لا عمر للأسامي :)

مع اني كنت بخربش و بكتب ب " فساد ديني 2" :) الا انو هاي الاغنية بستحق انو نوقف عندها
صباحكم  سكر و اكثر

لا عمر للأسامي أسماؤنا أكبر منا
كانت قبل أن كنا


من مسرحية زنوبيا " غناء كارول سماحة و يوسف الخال من مسرح الرحابنة

 

فساد ديني (1)

بعد إنتهاء  الفصل الدراسي و الإنتقال  لمرحلة الاختبارات و هي المرحلة الأكثر حساسية في كل بيت
أجد أغلب أولياء الأمور و الطلبة يرددون ذات العبارة " المهم انو نخلص من اختبار الدين "
و  تلك العبارة اعادتني الى الوراء . في بداية السنة تدخل معلمة مادة التربية الاسلامية لتسال الطالبات عن ديانتهن و تطلب من المسيحيات الذهاب في حصتها الى المكتبة اجبارا لا اختيارا .  و لانها معلمة غير ملتزمة لم ارها ابدا تسجل اسم الطالبات بل تكتفي بان تقول لنا " المسيحية الى المكتبة " و كنت اذهب معهن الى المكتبة . لم تفق المعلمة على نقصان الفتيات الا عندما اختفى نصف الفصل و توزعن بين المكتبة و صالة الالعاب و عندما يسال احدهم نرد . " عنا حصة دين "
و ثارت المعلمة و تم استدعاء اولياء الامور حتى يسمح لنا بتقديم الاختبار النهائي في المادة و تمت معاقبتنا بخصم علاماتنا :)
و عند ترفعنا الى الصف الذي يليه كان لنا مع هذه المعلمة نصيب . و لكننا لم نجرؤ على الهرب بل استكفينا بالنوم
و لم تفكر المعلمة او ادارة المدرسة ابدا بالسبب الذي يجعل طالبات في مرحلة ثانوية على التجرؤ و الهرب و لم يتم قط محاسبة المعلمة الغافلة ابدا و استمرت في التدريس . و لم اعتبر انني وفقت في تحصيل المعلومات الدينية الا من جهد شخصي في البحث و بعض دروس الدين الني ابحث عنها في الانترنت .
و بعد عشرات السنين اقابل فتيات في الصف الخامس لاجدهن يتململن من حصة التربية الاسلامية و يدعونني لاخذ تلك الحصة و طبعا معلمة المادة لا تمانع فتقول لي بكل صراحة " العلوم اهم انا ممكن اخلص المنهج بكم يوم "
لربما مظهر و طريقة تعاطي معلمة التربية الاسلامية في ثانويتي لم يشجعني ابدا على الاهتمام الروحي بالمادة المهم ان احفظ أؤدي واجباتي بشكل تقليدي و اتهرب عند دعوتنا للاشتراك في المسابقة  فكلامها عن الحجاب و الحشمة يرافقه كيلو من المكياج على الوجه و ثياب ضيقة اغلبها حمراء فاقعة و حجاب يبين الشعر الاشقر المنسدل على الجبين .  و اسلوب كلام غريب بعض الشيئ ة الفاظ خارجة . و مواضيع تتحدث بها المعلمة ليست لهلا علاقة ابدا بالمنهج . فمن الممكن ان تسالك عن المسلسل الذي تتابعه في رمضان و تسرد هي كمية من المسلسلات التي تتابعها و تسال احدى الفتيات عن احداث احد الحلقات التي فاتتها . ليس لانها في صلاة التراويح . لا بل لانها كانت " معزومة " عند اقربائها :)
و طريقة التعليم الغير حضارية بان تقول لاحد الفتيات إقرأي هنا.ضعوا خط و هذه الاية حفظ و انتهى الدرس و ادرسوا بقية الدرس في البيت " منتهى الامانة و الاخلاص " و غيره الكثير و لكن لم اكن على علم او دراية لانتقد المنهج
و لكن و بعد مرور  10 سنوات اجد ان الجيل الحالي ايضا يتهرب .  و طبعا ذلك ليس لان الدين الاسلامي ممل او فيه عيب و لكن العيب الاكبر يوجد في منظومة متكاملة . من المناهج الى المعلمات الى ادوات و وسائل التعليم  الى منظومة مدرسية تفضل الرحلات و الحفلات التي يتم بها جمع النقود على  استخدام وسائل تقنية حديثة في التعليم
و من الممكن ان نلقي اللوم ايضا على  تنسيق الجامعات . حيث تقبل النسب الضعيفة في تخصصات التربية و التعليم و الشريعة و ما الى ذلك
كيف يمكن ان تبني  ثقافة جيل و علومه بالاعتماد على معلمين بلا ثقافة خارج الكتاب المدرسي ؟ و هذا يعتمد ايضا على المعلم فالكثير منهم لا يدركون و لا يفهمون ايضا المادة التي يعلمونها لطلبتهم
فينتج جيل ارتباطه بدينه  و علومه و لغته بانتهاء الاختبارات
مثلا  المنهج عبارة عن كتاب تصطف الكلمات بتلاصق و نقاط يتجاوز عددها العشرة في كل درس على التلميذ ان يحفظها
فاذا كانت النقاط لكل درس عشرة و لدينا في الكتاب اكثر من 14 درس
يعني على الطالب ان يحفظ 140 نقطة او معلومة
بالاضافة الى الايات و الاحاديث و هذا كله يهون امام سؤال من القائل  و المناسبة التي قيلت فيها هذه العبارة ؟؟؟؟ و طبعا كل استاذ يريد ان يبرهن انه الافضل فتبدا مرحلة الافتاء في الاسئلة و اللف و الدوران حتى يظهر بمظهر البطل امام الموجه و كيف يحفظ الكتاب و المنهج عن ظهر قلب
من الممكن ان يحفظ الطالب كل الكتاب و لكن هل استفاد منه اي شيئ او علق في ذهنه اكثر من 10 معلومات
اشك في ذلك
الا اذا استخدم المعلم وسيلة اكثر اتقانا من الالقاء كالراديو القديم  الموجه على اذاعة (BBC) كما كانت جدتي تفعل و تقول هل من يتكلمون دون انقطاع بشر ام الات ؟
و استخدام الوسائل المرئية و الرحلات الميدانية و العملية . تخيل ان تقوم برحلة للحج داخل المدرسة للتعلم مناسك الحج او العمرة  و لن تكلف المجسمات البسيطة المدرسة اي شيئ يذكر . بل سيكون سيسعد التلميذ بتلك التجربة و سيتفهم مهام الحاج بشكل ارقى
ماذا لو تم عرض الاية  و استطاع التلميذ ان يرها بدلا من سماعها " تخيل انهم للان في المدرسة يستخدمون الكاسيت ليسمع التلميذ الاية و يردد وراءها "
لم لا يتم عرض قصص من القران كنشاط اضافي  مثلا
لكن العقلية القديمة تصمم دوما على تدمير تسعين بالمئة من الدماغ الحديث و تصر على عدم التطور و الابداع بحصرها عقل الانسان باساليب غير متطورة و لا تناسب العصر الذي يعيش به .
و الناتج من هذا كله
انسان مسلم جاهل بدينه و بابسط المبادئ الا من ينتبه له والداه  فيتم مساعدته هذا اذا كان الوالدان اصلا قد تلقو تعليم ديني افضل
و هذا الانسان الناتج قد تجرفة التيارات الفكرية  المختلفة و تدريجيا لن استغرب ابدا اذا قلت الامانة و كثر التحرش الجنسي في الشوارع و ايضا كثر من يدافعون عنه و  بالتتابع يكثر الاغتصاب - السرقات - و اي شيئ اخر لعدم وجود خوف من الله
او وجود خوف من الله بشكل مختلف فنجد تشدد و جهالة و ارهاب فكري
و اخر عنده اسلاموفوبيا  او دينوفوبيا
فيجب علينا الانتباه الى اللبنات التي توضع كاساس فاذا كانت مختلة . اختل البناء باجمعه و عندها لن تستطيع ان تلوم شخص بعينه
ستلوم مجتمع باكمله
و سيلومك دين باكمله يوما ما

