اللي بيقرأ الخربشات اللي بكتبها هون لازم يعرف اني
مع حرية و اي حرية بس مش مع حرية بتضغطني أنا
و ما رح اعرف افسرها لاطفال من الممكن يكونوا اطفالي بيوم ما
شوفوا اللي صار معي و بعدها احكموا
" اجا على بالي اغير جو و اشرب فنجان قهوة انا مش عاملتوا يعني من حقي انو حدا ولو مرة وحدة يعملي فنجان قهوة و يجيبلي اياه على صنية هيك و اتدلل
المهم انضربت على قلبي و رحت على مكان جديد نصحوني فيه جديد و كول و رحت و انا عم استنى الصبايا قعدت على طاولة في الزاوية زي العادة و زي ما انا بحب . جنبي ناس عائلة هيك شكلهم حبابين
و قدامي اتنين شباب " من اللي طالع موضتهم هالايام " قاعدين . المهم
لفت نظري انو البنت اللي قاعدة مع العيلة السعيدة ( طبعا البنت عمرها ما تعدى 12 سنة ) قاعدة بتطلع بطريقة كتير غريبة على الشباب. يعني كل شوي بتلف راسها و بترجع تتطلع عليهم و بعدها تتطلع علي
انا في بالي قلت ما اوقحك يعني مو مالي عينك امك اللي قاعدة بتحكي تلفون و انت مفعوصة و هيك بتعملي كيف بس تكبري الله يعين اهلك؟
و ضلت تتطلع و لا نزلت عينها و بحكم انو هي على مستوى نظري ما قدرت اتحمل و من تحت لتحت اتطلعت يعني شو هالاشي اللي مو قادرة تشيل عينها عنو ؟
و الا
الشباب الطيبة ما طلعوا شباب طيبة
و فهمكم كفاية
ماسكين ايدين بعض و شو نظرات و همسات و حالتهم حالةو اللي بشرب التاني عصير و الاول بمسحلوا مكان العصير يعني و الله لو كان واحد و مرتو هيك بعملوا كان طردوهم برة و قالولهم دورولكم على بيت يلمكم زي ما كان واحد يعمل في كافيه كنا بنقعد فيه ايام الجامعة
كان هادا الشخص و اسمو عماد الله يسهل عليه كل ما شاف حبوب و حبوبة لزقوا ببعض اول مرة بيجي و برمي مسند بينهم و طبعا اذا ما استحوا تاني مرة بجيب الحساب و بس يدفعوا بقولهم الله معكم . بس لو شاف هالشوفة ؟ يعني محلات عائلات و ناس و اطفال شو مضطر العالم تشوف هيك اشياء و ما حدا يجيبلي سيرة الناس المتقدمة و اوروبا احنا مو اوروبا و اللي مو عاجبة يروح يرندف باوروبا و امريكا كمان
المهم نرجع للشباب اللي مو طيبة
هلا موضوع المثلية و حرية المثليين
يعني مهما حكيت عن التحرر و الحرية و التقدم و مهما قلت انو كل واحد حر بحالوا بس باول موقف
طبيت
اه رسبت بامتحان الحريات
يعني شو المفروض اذا هاي البنت سالت امها " ماما شو مالهم " ترد عليها و تقولها معلش هدول بحبوا بعض و هم هيك الله خلقهم و ترد البنت يعني ماما بصير احب بنت زيي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مثلا
او الولد اللي عمروا ما تعدى 10 سنين و قاعد يتفرج شوي و ياكل من الايس كريم شوي . شو ممكن يسال
المهم بس الام انتبهت لبنتهاو اللي بتتفرج عليه الها ربع ساعة
حاسبت و تركت المحل و هي بتجر ولادها كانها هاربة من شي حريقة
. بصراحة معها حق .
