جلست على طاولتها . كعادتها جاءت مبكرة و فضلت أن تراقب الطريق بدلا من ساعة يدها
انه انتظارك
تمنت لو أنه يفاجئها بشيئ . ليس من الضروري ان تعانق اصابع يديه زهرة لتفرح . ودت لو أنه يبتدع اي شيئ لجعلها سعيدة . ان يضع يده على كتفها تلقائيا عند قطع الطرق . او ان يشتري لها كيسا من اللوز الأخضر و يأكلانه سويا
لا تريد تلك العاشقة شيئا منه سوى ان يكسر الجدار . أو كسر الروتين ولو مرة واحدة منذ ثلاث سنوات و الوصول قبل الموعد المحدد . لم كل تلك الخيالات تداهمها فجأة . " هو طيب .. لكن جاف " قالت في سرها و نفثت دخان سيجارتها بعيدا عن النافذة
لم لا تبدأ هي بكسر الروتين و تطلب القهوة قبل وصوله ؟
لفت نظرها فتاة تقترب من بعيد بخطوات متسارعة . خطوات عاشقة على ارض مبتلة . تكون حذرة بخطوة و عجولة بالاخرى .
كما كانت هي
و لكنه اطفأ شيئا ما بداخلها . جمرة عشق غطاها بوابل من تراب العادات و التقاليد و الناس
" و حكي الناس " و بس نصير لحالنا اعملي اللي بدك اياه "
اقتربت تلك العاشقة اكثر فأكثر
و كأنها تريد قطع الطريق و التوجه الى ذات المحل الذي تجلس فيه
نظرت الى اليمين ثم الى اليسار و همت بقطع الشارع و يفاجئها رجل بحركة من يديه و تعانقه في منتصف الشارع . احست بحرارة العناق . و مرت الثواني كانها ساعة و هي متجمدة في مكانها تحتبس انفاسها
لم يحدق بهم احد و لو فعل فهو مثلها يريد ان يجرب ما فعلاه العاشقان بعفوية .
ليش أكثر
" ليس هناك اجمل من طريق واسع يضيق بعناق عاشقين . و يحفران بقدميهما ارضا حملتهما يوما "
قطع صوته حبل افكارها و هو يقول بجدية مبالغ فيها
" دخان و بمكان عام . كم مرة حكيت اعملي شو ما بدك بس ........."
وضعت كفها على فمه و نزعه بعصبية فورا
" مش حكينا بلاش هالحركات قدام العالم ؟ لما نكون لحالنا ..........."
هي : ما رح نكون لحالنا .
و تركت مقعدها و احست ببرودة تسري في جسمها فجأة
و مرت فوق اثار قدمي العاشقين على الطريق
و أحست أن الأرض ما زالت مشتعلة هناك
وَتــــــَـــــر( مني )
هناك 30 تعليقًا:
مساء الخير
من اكبر واهم الاسباب اللي بتطفي الحب وبتقتله الروتين,,
اصلاتن,, مابشعل ناره إلا التغير المستمر
والجنوني
وين شقائق النعمان ,, بتوعي
شو قصة الدخان في كل حكاية الك؟!!
مرات الطيب بيضيع كل شي بجفافو على فكره
يعني الطيبه لحالها مش دايما ميزة:)
ام عمر : نورتيني
هو فكرك بهالحر اللي احنا فيه ضل شقائق نعمان
حتى نعمان فل من عنا :)
مياسي : انت بتدققي على تفاصيل حلوة بتخليني افرح انو في حدا عم يقراني بعناية :)
بس انا بحكيلك شو قصة الدخان
هلا كل مشاكلنا خلصت و نازلين تعليق على الدخان و منع فيه نكاية فيهم انا بدي اكون مع التدخين و للمراة كمان هيك مراقي ( جكرة ) :))
الطيبة مو كفاية متل ما قالت ام عمر
هو التغيير المستمر و الجنوني
انا شخصيا مع الجنون بكل الحالات
حتى بالتدخين :)
لوول جفرا
ما هو انا بكتب ما بين السطور وبقرا بنفس الطريقه
بصراحه ما بحب آخد التدوينة بسطحيه:)
جاكري خيتا جاكري
بس بحب احكيلك انو الحياة المجنونه مش دايمن مريحه
صدقي بعد فتره بتصيري ع اعصابك وهاد من واقع تجربه
بس مع هيك الناس بيختلفوا في ردود الافعال وفي متطلباتهم
وكل واحد عقلو براسو مدينه يا جفورتي:)
مياسي : هو اشي و منو شوي هيك و شوي هيك يعني خلي الوضع على الميلين خيتا
مش معقول يا هيك يا هيك حتى الابيض و الاسود لغوا من زمان و اعتمدوا الفوشيا هالايام
حلو التغيير بس من غير تعب اعصاب :)
نورتي يا عسل و عجبتني اخر جملة
:)
طيب هو فعلا لازم يتكسف يعمل كده :))
بس اعتقد ان مفيش حب ممل اصلا
تحياتي
انا بعشق الجنون...لازم الواحد من فترة لفترة ينجن شوي و يتصرف بدون حساب, شو بدو يصير يعني!!!
