السبت، أكتوبر 10، 2009

الكاسيات العاريات و السافرات و أنا

صار معي موقف ذكرني بكتير اشياء
بس بدي اطلب من اللي بقرا انو ما يفكر اني مضطهدة او اني ضد اي حدا او اي عرف ديني او اجتماعي
انا اصلا ابسط من اني اكون ضد او مع لانو بكل بساطة ما حدا اخد رايي بايا شي .
متلا : بايام الجامعة قرات ملصق عن استفتاء حصل بكلية العلوم
و كانت نتيجتو 95% من الطلاب وافقوا .... و 5% اعترضوا
انا وقتها ما حدا اخد رايي فما كنت من اللي رفضوا و لا حتى اللي وافقوا
:) وبن انا من طلاب الجامعة :
( حتى ما عرفت موضوع الاستفتاء و على شو عم يستفتوا ؟
المهم طبعا اللي بتابعوا اللي بخربشوا
بيعرفوا اني انا مدرسة او معلمة او مس في مدرسة ابتدائية خاصة السنة هاي كبرت
و بطلت ادرس الصف الاول ترفعّت للصف الخامس و الثالث الابتدائي
المهم و انا داخلة لاحد الصفوف المكتظة قابلني ولد عم يبكي و يقولي
- يا مس فلان سب ديني
- شو عم تحكي تعال يا فلان انت سبيت دينو
فلان - اه ما هو مسيحي
يا سلام ......... و تم استدعاء ولي الامر ... ( اللي مربي لحية و لا بس دشداشة )
الاخصائية الاجتماعية : - ابنك تلفظ بالفاظ غير لائقة
أنا : ما اسمها تلفظ بالفاظ غير لائقة . هو ما سب صاحبو ابنك سب الدين
الاب : بس ابني قاليي انو اللي سبو مسيحي و هو .....
انا اندهاش . و المسيحي ما الو دين
الاب : لا بس احنا بدينا ....
انا مقاطعة : لا الاسلام و لا النبي قالنا نسب المسيحي و اليهودي و نلعن دينو شكلو مو الولد اللي فاهم غلط .
الاب : ليش يا ابلة انت مسلمة؟ يعني كيف تخلوا سافرة تدرس لاولادنا بالمدرسة ؟
يعني لو كنت مسيحية ما بكون سافرة ؟ او كانت المشكلة رح تكون اكبر ؟
و صارت القضية انو انا مس سافرة و من الكاسيات العاريات
و لا اصلح للتعليم اما ولي الامر الاب المربي الفاضل
صاحب المدرسة الاولى و هي البيت و الاسرة يبرر لابنو سب دين ايا شخص مش مسلم
الاسلام بريئ من هادا الشي انا متاكدة و اذا مو هيك اظن في اعادة نظر للاسلام كدين .
طبعا الحادثة هاي رجعتني لامور كتير
منها انو كتير مدرسات بعملوا حالهم مشايخ
و كل ما يشوفوني لازم موضوع الحجاب ينفتح .
- انتي غطي شعرك يا ابلة و البسي اللي بدك اياه
يعني حلو انك تشوف اندوير وحدة محجبة مبين .
مش مهم المهم انو مغطية شعرها و طبعا
هدول المدرسات قلة قليلة مندسة ( يمكن مزامرة علي :) )
و ام العريس و العريس بتفرجوا و بيعاينوا و بس تخلص المعاينه
و فحص العروس بكون اول شرط الهم اني اتحجب .
طيب مش انتو جايين و عارفين اني مو محجية ؟
و الا خلص خلصت الفرجة و صارت حكرا على العريس
و قبل هيك اتصلوا فيّ مدرسة ثنائية اللغة
كنت قدمت لوظيفة معلمة علوم عندهم و قرروا يتعطفوا علي و يقابلوني
السكرتيرة : بس معلش اسال هادا السؤال مع اني متاكدة انك محجبة
( من وين جابت التاكيد ؟)
انا : لا انا مو محجبة
السكرتيرة : بتقبلي تداومي عنا بحجاب و انت حرة برة المدرسة
انا : لا ... و انهيت المكالمة
و مرة من المرات كنت رايحة اقدم على وظيفة
و قابلتني وحدة على الباب و سالتها عن شؤون الموظفين .
و سهلت الموضوع و اخدت الطلب من على الباب
و ما خلتني ادنس المكان المحترم بارجل انسانة سافرة متلي
و ما لفيت وجهي الا و هي رمت الطلب باقرب سلة للقمامة ( زبالة يعني )
بعدها عرفت انو ما بوظفوا الا محجبات .
كانت بتقدر الاخت الفاضلة تحكي هيك ما كنت رح ازعل لانو شي ما بزعل .
انا شخصيا مش شايفة الموضوع كبير
بس ردة فعل العالم و طريقة التعامل هي اللي غلط مش اكتر .
الفكرة مش اني برفض الحجاب
و بقول الحكي الفاضي الليي بتحججوا فيه سافرات الفضائيات
انو الحجاب فقط لنساء الرسول . و انو بحد الحرية .
لا اني انغصب على الحجاب و يكون فرض من انسان علي هو هادا حد من حريتي .
و انا و ربي النا علاقتنا اللي فيها مغفرة و رحمة اكتر من البني ادمين
انا مقتنعة انو كل دين سماوي امر النساء بالتستر و الحجاب
هادا مش موضوع عاملي ازمة مع الدين
لا بس مش قادرة اتاقلم مع حالي لو كنت محجبة انا هاي مشكلتي فقط لا غير .
يعني انا ما عندي مشكلة مع الدين
و لا مع الله بالعكس انا بحاول على قد فهمي
و قدرتي اني اكون على علاقة طيبة بربي بس من غير حشرية العالم
العالم صارت تتحشر بعلاقة العبد مع ربو
و هاي على فكرة عملت ازمة نفسية
و انتجت كتير افراد يا مؤمنين بطريقة مش طبيعية او بلا ايمان
و هادا مش موضوعنا
موضوعنا التخبيص اللي عم اخبصوا باخر هالليل
. شكلوا ناتج عن حالة نفسية
ما الها اي علاقة بالدين يمكن الها علاقة بشي تاني لهلا ما
عرفتوا
( تصدق يا رفيق اني لهلا مو عارفة شو مالي و فايتة بالحيط . )

