الأحد، فبراير 22، 2009

الفصول الاربعة بيوم الا ربع

استيقظت صباحا






على زقزقة العصافير و اشعة الشمس تتسرب من بين يد الغيم






فجا ة........................................






رعد






برق






قلت فرجت و ركضت للشباك






لا طلعت لبرة






كانت فرحتي زي اللي ربحت سيارة رينج على غفلة من سوء الحظ



بدا رش المطر
و انا بمد ايدي لامسك اي قطرة


شتي كمان شوي


خلص الشتا في اقل من ربع ساعة بعد ما الرعد ضلوا يرن في السما و لا اجراس الميلاد


و دخلت للبيت






" يلا احسن من بلا "


دخلت المطبخ اعمل قهوة

بخلال عشر دقايق


صوت ماما من بعيد






سكروا الشباك


غبرت ( طوزت متل ما بحكوا عنا - و هاي معناها طوز و تدل في معجم ابو المعارف انها غبار )


و اللي ما بعرف الغبار يعني لازم يتعرف على بعض خواصه متلا بتتملا المشافي بالاطفال اللي عندهم ضيق تنفس






البيوت بتصير كلها غبرة و هات على عطس و كحكحة


و حالة


يعني الجو كان شوي بتضحك علي


و عم اشوف ببعض المدونات انها بتتلج عندهم


بصراحة و بلا حقد






نيالكم






بحسدكم






عيني عليكم و على جوكم مو باردة













بس نفسي اعرف العصافير اللي كانت الصبح مبسوطة . شو صار فيها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

























الجو عنا بشبه هيك :













نفسي هيك :
















هناك 11 تعليقًا:

Whisper يقول...

الله يفرجها و يسقيكم المطر
بالنسبه للتلج للاسف وقف عنا :"(
يعني ما في عطله

مياسي يقول...

الصوره الثانيه

عنا منها كتير هسه:) أما الطوز فهو أسوأ شيء ممكن يحصل للإنسان

إن شالله بتشتي:)

خالد السعود يقول...

سلام ..
كيفك ؟ والله هاي مشكلة .. اكتر جو بكرهه وما بقدر اتحمله ومن يومين اجى عنا الجو هيك بس الله فرجها والجو عنا هلأ شتوي عنجد وبشكل حلو "قل اعوذ برب الفلق"
يلا عقبالكم ..

jafra يقول...

Whisper
يعني فيكو بعمان تقولوا اني صبتكم بالعين
وقف التلج

اهلا فيكي

مياسي :
ان شاء الله تشتي و الله انخنقنا بتطلعي من البيت بتوصلي للسيارة بتكتي الغبرة من على راسك بس هلا خفت شوي

الرفيق خالد
انا لهلا بتنفس غبرة
تتهنوا بالشتا و يا رب يكون خير عليكم

gabriel يقول...

الحمد لله نحن مكنكنين ببيوتنا وما عما نشوف لا تراب ولا شمس ، مطر مطر مطر ، بالاول كان عما ينزل المطر من فوق ، بعد 3 ايام انسدت المجارير كلها وصار يطلع من تحت ، وما ادراكي شوفي تحت
شي نهفة النهفات يعني

Che_wildwing يقول...

أسأل نفسي كثيرا في هذا الشتاء
أين الشتاء؟؟؟؟

jafra يقول...

gabriel :
انا قبلانة انها تمطر من السما و بعجين تجترها المجارير من تحت الارض
انا قبلانة
و لا انو بعد ما اطلع بثانيتين من البيت بلاقي حالي عم ابلع التراب
صعب كتير الغبار
انا بالنسبة للمجارير الفايضة
هاي تراث لتكمل اللوحة و يفرجونا اللي بالحكومة انو في مشاكل عنا غير الفساد تبعتهم
و نضل عايشين و شامين و ماكلين .......


che :
عن جد هذا الشتاء اتى بلا ملامح
كالمسخ
لم يترك ارواحنا الا اكثر جفافا من ذي قبل

jumana يقول...

يعني شو بدك تعملي!! احنا كمان عنا زات الشي.. بتبلش مطر و برد بعد أكم ساعة بتقلب شوب و رطوبه :S

و أنا بحسد يلي عندون تلجججج :))

jafra يقول...

جمانة انا بضم صوتي الحسدوي معك
هلا عنا كتير حر و بلش التكييف شغلوا
يعني رجعنا لبيوت الكرتون
شكرا لكرورك

gabriel يقول...

هلق عنجد ما كأن الوضع كتير غريب
يعني انا صرلي 3 ايام الصبح بلبس نص كم وبالليل بلبس اونوراك وكنزة صوف
ما كأن الطأش محشش شوي وما عرفان الله وين حاطته ؟

jafra يقول...

الطقس محشش عندكم ؟

اذا عندكم محشش احنا عنا شو بعمل ليوصل لهيك مرحلة

شكرا لمرورك