الأحد، يونيو 06، 2010

هلا بدنا نشوف المراجل ...

في الفترة الاخيرة ويعني منذ سنين عديدة
و من الممكن ان تكون عادة متوارثة جينية و ليست مكتسبة من البيئة
كثرت و زادت الشماعات التي نحب ان نفصلها لانفسنا
و لغيرنا و تستخدم في تعليق جميع خيباتنا عليها
الا انها لم تعد تتحمل و لضيق العيش و الازمة الاقتصادية
بدأنا باستيراد تلك الشماعات من الصين
و لكن بالعودة الى الشماعات الاصلية
سنجد ان اشهرها و اكثرها تحملا
العرب
الحكام
لدرجة اعتقدت بها ان العرب شيئ من الجذام او السرطان
و لكن
برايي المتواضع جدا
العروبة و العرب ليس بالشيئ السيئ
هناك الكثير من العرب الذين نعتز بهم حديثا و قديما
لكننا ما لبثنا ان نردد تلك الكلمات التي توارثناها تبعا لخيبات اجدادنا
نكبة - نكسة - ايلول - مخيم -
عراق - سنة - شيعة -فتح - حماس - جنوب - شمال - مجاحة و و و و و و و
هل العروبة هي التي فعلت كل هذا ؟
و لست ادعي ان الحكام
او الحكومات المتعاقبة
ملائكة غضب عليهم الرب فارسلهم هنا ليعذبهم
كلنا يعرف و كلنا وقت القول يسكت ( وانا اولهم :)) )
المهم ايها العروبي المخزي من عروبتك تفضل
و ارني تلك الروح القوية التي بداخلك
و اقهر الغضب فيك و تفضل الى اسطول الحرية 2
ارني من الذي سيمنعك ؟
ما الذي سيمنعك من تادية واجبك اتجاه غزة
التي بسببها تجلس متسمرا
امام شاشة الحاسوب لتكيل الشتائم للعرب و العروبة
و غيرها باللغة العربية الركيكة
و الفصحى و العامية و اللغة الدارجة و هي ( تييييييييت )
حان الوقت لنرى هل العروبة المشكلة و العرب
ام انت ؟
كنت استكمل طلب الالتحاق بالاسطول الثاني و لكن اردت ان اشارككم بالعنوان قبلا
و دعونا نعري هذا الكون و نعري انفسنا و نرى الحقيقة
لمن اراد المشاركة باسطول الحرية 2
اضغط هنا
و اكمل استمارة التسجيل و سنرى
من هنا سنبدا بالتفكير بشيئ جديد
و بطريقة جديدة
والشكر لاسامة الرمح الذي ساعدني بتدوينته على التقاط انفاسي بعد اخذ العنوان

هناك 8 تعليقات:

Whisper يقول...

انا الي يومين بقنع اهلي بأني اعبي الاستمارة ومش راضيين :( ماما بتحيلي ان الجيش بس يكون الولد وحيد بعفوه وانتي البنت الوحيده فمعفيه

انا بصراحه عبيت الاستمارة و بعتتها :) واذا الي نصيب اني اروح راح اروح ان شاء الله :)

حنين يقول...

مرحبا جفرا
بشكرك وبشكر اسامة الرمح على نشر الرابط
ومتل ما قلتي هي طريقة جديدة لنبتعد عن رمي المسؤولية على غيرنا
ونحاول نفكر بواجباتنا
كمان حبيت خبرك اني نقلت التدونتين لامارتا
شكرا مرة تانية

غير معرف يقول...

السلبيه تقتلنا احياء فتجعلنا اجساد عليله بلا فائده

تحياتي

لبنــــــــــى يقول...

ويسبر مسا الخير
يا ستي اهلي مع انو عندهم بنتين قرروا هم الاعفاء بس بردو قدمت و عم حاول بكل جهدي انو اقنعهم يمكن الموضوع يوصل للاضراب بس اكيد مش عن الطعام لانو ماما بتعتبروا دايت

حنين
شكرا حنين و طبعا الشكر لاسامة كمان
و يا ريت ننقل الروابط بطريقة ما لمواقع اكتر لانو في ناس بتقدر تطلع على السفن بس مش عارفة كيف



فتاة من الصعيد : كيف حالك
بالنسبة للسلبية حدث و لا حرج بس يلا هينا عم نحاول
بلكن قدرنا نغير اشي

aflam toreksh يقول...

ربنا يوفقك

dkaken يقول...

الجهاد الكبوردي من خلف الشاشة و أنت ممسك مغ النيس-كافيه هو مبلغ الإيمان
و هو القصد من وراء النت
للعلم فقط تضامن البعض مع غزة بأن شربه بلاك!!!!! بدون مبيض أو سكر

غير معرف يقول...

اسمحيلي أختلف معك جملة وتفصيلا.....

أولا: مما لا يحتمل الشك الاستعمار والحكومات اللي وضعها الاستعمار هي السبب الرئيسي في ضياع فلسطين وفي مايحدث الآن.

ثانيا: اساطيل الحرية ليست حل سحري..ولا يوجد نقص عدد في المتطوعين، بالعكس يوجدا زيادة...ايران لوحدها رح ترسل 100و000 متطوع...وطبعا اسرائيل مش رح تدخل حدى


ثالثا: فقط لأنو البعض مارسوا "نوع" من أنواع النضال، لا يعني انو ينظروا على كل الوطن العربي...يعني مثلا سمير الفنطار قال انا مش رح أمسك عميلة وحدة وأضل احكي فيها ثلاثين سنة..رح أرجع مرة ثانية على فلسطين...المقصود هو عدم لوم الناس على عدم المشاركة في اساطيل حرية في الأساس ينقصها دعم سياسي أكثر من عددي....


رابعا: مدونتك ممتازة، وبترفع الراس :)

لبنــــــــــى يقول...

دكاكين : لا و زادوا السكر لانهم مو متعودين على المرارة

hamdanism :
صحيح انا معك و لكن الحكومات ضيعت الكتير من 62 سنة بس نحنا شو عملنا
؟
لا الاساطيل و لا التبرعات حل سحري و لكن مش قليلة انو نبادر نحنا بشي بسيط متل ما غيرنا عمل
الخلاف بنقطة انو كتير عالم و ناس نازلين سب و شتم و لا عمل
مش ضروري نسب عروبتنا لنبين انو نحنا زعلانين
العروبة ما عملت شي غلط نحنا الغلط
و عم نقرا التريخ و مستنين يعيد نفسو و انتصاراتنا تيجي على طبق ايوبي او بيبرسي او اموي او حتى نبوي من غير ما نفكر حتى بانو نعمل شي
و سفن او اساطيل الحرية متاحة على الاقل شارك او ساهم و يثبت الانسن لحالوا اولا انو بيقدر يعمل شي من غير ما ينزل سب بالعرب و العروبة
يعني فكرة بسيطة و فشة خلق

اهلا بك على صفحات خربشاتي