الأربعاء، فبراير 08، 2012

اناركية داخلية

لا ما تنصدموا
ما صرت اناركية انا بس هالايام عم بقرا عنها
و لاني مش واثقة من اللي عم اقرؤا ما رح احط روابط
بما انها موضة صايرة هاي الايام
بس تاثيرها واضح
فوضى بفوضى
ما  رح احكيلكم اني مشتاقة كتير الكم و لمدونتي انتو زهقتوا من هالحكي
بس عن جد يا جماعة من اول ما بطلت ازور مدوناتكم حسيت مخي فاضي
انا ما تغير عندي شي بس فرحت لكتير صار عندهم تغيرات متل هيثم ( ابو انس ) وويسبر و بيتها الصغير الكرموش
عم الف بمدوناتكم و بقرا كاني عطشانه صرت مقلبة كتير مدونات الي ساعتين
حابة احكي كتير بس ما تملوا مني
مع انو مش عارفة شو اكتب لاكتب
الاناركية صارت بعقلي
بطل الدماغ هو المسؤوول شكلوا :))
شكلي رح ابطل هرمية و اخلي عقلي على جنب و جهازي العصبي زيو زي الهضمي
و ارتاح و اريح كتير مني :)
بدي ارجع بلفة عندكم حضرولي القهوة

ملاحظة : هو انا كل ما ارجع بدي اتعود على نظام كتابة جديد شو القصو عمو بلوجر شادد حيلك علينا

هناك 8 تعليقات:

Haitham هيثم Al-Sheeshany الشيشاني يقول...

مؤامرة بلوغرية :)

لول

و الله "الحال من بعضه" زي ما بقولوا "مين هم اللي بقولوا صحيح، نفسي أعرف!" :)

قررت آخذ إجازة بلوغرية أول السنة بس هيهاااات :)

أنا عندي شاي! بينفع؟ :]

لا للقهوة - و كمان لا لويسبر (لمجرد النكد) خخخخخخخخ

Um Ommar يقول...

الله يسترنا
بتقرأي للأنراكييييييين,, بتبطلي تزورينا
بكره بتروحي ع الماركسيه,, بتبطلي تتعرفي علينا

سحقاً للعدو,,,

ترى معنديش قهوه لحدن بجبليش كيلو كعك رشوه؟؟ حطيها بين عيناكي

مساءك خير,,

لبنــــــــــى يقول...

اهلين ابو انس
بباركلك بولي العهد على صفحتي الرسمية كمان :)
شاي مين جاب سيرة الشاي
يلا اذا بنعنع بنفع
و في حدا بستغني عن ويسبر
انا ما بقدر
بالنسبة للاجازة فهي قهرية اكتر من ايا شي تاني
بس ما بنستغني عنكم كلكم
نورت ابو انس :)

لبنــــــــــى يقول...

مسا الورد ام عمر
لا زعلت منك الماركسية من زمان قريتها
الا الماركسية و عمو ماركس
بس يا ستي جننوني بالاناركية قلت بلا جهل و خليني اعرف عن شو بتسولف بدل ما اكون متل الاطرش بالزفة
و خلص الكعك و القهوة علي انا :)
بتموني

Whisper يقول...

لبنى القمر

كيفك يا حلوه....اشتقنالك كتير كتير كتيييييييييييييييير

مش عارفه هالعالم التدويني شو قصته معنا...بنقدرش نبعد و بس نقرر نقرب بتلهينا الدنيا :$

اناركيه ما اناركيه مش مهم...المهم انك بخير ولسا فيكي قدره تحفزي حالك عالتفكير ...اختك راحت عليها شكله :)

لبنــــــــــى يقول...

اهلا يا ويسبر
كيفو ؟؟؟
:)
معلش هو الشغل بالخليج هيك بياخد كل التركيز بكرا بتهدي و بترجعي عادي يعني انا بمر بهاي الحالات كتير
المهم انك بخير و ابقي دايما طمنينا عليكي

Haitham هيثم Al-Sheeshany الشيشاني يقول...

أجازة "بفتح الهمزة" على رأي المصريين و لهجتهم المحببة هي .... الحل!
:)

بس تكون مؤقتة ... جداً :)

---

الله يبارك فيك :)

Ahmad Merie يقول...

صيري اللي بدك اياه! والله ما حدا متبع لحد! لول