الأحد، يوليو 12، 2009

عبث


حوار


الاول : فكرك نخلي الباقي لبكرة

الثاني : ما تخاف الدنيا صيف و بتكتر العزايم و بتكتر الزبايل كمان
" و احنا بنشبع " مع ابتسامة ملؤها الأمل بغد افضل
______________

جدل :

الثاني : فكرك بس نكبر الناس بترضى تشحدنا؟ او تخلينا هيك نعيش بسرداب البناية ؟
الأول : لا بس رح نسوي اشي جديد متل اننا نشتغل مع ابو النشالين
و الله بيعطي الواحد نص ليرة باليوم " مع علامات طمع تبدو على وجهه "
الثاني : لا يا عمي أنا سمعت انو الشيخ اللي بأذن بالجامع بدعي عليه و قال انو كل اللي بسوي بودي النار
الأول : لا و الله ما اكثر ايمانو ابو الجامع هادا طيب ليش م ييجي يدور معنا على اكل بالزبال او يدورلنا على شي نشتغلوا و نعيش منو " هو بحكي عن النار اللي ما جربها لسه أنا و اياك من هلا فيها "

_______________________

حرب و عناق

الاول : اسمع انا بدي الكندرة اللي لقيناها بالزبالة امبارح
الثاني : انا لقيتها يعني هاي الي
الاول : لا مش الك اصلا هي كبيرة على رجلك
الثاني : بكرا بكبر و بلبسها
الاول : استنى بكرا استنى " و حمل همه و قهره الى رصيف اخر "
الثاني يتقدم و معه علبة لطيفة و يقدمها للاخر و ترتسم الدهشة على ملامحه و الفرح
الثاني : لو كنت انتظرت قليلا . كنت اخدتها بلا خناق انا كنت انتظر ان يرمي احد بعلبة لكي اضع لك الحذاء بها و اقدمها لك هدية
تعانقا و ذهبا الى اقرب مزبلة للبحث عن عشاءهما

_____________________________

مجرد سؤال :

الاول : فكرك الاولاد اللي بنشوفهم رايحين من الصبح بكير و لابسين زي بعض " وين بروحوا ؟"
الثاني : على المدرسة يتعلموا
الاول : في مدرسة قريبة يعني من هون . طيب فكرك شو بيعملوا فيها المدرسة ؟
الثاني : بقروا - بكتبوا - بتعلموا
الاول : و احنا ؟ ليش ما بنروح للمدرسة ؟ لانو ما عنا لبس ؟ لانو حافيين ؟
الثاني : لا غير هيك
الاول : ليش ؟
الثاني : لانو ما عنا اب ياخدنا اول يوم على المدرسة
يمكن لو عنا اب كانوا استقبلونا بالمدرسة
و بعدين اذا كل العالم راحت على المدرسة مين بدو يغسل السيارات و ينظف درج البناية و ,,,,,,,, و ,,,,,,,,,,

_________________

رمضان

الاول : بكرا رمضان ؟ لازم نحضر حالنا
الثاني : لشو ؟
الاول : لنصوم
الثاني : ما احنا دايما صايمين ؟ ايمتى فطرنا ؟


العيد

الثاني : قوم يلا بسرعة نلحق ناخد شوية لحمة
الاول : نام نام هادا عيد الكعك و بكرا الزبالة بتتملى منو

_____________________


انسانية

الاول : شايف الشجرة المضوية في البيت هناك
بقولوا هادا الميلاد
فكرك احنا شو مسيحيين و الا مسلمين
الثاني : احنا بني ادمين هادا اللي بعرفوا



هناك 26 تعليقًا:

Me7'o يقول...

"احنا بني ادمين هادا اللي بعرفوا"

صدقتى

احنا بنى آدمين

يااااااااااه

على ديه كلمة أنا كنت قربت أنسى

تحياتى

لبنــــــــــى يقول...

اهلا بيك نورت
فكرك احنا بننسى هاي النقطة و الا عم نتناسى


شو قصة الاعتزال ؟؟؟؟؟

Dr. Kafy يقول...

