الخميس، أكتوبر 01، 2009

أبو ونوس و أنا



خلال اليومين الماضين ما بعرف بس ابو ونوس كان معي مرافقني متل ضلي


مين ابو ونوس ؟


ابو ونوس بتحس انو معك و مش معك بس هو على الاغلب مرافق دائم للي زيي


يعني افسرلك اياها يا رفيق


لما تروح متلا تشتري فنجان قهوة من ايا مكان معتاد و تحجز دور و صف طويل و عريض و توقفلك شي ساعة و انت بتمني نفسك بفنجان القهوة و مأجل السجارة الأخيرة اللي بجيبتك ليكون دخانها بيغازل البخار المتصاعد من فنجانك و يتكون عندك احساس غريب بتعرفوا . بصدمك رد البائع انو القهوة خلصت على حظك بس فيك تشرب نسكافيه


بس انت بدك القهوة ... مش ممكن ... بس ممكن ... بتقعد و بتاخد نفس و انت بتتطلع حواليك بحركة لا ارادية و بتحط بكيت الدخان و الولاعة بمر شخص بجنبك بكب النسكافيه على اخر سجارة و البنطلون


هيك تاكد انو ابو ونوس قاعد قبالك و بخطط للحركة الجاية :)


ابو ونوس مرافقني الو كم يوم . متلا رحت اشتريت طابعة كمبيوتر انا و زميلاتي اشترينا نفس الطابعة و نفس المواصفات و بنفس السعر


و من عند نفس البائع اللي ما بعرف ايا شي عن الطابعات


و لما روحت على البيت اشتغلت مع الكل الا معي :(


لا ابو ونوس ما الو على التكنلوجيا هادا نصيب بس ... شو رح يصير ؟


اشتريت شنتاية لكتبي و دفاتري كانت منيحة و كويسة روحت على البيت برتب فيها السحاب انقطع . عادي يمكن انا شديتوا زيادة


و بعدها لقيت حالي مضيعة اوراق كتير مهمة ؟؟؟ خرب الموبايل و الاب توب و فنجاني اللي بحب اشرب فيه نزل على الارض و اعلن بداية التوتر و الحرب على ابو ونوس


بس ابو ونوس على فكرة مو سهل


و اخيرا عملت اضراب على المهام الموكلة الي بالمدرسة لانها كتيرة و مش منسقة و مش من اختصاصي ...




و طبعا خدلك على هالمقالب خير الله الى نهاية دوام اليوم اللي كتير بحبو لانو نهاية الاسبوع و ببلش اخطط كانو ما في غير الجمعة و السبت للحياة اما باقي الاسبوع دوام و بس و خلص ما عاد فيي احكي هادا نصيب


لا هادا ابو ونوس مو لاقي غيري ؟


و انا مروحة على البيت بضرب اخماس باسداس على هاليومين الغريبين كتير . زيادة على الحر الفظيع بوقت الضهر و التكييف اللي عم يحاول يثبت وجودوا بس ما طلع بايدوا شي و كل شي عم يمر قدامي


فجأة لفت نظري رجال ببيع ايس كريم على طرف الطريق قاعد تحت شمسية بمكان درجة الحرارة فيه فوق الاربعين


قاعد يا رفيق مبتسم و العرق و التعب مبين على وجهوا


صرت اسوق ببطئ لاتاكد انو هادا الرجال من كل عقلوا عم يبتسم؟


بهالشوب و الحر و ما في حدا معبروا و بشتري منو


عن جد ببتسم وقفت و اشتريت منو لاتاكد


بابتسامة على وجهوا عطاني اللي طلبتوا و مشيت


عن جد الرجال هادي و رايق و مبتسم


انا حسيت انو رقت كتير وقتها و حسيت اني مكبرة المواضيع


هادا الرجال بياخد راتب قليل معيشوا و معيش عيلتوا


و قاعد بالشمس و الحر و حالتو حالة يعني لو ضل يفكر بابو ونوس كان .....


رقت كتير يا رفيق


و قررت الانقلاب على فكرة ابو ونوس


و شلت فكرة ابو ونوس من بالي ...


بس لما فتحت باب الغرفة و شفت الطابعة رجعت :(






هناك 10 تعليقات:

Sofftheme يقول...
أزال المؤلف هذا التعليق.
NasEr يقول...

LOL
ya3ne kont bedy a7ke "sho abo wannoos w sho hal 7aki ya 3ammi fish eshe haik" ba3dain 7akaite ino inqalabte 3ala abo gerd ,which is good,ba3dain '3ayyarte ra2yek.
5alleena b 3ammo taba3 el booza a7san :)

حمدى جعوان يقول...

تصدقى ابو ونوس دا صاحبى من زمان بس مكنتش اعرف ان دا اسمه........!!
كويس انك عرفتينى بيه

لبنــــــــــى يقول...

ثائر و الله ابو ونوس ما عندو فرق و لا كبير حتى القهوة ما عتقها

ناصر : ابتسامة عمو تبع البوظة ملهمة و عندو بوظة طيبة كتير
قررت اصير من زباينوا


حمدي : الاسم الو قصة طويلة رح قولها بشي بوست تاني بتحمل :)

امل يقول...

بتحصل معايا كتير
وقتها براجع نفسى
الاقى انى ماعدت اقرأ فى كتاب الله
فالله معى والقرءان حافظى
تحياتى

Whisper يقول...

هالابو ونوس اللي ما كنت اعرف اسمه من قبل بلفلف عالكل

حكتلي مياسي الاسم العلمي لهالحاله لكن كالعاده نسيت :")

يلااا ن شاء الله يكون دورك خلص بهالابتلاءات الخفيفه الدم و يطول ليرجع يزورك هالابو ونوس :)

بدي منها الايس كريم اللي حكيتي عنها :$

لبنــــــــــى يقول...

ماما هي بتحصل مع الكل
سعدت بمرورك


ويسبر : لا لازم تتذكري شو الاسم العلمي عن جد بدي اعرفو لاحاول اخترعلوا شي لقاح يموتوا لهالابو ونوس
و على حسابك كل الايس كريم ولو
تحية

قط البكتريا يقول...

هو انتي مكبرة المواضيع ... تالفي مع الوضع
يعني بالنسبة الي بوخد هل امور بروح رياضيه
وكما قال الشاعر الكبير
حبة فوق وحبة تحت ورقصني يا جدع :D

حسام كراسنه يقول...

يلي بشوف أبو ونوس غيره بهون عليه أبو ونوسه :)

لبنــــــــــى يقول...

حسام فكرك كل واحد الو ابو ونوس خاص فيه
يا ويلي انا فكرتو واحد و بتنقل
الله يطمنك
:)