السبت، أكتوبر 02، 2010

مواقعي المفضلة :)


شكلي رح صير مدمنة تاج أنا
و شكرا لأشرف على التاج و لأنو تذكرني و لأنو متل هيك تاجات بتخلي الواحد يتعرف أكتر على مواقع ممكن يستفيد منها و تساعده حتى بحياته العملية
طبعا هو سؤال واحد بس رح أغش طريقة أشرف بالتقسيم
مع إني مش مدمنة مواقع بس رح احكي عن المواقع اللي غالبا بزورها بشكل دائم او متقطع لكنها على المفضلة عندي
نبدأ بالسؤال :)

1- ما هي المواقع المفضلة لديك (كِ) وتزورها باستمرار؟ ضع (ي) رابطها و ما تستفيده منها ؟




اولا المواقع الأدبية :

1- الموسوعة العالمية للشعر العربي

2- القصة السورية

3- جهة الشعر

4- الورّاق

5- مكتبة مداد

6- مواقع الكتاب و الشعراء اللي بحب كتاباتهم و بمر عليهم من فترة لفترة






- أحلام مستغانمي

-غسان كنفاني

- نزار قباني



بستفيد منها ادبيا كتير خاصة للاطلاع مع اني بحب القراءة الورقية و مسك الكتب بكلتا اليدين لكن للاطلاع او الاقتباس او التذكير :)



ثانيا المواقع الإخبارية :

1- الجزيرة

2- عمان نت



بشوف اخبار الدنيا



ثالثا الصحف و المجلات "
بصراحة كنت دائمة القراءة للصحف خاصة مؤنس الرزاز ايام الجامعة بس بعد هيك ما ووفاة مؤنس الرزاز صارت الجرايد متل بعض و مملة لكن بتابعها من باب العلم بالشيئ و لقراءة مقالات ابراهيم عيسى اللي بحترموا في الدستور المصري و كامل نصيرات احيانا و طبعا الكاركاتير ( بيني و بينكم ما تحكوا لحدا لما اكون فاضية بسحب صفحة الكلمات المتقاطعة و ببلش فيها بس عمري ما خلصت و لا وحدة للاخر :) )
1- الرأي الكويتية

2- الدستور الاردينة

3- الدستور المصرية

4- الغد الأردنية

5- القدس العربي


6- الكرمل ايام ما كان رئيس تحريرها محمود درويش

رابعا : المواقع التعليمية و الأطفال ( ممكن يستفيد منها اولياء الأمور :) ) بستفيد منها كتير بالتدريس

هاي المواقع بتفيدني لشغلي كتير و بنصح فيها الامهاب و الاباء كمان لانها بتوسع ادراكم و مفهومكم للتعليم الحديث و كمان للطلب و بتساعده على استرجاع او استيعاب مفاهيم و بطريقة حلوة
1- أدب الأطفال

2- موقع بنين و بنات

3-e-learning for kids

4-kids.jor

5-قناة الجزيرة للأطفال

6-موقع للتلوين ( أنا بحب الون كمان )

7- اكاديمية الأطفال

8-bbc kids



خامسا : مواقع البحث

1- طبعا الأخ جوجل

2- Ask.com

3- ويكيبيديا

ما الي غنى عنهم طبعا الكل بيعرف كيف بنستفيد منها


سادسا: مواقع لازم أمر عليها كل يوم . مدوناتكم في بلوجر او ووردبرس او المواقع الشخصية



سابعا : منتديات

1- أمارتا

2- كانت أخوية بس ما بعرف شو صارلها ؟

3- وصال العرب - بس من زمان ما مريت عليه و كان الها فضل كبير علي باشياء كتيرة .

هون الاستفادة الاساسية هي التواصل و عرض الافكار و مناقشتها مع اني بسجل بالمنتدى بس نادرا ما اناقش فيه بس بحب في وقت الفراغ اعرف راي العالم و غير هيك هاي المنتديات فيها زوايا بتجذب اهتمامتي بالادب و الموسيقى و السياسة كمان لهيك من فترة لفترة لازم امر عليها

ثامنا : موسيقى
غذاء الروح متل ما قالوا و انا هون بتغدى دايما
1- http://www.rainymood.com/

2- طرب

3- سالمية

4- موقع فيروز الرسمي



تاسعا : كاركاتير
مش عارفة وين الاستفادة بس اظن انو الضحك المبكي بتلاقيه هون و ممكن كل اللي في قلبك يكون باحد رسوماتهم
1- أكيد ناجي العلي