هناك 26 تعليقًا:

SyrianGavroche يقول...

بخصوص حادثة الأب... فعلاً شي مقرف و محزن جداً

الله يعين ابنو, لأنو هو أول ضحية لهيك أب

بخصوص الحجاب:

أنا مع الحجاب لما يكون برغبة و قناعة مطلقة من المحجبة, و مع السفور لما يكون برغبة أو قناعة من "السافرة" (و لو اني ما بحب هالمصطلح بنوب).. فقط احكي بالموضوع لما في اجبار.. إن كان باتجاه أو اتجاه آخر


تحياتي

شــيرين الحايك | Sherry Al-Hayek يقول...

في مشكلة بأن يكون الانسان مختلف عن الجماعة .. يعني أيا ً كان الاختلاف و لكن هالشي بشكل أكيد ماب يعطي لحدا الحق بالتدخل بشؤونه ..
اضافة لهيك أنا ما بقدر افهم علاقه الحجاب بالدين .. الحجاب فرض و لكنه مش من أركان الاسلام الخمسة و هالشي كافي لانو يجعلها متمم و ليس مكمل ( هاد على فرض اجينا معهم و اللي ما بيجي لعندك روح لعنده ) ..
انا بشوف في مشكلة كبيرة بتعاطي مجتمعاتنا مع الدين بغض النظر عن تحديدا ً الحجاب او غيره في مشكلة كبيرة و مابعرف كيف ممكن نبدا نحلها ..
بكل الاحوال تحياتي و للأسف في شي مزعج حقا ً بالموضوع

Che_wildwing يقول...

المعضلة أن الفروض الدينية أصبحت أدمية وليست ربانية

لبنــــــــــى يقول...

ياسين : الاب زودها لقررت ادارة المدرسة توقف تسجيل ابنو السنة الجاية
و انا بعد هالموقف ما رجعت شفتو
بس كتير زعلانو على الصبي يعني لما يشوفني بالصف بكون كتير خجلان و بحاول اكسر هالحالة او السور اللي بناه الاب بينا

انا من رايك 100% الجحجاب اذا كان بقناعة و نابع من القلب بيجمل الانسانة و بخليها وجه حضاري لدينها اما اذا كان غصب فنتيجتوا متل ما عم نشوف هالايام

تحية :)

Eslam Samir يقول...

تمام :)
الحجاب رسالة حضارية لكن المشكلة وعلى الرغم من انه رسولنا أفضل داعي في الوجود للهداية ،لسا ما بنعرف كيف نقدم النصيحة واذا حاول حدا من الـ مصلحين او الدعويين انه يقدم نصيحة بروح بقدمها وبيطلع الأثر سلبي تماماً بأنه الشخصي المدعو بيبعد أكثر للاسف السخيف اللي استخدموه ..
الحجاب فعلاً حلو وعنا بمجتمعنا بنعتبره مسلمة قبل القناعة لهيك هالتناقضات والاختلافات تقريباً معدومة عنا ..وما حدا بينكر انه نظرة مجتمعنا نتيجة لهيك اسوأ ما يمكن لغير المحجبات ...
القصة تتوقف على منسوب الإيمان وقدرتنا على الاقتراب من الله أكثر
" إن المحب لمن يحب مطيع " ..

تخبيص آخر الليل بالعادة بكون سبب بنوم عميق :)
أوقاتك سعيدة جفراا

لبنــــــــــى يقول...