راجعي ذاكرتك...بتلاقي احلى ايامنا و احلى ذكرياتنا هي يوم ما تصرفنا بجنون :)
اكتر شي بكرهو بحياتي هو الناس و كلام الناس.... و هالشي مهما حاولنا نتحرر منه للاسف ما بنقدر
ملاحظه ان كل البنات بوضحو بكلامهم وبكتاباتهم و بعلنوها عالملئ ان البنت بتحب اي حركه جديده و حتى لو كانت بدون دفع فلوس - هحجة الطفر- و للاسف بعض الرجال ما بدهم يفهمو :(
كيف لي أن أغفر لك ذلك
اشعلتي ناراً في قلبي كنت أحاول اطفائها من سنين
سامحك الله
فتاة من الصعيد نحنا ما قلنا يعمل شي لاسمح الله يعني حركة - نهفة - خلي العالم يصير بمبي :))))
اللي بحب ببطل يشوف العالم اللي حوليه فمن شو بينكسف ؟
هيك انا بعرف الا اذا نزلوا فيرجن جديد و انا ما بعرف
شكلو يا ويسبر لازمنا شي اضراب او اعتصام
شكلو مو انهم مش منتبهين او ما بيعرفوا بهالقصص
شكلوا الموضوع اكبر من هيك
عم يطنشوا
سامحيهم كيلو البندورة بدو يصير حقو قد جرام الدهب
( هاي حجة هاي ؟ شو قايلتلك فاجئني بقلاية بندورة )
بدها صبر الدنيا معنا ويسبر :))
englina:
افضل طريقة لانها تصغر و تتحقق الامنيات انها تكبر فخليها تولع الدني
اسوأ من هيك ما بصير
انا هيك رايي انت شو رايك :)
متجمعين عند النبي
تركتكو ساعتين وشوي,, صرتو بدكو تبلشو بالخمسينات :happy:
احيانن بشوف في دخان المراءه هروب حلو من واقعها
زي ماالرجال بهرب من مشاكله وعصبيته للسيجاره,, هيه من حقها إزا كانت مسكره تروح ل هيك حل
انا مش مدخنه الحمدلله,, بس شفت نسوانات,, هربو بالتدخين من حياتهم العاديه
What we expect we'll never get..
يعني هلا يا ام عمر كل هالنسوانات على رايك هاربين ؟ يعني و الله لو العالم معتقل ما هربوا هيك هريبة
ممكن يكون فشة خلق بس انا بعرف عالم بتحب تدخن لمجرد التدخين او العادة يعني ناس بتحب تمسك السيجارة هيك حتى لو تنفيخ
مش اكتر - ممكن تسلية سلبية او عادة سلبية بس ما اظن انو في حدا كامل
المشكلة انو العالم ترك دخان المصانع و دق بالدخان كانو هو السبب بالاحتباس الحراري ؟ مش غريب تفكير هالناس ؟
طارق :
some times we can get it .......If we try
جفرا ...دخني قد ما بدك ...وانا معاكِ:)
بس صار نفسي اعرف ايش جنسية العاشق اللي عانقها بالشارع؟ أكيد مش عربي!!! والله لو كان مجنون ليلى بشحمه ولحمه ...ما بيعملها ...طالما انه من جماعتنا
أنا حكيت احياناتن,, ما عممت
بالعكس,, بكره التدخين( إلا الأرجيله ) وبكره اللي بدخنو رجال ونسوانات
بس هيه دام إنها حجه عند الرجال,,, ف هيه حجه مقنعه عند النسوانات
نيسان : الرجل متل المرأة
ما الو جنسية
بس الو طريقة بالتعامل مع الحب
هلا بما انو القصة من خيالي الخصب هالايام فيني احكيلك انو عربي عربي عربي
و من جماعتنا مش قلتلك خيالي خصب :)
ام عمر : الارجيلة ريحتها حلوة
صار لازم اقنعك تحبي اللي بدخنوا و الله ظريفين :)
جميله صراحه وكتير كمان
شو قصة الشعب مع دخان "النسوان" والله لزيز هههههههههههههه
مابين سطورك جميل جفرا
هالشعب مغلب حاله باشيا ما الها طعمة الله وكيلك :)
نورتي . اشتقنالك
انا كأني حطيت هون تعليق؟!