يعني لو انا ام و بنتي الطفلة اجت تسالني عن المثليين او شافتهم و طلبت تفسير شو ممكن احكيلها ؟
حدا بيقدر يقولي كيف بدي اقنع اطفالي بحريتهم
و احنا كمجتمع عربي عقائدي ان كان مسيحي او مسلم برفض هادا الموضوع و الرافضين اغلبية مش اقلية ليش المثليين مصرين انهم يظهروا و يضغطوا على المجتمع اللي رافض ظهورهم ؟
يعني بمعادلة الحريات و طبقا لمجتمعنا العربي ( يا سيدي القارئ مجتمعنا حتى لو متخلف و انهزامي و رجعي و ظلامي و غيروا )
الرافضين لموضوع المثلية عددهم كبير و وجود المثليين يضايقهم و بدها الف سنة ليتقبلوا و ما رح يتقبلو ا
ليش المثليين حابين يفرضوا حريتهم و هم اقلية على حرية الاغلبية ؟
يعني يتدايق مليون شخص متلا لارضاء الف ؟
هاي هي الحرية ؟؟؟
المهم الموضوع تطور عند الشباب و حاسبوا و روحوا و لما حكيت للصبايا انفتح النقاش و انو الموضوع متطور و انا مع تلاميذي مش عارفين شو بصير بالدنيا من ورانا و من ورا سور المدرسة
المهم اللي طلع معنا من خلال النقاش اللي امتد للعشا انو نحنا ما بنقدر نحد من حريةو تفكير حدا بس هو الاخر يحترم حريتي و تفكيري و ما وصلنا لشي ....
انتو لشو ممكن توصلوا ؟
شو ممكن تقولوا لولادكم ؟
الاطفال خصوصا ؟
اللوحة للفنان السوري : صفوان داحول
هناك 19 تعليقًا:
لا حول ولا قوة إلا بالله العلى العظيم
تصدقى يا جفرة أنا قعدت فاتح صفحة التعليقات ربع ساعة بفكر ومش عارف هاقول لأولادى إيه لو فى موقف زى ده
بس أكيد هافهم إن كده عيب وهاخرج فوراً من المكان ده....
ربنا يسترها علينا
تحياتى
انا كنت عم بقرأ عن هاد الموضوع مبارح بمدونة بشار بركات http://www.beeesh.com/238.html
هلأ يعني انا عندي شوية افكار حول هالموضوع
المثليين حسب قناعتي بشر من حقهم تتوفر الهم الحقوق الاساسية .. اللي هيي مفروض تتوفر لاي انسان بغض النظر عن اي ايديولوجية .. بغض انظر عن لونه او جنسه او عرقة ..وأيضا عن ميوله الجنسية
الحق بالحياة الحرية الامان ..
لكن (وهون بيت القصيد )
في دين في قوانين مجتمع في حدود للمقبول ..انا إزا كنت ما بتقبل اشوب شب عابط بنت .. بنفس المنظور (وزيادة كون انو منظر شاذ خارج عن الطبيعة ) ما رح اتقبل اشوف شب عابط شب !!
إزا المثلي شايف مفهوم الحرية انه يمارس شذوذه عالعلن فهون لازم نوقفله و نمنعو وبالقوة إذا لزم الامر
هو (تجاوزا ) حر طالما الامر شخصي بحت لكن ضمن المجتمع هو مقيد بنظام هاد المجتمع
يعني بالمختصر .. ان كان مثلي او سوي ما رح اتقبل منظر خارج عن الادب بمكان عام + المثلي لما يطالب بحقو لازم "كـ مريض " يطلب انو يتوفر الو علاج واستشارات مع اطباء نفسيين وهون انا بوقف معو / معها ..وبقول حق .. غير هيك انا او المجتمع مش مضطرين نشوف الشذوذ بشكل علني لانو الامر ما توقف عالبالغين ..مجنمع يعني اطفال يعني اسالة ما الها جواب ..ما رح اقول لطفل شاف تنين شباب انو معلش هدول Gays !! واشرحله شو يعني !!