و للموضوع بقية ............



كلمات أعجبتني :
  لا شك ان العفة شئ ضرورى لسلامة المجتمع ..
و لا شك أن شُيوع الفُحْش هو بداية الطامّة ..
لكن أيضا يجب أن نفهم أن معنى الشرف لا ينحصر فى المعنى الجنسى .. و إنما هو يشمل أيضاً .. شرف الكلمة .. و شرف العمل .. و شرف المسئولية .. و أنه يشمل نظافة الجسد و نظافة اليد و نظافة القلب .

د. مصطفى محمود

كل عام و انتو بفرح

 العنوان بكفي
و نستقبل في المدونة كل انواع الحلويات
و طبعا القهوة
و الدخان علينا
ما تعتلو هم 

بلا ما تفهم احسن

هو : فكرك ليش منعوا الخطباء في المساجد انهم يدعوا على اليهود و اسرائيل .فكرك هم هيك طبعوا معهم - والا لانو اليهودية دين ؟

الاخر : لا في شي تاني اهم من اللي ذكرتوا .

هو : طيب نورنا يا أخي و الله بحاول أبرر بس مش لاقي تبرير ؟

الاخر : "  بعد رشف القليل من الشاي الساخن بصوت عال - و اعتدل بجلسته"  يا أخي قديش إلنا بندعي على إسرائيل و اليهود ؟

هو :  شي 60 سنة و اكتر

الاخر : و شو صار فيهم ؟

هو : و لا شي الله وكيلك وو كيلنا .

الاخر : طيب شو صار فينا ؟

هو : الله لا يورجي إللي صاير فينا لا لعدو و لا لحبيب

الاخر : لهيك بلا ما ندعي  - هادا تكتيك يا ابني

هو : شو رايك نعمل ؟

الاخر : ما فهمت ؟

هو : لا ما فهمت .....