وين راح؟!!!!
انا ما في عندي شي بروح :)
الصفحة كلها على حسابك شو ما بدك احكي
انداري!
ع كل كنت حكيت انو الستات بالعادة مدخنات شرهات جدا جدا
وجد نسبة كتير من الستات اللي شفتهم بيدخنوا تنفيس وهرب من المشاكل زي ما الصبايا حكو :)
اوكي,, خلص ببلش حب فيكي
وإزا بدك بصير بدخن
بس حق الدخان لمده لا تقل عن 5 سنوات عليكي
اوقيز؟؟؟
مياسي,, ويسبر اللي شطبتلك الكومنت بتاعك,, الله يهديها بس
مياسي : هلا التدخين هروب
على هيك انا مشمرة و هاربة بس من شو ؟
ام عمر : احلى اسفين بين مياسي و وويسبر :)))
5 سنين ؟
بصير فرط ؟
جفرا
لا عيني انتي بتدخني مزاج وحرفنه (من احتراف مش انحراف اوكي:))
أم عمر
بيطلعلها ويسبر، شو مالك من الصبح-استعرتي تعليق البنت وهلأ بتحكي انها شاطبه التعليق:)
سمايلي حيران:))))
مياسي معلش هو الدخان و سيرتوا هيك بتعمل
مو قصدها ام عمر
:)
مسا الفل جفرا :)
بتعرفينا بنات و كتار حكي و ما في وراي اشي غير الحكي هالايام فااااا بس بدي احكي لمياسي ان السمايلي اللي بنسخ الردود و بهرب** ممكن كتير يتلاعب بالتعليقات بباقي المدونات
** راجعي مدونتك و بالذات التعليق رقم 14 تحت اسم UmmOmar احسن ما اكون عادّه غلط :$
سلاام
استوقفني هالموضوع
وعجبني وصفك للعاشقه و طريقه مشيها..
اسمحيلي اعلق عالنضوة اللي معها...
هلئ في كتير رجال ببلشوا يدخلوا في البنت من باب الغيرة و الخوف و الحمشنه بيشوفوا البنت انبسطت انه حبيبها حمش راجل يا خواتي بسوقوا فيها لدرجه التحكم!!!
بكره لما توصل المرحله لهون...
واحلى شي بالعشاق اللي جد انهم ما بتكون فارقه معهم خاصه ازا ما كانو يعملوا شي غلط...
يعجبني زوجي . رغم انه رجل تقليدي..لما يعزمني عسيجارة بالسيارة خاصه بالشتالاني بحب الدخان في المطر و يحكيلي دخني...
احكيله لا شو عيب ..
بحكيلي انا حر و ما حدا الو عندي...
سلام جفرا
بدي احكي لويسبر انو السمايلي ** مراقب جيدا من قبلنـا
ولا يهمك لووول :)
Euphoria:
ممكن نعمل استنساخ لجوزك
القصة مش بسيجارة
لا هو حرية تعبير عن مشاعر بطريقة ما
مش رح تضر حدا
بس نحنا عم نعمل لهيك اشيا الف حساب
و بنخليها روتينية مملة
نورت المدونة
ويسبر - مياسي
صار لازم اخد منكم ضريبة مرور و مراسلة هون
ما تاخذوني معلش الايام صعبة و كيلو البندورة غالي
:) نورتوا و المدونة و صاحبتها على حسابكم
إرسال تعليق