هلا اجاني هوم ورك من ابلة مياسي
هلا لكون صريحة بنبسط بس شوف حدا يتذكرني حتى لو بهيك قصص رمزية فشكرا الك مياسي
و مع اني فاشلة كتير بالحكي عن حالي و بقدر
اوصفلك بطيخة من جوا قبل ما تفتحها بس للاسف لما بحكي عن حالي بكون ....فاشلة
لهيك رح احكي كم شغلة باختصار حتى ما تكرهوني :)
ست اسرار
1- اغلب الناس اللي بتشوفني بفكروني كتير قوية - للاسف الشديد انا قوية بس مو لهاي الدرجة
2- انا ما بحب الكمبيوتر مع اني بقضي عليه وقت كبير - س لهلا بحب امسك القلم و الورقة و اخربش
3- ما بحب الالتزام بالمرة و بكره البس ساعة و ما بحب اي حدا يسالني كم الساعة و بخاف من الوقت كتير
4- بحب الرقص كتييير بكل انواعه من الدبكة للشرقي و اللاتيني اكتر شي ( عن جد تاج فضايح )
5- كتير ناس بفكروا اني ملحدة او شيوعية او مش عارفة بس المهم اني رح افوت النار
( على اساس انو فوتت النار بالتصويت او بايدهم )
... ليش ما بعرف ...
انا بحب الله و القلب على اليسار بس بالاخر و الاول انا انسانة من هنا او هناك :)
6- اخيرا . ممممممممم ...
على قد ما بحب بكرة و للاسف اللي كرهتهم تماما كانوا ناس بالاول الهم مكانة خاصة كتير عندي
يعني انا يا بحب يا بكره ----
ما عندي تسامح بالمرة
و لا قلبي كبير و لا هالحكي كلو -
اذا كرهت اي انسان او اخدت موقف للاسف ما بتراجع عنو ابدا :)
بتمنى ما تشوفوني شريرة بعد هالبوست
بس هاي هي جفرا :)
هناك 13 تعليقًا:
ههههه
يا ستي يسلموا انا اللي انبسطت بانبساطك:)
حلوه ابله ذكرتيني بالخليج وايام الخليج
بتخيل انك قويه نعم
متلي بحبش الالتزام:)
هههه حلوه وانا بستمتع بالرقص مع اني ما بعرف ارقص، في لبنان كنت مبهوره بشطارتهم بالدبكه هيك اشي احترافي!!
عالنار مره وحده؟!!! ما بظن
الحب والكره: يا بتطخه يا بتكسر مخه يعني؟!!
لا شريره ولا شي خدي راحتك وبسكوتك:)
شو بس 6 ؟؟؟ مابيصير لازم أكتر..انا كتبت 25.....في شغلات مشتركة بيننا...
جفرا صاحبه مدونه لجو اولا خليني اقول اول مره اجي هنا بس باين ماحتكون الاخيره عجبني ديكور المدونه جدا.
شكرا مياسي كانت سبب دخولي حتي اشوف الناس الي ورطتهم/ن في التاج.
صراحه في اجاباتك مدهشه
ياريت تطلي مدونتي كمان
مدونه صباح الخير _علا
انا للاسف كان خطي حلو من زمان بس هلأ مع اعتمادي الكلي على الكمبيوتر حتى بالكتب الرسمية بالشغل بس اكتب خطي صار اشي عجيب :$
انا اذا ما لبست ساعه بحس حالي تايهه, ما بعرف اتحرك بدون ساعه وبدون ما اكون مرتبه الوقت بالزبط :)
بصراحه...انا من الناس اللي ما فهمت توجهك بالبدايه :$ بس بعدين فهمت شو قصدك :)
الشرير هو اللي بخبي وما بحكي اللي بقلبه, و واضح انك مش شريرة بالمرة يا قمر :)
هههههههههه
تاج الفضايح ده داير ع البلوجريه كلهم ولسه مجاوبه عليه :)
اجاباتك صريحه اوي :))
تحياتي
مساء الخير
اكيد مش شريره ...واحييك على صراحتك وموقفك الواضح....لكن يا وردييييي ما في اي شي مشترك بيننا ومع هذا اجد نفسي معجبه جداً بشخصيتك
نهارك فل يا عزيزي
مياسي : اه ابلة هاي من الخليج بامتياز ومصدرها مصر على ما اعتقد
اول ما اتوظفت كنت اكرهها كتير و احكيلهم مس مش ابلة بس اتاقلمت و كبرت عقلي
و شكرا مرة تانية على الراحة و البسكوت :)
hamdanism
بكفي 6 و ساعة لعرفت اكتبهم و احترت و شربت فنجان قهوة و حالتي حالة
ضروري الفضايح اكتر من هيك :)
صباح الخير --- علا
اولا نورتي المدونة و خليتيها تضوي اكتر ما هي مضوية بهالبرتقالي
و شكرا الك و اكيد الي زيارة عندك حضري القهوة :) بشربها سادة انا
ويسبر الله يخليكي تسلميلي
و الله مش شريرة بس اللي بحكي الحق في هالوقت بصير يا اهبل يا شرير
يعني شرير احسن من اهبل :))
لا انا من جديد صرت البس ساعة و التزم فيها لحتى اعرف وقت الحصص بس
الوقت نوعا ما بهمني و برتب اموري بطريقة لذيذة شي يوم رح نحكي فيها اكيد
توجهي :) ؟؟؟ انت شكلك بدك توديني بداهية
لا يا عمي لا توجه و لا على بالك
انا هيك جفرا و بس :)
فتاة من الصعيد اشتقت لمدونتك بس للاسف خط النت عندي صاير سلحوفي كتير و يا دوب اشبك الا و يفصل
بس اكيد رح اشوف التاج الفضيحة عندك :)
نيسان في قانون علمي بقول ان الاشباة تتنافر و التضاد تتجاذب يمكن لهيك نحنا انسانيا متقاربين
ياسمينة لك
ام الخلود رح طل لاشوف الحملة و شكرا لزيارتك
( شكر لمياسي مرة تانية :) و الكم )
شكرا ً على المشاركة و خوفتينا "شوي"
:))))
بمزح طبعا ً بس الصدق دائما ً منجاة فما فيه خوف من ذكر بعض أسرارنا :)
*أنا كل ما قرأت هذا الهوم وورك ترددت شوي في أن أكتب بدوري! :]
جفرا يا جفرا
والله يارفيقتي احنا طلعنا متشابهين كتير
يعني عاسيرة القوه أغلب الناس الي بتعاملوا معي بحكولي انتي كتير قويه لكن الي بدري بدري والي مابدري بكول كف عدس
أنا بكره الكومبيوتر.....