الاخر : احسن بلا ما تفهم و تودينا بداهية

بدون عنوان

الله يرحمهم و يصبر أهلهم يا رب

احكي شو ما بدك بس اكتب بالعربي

من اول ما صار استخدام الانترنت للعامة في المحلات و حتى البيوت و انا انترنتية مجتهدة .
صار استخدامه شي من اساسيات الحياة لدرجة انو نسيت كيف كانت الحياة قبله . او حتى ما بتصورها
و مع تطور الشبكات الاجتماعية و صفحات الفيس بوك
تطورت فجاة اللغة لدينا
يعني ممكن لغة شات او عامية و صرنا نحكي و نعبر كل واحد بطريقته
مثل ما هلا انا بكتب بلغة عامية " بحتة تقريبا " مع انو كنت بفضل اعرض الموضوع  بلغة عربية فصحة لكن
" لغاية في نفس يعقوب " حبيت اكتب بالعامية
من اكتر الاشياء اللي بتستفزني لهلا في قراءة بعض المكتوب او التعليقات
هي الاملاء . مش اخطاء في الطباعة . الكل بصير معو اخطاء لكن اخطاء املائية بجد  .
يعني يا جماعة بكون الشب او البنت خريجين جامعات و معتدين برايهم  لكن لما تقرا الكلمات اللي بكتبوها بتحس انهم خريجين ابتدائي و هاي ظاهرة منتشرة
يعني يا عالم كلمة لـــــــــــــــــــــكـــــــــــــــــــن  من ايمتى صارت لاكن
. يعني ما اخدوها بالابتدائي . طيب ما قراوها  باي ورقة مكتوبة . مستحيل ؟
طيب شوفوا الباقي :
الله يرحميك يا فلانة . الكسرة صارت مد بالياء
و غيروا كتير بغض النظر عن الجمع اللي بجمعوه و المثنى اللي بستخدموه
كلو تشوه
و شو بالنسبة للصبية اللي بتكتب تعليق بشي صفحة  متل
" الحئيئة لازم تضهر او تزهر  " ؟
يا حبيبة قلبي لما تكوني ناعمة و امورة لازم كمان يصاحب هادا الشي شوية  ادب لغوي يعني مش مهم نعرف انك بنت مدنية مش فلاحة و  مش ضروري تبيني هادا الموضوع بطريقة تخليكي سخيفة
لما تكتبي تعليق بجريدة او بشي صفحة الناس يا حبيبتي بتقرا اللي بعقلك مش بتشوف طريقة حكيك لتخطبك ..
او الصبايا الحلوين الناعمين اللي بكتبوا " سحلئت  لانو البلات كان مي :(  ( الترجمة " زحلقت الاخت لانو البلاط  كان مي :) )
. او سبايا وين رايحين اليوم ؟ هاي غلتة عمري
انا اسفة صبايا بس  انا بعتبر اللي بتكتب  بهيك طريقة اما بتكون مصطنعة و عندها نقص او بيكون عندها  شي بالنطق و السمع  و لازم تتعالج
ممكن على فكرة انو وحدة تحكي بهاي الطريقة كتير حروف بتسقط منا بدون وعي لكن انو تنكتب هيك . هاي أُميــَــــة
و الشباب قدام البنات لازم يبينوا انهم " عضل " و هيك قصص
فالجملة هيك بتصير
" صطحي عالي "
او مثلا " انا ما بنصى " يعني ما بينسى :)
يعني عمو عرفنا انك قوي و عضل و قصص متل هيك بس على فكرة  حرف السين مش للبنات فقط :)

و غير انو القاف بتصير كاف و (غ) بتصير (ق)
و التاء المربوطة و التاء المفتوحة " تاء التانيث "  الهم قصة تانية . و من هاي القصص
فلانة زوجت فلان . و امرت فرعون . و هاي أمثلة بسيطة على اللي بشوفه
اما اللام القمرية و الشمسية  انطفى ضوهم الاتنين يعني
اشمس بدل الشمس  - اطيب بدل الطيب  و في منه كتير
و غير الناس اللي مو عارفة تعبر بجملة مفيدة و بتكتب 100 سطر  . ..... بس  بدون فايدة الفكرة ما بتوصل
ارحموا اللغة
و ارحموني
انا مش معلمة لغة عربية بس هي الطريقة في كتابة الاحرف بتعملي تلوث بصري
كل الامم تعتز بلغتها .  الا نحنا بنحاول نشوه اي شيئ جميل فينا . و لازم نهتم بهادا الشي . مش عارفة كيف ؟؟؟؟للاسف
يعني لو كم فكرة نجمعها و ننشرها بصفحاتنامممممم ممكن ؟
او حدا بيخترعلنا برنامج للتصحيح اللغوي و يكون بيشتغل في كل الصفحات و البرنامج زي اللي على word ( بس مصيبة لو المخترع بيكون صيني )
مش عارفة بس حاسة انو الموضوع بيتطور لدرجة انو في ناس ما بفهم شو بدها
و بالنهاية .... بس توضيح صغير : حبيت اكتب بالعامية عن الموضوع حتى ابين انو نحنا فينا نتحاشى الاخطاء الاملائية حتى لو استخدمنا لهجاتنا  العامية  .
هامش 1: يمكن الموضوع يكون بنظرك سخيف او ما بدو هالضجة . بس وقتها اعمل حسابك انو لو ضل الوضع هيك و تطور اكتر . رح تطلب مترجم يترجم كلام ابنك الك . :) هادا اذا ضل حدا بحكي بالعربي ؟؟؟
هامش 2 :  عندي مشكلة مع الهمزات ما عم تطلع عندي فسامحوني
هامش 3 :  بما انو نحنا في  ايام مغفرة فالله يغفرلنا كلنا.
و اغفرولي اذا كان في اخطاء املائية و يا ريت تنبهوني الها :)

من وحي مسلسل ..........

من أول حلقة لمسلسل عمر لهلا الكلمة الرئيسية
" ماذا ستقول العرب فينا "
يعني الجماعة مش فارق معهم آلهتهم كان ممكن يسلموا بس المشكلة الاساسية في " ما ستقوله العرب او ما ستقوله قريش فينا ؟" و هاي العادات مستمرة لهلا
بس بطريقة تانية " شو رح تحكي العالم عنا ؟" و شو رح يحكوا بيت ابو فلان عنا ؟
يعني القصة ما انتهت لا زادت و تحت تعريف العادات و التقاليد ...........لهيك
" حريتك تنتهي عندما تبدا حرية غيرك " و بطلوا تدحشوا حالكم بكل شي" و اتركوا العالم بحالهم
" من وحي مسلسل عمر"

كم كذبنا حين ......