طولت كتير كأنو
تحياتي jafra
Me7'o:
اهلا بيك و مسا الخيرات
بالظبط يعني نحنا اذا وعينا على هيك امور بعمر مناسب نوعا ما و بنحاول نفهم
انا كيف بدي افتح افاق طفل عم تتركب شخصيتوا و عقلوا و كيف بدي افهموا شو اللي عم يصير ؟
و انت قلتها
ربنا يستر
تحياتي
همسة
شفت الموضوع هلا عند بشار
يعني الموضوع متطور من ورا ضهري و الله هاي قصة يعني الواحد لما كان بحكي بالموضوع كان يفكر شوي و يحكي و شوي و ييصمت اكتر
انا بعرف انهم بني ادمين و انا مقدرة اللي هم فيه بس متل ما انت قلت
مجتمع و فئات و نفوس و احنا و مجتمعنا و دينا
يعني تركيبة مش زابطة ابدا
و بالفعل اذا اي طفل سالني و انت عارفة اطفال هاليومين بدهم يعرفوا مين اللي باض البيضة الجاجة الحمرا و الا الصفرا
بدقة بستفسروا عن الامور
طيب انا شو اجاوب ؟
و بالنسبة الهم هم المثليين : لازم يتقبلوا رفض المجتمع لاسباب كتيرة و يبطلوا قصة الغرب سمح و فلان حكى و اللي مو عاجبه يهاجر او يسافر للغرب اللي متفهم وضعوا
لحد ما مجتمعنا يقدر يتقبل
بس ما يجبر الاخرين على تقبل فكرة معينة
مش عارفة الموضوع مشلبك حاسستوا
" هامش : شو طولت ما طولت المدونة على حسابك "
تحية
السلام عليكم \\تطرقتي لموضوع أجهدني كثيرا كي أكتب عنه
وكتبت قصيدة فيه ما أروع إعلان التحدي لهم وطلبت أن تحاور معهم ولكن دون جدوي
اللهم اهدي
لك الشكر لموضوعك
سورى يالجوء انا مبعتبرش المثليه حريه ولكنها عمل شاذ بعيد عن الفطره السويه انا عن نفسي كده هقول لولادى انه ده امر مرفوض بالفطره وغير سوى طلبهم لظهور اعتقد انو بجاحه وواقاحه وانا شوفت مثليه كتير وانا صغيره لانى كنت في مجتمع مش هقول عليه بس المثليه فيه بين المراهقات منتشره جدا ربنا يرحمنا يعنى ويستر علينا من كل جديد بس لاتستغربي الامر فهو موجود وحتى بين المجتمعات الظاهر بها الالتزام ربنا يعافينا يارب
اشكرك على طرحك وتقبلى مرورى
استاذ احمد اهلا بك
طلب الحوار و التفاهم و الاعتراف و القبول و الرفض و قصص كتيرة لازم تصير بس الحوار على اي اساس ؟
اساس الرفض او من الممكن القبول بهم ؟
و لوين رح نوصل بالحوار ؟
الف سؤال و ما راح نلاقيلوا نعاية سعيدة ابدا
انا هيك رايي
تحية
ماء تشرين : حمدلله على السلامة وين هالغيبة ؟
يا عزيزتي هادا بالظبط اللي انا بحكي عنو عدم تقبلنا و رفض من ناحيتنا و ظهور معلن باسم الحرية من قبلهم في مجتمع له عادات و تقاليد و اديان و قصص كتيرة
في ناس لهلا بتحكي بموضوع عمل المراة اذا كان حلال او حرام
بدنا كتير لنقدر نستوعب وجودهم و نتفهموا مش نتقبلوا لكن للحوار ايضا معهم و معرفة الاخر فيهم
هم بني ادمين زينا و الهم حالة خاصة و احنا اذا انكرناهم مين رح يستوعبهم ؟
و كيف رح يحلوا مشكلتهم او رح يوصلوا للتفكير بانو عندهم مشكلة اذا؟
افكاري كتير كلخبطة
و انا بعرف اني ما رح اصلح الكون
____________
اسعدتني زيارتك
تحية
في رأيي ان اكبر عامل مساعد على انتشار مثل هذه الحالات هو الانترنت
وما اتى به من تسهيلات فاقت كل تصور
..
اولا يستطيع الشاب او المراهق ان يشاهد مالا يتخيله عقل بدون اي رقابة.. في مجتمع حتى الازواج فيه عندهم كبت..
ثانيا يستطيع ان يتواصل مع اي شخص ايضا بدون رقابة
اضافة الى المواقع الخاصة بالمثليين على سبيل المثال توجد في الياهووو رومات خاصة بهؤلاء ويتكلمون فيها بكل صراحة وجرأة دون اي خجل.. هذا للشباب
اما البنات خصوصاً المراهقات فيكفي ان تشاهد البنت مع صديقتها مشهداً واحداً على الانترنت .. وبعدها يلعب الخيال دورة ثم يأتي دور الرغبة في التقليد .. لان ما عدا ذلك غير متاح واقصد هنا الجنس الاخر...