حوار يشد الانتباه لكن أكثر حاجة لففت نظرى التعليق على كلام الشيخ و أوردتيه هكذا
" لا و الله ما اكثر ايمانو ابو الجامع هادا طيب ليش م ييجي يدور معنا على اكل بالزبال او يدورلنا على شي نشتغلوا و نعيش منو " هو بحكي عن النار اللي ما جربها لسه أنا و اياك من هلا فيها "

فعلا أدعياء الحكمة فى بلادنا دوما يقولون لا تفعل كذا، لكن لا يقولون لنا ماذا نفعل ! و إذا حدثت المعجزة و قالوا لنا ماذا نفعل فإنهم لا يقولون كيف نفعله لأنهم لا يعلمون كيف نفعله.

جميل الحوار و المقال
تحياتى

Me7'o يقول...

صدقينى يا جفرة

احنا ولا نسيناها ولا بنتناساها

احنا فقدنا الاحساس بيها

الاعتزال ده حفاظاً على نفسى وعلى بيتى

تحياتى

مش بقولك نسيناها

لبنــــــــــى يقول...

فإنهم لا يقولون كيف نفعله لأنهم لا يعلمون كيف نفعله.

بالفعل هم لا يعرفون
احيانا احس بان اغلب ادعية الحكمة و الدين يعيشون فيقصر عاجي و يتكلمون عن مخلوق اخر غير الانسان

لبنــــــــــى يقول...

Me7'o : طبعا مادام انت بتعتزل لتحافظ على شي اهم
ما فينا نحكي ايا شي
بس يا ريت تضلك قريب من المدونات


بني ادمين
" فقدنا الاحساس فيها لانها استهلكت اكثر من الازم ككلام و ليس كتطبيق على ارض الواقع "

مرورك هنا يسعدني و يشجعني ايضا
تحية

غير معرف يقول...

أنا بسئل : احنا شو الفرق بنا وبينون؟
أنا بجاوب:ما في فرق، زي ما عندون عنا. بس كل واحد بلعبا بطريقتو!!
أنا بسئل: شو هي لعبه!؟!
أنا بجاوب: الحياة هيه الفرق!! إنو الحياة هيه يلي بتعمل من الواحد مسؤول ومرتاح أو متعود و كسول..

(مسؤل ومرتاح- يعني بشتغل وبحارب تا اوصل يلي بدي)؛ ( متعود وكسول- إنو مرتاح بي انك عم تلم زبالي وتاكل وتشبع وهيك صارت حياتي .. لأ!!)

هلأ لي لحتى نؤول بكرا زبالي بتكتر لحتى ناكل.. لي ما نقول بكرة منلاقي شغل ومناكل يلي بدنا ياه!!
لي لحتى نشتغل مع أبو النشالين !!
لي لازم يكون ولي أمري معي عشان روح عل مدرسه؟؟!!


عجبتني كل الفقرات.. شي بيكسر الخاطر والله هي تلخيص بسيط لحياتون! وهاد كلو حقيقي!!

بس بيبلشو أطفال وبكبرون بتعودو!!
لي ما يكون في جمعيات مختصين يلموهون ويعلموهون !!من وهنن صغار
بعرف هلأ الكل بيئول الله يعين الجمعيات عشو بدا تلحق!! إذا أهليون بح ما في منون أمل.. يروح مستقبلون!!!!
بس شي زاد عن حدو!! ولازم يكون في توعيه ونظام بهاد الخصوص.. هدول مو زنبون يلي عم يصر فيون!!

والله حرام :(

خالد السعود يقول...

وهو عبث ليس الا ...
كما هي تفاصيلنا
و أيامنا ..
ليلنا،
كما هي جراحنا وابتسامتنا..
عبث كما هو العبث !



جميل جفرا

غير معرف يقول...

جفرا لقد اختصرتِ
الحوار والجدل الانسانية والحرب
العيد والعناق..
بكلمة..عبث
حقاً عبث
رائعة كالعادة..