كم كذبنا حين قلنا نحن استثناء

محمود درويش

 عفوا  محمود ...........لم نكذب حينها

نحن بالفعل استثناء  و كيف لا نكون ؟ نحن من كنا استثناء لكن بماذا ؟

حين تقاتل  منذ 1936 للحصول على دولة بشرف  و نزاهة و ياتي من يوقع على سلام مزيف اوسلوي النزعة لا ناقة فيه و لا جمل لك انت و لا لابناء جلدتك

و ينتج عن هذا الاتفاق غريب النزعة سلطة فاشيستية و ديكتاتورية

هكذا تكون انت و بنو وطنك استثناء

عندما نمر بالتهجير و نحن نحمل مفاتيح دارنا الاولى

و من ثم النزوح و نحن نحمل  مفتاح الدار الاولى و مفتاح الدار الثانية

( و كان لنا هواية جمع المفاتيح )

و من مخيم الى مدينة الى اشلاء الارض التي لم تتسع لنا

و لا تنسى ايضا الحروب الاهلية و الطائفية و الاحتلال و من ثم عرض البحر الذي زج بنا اليه و من ثم المواقف الخالدة لدعم هذا و ذاك و تمجديد اي معتوه يقول لنا انا ضد اسرايل

في خضم حربنا على انفسنا لننال الارض و الحرية و العدالة

في زخم الدم الناضح من عروقنا جميعا في الوطن - المخيم - الشتات - المهجر - او حتى تحت الارض

ننال في النهاية رقعة ارض تحسب علينا لنرفع فيها رقعة علم خاطته جداتنا و سجادة حمراء لمن لا نعرفهم تفرش لهم حتى يطرقوا الارض باحذيتهم بل و ببطولاتهم الواهية على جميع ما مررنا به

و نحصل ايضا على شرطة تقمع المظاهرات

و على مخابرات مركزية تستطيع ان تقتلك بتهمة العداء ........... لاسرائيل....

 و على سلطة في الطرف الاخر ايضا

لا ننسى ااننا ايضا استثناء

فحتى لا ننقض عهد الارض و سبب الخلق جعلنا لنا بدل بلد واحد  صار عنا بلاد

بلد  شقيق اسمه غزة

او بلد ثان - حتى نحقق العدالة في  حصولنا على الجنة و النار

فمكان نستعرض فيه علمانيتنا

و اخر اسلاميتنا

و احترام الاديان الاخرى على مفترق الطرق

ايضا لدينا رؤساء بدل الواحد اتنين - احدهما يمثلنا في قرارات الامم المتحدة ببدلته السينيييييييه و الاخر يؤمنا في صلاة الجمعة

اليس نحن استثناء

ووزراء طاقة مع ان الكهرباء غير متوفرة

ووزير اخر بحقيبة لاندري ما بها . ( احتياط )

و ايضا عندنا في بلادنا مدفع لرمضان :)

حتى لا نكون اقل من غيرنا

و حتى نثبت اننا دولة شرقية عربية

لم ننسى ان يكون هناك فقر و ظلم و نهب و سرقات و رشاوي

و خونة  و مرتبات لا تصرف اذا غضب علينا صاحب القلم

و كيف لنا الا نكون استثناء ؟

نحن بكل شيئ استثناء

حتى في قتلنا

دوما استثناء

( تدوينة فشة خلق على اخبار المواقع الفلسطينية )

على الهامش : رمضان كريم - هو بالفعل شهر استثناء :)

هامش اصغر : ماحدا يزاود علي بفلسطينيتي او بعروبتي :) بردو لازم نقلب العملة صح - حتى ما نكون شاركنا بالتزوير :)

 

بعدك ............ بس الله يرحمك

صعب كتير لما جزء من حياتك يغيبوا الموت
شخص راسخ بذكرياتك من الطفولة للمراهقة لمرحلة الجامعة
شخص يوم اذاك
بس بايام كتير كان معك
شخص  متاكد انو بحبك و رح يزعل عليك كتير
مش عارفة كيف اواسي بناتها لاني فاشلة بهادا الموضوع
اصلا مش عارفة كيف اواسي حالي انا شخصيا ؟؟؟
بعرف انو الموت حق و انو لازم نترحم عليها و انو و انو ......................... للنهاية
بس في وقت معين بتحس او هالكلام ما عم يشفي حدا
لازم تستوعب الحرقة اللي بقلبك و تمشي
لوين ؟
ما بعرف
الله يرحمك يا خالتو سمر
عمان بغيابك نقصت كتير
اكتر مما انا توقعت
و بعدك ......... ما النا بيت فيها
تخيلي قديش احنا فيها رح نكون غرب
الله يرحمك

تعازينا لك مرسيل " لا بد من كلمة "

مرسيل لا تعني الكلمات الان اي شيئ

لا داعي لها

دعواتنا لها بالرحمة و راحة النفس

اما انت :....................................................

حتى الدعاء لك بالصبر لا يكفي " الله يعينك " بس

\\\\\\\\\\\\\\\\\\\\\\\\\\\\

تعازينا للمدونة مارسيل صاحبة مدونة " لمحات "  بوفاة والدتها

34

أكيد كيكة فراولة بالشوكولا

و أكيد هدايا محرزة

ما في فرق

حتى انت

وجودك او عدوموا ..... واحد

ما بيفرق

على فكرة 34 اهون بكتير من 33

بالشكل بس

يا ريت يكون بالمضمون كمان :)

