الخميس، يوليو 02، 2009

لا لا لا لا مش H1N1 : (

باعتبار أن اجازتي السنوية قد ابتدات


و بلشت أحضر لطقوس الاجازة و الكسل متل ما بحب أسميها


و هي شراء مجموعة من الكتب و قراءتها و طبعا بعد نصيحة أحد الاصدقاء بكتاب معين قررت أتوجه للمكتبة لكن اتذكرت اني ما صلحت نظارتي الطبية المخصصة للقراءة


ما بعرف ليش بلبسها لكن كانت نصيحة اني من كتر ما بقرأ لازم ألبس نظارة حفظ نظر بس ما عملت شي أصلا غير علامة اعلى الانف


المهم رحت لمحل النظارات لأعمل نظارة جديدة بالمرة أفحص نظري و تفاجأت بالجو بالخارج انه غبار ( طوز يعني ) و للي ما بعرف شو يعني غبار معناها انك رح تتنفس تراب ناعم و لو حكيت كلمة معناها انك سفيت تراب و انت واقف على رجليك و طبعا انا عندي حساسية من الغبرة و بتصيبني نوبة من العطس ما بتتوقف الا بعد ما تطلع روحي


المهم


وصلت على المحل و البنت اللي هناك ما قصرت فرجتني كل الاطارات اللي سعرها مناسب و على الموضة بدخلة اتنين رجال بسالوا عن الاطارات


بلشت نوبة العطس و الله لا يورجيكم - صحيح أنا لما اعطس ما ببين علي لأنها مكتومة - لكن عطسات متكررة لأفقد النفس


ما رفعت راسي الا و الثلاثة أشخاص بالمحل بعدوا عني أربعة بلاطات بالحساب الرياضي متر بالظبط


طبعا الرجال اعتذروا و حطوا اللي باديهم و فركوها لبرة ركض


و البنت المسكينة اللي بتشتغل عم ترجف وغطت انفها بمنديل
انا بالاول استغربت لكن بسرعة فهمت انهم فكروا ب..................................


لا لا لا مش انفلونزا خنازير


كنت بدي احكيلها انا عندي حساسية من الغبرة بس مش اكتر



بصراحة انحرجت من الموقف واتدايقت

بعدها
صابتني نوبة ضحك حاولت اخفيها

و دفعت الفلوس بسرعة و رح استلم النظارة بكرا


يمكن عقمت المحل كلو بعد ما طلعت و رمت الفلوس


و روحت على البيت حتى ما انحرج بالمكتبة كمان
شفتوا الجهل شو بيعمل ؟


شفتوا الخوف شو بعمل ؟

أنا شفت :)







للمعرفة اكثر عن انفلونزا الخنازير و أعراضها





هناك 6 تعليقات:

ياسمين..وثلجٌ أبيض يقول...

الله يعينا على حالنا
يا عزيزتي..شو بدنا نعمل
بالمناسبة..مبروك النضارات
:)

jafra يقول...

الله يبارك فيكي
عن جد شو بدنا نعمل
بس صدقي الموقف كتير محرج

ماء تشرين يقول...

لا عادى هو الناس بقه عندها فوبيا حقيقيه يالجؤ ومش تيقي عادى ياعنى انت كمان اجرى اول متشوفى حد بيعطس ههههههه الجرى نص الجدعانه
ده مثل مصري مش عارفه انتو بتقولو ايه

بس سيبك مبروك على النظاره الجديده

jafra يقول...

هو نفس المتل ههه
بس تخيلي اذا واحد عطس و ركضوا اللي حوليه
فكرك شو بصير ؟

حنلاقي كل العالم بركضوا
والله منظر

الله يبارك فيكي تسلميلي :)

Me7'o يقول...

ههههههههههه

أنا من رأيى كنت استغليتى جهلهم ده وطلعتى تجرى وراهم فى الشارع
إنتى تعطسى وهما يجروا

والله منظركم هايبقى عشرة على عشرة
هههههههههه

jafra يقول...

me7o
هههههه
هاي ما خطرتلي
بما انو الجو دايما مغبر عنا
المرة الجاية بوعدك هيك رح اعمل
و الله عن جد فكرة نهفة
D: