الأربعاء، فبراير 02، 2011

نيرون 2011




نيرون مات و لم تمت روما
نيرون احرق روما و لكنها بقيت


و الوطن يبقى


و من مروا فوقه


رحلوا


و الذكرى تبقى لهم



و بما اني دكتاتورية
معلش اللي الو ايه كلمة على عبد الناصر
ما يعلق فيها عندي
عندو ايميلات الحزب الوطني و مواقعهم يروح يفش خلقوا هناك

-----------------------
بدأت الاعتداءات المتوقعة على المتظاهرين بداية في الاسكندرية
و فلتان امني
امر به الرئيس علانية
على الشاشات
( اما انا او الفوضى )
يا هيك الارادة يا بلا


هناك 10 تعليقات:

Whisper يقول...

الله يحرق دمه زي ما حرق دمنا بهالكلام اللي طلع يحكيه

بدوش يفهم و بدوش يحس على حاله.....بدوش يرحم و لكن رحمة ربنا جاي غصب عنه

حصّن حاله و ترك كلابه تنهش بالشعب

في اجبن من هيك؟؟؟؟

مهندس مصري يقول...

متأسف يا جفرا
مضطر أختلف معاكي
رغم مزايا حكم عبد الناصر خارجياً و داخلياً لكن كانت له عيوب خطيرة
أهمها خنق الديموقراطية و الحكم العسكري بقبضة من حديد عن طريق المخابرات و الجيش و الإعتقالات و المذابح و التعذيب في السجون لكل معارضيه المطالبين بالديموقراطية
و اللي كانوا بره مصر وقتها ما حسوش بده
و اللي إيده في المياه مش زي اللي إيده في النار
عبد الناصر هو من سن الإستبداد لمن بعده

مهندس مصري يقول...

بالنسبة لمبارك فهو عنده عناد منقطع النظير و بطء شديد في التغيير
و أطلق البلطجية و المجرمين بالاسلحة البيضاء لمهاجمة كل التظاهرات الحاشدة في وقت واحد في كل مصر و هم يهتفون
صلح صلح و إحنا معاك

منتهى الإستخفاف بالشعب

لو تراجعنا الآن سيملأ مبارك السجون و القبور بالثوار

لا تراجع حتى النصر أو الشهادة
يسقط يسقط حسني مبارك
كل أصدقائي في مصر إتفقوا على ذلك

Haitham هيثم Al-Sheeshany الشيشاني يقول...

بدو يخلد حاله و إنه هو مصر و بدونه مصر مش موجودة - كلهم هيك!

*ما حأعلق على عبد الناصر (I just did!)

لوول

naysan يقول...

شوفي المفارقات!!!
بين الراحل جمال عبد الناصر الله يرحمه وبين نيرون وأمثاله
الاول تحمل لوحده مسؤولية هزيمه أمه بأكملها وتنازل عن منصبه والشعب اصر على عودته
ونيرون وأمثاله...اللي الشعب بيطالبهم بالرحيل بصراحه وهم بكل وقاحه لا زالوا متمسكين بكراسيهم بالرغم من البلاوي اللي تسببوا فيها لشعوبهم

صباحك ديكتاتوري ...بأمتياز

Saleh يقول...

بما إنك دكتاتورية راح أدعوا لمظاهرة مليونية (يا دوب نعبي بيك أب) و نيجي نسقطك و نعملها ديموقراطية و برضة مش حنحكي كلمة ما بتعجبك عن عبدالناصر عشان ما تزعلي و عشان أنا مؤمن بأنه لا تجوز على الميت إلا الرحمة مهما كان.

و أتفق معاكي في التشبيه البليغ أعلاه، وإن شاء الله بيرحل اليوم قبل بكرة

jafra يقول...

ويسبر : انا في بداية الخطاب كنت واقفة
و بنصوا قعدت و حسيت دمو بغلي
كنت رح اموت
القصة اكبر من هيك
احساسك انو في شخص ايا كان هو و ايا كان منصبه و جنسيته
بيسمع الحكي تبع المتظاهرين
و بيغض بصر عن القتلى و الفوضى و الخسائر
كل هادا
و بكل برود
انا باق

يمكن في وجهة نظر مؤيدة لبقاؤه هالكم شهر و عم يشرحوها باعتدال
لكن الفكرة
مجرد الفكرة --- صدمتني


مهندس مصري :
هلا ما رح اكون ديكتاتورية عليك بكفيكم اللي عندكم :)
انا ما بختلف انو عبد الناصر عندو اخطاء لكن ايضا الانجازات تحسب الو
و موضوع السجون و الاخوان كلنا عارفينوا و قلنا انو كان في تجاوز في زمن عبد الناصر
لكن مع هيك و وضعنا ازمنة عدة بجانب زمن هذا الزعيم ... رح نلاقي انو هو الافضل
و مش افضل السيئ
لا -- بكفي انو هادا الشخص مات و عاش و لم يفتح ملف فساد له او لاحد ابنائه . يمكن كان لازم يكون حسم ببعض القضايا و اعطاء مجال اكبر من الحريات لكن كان وقتها ثورة و امة كاملة على صفيح ساخن و هادا اللي ما راعاه اعداؤه و لا حتى المقربين منه
و على فكره وجود عبد الناصر اله جدل لكن مع وجود كل المتغيرات
في الامة و خاصة الوضع الفلسطيني الاسرائيلي - كان هناك اولويات للناس اللي برة
و صدقني انو متل ما عم نحس هلا مع الشباب بمصر كان هادا الاحساس مع اي مضطهد في اي مكان ايا كان انتماؤه
لكن اظنك بتتفق معي انو بهداك الوقت لم يكن في مجال للتعاطف الانساني لانو الكل كان يا دوب يتعاطف مع نفسو
غير انو الاعلام و وسائل الاتصالات كانت بطيئة و غير فعالة
و بالرغم من اني الي موقف من الاخوان لكن مع هيك ما بايد ابدا اهانة شخص لمجرد اعتناقه مبدأ او فكرة

