الثلاثاء، يونيو 29، 2010

إجازة و أكثر












متل العادة بلشت الاجازة الصيفية للعاملين متلي بحقل التعليم ( عن جد حقل ) لانو العمل بالحقل يعني الحفر و الحرث لكن الحقل و الارض يمكن تعطي بعكس ما المعلم بصير معو


بيحرث طول السنة و لكن شو الحاصل او التحصيل


يمكن شوية طلاب فهموا و راتب مزري و اجازة ما خططت فيها لاشي


يمكن تصليح كمبيوتري اللي كان عم يحتضر من الفايروسات و القصص اللي انا محملتها من برامج و افلام تعليمية خلتني ارجع شوي لتركيزي و انو الاجازة نافعة على الاقل لارجع اقرا و اشوف اخبار الدنيا


يمكن


و يمكن المفيد اني هلا بقدر اشرب قهوتي باي وقت من غير ما احسب حساب اني انام و اصحى بكير مع اني لهلا عم فيق بكير ليش ما بعرف


بس لهلا ما في خطط ابدا


و عم استنى لهلا اقرر شو بدي اعمل


شو رايكم ؟


على فكرة بالرجعة لموضوع استقالتي من المدرسة الادارة ما وافقت و صار شوية اتفاقات بعرف انها ما راح تتم و رح ضل معلمة علوم بمدرسة خاصة الى حين ؟


الا اذا لقيت شغل بناسبني و بتوافق مع خبرتي التعليمية او على الاقل بقدر اني اعمل في شي مهم


ساعتها رح اكون شريرة و اكتب عقد و ما رح اسال باتفاقاتهم او قرارهم


انو الواحد يكون شرير احساس حلو على فكرة


حكيت كتير صح ؟



هناك 16 تعليقًا:

حـــــدوتـــــة يقول...

السلام عليكم

بقالى كتير مزورتش المدونة
فقولت اعدى واسلم عليكى
اجازة سعيدة

سلالالالالالالالالالالالالام

فتاه من الصعيد يقول...

ههههههههههه

كتير ايه انتي لحقتي :)

يلا على خير كده وتقضي اجازه سعيده وتعودي لنا

تحياتي

jafra يقول...

اهلا و سهلا
بقول المدونة منورة ليش ؟:)
شكرا الك و كلك زوء

حمدى جعوان يقول...

احسن شى ماتسوى شى وخذيلك كمان اجازه من التفكير

او اتمرنى على انك تكونى شريره

اجازه سعيده ان شاء الله

jafra يقول...

اهلا يا فتاة من الصعيد الجواني قوي :)
كيفك اشتقنالك الي فترة عم حاول زورك بس شكلك ما عندك قهوة
وينك هلا على اي عنوان عم ضيع طتير بهالايام
وين بدي اروح
رح كون متواجدة
تحية

jafra يقول...

حمدي
مسا الخير
صح بدي اتدرب لاصير شريرة بلكن بتنعدل معي هالدنيا العوجة
فكرك ؟؟؟
بنجرب معانا لقبل رمضان :)

kenan alqurhaly يقول...

فعلا شعور الانسان بأنه شرير ممتع وفيه لذه شريرة ولكن المشكلة تبقى مع الأخلاق لذا يجب ابادتها من الجذور :)

مياسي يقول...

مش عارفه ليش بتضلي تعتذري عن الحكي الكتير

مع اني انا بحس حالي اكتر وحده بتحكي ما شالله:)

على فكره باعتباري مستقيله من عملي جديد، وبصحى بدري طول الوقت، ومش عارفه الخطوه التانيه فانا متعاطفه معاكي جدا :)

Rita يقول...

انا قررت اتعلم اسباني هالصيفية
(من وحي المونديال طبعا D:)

كوني بخير :)

مهندس مصري يقول...

استمتعي بالأجازة و حاولي تستريحي من ارهاق العام الدراسي
ربنا يوفقك للخير
الأغنية جميلة جداً

Haitham هيثم Al-Sheeshany الشيشاني يقول...

لسا إحنا الإجازة في حقلنا التعليميّ ما بدأت بس نفس الهموم !

أنا مخطط أعمل كم مقابلة و إذا الأمور شبه بتزبط بطلق الجماعة هدول طلاق بينونة كبرى لا رجعة فيه!

