الأحد، يناير 23، 2011

أبواب



لن تتوقع أبدا ما وراء الباب


و لو وصلت يوما الى تلك المرحلة


فانت


إلـه


...........................


هناك ايام تمر لا تجني منها الا النظر الى الساعة باختلاف النظرة و المبتغى من ورائها


مثلا هناك من ينظر اليها ترقبا لانتهاء وقت العمل او الدراسة او التزام رسمي يضطر ان يجلس فيه هكذا ربما ينسى ان هناك ( كلبشات) تقيد معصمه


و اخرون ينظرون الى الساعة لانها تحمل ميزة مهمة و هي اظهار التاريخ الذي يدلنا على اقتراب استلام الرواتب


و منهم من لا يحملها اصلا لكن ليس هناك ما يمنعه من معرفة الوقت الذي اهدره و الوقت المتاح لاهداره


طبعا هذه ليست محاضرة عن خصيمي الوقت الذي امقته


و هو بالمناسبة لا اروق له


لكن


في بعض الاحيان تتخيل انك اكتسبت من الخبرة في الحياة ما يشجعك على الاستمرار بقوة و ما ان تبدأ بالتلذذ باستعراض مهاراتك التي اكتسبتها ...... و اذا بصفعة تجعلك تصحو من نشوتك


لتتعلم


ان ما وراء الابواب
هي هدية من السماء
بحسب تقديرك للهدية
و باعثها فمنهم من يراها
منة من السماء او اختبار او نقمة
اما انا فاعتبرها مطر ان اعجبتني ...
اما اذا كانت الهدية فوق طاقة تحمل جهازي العصبي :)


فمن الطبيعي ان ابدأ بالجدل


مع السماء و مع غيرها فقط للمعرفة


و بما انني كنت في دوامة الجدل و المطر


التي اخرجتني من دائرة الحياة الروتينية
قررت و بكامل قواي العقلية ان اعود لاقف امام الابواب الموصدة
ربما هناك باب لم افتحه
و بالرغم من كل شيئ
دائما هناك باب بانتظارنا لم نره او اجلنا فتحه ؟؟ او ان هناك معجزة غيرت ما وراءه
و ربما ... مطر
و لكنني لا اريد ان اكون الها ذو معرفة
لانني لا اجيد الا فتح الابواب الموصدة :)
( شكرا لكل اللي سال عني كتييييييييير - و اذا عم تسالوا عني هلا فانا كتير كويسة ...
و عم اقرأ جرايمكم اللي كتبتوها بغيابي )

هناك 10 تعليقات:

أشرف محيي الدين يقول...

الحمدلله ع السلامه ...

اشتقنالك كتييييييييييير ....

لعل ما وراء الأبواب في الأيام القادمة يكون أجمل :)

نور البلوجر :)

لبنــــــــــى يقول...

الله يسلمك اشرف
هلا ما في انكر انو كان في اشياء كتير حلوة
بس اكتشافي لاشياء تانية كان .... احلى

منور البلوجر بوجودك ...:)

Whisper يقول...

اول شي الف الحمد لله على السلامه....اشتقنالك كتير كتير

دايما ما بكون الباب الصح قدامنا و مرات بكون موارب ولكن المشكله فينا احنّا...ما بنشوفو و بضل فضولنا يخلينا نجرب نفتح الابواب الصعبه البعيده و اللي بنندم على فتحها

انا الي فترة واقفه بين الابواب..... لا عارفة اسكر القديم ولا امشي خطوه بالجديد :$
ملّيييييييييت بصراحه

sheeshany يقول...

الوقت ... مش منيح! :)


بانتظار جرائم "زخمة" كتعويض :)

Unknown يقول...

أخ أخ
بكره هاي المرحله لما كل ما أستقر بضطر أتعلم شي جديد!
شو شكلو عطلة المدرسة بدت؟ :)
لأنو زمان هالقمر ما بان :))

laila hajji يقول...

الحمد لله على سلامتك
بتمنى ان تكون جعبت الغد ممتلئه بالاخبار المفرحه
برغم من ان اليوم لا يبشر بالكثير
لكنا بنظل محكومين بالامل

دمت بخير

Saleh يقول...

الحمدلله ع السلامه

Tareq S. يقول...

Welcomw back we r waiting 2 know wht's there behind the doors
:)

نيسآان يقول...

الحمدلله على السلامه

(في بعض الاحيان تتخيل انك اكتسبت من الخبرة في الحياة ما يشجعك على الاستمرار بقوة و ما ان تبدأ بالتلذذ باستعراض مهاراتك التي اكتسبتها ...... و اذا بصفعة تجعلك تصحو من نشوتك)


هذه هي الحياة:عمرك لا تعطيها الامان ابداً...حتى لا تتفاجئي بالصفعات

مش تنظير عليكِ!!!انا نفسي ما بعرف اطبق هالمعلومه على حالي...لكن دائماً اتوقع ان هناك صفعه تنتظرني خلف باب من الابواب

الحمدلله على السلامه مره تانيه...اشتقنالك و اشتقنا لفلسفاتك هههههههه

لبنــــــــــى يقول...

ويسبر كيفك :
انا عانيت من هاي المرحلة كتير و بصراحة ضيعت كتير
احسن حل انك تتجراي و تجازفي
لانك باي حال من الاحوال ما رح تندمي كتير :) .... خارج الموضوع ( هلا افهم انك صرتي جارتنا بالامارات ؟)
اشتقنالك.


الشيشاني : عندي جرايم كتير كتير
بس مستورة
:)
و اها الوقت مو منيح لما يصير هاجس


مياسي : كيفك يا فتاة
لا يا ستي الاجازة ما بلشت انا اللي بلشت اروق شوي .. هالقمر مختفي بين باب و باب
لو علي بعمل مسلسل من 20 جزء و بسميه باب السقاق مش الحارة
بس هي قريبة كتير
صح معك حق اكبر صدمة انك تلاقي حالك بدك تضلي تتعلمي
طيب عطوني فرصة اطبق اللي تعلمتوا
:(...ابدا ما حدا سامع الله وكيلك


جفرا : ما هي هاي المشكلة انو نحنا محكومين بالامل
لولاه ما قدرنا نكمل



صالح : الله يسلمك


طارق : في كتير ورا الابواب بس بدك مين يعرف يوصف و يحكي
بصراحة الموضوع فوق طاقتي :)
بس رح جرب



نيسان : نحنا كلنا عم نقول انو اكتسبنا خبرة بس عند اول مطب ..... انتي عارفة شو بصير
فلسفاتتي :)
عم اتفلسف انا ... بحب اتفلسف انا