على هيك ... النا حكي طويل عن ناصر

الله يقوي الناس بمصر بصراحة هم هلا في مفترق طرق
و كلها بتادي الى المجهول



الشيشاني : كنت رح اقيم عليك ثورة بس منيح انك ما حكيت :)))

هلا الكل مفكر حالو هيك ؟؟ لا بس العالم اللي عنا هيك بفكروا صدقني


نيسان : المفارقات رح يبينها التاريخ و الناس
نحنا جيل ما قرا كويس بالتاريخ لهيك كل عم يصدموا
لازم نكون على وعي اكبر
و يقظة مشان نقدر نكون على قد و حمل الحياة بكل مكتسباتها


صالح : انت مواطن صالح في مدونتي شكلي رح اعطيك كل الحقائب الوزارية :)
ما رح اكون متطرفة لعبد الناصر بس انا ما بحب انو ننسى كل شي مع التقادم
شكلو يا صالح الاخ لازق لا اليوم و لا بكرة

Saleh يقول...

في مكان آخر كتبت التالي:
لقد أطلق خطابه الثاني و تبقى له خطابا واحدا ليرحل بعده غير مأسوف عليه (و يا ليت لي القدرة على كتابة التاريخ لأشطب سنين عجاف في تاريخ أمتنا)، ألا يذكرنا تسلسل الأحداث بحاضر قريب في بلد عريق على بعد مرمى حجر

يعني التاريخ يعيد نفسه (لكن ما كنت متوقع إنه يعيده بسرعة و ربنا يعمي ع قلبه و ما يتعلم الدرس)، استني كمان اسبوع أو إثنين، إن شاء الله.

قبل 3 أيام كنت خايف إنه كل شيء يطلع ع فشوش و تضيع دماء الشهداء، و معاناة الجرحى، و آمال الأمة، لكن بعد إمبارح بأبشرك إنه الموضوع انتهى، و ظايل معه الطلقة الأخيرة و راح يعمل كمان محاولة و بعدين ع جدة (ما أظن حدا ثاني راح يقبله).

في شعار كان يتردد زمان و بعدين بيع بثمن بخس دراهم معدودة، فما ما ظنيت حدا بيتذكره: "و إنها لثورة حتى النصر"

jafra يقول...

صالح : الشعارات تورث ايضا للامم هادا بتاريخ كل الثورات
الثورة الفرنسيورثت شعاراتها للان و على اساسها انبنى الدشتور
هادا حسب فهمي البسيط للتاريخ
الشعار الاخير لم يورث
ثورة ثورة حتى النصر
لا ما حدا ورثوا بس في عالم عم بتزايد عليه
من كل الجهات
الثورة الفلسطينية استثنائية بكل المقاييس و لهيك ما فينا نقارنها ياي ثورات اخرى لظروفها و تعقيدها و خيباتنا نحنا كمان
ثورة مصر و تونس يمكن ترجعلنا شي
او تاخد منا الف شي
بس هي قائمة و نحنا بنتحكم بمردوداتها علينا
و اظن انو الشعب باي مكان هلا
تعلم درس مهم
انو فينا نحلم
و نحقق الحلم كمان
نحنا الفلسطينيين صار النا مدة ما عم نعرف حتى نحلم يا اخي
صالح : ليش جدة ما الجارة القريبة رح ترحب فيه
و ماما امريكا راحت فين
و لندن اللي فيها امواله ؟
هادا اشطر من اللي سبقه
بدو يامن حاله قبل ما يطلع بس

Saleh يقول...

موضوع إنه ثورات تونس و مصرممكن تاخذ منا إشي: هاظ مستحيل، ما طل عنا حاجة تنأخذ، فإن ما استفدنا مش راح نخسر، المهم همى يستفيدوا و إن شاء الله راح لكل يبني على الفايدة تاعتهم.

كل إللي حكيتي عنهم راح يكونوا أول من يتخلى عنه، "شاه إيران" كان من أصدق أصدقاء العم سام، و كان مريض و ما سمحوله ينزل من الطيارة كم من يوم ع بين ما يدبر حاله، برأيك راح يكون حضرته أهم من شاه إيران؟

و في يوم من الأيام كان صدام خط الدفاع الأول لمصالحهم ضد إيران، شفتي قديش وجبوه بس خلص دوره، و غيرهم، مش شايفله غير جدة بعد اسبوعين إن شاء الله.