الثورة السورية . مع اعتذاري

الثورة . الشعب . اسقاط النظام و غيره. حديث امتدت مسافته  من تونس ووصل عبقها الى سورية
لم  ارد الحديث مطلقا عن الثورة السورية و لا الشهداء و لا حمام الدم . و ارجو ان يغفر لي الشهداء محاولتي الدائمة  باشاحة وجهي و نظري و عقلي و تعليقي الدائم " صح عم يصير بسوريا  ثورة لكن فيها شي غلط "
شو الغلط ؟؟؟؟
ثمة اسباب كثيرة تدفعني الى عدم فهم الثورة السورية و عدم  الحديث عنها
اولا : الثورة و الحديث حولي عنها  ....
كثير من الناس في العالم العربي فجاة تذكروا ان الحكم السوري او راس النظام هو علوي ( سبحان الله  لما كانت مجزرة حماة ما كان علوي ) و ان اردت ان تحشد حشدا في هذه الايام تكلم فقط بصيغة طائفية و ستجني الكثير
صارت الهتافات تعلو فقط لان بشار علوي فاسق كما يزعمون و نسي اصحاب الشعارات  ان الثورة قامت لشيئ انبل من الطائفية الا و هي الحرية .
اصحاب الذقون الرفيعة المستوى يهيبون بالثورة السورية و شهدائها على تويتر و فيس بوك و عندما اراد احد اولاد شيخ معروف ان يذهب للجهاد ضد الاحتلال بلغ عنه والده الامن ليضبطه و يعود به الى المنزل
برايهم :
الشهداء في اي مكان هم قتلى
فلسطين هي اخر الامر و ليست اوله . فقط ندعم غزة و لكن فلسطين كلها امر اخر
و لكن موقفهم من الثورة السورية امر اخر فهو مدخل للهجوم على اعدائهم ( طبعا مو اسرائيل ) اعدائهم الشيعة و يتمثل النظام السوري احد الاذرع التي برايهم يجب قطعها لاضعاف ايران .... (اذا الشغلة مو شغلة ثورة و بس هدول بلش يصير عندهم تخطيط استراتيجي و طبعا ماميتو امريكا هي اللي فكرت )
عندما يقف هؤلاء بجانب احدهم فعلي التفكير جيدا في ما يدعمونه
ربما موقفهم المساعد و المتضامن جعلني و الكثير غيري نشك ان هناك ( شي غلط )
كان ردي الاول  على من يهاجم بشار لعلويته فقط " هيهم السنة حاكمين شو اخدنا منهم ؟ ) ليس لانني ادعم او ارى ان النظام السوري هو حكم الملائكة في الارض و لا ان سوريا بدونهم لا شيئ كما تعتقد صديقتي ( المنبكجية )
اخاف من الطائفية و الحديث عنها .  فالقتل باسم الدين  من ابشع انواع القتل بل و احرمها ايضا
انا من انصار و جادلهم بالتي هي احسن و من سيقول لي " هم مش تاركينا بحالنا " سارد عليه .... هو وين حالنا مش لما يصير النا حال بالاول

ثانيا : المعارضة السورية  و غليون :
غليون يطل على قناة العربية لتساله المذيعة اذا كان هناك تدخل اجنبي قريب فيرد انه ينادي بالتدخل لا بل يشجعه
سقطت المعارضة على ارض توقعاتي و ما عدت ابالي
ثالثا : العراق و عقدة التحرير على الطريقة البغدادية
خفت و جبنت و قلبي على الشام ان يحدث بها ما حدث في العراق
احتلال . طائفية - تفجيرات - قتل - اجرام -  تراجع في اسهم الانسانية الى درجة ان الكلب الامريكي ذو اللسان الوردي يساوي حياة رجلين و امراة من البصرة
صارت عندي عقدة  دار السلام و اخاف ان يغتال الياسمين الدمشقي تحت مسمى حرب التحرير .
رابعا : انني صرت اخجل من الشهداء لانني اخاف على اخوتي و اهلي . صدقا اخاف عليهم يوما ان يسحلوا او يعذبوا او ان يصيبهم اي مكروه  .اسمع قصصا ترويها زميلات لي عن حمص و ما جرى باهلهن فيها و هجرة الكثير من اهلها و ما حدث للبيت و كيف دمر و كيف سقطت   دالية العنب و سرق صندوق الذهب و غيره الكثير  من ثرثة من الممكن ان يبالغ بها البعض و لكن  وجه احداهن الاصفر و رجفة شفتيها و هي تتحدث مع امها التي تركت بيتها في احد شوارع حمص و الالتجاء الى القلمون
جعلني افكر في امي و اخوتي و ابي الف مرة
و لعنت الثورة
ثم استغفرت
اعتذر مع ان اعتذاري لا شيئ . انا بالنسبة لهم جميعا لا شيئ
اعتذر من اصدقاء التدوين السوريين
اعتذر من كريم عربجي و رزان و حسام و كل الذين اتابع اخبارهم او اترحم عليهم
مع ان اعتذاري لا شيئ
اعتذر  من ياسين و جابرييل
انا معكم لكنني خائفة
لكن بيننا شيئ مشترك
اننا نخاف على سورية
انا مع الحرية . مع حق الفرد بان يعيش حياة كريمة . مع احترام الانسان و رغباته
و للان افكر " في الثورة السورية : اين الخطأ؟ )