لبنــــــــــى يقول...

هلأ لي لحتى نؤول بكرا زبالي بتكتر لحتى ناكل.. لي ما نقول بكرة منلاقي شغل ومناكل يلي بدنا ياه!!
لي لحتى نشتغل مع أبو النشالين !!
لي لازم يكون ولي أمري معي عشان روح عل مدرسه؟؟!!

يمكن اطفال الشوارع الهم نوع من الحياة خاص
انا ما بقدر احكي فيه او انو حتى الوم الاهل
كلها تراكمات يا جمانة و ما فينا نلخصها بكلمتين
انا شخصيا بقول انو هدول بني ادمين وجدوا نتيجة المجتمع

اما بالنسبة للجمعيات
ايا جمعيات يا جمانة ما بعرف انت وين عايشة
الجمعيات الاجتماعية عنا اغلبها للمنظرة و البرستيج و اللي عم تشتغل بحق ما في اي دعم كويس الها
هون الناس بتعتبر انهم تكفير عن الخطايا و بس مش مسؤولين غير انو يعطوهم صدقتهم و بس

بالنسبة للشغل تعي شوفي العاطلين عن العمل في الوطن العربي من حملة الشهادات اللي زي هدول شو بدهم يشتغلوا

كان في حارس لمدرستنا شكلوا كان كتير مرتب سمعتوا مرة بحكي انو هو خريج زراعة و معوا ماجستير و ما لقي شغل ببلدوا و اجى على الخليج ما لقي شغل الا انو يشتغل حارس

اظن انو هلا ما فينا نحكم عن اي وضع
او انو نفتي باي راي الحياة صارت كلها عبث

طولت عليكي - مرورك بهمني
و بسعدني
تحياتي :)

لبنــــــــــى يقول...

خالد
عبث - تلخيص - اظن انو العبث تجاوز سراديب البنايات و تسلل الينا متجاهلا الطوق الذي فرضناه
عبث

لبنــــــــــى يقول...

ياسمين :
احنا عم نمر بحالة اختصار دائم لكل انسانيتنا
باعتبار انو زمن السرعة و اللي ما بلحق ما راح يلحق بس شو عم نلحق مش عارفة
يا هلا فيكي

Wa2el يقول...

رائعة بكل المقاييس..
تأثرت بكل كلمة كتبتيها.. كم نحن غافلون عنهم، وننام قريري الأعين وهم يموتون كل يوم 100 مرة..

كم تحمل هذه الحوارات من رسائل معبرة..

سلمت يداكِ يا جفرا.

لبنــــــــــى يقول...

يا وائل المشكلة انو نحنا تخلينا عنهم و كمان بنسبهم و بنعتبرهم افة مش بني ادمين او بنعتبرهم صدقة و معهم مفتاح الجنة
اذا طعميناهم ضمنا الجنة
انا ما بلوم النفس و بانبها بس اظن انو من واجبنا على الاقل انو نلتفت الهم

زيارتك اسعدتني
تحياتي

همسة يقول...

المخيف ..اننا في يومنا نمر من جانبهم .. ولا نكاد نلاحظهم .. او يعلو ملامحنا "القرف" من مشهدهم
فقدنا انسانيتنا .. و تحولت قلوبنا الى حجر أصم
فارغين من محتوانا كبشر .. تحركنا غريزة البقاء

لديهم اضعاف ما لدينا من الانسانيه ..وقطعا اضعاف ما لدينا من الكرامة

"عبث" مؤلم جدا

لبنــــــــــى يقول...

هذا ما اردت قوله هنا
تخيلي انني اخاف ان يكون مصير طفل اعرفه هذا المصير " مين ضامن الدنيا "
يتكاثرون لتمتد اجسامهم على الارصفة الباردة مع اهمال من جهة و مع قرف منا من جهة اخرى

مع انه عبث مؤلم ...............


سعدت بزيارتك
تحياتي

م م يقول...