شو رأيك نشجع بعض و نقوم بمغامرة نصف محسوبة :]

نادر احمد يقول...

مساء الخير جفرا
وين ما بتشوفي مصلحتك امشي وراها، بلا اتفاقيات بلا وعود بلا هم
المؤسسة دائما أقوى من الفرد، يعني راح يدبروا حالهم ازا سيبتيهم، المهم مصلحتك
اكتر اشي بيعجبني فيكي هو انك مشرانية :)
كل الود جفرا

jafra يقول...

كنان : اهلا فيك
هي المشكلة شوي بالاخلاق بس صاير بهالزمن كل اشي الو مبرر اخلاقي و فتوى كمان :)
تحية


مياسي : شكلو كل المدونين رح يستقيلوا و يقعدوا بالبيت و ندون و نكتب
احسن شي
اذا خطر على بالي شي فكرة او شي شغلة نتسلى فيها رح احكيلك و انت كمان :)
و على قصة الحكي كتير شكلو تعقدت على قد ما اهلي بقولولي بتحكي كتير :)

ضلك احكي حكياتك حلوين يا مياسي

jafra يقول...

ريتا
كيفك ؟ يعني بعد فترة بنلاقيكي بتكتبي بالاسباني :)
يا ستي فكرت بهيك شي و قلت خليني اخد دورة انجليزي و فرنسي لانو محسوبتك صايرة متل الهنود بالانجليزي من قلة الممارسة و هاي طبعا مشكلة بس لما رحت اسجل لقيت الدورات مبلشة و لاخد دورات مضغوطة بدها تكلفني الدورة اكتر من الف و خمسمية دولار
يعني كسرة ميزانية مرتبة :)
لهيك تم تاجيل الموضوع
هلا عم حاول اتعلم شوية فوتوشوب لحالي لحد ما الاقي دورات وقتها مناسب و مش مضغوطة :)
ابقي بالقرب ريتا


مهندس مصري : شكرا الك كلك زوء
و بتمنالك كمان اجلازة اسعد
و اروق
و الغنية هاي كتير بحبها ما بعرف بس بحسها كتير قريبة :)
كن بخير


هيثم انا عندي هلا استعداد للقيام بمغامرات بالمرة مش محسوبة مش نصف محسوبة
بتمنالك التوفيق و ابقى خبرني شو بصير معك يمكن يكون فال خير الي


نادر مسا الورد
يا سيدي انا معك المؤسسة دائما اقوى من الفرد بس اذا كان الفرد مميز بالمؤسسة هادا الشي بيدفعها و بميزها
بس عنا نحنا المؤسسات ما بتحسبها بهالطريقة المهم انو الشغل ماشي
كيف و ليش ؟؟؟ ما بتفرق
بصراحة حابة اني اغير شغلي بس ما افقد كل الخبرات اللي اكتسبتها
حرام
عن جد بحس اني كويسة بمجالي و بعمل شي منيح
بس بدي فرصة احسن
و رح استناها

( مشرانية ) هاي ما فهمتها نادر :)
على العموم بحب اني العب دور محمود المليجي لكن ما بنفع معي دائما طالعة مريم فخر الدين باهبل ادوارها

كن بخير

Whisper يقول...

يعني لاني غبت كم يوم عن المدونات الكل صاير نشيط و كاتبين موضوعين جداد مش موضوع واحد :$


الله يعطيكي العافيه و انبسطي بالعطله كتير, انا دائما مع المعلم لاني بكرة مهنة التدريس و جربتها قديش صعبه, و عرفت ليش الاجازة الصيفيه طويله, يا دوب ليرجع المعلم لمود الانسان الطبيعي و يرجع يجمع طاقه ليبدا صراع بسنة جديده :)

الشغل الخاص هاي مشكلته, انهم غدارين و فجأة ممكن يستغنو عن الموظف , بالكلية اللي درّست فيها, كان اذا طالب شكى عالاستاذ يطردو الاستاذ, لانه رسوم الطالب بتغطي راتب الاستاذ و زيادة وما بستغنو عنه

jafra يقول...

ويسبر كيفك
يلا مشان تضلي متابعة و ما تغيبي عنا
بنشتقلك احنا:)

المدرس و ما ادراك ما المدرس خليها على الله و القصة اللي ذكرتيها عن الكلية ما بتختلف كتير عن المدراس الخاصة
الزبون دائما على حق :)