السبت، ديسمبر 05، 2009

فيس بوكية رغما عن انفي : - $ و ما يليه

قبل هيك حكيت عن الفيس بوك و ادميتي و من وقتها ما فكرت ابدا انو اعمل اكاونت
القصة مش اني مو مقتنعة او اني رجعية او معقدة لا الموضوع ابسط من هيك اني ما رح استفيد منو بس هاي القصة
اليوم و فجاة بكتشف انو الي فيس بوك و بروفايل على غفلة .........
طلعت القصة انو في العاب و قصص مو فاهمتها بتحتاج لجيران و اصحاب لتزيد النقاط فاختي عملتلي بروفايل و ضافتني لتزيد نقاطها او هيك شي انا ما فهمتوا
( عندي نسبة تخلف تكنلوجي كبير )
و بما انو القصة صارت غصب عني و بعدم علمي
فما اهتميت للباسوورد و لاحتى اني اشيك عليه ما اهتميت ابدا فيه
ما بعرف من وين بجيبوا الوقت لهاي الالعاب و غيرها
. و المراق و البال الطويل
مرة حوض سمك و مرة مزرعة و مرة مش عارفة شو
بدها وقت . و انا عندي مشكلة بالوقت
________________________
هو حلو الواحد لما يدخل على جماعة يسلم بتحية قريبة للقلب و دعاء متل السلام عليكم
بس ما بكون كفرت لو دخلت و حكيت مسا الخير
او صباح الخير
يعني ما بكون زنديقة و ما بنرد علي
او في ناس بتتعمد ترد بعليكم السلام و نظرة من طرف العين
يعني كلمة مرحبا و مسا الخير و صباح الخير ما اندرجوا من المحرمات او الاشياء التي تذهب بالعقل يا جماعة
" لو كنت غليظ القلب فظ اللسان لانفضوا من حولك "
يا ريت بنقدر نتقبل الاخر زي ما هو
اكيد ساعتها رح نكون راضيين عن حالنا اكتر
__________________________________
كتير مشتاقة لاسمع المعلم . مين المعلم ؟
طيب اسمع معي :)
هامش : الاخيرة انا كتير بحبها

هناك 16 تعليقًا:

Ahmad Merie يقول...

كلام جميل:)
بالنسبة لوضوع السلام لما احكي لحدا صباخ الخير و يرد علي ب-وعليكم السلام - بتنرفز و برد عليه و بحكيله!! أنا آسف المفروض انت ما سلمت عليك اساسا! سامحني!

Ahmad Merie يقول...

و بالنسبه الي لقيت كتير ناس انقطعت العلاقة بينا و رجعت عن طريق الفيس بوك! اله حسانته و اله سيئاته اكييد

لبنــــــــــى يقول...

احمد : هو اكيد الفيس بوك الو محاسن كتير انا بعرف ناس عم تعمل جروبات حلوة و افكار مفيدة للمجتمع عن طريق الفيس بوك و نحنا فينا نستخدموا كمان بطريقة مفيدة على الاقل لندافع عن افكارنا و معتقداتنا
بس للاسف الاغلب عم يستخدموا بطريقة هامشية
طبعا القصص هاي شفتها بتقرير تلفزيوني انا شخصيا ما اطلعت عليها لاكون صادقة
بس اكيد في ناس عم تعمل شي كويس بس كالمعتاد السيئ له اغلب الذكر

و بالنسبة للسلام بصراحة بطلت تفرق معي يعني اذا بدنا ندقق بصيرلنا شي و ما رح نستفيد

مرورك اسعدني

NasEr يقول...

7abbait !
el facebook mofeed trust me,I don't play those games n stuff,though some ppl are addicted, they take the time from their break at work to update their farm :/ wth !!! bas otherwise its a great mean of communication and staying in touch, give it a try,it also has the good stuff,not only the silly ones.

3anjad hay esset mar7aba w saba7 el 5air mesh tabe3eyyeh !! ino iza ma bte7ke el salamo 3alaykom you're judged 3ala toool! i use both !

wallah kol a'3ani Zeyad 3ala my Thai harddesk elle la halla mesh shabko 3ala my pc ! i used to sit n lsn to full albums ,u gotta love the man's work!

Che يقول...

الله على البوست
بجد فكره الفيس بوك دى جامده جدا ... الف مبروك على الفيس بوك و الاكونت اللى عليه
و بالنسبه لمسأله السلام فى مثل بيقول الفاضى يعمل قاضى

اقصوصه يقول...

اعتقد ان هاي اول زياره لي لمدونتك

اسلوبك عفوي وبسيط :)

سعيده جدا بالمرور من هنا

تقبلي مودتي

غير معرف يقول...

يربى بعزك

(:

عقبال عنا بس لا تقولي

آمين

لبنــــــــــى يقول...