خالد : هو وين الله ؟

بعض الاشياء بتكرر بحياتنا لكن
الانسان اللي اكتسب خبرة و مهارة معينة ممكن يغيرها لتكون افضل
" تعودك على الشيئ ليس دليلا على ذكائك او مقدرتك على التعايش
هو فقط استسلام و فقر في مهارات الحياة "
مثلا من و انا صغيرة كنت بكره الاجوبة العادية لاي سؤال
بحب دايما التفاصيل
بحب دايما حل عقد كل مسالة بهدوء و بدون تسرع
و مع مرور الايام بكتشف حالي بانو في اشياء كتير فاتتني و مهارات كتير ما تعلمتها
شو اللي خلاني احكي هادا الحكي ببساطة
لما كنت صغيرة سالت بابا سؤال " هو وين الله ؟ليش ما بشوفنا حالوا ؟ ليش ما بيحكي معي ؟ "
طبعا كاي اب حاول يجاوب و يبعتني عند  ماما او اي حدا قاعد جنبوا و كل واحد يحاول يجاوب بس ما اقتنعت
بس كبرت قررت انو اولادي لما يسالوني  عن ايا شي لازم اكون اكتر ايجابية  و اعتمد وسائل ايضاحية اكتر مثل قصص - حكايات
يمكن بعد فترة عرفت اجوبة لكتير اسئلة بحياتي بس  هاي الاجوبة كانت تفتح ابواب اكتر
متلا ليش الله خلقنا ؟ بس ليختبرنا ؟ طيب كان خلانا كلنا كويسين و فتنا الجنة ؟ طيب ليش ابونا ادم بيغلط و نحنا بنتعاقب
و باب الاسئلة كل مرة بيكبر و الاجوبة بتكون مشتته اكتر
ممكن تقتنع ببعضها و ممكن انت تتغاضى عنها
او تبطل تسال
حاولت اني اكون عادلة مع طلابي و يكون لكل سؤال عندي اجابة منطقية و مقنعة
ما هو مش كل شي مقنع منطقي و مش كل شي منطقي مقنع :)
متلا " ما بعرف اذا حكيت عن هاي الحادثة قبل هيك او لا ؟"
بنت في الصف الخامس و اثناء شرح درس انتقال الصوت و عند فقرة انو  ان الصوت لا ينتقل عبر الفراغ و يحتاج الى مادة لينتقل عبر اهتزاز جزيئاتها مثال : نحنا ما بنسمع الصوت على القمر 
 بتوقف بنت و بتكون غير مقتنعة بالمنطق العلمي لانها سمعت من اهلها انو العلماء او رائد فضاء سمع صوت الاذان على القمر ؟؟؟؟؟
انا شخصيا ما سمعت بهاي الحادثة و لا حادثة اسلامه . و البنت كانت مستنكرة و بتناقشني بطفولة فيها شوية غباء فكري
انو هاي الحادثة من المسلمات ..... و كانها نزلت بالقران . حاولت اني اجاوبها و انو مش كل شي بالنت بكون حقيقي بس مادام الشغلة فيها دين لازم نحنا نصدق على طول ؟؟؟ و بدون تفكير ؟؟؟ و مرت هاي القصة و فهمت انو في بعض الناس الدين عندها تفكر و تامل و بعضهم هو مجرد افيون
.......................
موقف تاني : طبعا بما انو كل شباب عيلتنا تقريبا هو متل اخواني و اغلبنا تربينا مع بعض فاي طفل بالعيلة هو يا ابن اخي او ابن اختي بس واقعيا و بعيلتنا الصغيرة نحنا لهلا ما عنا احفاد ( مجرد توضيح )
خالد اول حفيد بعائلتنا الكبيرة .  و انا بمرتبة عمتو . بس طبعا الاولاد الصغار هلا ما بهمهم الالقاب :) فانا لبنى مجردة و بس............ خالد في روضة اولى 
كانت اختي بتقول لخالد ما ترمي الاكل على الارض الله بزعل منا و بعدين ببطل يعطينا اكل 
خالد ترك الكل و التفت الي و سالني " لولو هو وين الله ؟ ليش ما بيحكي معي ؟ ) و كويس انو الاسئلة وقفت لهون
طبعا انا اطلعت عليه و على عيونه الصغيرة اللي بتجنن لما بسال سؤال .
حكيتلوا الاجابة العادية
الله موجود بكل مكان
طفل بيلعب  بالاي فون و جالاكسي تاب و بيعرف يشغل الكمبيوتر و يدخل على النت ما اقتع بهيك اجابة و اتطلع حواليه و بكل بساطة قاللي " انتي هبلة ما بتعرفي شي ... وين موجود ؟ "
انا اتداركت حالي و كتير اشيا مرت ببالي و كيف كنت مقررة انو اجاباتي تكون افضل من اجابات اهلي
قلتلوا " انت لازم تعرف لحالك وين الله ؟ فكر كويس و اذا عرفت رح احكيلك كيف هو بيحكي معنا "
بردو قللي انتي هبلة و راح
بعد فترة رجع و قالي الله فوق في السما صح ؟
انا فرحت كتير انو هو استنتج شي
بس كنت عارفة انو السؤال الاصعب جاي " هو ليش ما بيحكي معنا ؟ "
سالتو سؤال " انت لما تكون خايف من شي ؟ او بدك شي احكي معوا و هو رح يرد عليك اكيد "
بردو قاللي انتي هبلة
الولد مصمم
بس انا متاكدة انو رح يرجع و يحكيلي شي جديد عن تجربة مش درس احفظوا و ممكن تنساه
او انك تتذكروا بس لانك خايف من عقاب ما ...
.......................................
اذا حبيت انك تكون اب او عم او عمة او ام
و يكونوا اطفالك متميزين حاول انك تكتسب مهارات كتيرة
لانو الاطفال بهاليومين مش زينا
هم بفكروا بوجودية اكتر بسبب ظروف الحياة و ما تعتمد على تربية اهلك
لانها بصراحة صارت قديمة . حتى لو ان القيم الاساسية ما تغيرت بس صار لازمنا اسلوب جديد
لنكسب  الجيل اللي جاي
و نقدر نغير شي