2- أبو محجوب

3- أمية جحا في اي مكان بترسم فيه حتى على الحيطان




عاشرا : مواقع الفيديو


1- http://www.youtube.com/


2- http://www.voobys.com/home_l.html


بستفيد منهم لشغلي اكتر شي خاصة الافلام التعليمية



الحادي عشر : مواقع تحميل الملفات :


http://www.4shared.com/



الثاني عشر : مواقع روحية بتختص بالديانات السماوية :


1- القرآن الكريم


2- الكتاب المقدس


3- موقع يوسف زيدان للكتب و المخطوطات




2- ارسال الدعوة إلى أربعة مدونين :


1- ريتا


2- طبشورة


3- مياسي


4- ويسبر


اربعة بس . شو رأيكم تكون مفتوحة لكل اللي بزورني ؟


هيك كلنا رح نستفيد و يكون النا اطلاع



اكيد قلتوا عن جد وحدة فاضية خير الله بس هاي المواقع اساسية و بشكل دوري لازم امر عليها على الاقل مرة بالاسبوع او بالشهر ما بعرف هيك قصد التاج او لا ؟ بس حبيت اشارككم بالمواقع يمكن تستفيدوا منها



هناك 13 تعليقًا:

فتاه من الصعيد يقول...

في مواقع كتير اوي مفيده

شكرا على الاجابات القيمه دي

تحياتي

jafra يقول...

فتاةمن الصعيد :
حمد الله على السلامة كيف ايدك هلا ما توقعت تدخلي و تعلقي
شو رايك انتي كمان تشاركي بالتاج
و تحكيلنا عن موقعك
:)
ناطرينك

Whisper يقول...

حلو كتير و مواقع مفيده

عجبني موقع غسان كنفاني...ما بعرفه
و مؤنس الرزاز كنت دائما اقرأله...الله يرحمه

و شكرا عالتاج :)

jafra يقول...

ولو العفو و على شو
لهيك انا حبيتوا للتاج
عم نستناكي تحلي الواجب ويسبر

قط البكتريا يقول...

المواقع الي متشابهة بينا هي مواقع البحث و الوراق والصجف اليومية ماعدا الوطن وابو محجوب ويوتيوب بس

اغاني بتابعش نوهائيا ,شعر مرات بس يجي عبالي

يللاه خلينا نبعبش وراكم

jafra يقول...

قط البكتيريا
اليوتيوب عم استخدموا كتير للشغل
و الاغاني هي هي ما غيرتا من زمن ستي و كل ما بنتقدم سنة بصير اسمع اقدم يعني ما بيجي 214 الا و انا بسمع لزرياب الله وكيلك :)

مقلوبة يقول...

جميل ما تكتبي..!

فقط لعلم أنا قمت بالرد على تعليقك على مدونتي بموضوع جلاوي..!
يا ريت تشوفي الرد لانه مهم ولكني أريد حذفه حتى لا أجرح مشاعر المراسلين لأني أعرفهم..!

خالد أبجيك يقول...

هناك العديد من المواقع التي أسمع عنها لأول مرة، وجميلة..

بارك الله فيك أختي الفاضلة..

كنت هنا..

المجهول يقول...

مواقع جدا مميزة وجميلة .. تدل على نضج فكري .. استمتعت بالحوار الهادف .. تحية لك.

أشرف محيي الدين يقول...

تنوع جميل وجدا في جولاتك الدورية على الشبكة العنكبوتيه :)

شكرا جفرا على مشاركتنا بكل هذه المواقع ومن جديد سأقول لك إنه فعلا إدمان جميل :)

كل الود

Haitham هيثم Al-Sheeshany الشيشاني يقول...

جفرااااااااااااااااا
المفروض 5 مواقع! خمسسسسسسسسسسسسسسسسسسسة مش تلاطعش ألف :]

"النسخة الشريرة من التعليق" :p

شكرا ً للمشاركة، مفضلاتك جميلة :)

jafra يقول...

مقلوبة هلا طيران على البوست ور ح اقرا التعليق
تحية


خالد ابجيك : شكرا لزيارتك هنا
و ثانيا شكرا لانك حولت التاج لاشرف و منه لي
بصراحة حبيت اعرض كل المواقع اللي عم استفيد منها و اشوغ اللي عنكم كمان بس شكلي كترت :)

المجهول : اهلا بك دوما

اشرف : شكرا لك لانك من حولت التاج
بالفعل ادمان جميل

الشيشاني : شفت كاني ما صدقت حدا عملي تاج
مسكينة انا

Rita يقول...

وصلت وصلت :)