للاسف لم نكن محصنين لمثل هذه الغزوات المتتالية التي كشفت مدى ضعف المناعة لما تصدره لنا الثقافات الاخرى بدون جمارك او ضرائب ..
ورغم كل هذا ما زال الامر محدوداً و مخفياً واتمنى الا يكون غير ذلك..
اما عن سؤالك الصعب فليست لدي اجابة الان على الاقل .
تحياتي لك
ما فعلا موجدين بنا ودى حقيقه وانا معاكى انو لازم نتعامل معاهم معا انو شئ مقرف الى ابعد الحدود ولكن يجب التعامل معاهم وفعلا اعتقد انهم غير مدركين لشذوذ هذا الفعل مع انو اى انسان فطرتو سليمه بيرفض هذا الفعل حتى في المجتمعات المتحرره والدليل ملكات جمال العالم التحاربت بسبب رفضها للمثليه يعنى ده مش بس في المجتمع العربي البيخفي دائما راسه بالتراب
معلش غبت شويه بس اكيد متابعه كل جديدك غاليتى
ماء تشرين
masrur:
عدم مراقبة الاهل لما يشاهدة اولادهم في شاشات التلفاز و ايضا الانترنت
ادى الى وجود خلل بالمجتمع
يعني الاساس هم الاهل
اذا الاهل مش راضيين يعترفوا بوجود شيئ غلط او خارج عن الطبيعة البشرية في ابنهم من الوضع الطبيعي ان يتطور
يعني نوعا ما الاهل هم الاساس
و انا لهلا بسال : شو ممكن نحكي للاطفال اذا سالنا عنهم ؟
شكرا لتواجدك على صفحتي المتواضعة
تحية
ماء تشرين :
احنا تعودنا عند كل ظاهرة او شي جديد مو عاجبنا ندفن راسنا بالارض
بس اظن انو نحنا كجيل استوعبنا اشياء اكتر من اللي قبلنا لازم نكون اوعى و نطلع من موضوع الرمل
و انا باكد مقولتك انو حتى بالعالم الغربي ممكن يكونوا مرفوضين لكن بوجود قناع
يعني مش بصراحة
سمعت من احدى صديقاتي اللي بتشتغل بمنظمة حقوقية غربية انهم رفضوا قبول طلب من احد المثليين لكنهم برروا الموضوع باسباب تانية
مش مواجهة صريحة
لا تغيبي بنشتاقلك كتير
تحية
مش المشكلة ولادنا لما رح يسالونا
المشكلة..انو نحن مين رح نسأل وع مين رح منحط الذنب..يا ترى عالمجتمع او الانفتاح او الحرية بمفهوما الغلط او عالغرب..والعولمة والى ما هنالك
وشو بدك اكتر من انو بعض بلادنا العربية صارت معتادة على هالصنف من البشر ومخصصين الهم نوادي ومقاهي خاصة
مش مشان شي مشان ما يتهمونا بالتخلف
شفتي اقرف من هيك تخلف يا جفرا
ويا خوفي نوصل لزمن يسمح بزواجهم
كحال الدولة التي اقيم فيها..