ناصر : طول بالك انا ما قلت انو الفيس بوك مو مفيد اكيد الو فوائد بس كتير ناس بتجهلها على الاقل الناس اللي انا بعرفها
من فوائد الفيس بوك انو الي قريب انحجز على حاجز اسرائيلي فبعت بطريقة ما الخبرية على الفيس بوك و عرفنا كلنا و تصرفوا بعدها ابوه و اخوانوا
مش عارفة القصة بالتفصيل
بس انا هلا مش حاسة حالي رح كون مستفيدة بطريقة صح
ممكن بالمستقبل ؟
اكيد رح جرب عندي اجازة نص السنة فاضية فيها نوعا ما :)

che : الله يبارك فيك و بنأجل الحلوان لاعرف الباسوورد :)

اقصوصة سعيدة بمرورك

ياسمين : الله يخليكي و نشوفلك فيس بوك نونو نباركلك عليه :)))

قط البكتريا يقول...

محدش يقرب او يسرق من مزرعتي ..:D
شوفي والله مرات حلوة الالعاب السخفيه :D


بخصوص السلام عادي بشوفها بس بكره( هاي )
يعني مرحبا , السلام عليكم صباح الخير مسا الخير
انا جيييت يا جماعه ( ابن اخوي ابو الثلاث سنين بحكيها بس يدخل عنا )
بس الناس الي بحبكو الامور عموما بكرهم الي بحسو حالهم اصل الفضيلة واصحابها ... انو اذا حكيت اشي بقلك غلط وعيب وما بجوز
انو انا مش اول ابتدائي فلاي من قدامي

حياة تستحق الانقاذ يقول...

كنت كتي انقهر لما حد يرد على صباح الخير ب وعليكم السلام
تب شو الفرق ؟
تب مش المهم والمغزى انه الواحد يقول شي
بعد بحث طويل ما طلع الموضوع هيك
السلام من دين السلام
والسلام لأنه ربنا بخاطب عباده بهاد السلام
والسلام لانه ربنا خاطب رسوله بهاد السلام
تغيرت نظرتي للأمور
وتغير سلامي للناس

يمكن غلط الناس اللي بردوا علينا انهم ما بفرجونا الاشيا من منظور حلو نحبه ونتبعه ونتعلق فيه
على فكرة بحب كتيييييييير اغنية عااااايشة وحدى بلاك
وبالنسبة للفايس بوك
متله متل اي شي بالدنيا عملة ذات وجهين بس نحنا نشغل هالبطيخة ونختار

تحياتي
ميساء

Unknown يقول...

بالنسبة لموضوع Facebook ممكن الواحد يستخدمو لأغراض كتير منيحة يا جفرا :) و ممكن يضيع وقتو عليه :)
بتمنالك يوم سعيد :)

لبنــــــــــى يقول...

قط البكتيريا : مزرعة .... هي وصلت للمزرعة
لا انا بحب السلبطة يعني مدام فيها مزرعة نقر علي الاصل الفلاحي و لازم اخد الباسوورد و ابلش فيها

و بالنسبة للسلام انا معك بس احيانا بين الاصحاب كتير بتصير قصة هاي و انا بشوفها عادية
بس خلص انا رح اعتمد انا اجييت يا جماعة عجبتني :)

ميساء مجرد انك تدخل على ناس و تدعيلهم بالسلام و الرحمة هادا شي راقي انا ما عندي اعتراض
بس الشغلة تعود
و انا بحب كلمة مسا الخير
نهارك سعيد
بحسهم كمان حلوين
بالنسبة لاغاني المعلم زياد انا كتير بحبها و الها مراق خاصة عندي
الفيس بوك اكيد الو فوائد بس للاسف الاغلبية ما بستخدموها

يزيد مسا الخير و شكرا لتمنياتك اللي عم بحتاجها
الفيس بوك في اشياء منيحة
خلص لازم حدا يعمل بوست يبين في هاي الاشيا لينصفوا

Che_wildwing يقول...

مرور للتحية ... انتهى بسماع أنا مش كافر
تحية لأغانى المعلم

شيرين يقول...

أولا اسلوبك حلو جدا في الكلام
وثلنيا حسيت انك مثلي في موضوع الفيس بوك اللي سجلت فيه من اجل فقط الا اشعر بالتخلف التكنولوجي
فانا ارحب بصداقتك واتمنى لو اصبحنا فعلا اصدقاء وده بغض النظر عن طريقة السلام
لان لو الناس بتفهم كانت فهمت ان صباح الخير : معناها انني ادعو لك بالخير في هذا الصباح وحين ترد قائلا صباح النور: فانت تتمنى لي ان ينير الله لي طريقي في هذا الصباح ايضا
وبالطبع هذه المعاني الجميلة لا تغضب الله
وارجو فعلا ان اتعرف عليكي

Shaima يقول...

M3lish weneeeeek? aw el FB ma5ed 3a2lateek? :((
I really Miss Ur Postsss ..!!!

Whisper يقول...

كل عام وانت بالف خير علشان السنه الجديده

هالبوست انا ما شفته مش فاهمه كيف :$ مع انو قديم و انا جاي احكيلك انك طولتي علينا

المعلقين ما قصرو فما راح ازيد عكلامهم اشي :)

اشتقنالك ...