الأربعاء، يوليو 07، 2010

جيبوتي هي الحل

سمعت اليوم او لاكون صادقة اكثر قرات ان السيد الرئيس ( على من رئيس و لاي دولة لهلا ما بعرف ) محمود عباس - ابو مازن - يتجه الى جيبوتي لوضع حجر اساس السفارة الفلسطينية في جيبوتي
جيبوتي دولة عربية احترمها و لا اود ان اقول اي شيئ عن اهميتها او عدم اهميتها في جامعة الدول العربية ان ما يعنيني كفلسطينية هو ان يتوجه من يسمي نفسه رئيسا فلسطينيا الى افريقيا لافتتاح السفارة هناك الا يرى ان بعض المشاكل التي قد لا تشغل باله حاليا لانه مشغول اظن بجبل الاسمنت او تنقية الطوب المناسب او لعله اخذ حفنة من تراب الوطن المحتل من حديقه منزله ليجبل به الاسمنت و يضع تلك الطابوقة

اليس من الاولى على الرئيس الفلسطيني بناء ما تهدم من بيوت غزة
لا اقصد من حسابه الخاص او من حساب متعهد بناء الجدار و المستوطنات
لا ان يتضامن بحجر او بكيس اسمنت يدخل الى غزة و يكسر الحصار

و قبل ان يفكر في وضع حجر او عثر في جيبوتي ( اكرر مع اهمية جيبوتي ) اليس من الاولى ان يقود فريقه المكون من مسؤولين بناء الجدار العازل و حاملي ملفات المفاوضات التي اثقلت كاهلهم بكثرة اوراقها التي اغلبها فارغة من الحبر و الاخرى من المضمون و البنغريوني الاصيل و الاخرين الذين يبتزون ابناء و بنات شعبنا
لحل المواقف و المشاكل العالقة


مثل الاعتقالات الاسرائيلية لسكان الضفة و طرد المقدسين من ناحية اخرى و تهويد القدس


او هدم بيوت الفلسطينيين في الضفة الغربية


او مشاكل مصيرية مثل مشكلة القدس التي تهمنا اكثر من سفارة حضرتك بجيبوتي


اليس من الاولى ان تغفر لشعب غزة خطاهم ( بنظر السيد ابو مازن طبعا و اللي حوليه ) باختيار حكومة حماس و ان تزورهم





او ان تؤازرهم على الاقل بدل بيعهم بالرايحة و الجاية









اوليس من الاولى ان تجلس مع حماس و تتنازلوا عن الحكم و المسخرة القائمة و تتركوا الساحة حتى لو فارغة فهي ستكون افضل
ولن تكون القاضية سيدي الرئيس





لاننا شعب لا ننسى


الوطن


و لا الرجال العظماء


و لا حتى العملاء





لن نعتمد على برنامج وثائقي او كاتب تاريخ


نحن نرث و نورث ايامنا و تاريخنا و ذكرياتنا حتى الوطن بالصورة الحية





( ليكون رايح تحضر نهائي كاس العالم .مممممممممممم؟ من حقك ما حكينا اشي )

هناك 6 تعليقات:

فتاه من الصعيد يقول...

ابو مازن عار على السلطه الفلسطينيه ..

وككل الزعماء العرب لا يهتم الا بمصلحته

تحياتي

Whisper يقول...

لا تندهي...ما في حدا لا تندهي

الحكي مع عديمين الاحساس ما بنفع, وبس بتبحي صوتك عالفاضي

وقبل كم يوم سمعت انه من بيت السفير الفلسطيني بالاردن بصرّح "فلسطين دوله و الاردن دوله ولن يكون الاردن وطن بديل"

يعني وهو قاعد و الكوندشن شغال و جاي يكمل البزنس رّح الاخ

وما بستبعد ابدا ابدا لو يكون في مصور محترف بالمباراه....بلقطه

jafra يقول...

عار و 2 و 3 و 4 و 5 انا بعد بس :) مش قصدي شي تاني
بس هادا اللي عاجب ولاد عمنا بعيد عنا و عنك

و الله يا ويسبر ما عم بنده و لا على بالي هي بس فشة خلق
هلا يعني معقول السفير بالاردن يحكي غير هيك و بكرا اذا بدهم بغير
مش فارقة معاي
على راي الست فيروز
:)


ليش هو محتاج انو حدا يلقطوا يا حبيبتي ما في حيا بجيب مصور خاص معو يصوروا

تحية مسائية رقيقة الكم
فتاة من الصعيد و ويسبر

قط البكتريا يقول...

مشكلتك يا جفرا عندك غباء سياسي ( يخزي العين ما الطفني )

بتشوفي الامور بمنظور سطحي ؟؟ سيادة الرئيس بعمل خطة التفاف على امريكا اليوم جيبوتي بعدين بالعقل بساحل العاج الطرف الثاني من افريقيا حتى نقدر نطوق الموقف الامريكي
تكتيييييييييييييييييك

ما بنصلح حالنا الا بس يرجع قرارنا بايدنا

ونبعد عن مسطلح الواقعية السياسية وسياسية ردود الفعل

بنصلح بس يججي على راس الاهرامات السياسية الفلسطينة ( لانو كلنا روس )
ناس الهم نظرة استراتيجيه
مش اوباش وزعران وحرامية

مسرور يقول...

انا اعرف جيبوتي جيداً لكن من هو محمود عباس؟

برغم كل ما نراه او نسمعه
اشعر وكأن الفرج قريب
قريب جداً

تحياتي لك

jafra يقول...

قط البكتيريا يعني وين هالعالم و السلطة خاصة عنك
بصراحة افحمتني و الله ما كنت عارفة انو الطريق لاميركا هو جيبوتي معلش ثقافتي على قدي :))


مسرور
عباس واحد كان مارق و لزق لعنا
يعني متل ما تقول استعمار من نوع وطني بحت