افففففففففففف شو طويل البوست

اضغف الايمان ؟

الدعاء اضعف الايمان
هذا الشي كنا و ما زلنا بنسمعوا من مهدنا الى لحودنا بس ....
عزيزي المواطن ايا كانت مواطنتك
كنت معدي للسامية او لا :)
اذا كنا في الوطن العربي بنملك اهم انواع الطاقة
البترول و البشر
و ما عنا غير الدعاء
طيب ايمتى بالزبط رح يكون اقوى الايمان ؟
مجرد فكرة

اناركية داخلية

لا ما تنصدموا

ما صرت اناركية انا بس هالايام عم بقرا عنها

و لاني مش واثقة من اللي عم اقرؤا ما رح احط روابط

بما انها موضة صايرة هاي الايام

بس تاثيرها واضح

فوضى بفوضى

ما  رح احكيلكم اني مشتاقة كتير الكم و لمدونتي انتو زهقتوا من هالحكي

بس عن جد يا جماعة من اول ما بطلت ازور مدوناتكم حسيت مخي فاضي

انا ما تغير عندي شي بس فرحت لكتير صار عندهم تغيرات متل هيثم ( ابو انس ) وويسبر و بيتها الصغير الكرموش

عم الف بمدوناتكم و بقرا كاني عطشانه صرت مقلبة كتير مدونات الي ساعتين

حابة احكي كتير بس ما تملوا مني

مع انو مش عارفة شو اكتب لاكتب

الاناركية صارت بعقلي

بطل الدماغ هو المسؤوول شكلوا :))

شكلي رح ابطل هرمية و اخلي عقلي على جنب و جهازي العصبي زيو زي الهضمي

و ارتاح و اريح كتير مني :)

بدي ارجع بلفة عندكم حضرولي القهوة

ملاحظة : هو انا كل ما ارجع بدي اتعود على نظام كتابة جديد شو القصو عمو بلوجر شادد حيلك علينا

أن تكون او لا ... ما الفرق

ان تكون متطرفا او "متعصبا " لجهة ما فانك لن ترى الا الجزء الايمن او الايسر من الصورة
و لن تلتفت الى الوسط و تضيع الحقيقة ...
 و لكن ما فائدة الحقيقة بعد موت هذا الرجل ؟
 خير ان لا تاتي الحقيقة ابدا " في بعض الاحيان "
من ان تاتي متاخرة كاغلب الاحيان ...

نسيت الموضوع

يعني كل شي تقريبا ممكن اتناساه الا لعنة التدوين و الخربشة و ازهاق روح الاحرف
مش عارفة شو السر
يعني كل ما اشيك على الايميل او افتح النت بحس بتانيب الضمير من ناحية المدونة
لكن اذا مو قادر تقرا شي او تخربش لشو اذا تفتح المدونة
اثبات حضور
سلام و على الماشي
مش عارفة ليش من شهر 12 لهلا عندي خربطة و قلة تركيز
يعني تخيلوا التركيز اللي عندي مشان يقل كمان
بس عن جد نفسي اعرف اخباركم
شو صار معكم
وين صفيتوا :)) خبروني عنكم هلا هلا :))
يعني انا مثلا  صافة على اليسار لهلا  انتوا وين ؟؟؟
بس احلى شي لما تمر سرقة على المدونات المفضلة و هادا الشي بدو اكتر من ساعتين
بس ما تعرف تقرا او تعلق و تلاقي حالك بمكان تاني
هو ما في شي كبير وصلني لهالمرحلة
لا في
اني لهلا معلمة :))
بس حلو الواحد يغيب يلاقي كل هالتطورات بعمو بلوجر يعني مش هيك طيب سوي سوي اول مرة اشوف هاي القصص :)
بس نوعا ما حلوة هالتحديثات
لما اجربها اكتر اكيد رح استفسر منكم عنها
على فكرة الي 9 ثواني عم ادور على زر نشر :))) لابقلي التغيير انا

مش باي مكان - مجرد تسجيل حضور

اولا كل عام و انتو بخير

ثانيا نعيش كلنا و نتذكر مع انو

درويش صعب ينتسى


ثاثال اشتقتلكواا كتيييييييييييييييييييييييييييييييييييييير و عندي حكي اكتر بس الوقت مو مساعدني بالمرة و لا التركيز

لهيك من هون ليرجع التركيز

ادعوا

الله يجيرنا

و بس

هامش ؟؟

هو وينو الشعب الفلسطيني ؟

اجبد

من الجميل ان يكون انتماؤك مزدوجا
و الاجمل ان يكون لك وطن تنظر اليه بعزة و فخر
و هذه نظرتي دوما للاردن
و هذا ما يحمله الكثيرون لنا ايضا .

في احد المقابلات التي اجريتها و انا ابحث عن عمل قال لي المدير التنفيذي :

احب توظيف الشباب الاردني لانه طموح مبدع ملتزم و صريح و لا يتلاعب بالالفاظ
و هذا راي اغلبية من رايتهم
اننا طموحين - صريحين و طبعا الصفة الملازمة لنا دوما " كشورين":)- دلع كشرين
ما الذي حصل ؟؟؟؟
الاردن و حركات احتجاجية و في المقابل درك و ضرب و شتم و ايضا تحريض و فتنة ؟؟؟
موالاة و 24-اذار و تموز و جايين و معارضة و حكومة و امن دولة ؟؟؟؟
سمعت عن احداث دوار الداخلية

و لم اتحدث عنه لانني بالفعل لهذه اللحظة لم اجد احدا يخبرني بحيادية عن الاطراف
و خاصة الاعتصام الاخير و مطالبه .