بعرفش أدبك:( بس بحب الدبكه
دايما في مشكله عند الناس وربط ما بين اليساريه والايمان كأنه الانسان اليساري يفترض يكون انسان ملحد
لكن السؤال الي بطرح نفسه انه مين أعطى الناس الحق انها تقيم الأخر طبعاشو ما كان الاخر وتوجه الديني
يعني ميسم =يساريه =مؤمنه =ملتزمه دينيا
مابعرف وين المشكله أو وين الغلط بالمعادله
لكن صراحه بعد فتره بالنسبه الي بطل الموضوع فارق
عاسيره الحب والكره ياريت أكون متلك كان عرفت أحط حدود لكتير أشياء بهادنيا
ودمتي
hmm..interesting blog , this is my first time here, but i am sure it will not be the last , following you for sure
مرحبا .. هاي مو أول زيارة الي عندك
بس بظن أول تعليق
ع قصة النار والجنة .. انا بكره اللي بتفلسفوا بهاي الطريقة .. يعني هم من الآساس مش فاهمين دينهم صح .. بتعلقوا بالقشور وبينسوا مضمون الدين .. اللي هي رفعة الاخلاق .. وكمان بنص الحديث .. الدين التعامل .. يعني مو شرط لآدخل الجنة اربي لحيتي 10 امتار .. المهم اعامل الناس بقلب ونية صافية !!
تقبلي تحياتي .. وشكرا لمشاركتا أسرارك :)
ايميل يجعلك من اصحاب الملايين
بقلم الدكتور محسن الصفار
جلس سعيد أمام جهاز الكمبيوتر اللذي اشتراه حديثا وتعرف للتو على عالم الانترنت الواسع , اخذ يقرا بريده الالكتروني وأخذ يتفحص الرسائل الواحدة تلو الأخرى حتى وصل إلى رسالة باللغة الانجليزية عنوانها (شخصي وسري للغاية) فتح سعيد الرسالة وقرأ نصها فكان مضمونه أن المرسل هو ابن لرئيس أفريقي سابق خلع من السلطة وأن والده أودع مبلغاً وقدره 100 مليون دولار في أحد البنوك وأن الأسرة لا تستطيع استخراج المبلغ إلا عن طريق حساب مصرفي لشخص ثالث ويعرض مرسل الرسالة على سعيد أن يعطيه 40% من المبلغ أي 40 مليون دولار فقط إن كان هو مستعداً لتقبل هذا المبلغ على حسابه الشخصي.
لم يعر سعيد أهمية كبيرة للرسالة في باديء الأمر ولكن الفكرة في امتلاك 40 مليون دولار دون أي جهد بدأت تحلو له شيئاً فشيئاً واخذ الطمع يتغلغل في نفسه , أرسل سعيد رسالة رد إلى المرسل وسأله:
- هل هنك من مخاطر في هذه العملية؟
جاء الرد بسرعة:
- لا لا أبداً ليس هناك من مخاطر أبداً أبداً ولكنك يجب ان تحافظ على السرية الكاملة ضمانا لنجاح العملية .
ردّ سعيد على الرسالة:
- هل من مصاريف يجب أن أدفعها؟
جاءه الرد:
- لا لا أبداً فنحن نتكفل بكل شيء أرجوك يا سيدي ساعدنا وستصبح أنت أيضاً من أصحاب الملايين.
من أصحاب الملايين!! كم هي جميلة هذه الكلمة وأخذ سعيد يحلم بأنه يسكن قصراً ويركب أفخم السيارات ويمتلك طائرة خاصة وو......
وفجأة وجد سعيد نفسه وقد أرسل رسالة فيها رقم حسابه المصرفي واسم البنك، وبعد يومين جاءه بريد الكتروني مرفقة به رسالة عليها أختام حكومية تفيد بأن وزارة المالية في ذلك البلد الأفريقي لا تمانع من تحويل المبلغ إلى حساب سعيد....
باقى القصة و المزيد من مقالات الدكتور محسن الصفار الهادفة الخفيفة الظل موجودة بالرابط التالى:
http://www.ouregypt.us/Bsafar/main.html
صباح الخير
انت متلي بعرفش احكي عن حالي:S
طلبوا مني 6 ما لقيت اكتر من 5
1. يعني بالنهاية قويه:)
2. No Comment
3. ما حد بحب الألتزام و إذا بتلاحظي اغلب الإلتزامات عد الإلتزام فيها اله عواقب..
4. NO Comment
5. عادي يفكروا Who Care؟
6. الواحد يدير باله في التعامل معك :(
و تحياتي:)
إرسال تعليق