تعاطفت جداً مع الأول والثاني ..وتخيلت
الاول : اسمع فيك تدور معي على شي كندرة قديمة
الثاني ليش شو بدك تسوي فيها
الاول بدي ..
الثاني شو بدك
بدي اعطيها هدية للسلطان
الثاني لشو شايف حالك منتظر الزيدي

تحياتي لك وتمنياتي بالتوفيق

لبنــــــــــى يقول...

masrur ;
حلوة منتظر الزيدي و اللي احلى كمان انها كندرة قديمة
اظن انهم لو لقيوها رح يستخسروها بالسلطان
:)
تحياتي

مجنون يقول...

دار حديث بيني وبين احدهم عن فلاح وبيك ..
فأسترسلت في مديح الفلاح والنيل من البيك
بدأ هو الحديث :
- لو كنت بيك ، شو كنت عملت ؟؟ .
- حتماً كنت سأحرق كل الفلاحين كأي بيك
- ليه ، هلأ كنت عم تسب عالبيك !! .
- لما بصير بيك رح يختلف الأمر ، رح أتصرف على طريقة البيك غصب عني ،ما رح أكذب عليك ، وإلا تاني يوم بفيق وبلاقي حالي فلاح .

هي هية الدني ، سكان المزابل ورواد المدارس ، من لديه حذاء ومن لا يملك ، من يعرف العطاء ومن لا يدركه ، من يعرف الله ،ومن يظن أنه يعرفه ..

والنتيجة واحدة :المسحوق هو الإنسان .

لبنــــــــــى يقول...

لما بصير بيك رح يختلف الأمر ، رح أتصرف على طريقة البيك غصب عني ،ما رح أكذب عليك ، وإلا تاني يوم بفيق وبلاقي حالي فلاح .

اذا الحمد لله انو الله ما خلقني بيك و لا رح اصير بيك
هاي بدها قوة ارادة و قلة انسانية و انا ما عندي ضل غير شوية انسانية لو فرطتها ما عاد افرق عن الكلب اللي بربيه البيك


" يعرف الله ،ومن يظن أنه يعرفه .."

اللي بعرفوا الله فكرك من فئة البيك او من فيئة الفلاح

او ماحدا بعرف الله بهالايام


تحياتي يا مجنون
عن جد جننتني بهالتعليق

مجنون يقول...

الاثنان صديقتي يعرفون الله ..
كل واحد على طريقته ..
ربما كان البيك يرى الله في جيبته .
والفلاح يرى الله في سوط البيك .

أما أنا .. فأظن أني أعرفه .

تدوينة ملفتة ، عميقة ، " إنسانيّة " .

تحية لكِ .
سلامتك من الجنون .

لبنــــــــــى يقول...

كل منا يعرف الله على طريقته

هناك من لم يعرفوا الله بطريقة صحيحة و مع ذلك ما زالوا يدعون انهم يعرفون الله كثيرا

لكنني اظن اننا من نعرف ان الفقر ليس بنعمة على هؤلاء
نعرف الله بطريقة ما

سعيدة بوجودك هنا

George يقول...

مررت البارحة من هنا و لم اكن ادري على اي جزء اعلق,فقلت في نفسي سأمر غدا ربما اكون قد قررت ماذا ساكتب. لكن انتابني نفس الشعور. فقررت ان ابقى صامتا امام ابداع انسانيتك.
تحيات طائر مهاجر

لبنــــــــــى يقول...

المهاجر
وجودك بين طيات خربشلاتي المتواضعة
يسرني

sheeshany يقول...

حوارات تكشف زيف حالنا و برود مشاعرنا

رمضان مبارك جفرا، قرأت إدراجك الأخير و حبيت أكتب هون لأنو أصلا ً ما ظل حكي بهداك الإدراج

الله يعينا على استقباله خير اسنقبال

Ahmad Merie يقول...

من اجمل ما قرأت!!! روووووووووووعه!! المفرووض لا تعليق!!