اما مع او ضد و الاخبار متضاربة فمرة تجد من يتحدث عن ديموقراطية

- ملكية دستورية - رفع سقف الحريات - مكافحة الفساد و هو الاهم
و اخرون يقولون عنهم سلفيون - اخوان - مندسيييين

( هاي الكلمة اظن انها ملطوشة من جيرانا )
و لكن
هل وصلنا للحد الذي نقيم به الاخر على هذا النحو ؟
قرات في احد المواقع

ان حركة 24- اذار مدعومون ماديا من الاخوان و حماس و لهم اجندة .

و ايضا من موقع مدافع ان المواليين هم بلطجية و قبيضة من امن الدولة ؟
و انا مغتربة و لا اعرف الاسماء و لا استطيع التحديد ( الشغلة عايمة و الكل بخون بالتاني )
لكن ما انا متاكدة منه 100%

هو حق الشباب بالاعتصام مهما كانت انتماءاتهم .

و مطالبهم و تحت غطاء اعلامي و حماية المعتصمين حق على الشرطة و الدرك وواجب
ما لا شك فيه ان الاعتداء على الصحافيين و الاعلاميين

في ساحة النخيل هو نوع من تاخر الدولة في معالجة الحدث و عدم السيطرة و ضبط النفس
كلنا نطالب بمحاربة الفساد
و هذا مطلب شعبي من لا يريده هو شخص

اراد التنازل عن حقه و حق اسرته و هو حر و ليس عليه ان يفرض رايه على غيره
كنت اتمنى ان لا اشاهد منظر الضرب بالاحزمة و الشتائم تتكرر
كنت اتمنى احترام الصحافيين و ان توفد الحكومة شخص يتفاوض مع المعتصمين
و يشكرهم ايضا
كنت اتمنى ان تظل صورة الاردن المتحضرة الامنة

و الذكية موجودة على الشاشات و ما زلت اتمنى
كنت اتمنى من الحكومة التعامل مع الشعب

و ان نرى مظهرا اخر غير الذي اعتدنا ان نراه في بلدان اخرى
كنت و ما زلت اتمنى ان يتدخل القصر و يتعامل مع المسالة و يتم الاستماع الى الجميع
كنت اتمنى ان يترك الاخوان المشهد و

الساحة للشباب تماما و ان لا يتواجدوا الان بالذات

مع اننا جميعا نؤمن بحق الاردني من اي انتماء ان يعبر عن رايه
ما اتمناه حقا ان يتم التعامل مع الحراك الشعبي ايا يكن باحترام
بدون تخوين
بدون اتهامات و قذف
ان نكون مثلا جديدا
غير مالوف
نحن في الاردن مهما اختلفت اصولنا

(فلسطيني- شركسي- اردني - شامي )

حاملون لهذه الجنسية التي منحها لنا جلالة الملك حسين

و من يخون اي مواطن يحمل تلك الجنسية و يعتدي

عليه لفظا و يطرده يكون هو من يعترض على منح القصر

و جلالة الملك و هو ايضا من يشعل نار الفتنة و يجب معاقبته
هذا رد على بعض التعليقات التي وجدتها على مواقع مختلفة

و هي تخون الاخر لاصله و ليس لانتمائه للاردن
في الولايات المتحدة الامريكية يحصل المرء على الجنسية

فيصبح بعيون الجميع مواطن لا يحكمه و لا يحكم

عليه تبعا لاصوله لكن لانتمائه الجديد لوطن يحمل جنسيته .
لم لا نحاول فقط ان نفكر في بلد احتوتنا بطريقة متحضرة خالية من العشائرية
و الاصولية التي تحكمنا داخليا .

و ان نعتاد احترام الاخر و رايه و نطور من انفسنا علنا ننهض بانفسنا و ببلدنا الى الاقوى
لم لا نتعود احترام المواطن للاخر مهما كان

لونه و اصله و دينه و انتماؤه الحزبي ان وجد اصلا
بذلك نستطيع التعايش بسلام و نقضي على اي فساد
لم ننجر بالاحداث . و لا تساعدنا الحكومة على حلها
و اذا كانت القضايا التي يطالب بها الشباب هي مزعومة

فاين الدلائل و الاجابات عن اسئلتهم و ننهي المسالة
لم لا يعاقب المذنب و يرد الحق الى صاحبه ؟
لم لا نكون مختلفين ؟

حتى نكون كمثل هذا الشاب ....

هذا اردني نعتز به . بالرغم من انه نجل معروف البخيت الذي غضب منه الكثيرين

طرطشة مي :

انا بعيدة و على حالتي في الاف المغتربين اللي مو عارفين شو بصير ؟؟؟؟ بس

العنوان مقتبس من عنوان موقع الكترني اظنكم كلكم بتعرفوه
الاتهامات للسلفيين انهم بيتظاهروا ؟ هو انا حسب قراءتي للسلفية " قديما " حرموا التظاهر و الا هو update مشان الاحداث ؟
ما اظن هو المشهد بينتهي و بعدها السفيين بطلعوا .بعد الاخوان بشوي . مش من اولها
كالعادة بس تبين النتائج بتلاقي الاخوان طلعوا و بعد ها السلفيين . هيك انا فهمت بس اذا فهمي غلط حدا ينوني معلش


طرطشات لها صلة ايضا :

ابو هلالة

اضم صوتي لهم ايضا

و اتمنى ان نكون الاوائل هنا

و نقول لهدول ما الكم دخل لو سمحتوا

Im Lubna ...........شو قصة لبنى ؟

jafra78 هي انا

و

انا اسمي اللي بنادوني فيه

هو

لـُـــــــــــــــــبــــــــــــــنـــــــــــــــى

jafra78 = لبنى فما حدا يستغرب انو فجاة طلعت لبنى و بتعلق و بتحكي

انا لبنى :)