واللهم احفظنا من الاعظم
ياسمين
هم بالفعل صاروا بينا و موجودين و مو غريب وجودهم
و متل ما حكيتي بدول كتير " عربية " الهم اماكن خاصة وما حدا بقدر يححكيهم
و الله يسترنا من اللي جاي
و الله يا ياسمين لو شو ما عملنا رح نضل بنظرهم متخلفين لانو التحرر او التقدم او التخلف مش بهاي الامور
اظن انو في امور اهم نقنع فيها العالم او حتى حالنا
انو نحنا مش متخلفين
وجودك يسعدني
تحية
بصراحها يا جيفارا و ارجو أن اكون أنطق الأسم بشكل صحيح المضوع ده مقرف يعني في عدد من المدوتات العربية اللي بدافع عنهم مش دفاع عن حق إنسان في إنه يعيش لكن دفاع عن أن فعلة المثلية صحيحة و سليمة و فطرية !! و ده شيء عجيب و بيستدلوا ببعض النماذج من مملكة الحيوان !! و الغريب أن الشباب ده مثقف و متعلم و بيدعم القضية الفلسطينية بشكل قوي و كذلك الحريات العامة !! و صراحة أن لا أتصور نفسي في هكذا موقف أن أشرح لأبنائي ما هية المثلية ؟ بجد حاجة تتعب لأنه من المفترض أن لا يتعرضوا لمولثات الفطرة من حولنا التي أصبحت تملأ العالم بجد الله يعين الأبهات و الأمهات في هذا الزمن القبيح خايفة لأصحى يوم ألاقي في الوطن العربي من رجال الدين الإسلامي أو المسيحي اللي بيمشي على الموجه الغربية و يبرر هذا !! زي ما أصبحنا للأسف الشديد نجد بطارقة في أمريكا من المثليين !! أتمنى ألا يتنازل الشرق مهد الديانات عن مبادئه
مدونتك رائعة و أتمنى دوام التواصل إن شاء الله
اسراء نورت خربشاتي المتواضعة و اهلا بيكي
انو ندعم جميعا الحريات العامة و نطالب فيها و ندعم القضايا المختلفة
و ندعم الفقرا
و غيرو و غيراتوا اوكي بس من المفروض انو نفهم و نحسب كل شي بندعمو
انو اللي بعملوا المثليين من الفطرة . هاي اول مرة بسمعها و كمان بستشهدوا بالحيوانات يعني لو مشيت على 4 بكرا بلاقي مين يدعمني
و يا ستي انا رح احكي و امري على الله
اللي دعموا الدعارة العلنية في الشوارع و التلفزيون و قالوا هاي حرية بردو قالوا ما هي الحيوانات بتعمل هيك
فمن وقتها قلت اذا كانت الحرية انو نقارن حالنا بالحيوانات و نطالب انا نكون زيها حلو
و هاي كمان المثلية بتحججوا بالحيوانات
اذا الخلاصة انا ما بدي حرية توصلني للحيوانية
انا بدي قمع اشعر فيه اني انسانة افضل
طولت عليكي
و شكرا لتواصلك
هامش :
الاسم جفرا و ليس جيفارا
و هو اسم من فلسطين
و يا سيتي اذا جيفارا ليش لا بردو الاسم بشرفني
:)
حأحكي لولادي على قصة قوم لوط كما وردت بالقرأن الكريم و كان إيه العذاب اللي ربنا نزله عليهم بسبب أفعالهم الشاذة
حأعرفهم إن اللي بيحصل ده سببه إن الدولة تهاونت في تطبيق شرع الله
و إن الحد الشرعي لهؤلاء في الإسلام هو الإعدام و لكن لا يمكن أن يطبق الحدود سوى الحاكم - ولي الأمر - أو من يفوضه في ذلك
و حيث إن الدولة مش بتطبق شرع الله ظهرت النماذج الشاذة دي بل و إستعلنت بالفاحشة
استعلنت بالفاحشة يا بشمهندس
و اذا حكيت في الموضوع بتكون انسان فلامي و متخلف و غيروا من الاوصاف اللي وصلتني
الحل اللي انت حكيتوا منطقي و حلو لاطفال بسن المعرفة
و الله يعينهم ساعتها على اللي رح يلاقوا من كلام و يمكن افعال
لانهم بقولوا الحق
تحية
أظنني سأقول لهم : إن المثلية تنوع بشري موجود رغما عن المجتمع بشقيه المثلي و الغيري و سأحذرهم من الاقتراب من هؤلاء المثليين حتى يكبروا لأنهم في حداثتهم لن يستطيعوا الفصل بين ما هو واقع و ما هو صالح لهم فهناك أشياء في حياتنا هي واقع نتعامل معه بواقعية و هناك ما هو صالح لنتبناه ضمن أركان شخصياتنا و ليست المثلية من هذا الصالح بل من الواقع الذي نتعامل معه دون الانخراط فيه .. والله أعلم @ تحياتي لعرضك الجميل المفيد لهذا الموضوع الصعب @ آدم الدرعمي
إرسال تعليق