
لازم يتغير اسم اول ابريل من كذبة ابريل ل................
يا بتحكي الصدق اليوم يا بتخرس -
و العرض اجباري - و خليه يستمر مش يوم بس 3 ساعات بكفي
الصدق ب 3 ساعات في العالم كلو مممممممممممممم .....
ما رح تزبط فرضا في زعيم وطني عندو خطاب
او شي قمة على الطريق
او فرضا صاحب شركة عم يعمل اجتماع
طيب و دعايات التلفزيون و الشوارع و الموبايل
كلها لازم توقف لانها كلها كذبة .
و حتى قراية الفناجين لازم تاخد اجازة
و نص الرجال ما يبينوا يومها
و يا عيني على حوا شو بدها تعمل اذا سالها جوزها عن سعر شغلة شاريتها
لا لا خليه يوم للكذب هي فرقت على هاليوم :)
كل كذبة و انتو بخير
هامش : يعني اذا كل كذبة كنا بخير اكيد
رح تكون حياتنا افضل لانو حتى على حالنا ما عم نبطل كذب
هامش تاني : انا عم خربش مستعجلة كتير مش عارفة ليش
مع هيك عملت ارسال بدون ما اقرا شي فسامحوني ( هاي عن جد مو كذبة )

هناك 6 تعليقات:

قط البكتريا يقول...

ذكرتيني بمسرحيه غربة ( يا فضيحتك يا ام شحاده )
بدك يوم للصدق ؟؟؟ شو يعني هل كلمة ؟؟
هل ايام شلناها من القاموس واستخدمنا تعابير تانيه ... يعني ممكن نسمي الصدق دفاشه ممكن نسميه وقاحه قله حيا
بس الكذب بنسميه ادب , تلطيف , مجاملة , سياسيه

فا عشان هيك تقرر الغاء هل كلمة من قاموسنا

Whisper يقول...

هههههههههههه
يعني هيك انت باخر التحليل اكتشفتي انه احسن اشي يضل يوم الكزب العالمي :)

الفكرة هي انهم بدهم يخلو العالم بهاليوم يخجلو شوي على حالهم و يعرفو ان الباقيين كاشفين كذبها

فبتلاقي العالم كلها قلب ملائكه بهاليوم وهاي اول و اكبر كذبه بتكون :)

ميسم يقول...

عاسيرته للكذب جريدة الغد نزلت خبر انه في أطباق طائره مش عارف وين نازله بأي منطقه فالأمن استنفر تخيلي
!!!!!!!!!وبعدين عاسيرة الكذب العالم نفسها بتحب ينضحك عليها ويتكذب عليها عفكره لانهم بتقبلوهوش للصادق

Ahmad Merie يقول...

o bemonsabet youm el kezeb el 3alame bahdeekom song "akdeb 3alek"

o song ma 3m befham 3arabi.. la julia botros..!!

el tenteen 3ende.. elle mesh 3endo aw mesh mla2eeha yotlobha 3adi

3la fekra.. ra7 3alay hal youm.. :(( ma l2eet 7ada akzeb 3aleh.. el kol saba2ni..

أشرف محيي الدين يقول...

الكذب هو أفيون الشعوب العربية منذ فترة طويلة وليس أول ابريل سوى جلسة استثنائيه من جلسات تلك المخدرات التي أدمنت عليها الشعوب .

تحية

الام الصغيره يقول...

الموضوع جدا رائع
والكذب حرام
لكن لو وقفتي لدقيقه ونظرتي بفلسفه سخيفه
هل ولو للحظه ازلنا كل الكذب الموجود في العالم الان كم من المشاكل ستحدث والحروب وووووو
ان هذا العالم مبني على كذب الانسان وتجبره
من النادر جدا ان نجد الصادقين في هذا العالم بل من المستحيل