شام : لو تعلمنا دائما انا نحترم الاختلاف و المختلفين معه ربما وصلنا الى احترام الذات
ان نكون مختلفين لا مشكلة بالعكس انا اراه تطور اجتماعي لكن ان نكون مستنسخين من قبل امير المؤمنين هذه قمة الاسفاف و اهانة للدين
انا كما قلت لست ضد الحجاب و اعترف انني مقصرة بالناحية الدينية لكن مادمت لا اؤذي احدا و لا اتعدى حدودي فهذه حريتي
اشكر من ينصحني لكن بطريقة تحترم عقلي و شخصيتي و لكن ليست بطريقة تنقص مني

نورت المدونة شام
اشم له رنة في الاذن و شيئ ما في القلب



che : لا هالمرة طولت الغيبة عن جد
بتمنى تكون بخير
بالفعل الفروض الدينية صارت فرضا من البشر و ليس من الرب و هذه معضلة تجعل الافرض مرغوبا او مرفوضا حسب تقبلك للشخص و فكره و هنا اظننا ابتعدنا عن الربانية و الدين

ما تغيب
تحية

قط البكتريا يقول...

انا حاليا بمر بمرحلة كسل كنت بدي اكتب عن موضوع مشابه بس معكوس
يعني قبل يومين بتصل فيي صديق الي - مسيحي - بحكيلي بدي اياك بموضوع بمكتبي الي بالمنطقى الي فلانية
رحت لقيت عندو قسيس يوناني بحكي عربي مكسر سلمت وقعدت , القس بعد فترة نزل ورجع شارية سندويشات ومي ومعاه عصير وامور
وبحكي كلو ابو بلاش ... بسئل صاحبي شو يعني ابو بلاش
جاوبني وهو بضحك انو هو القس بيجي عندو وبقعد وبشبك انترنت وبتصرف بالمكتب براحتو ببلاش
وصحاب المطعم المقابل المكتب مسيحين مابرضو يحاسبوه وببلاش بعطوه
بس الي صدمني انو صاحب السوبرماركت شيخ مسلم متدين بحبو للقسيس وبعطيه العصير ولامور هاي وما برضى يحاسبو
يعني كلو ابو بلاش :D
حبيت تعامل الشيخ انو فيه ادب واخلاقيات وعدم تمييز

Whisper يقول...

تأكدي ان المشكله دائما بالناس مش بالدين

في ناس بس يشوفو تصرفات هيك عالم زي الاب المحترم بسقطو تصرفاته على الاسلام والمسلمين
والدين اكبر من ان تصرفات شخصيه تمثله او تحدده.

انا تحجبت وانا بسنه رابعه جامعه, و اكتر من مره سمعت كلمه سافره من اللي حوالي, وانا ما كنت اهتم مع اني من المدرسه كان نفسي اتحجب و كانت الخطوه هاي كتير كبيره بالنسبه الي

فانا من تجربه بحكي ان الحجاب فرض صحيح ولكن انا مع ان البنت تتحجب وهي مقتنعه تماما بالحجاب علشان تحس بقيمته الحقيقيه بعيدا عن العادات والتقاليد اللي كتير ناس بربطو الحجاب فيهم

هلأ نيجي للدين
الدين عمره ما كان مظهر خارجي, لحيه, دشداشه قصيره, حجاب, نقاب...

الدين المعامله و التصرفات و الاخلاق واسلوب الحياه وهاد كتير ناس بعتبرو حالهم متدينين ما بفهموه وما بطبقوه للاسف

الاب هاد فاهم الدين بطريقه خاصه فيه بتريح اسلوب حياته وحسب مزاجه الشخصي

لا تهتمي و اهم شي انت تكوني راضيه عن علاقتك مع ربك, واساسا من رحمه ربنا فينا ان هو اللي راح يحاسبنا بنفسه

سامحيني كالعاده طولت بالتعليق :)

لبنــــــــــى يقول...

اسلام زميلتي :)
شكرا لتمنياتك بالاوقات السعيدة
و طبعا انا معك الرسول صلى الله عليه و سلم انسان قبل ان يكون رسولا افضل داعية و طريقة تعاملوا خلت ربع عدد سكان العالم الحاليين مسلمين لكن هل هم مسلمين متل الرسول قبل اتباع مظاهر الدين و تقليدها يجب علينا دراستها و الاقتناع بها و ملاءمتها لمجتمعاتنا و حياتنا الحالية طبعا في بعض المظاهر متل الحجاب بتنفع لكل الاوقات و انا بحترموا لكن الله الهادي مو البشر
" ان الله يهدي من يشاء "
تحية

لبنــــــــــى يقول...

قط البكتيريا : حوادث كتير بتصير بيكون تصرف الانسان بديهي
مرة مرت بالقرب مني و من صديقاتي منهم مسيحيين و مسلمات احد الراهبات فانا احتراما الها ابتعدت عن طريقها و ابتسمت بطريقة احترام بصراحة اي انسان بحب الرب و بطريقتوا اللي مقتنع فيها انا بحترموا و بجلوا زي ما كان رسولنا ايضا يحترم الرهبان و كمان جاره اليهودي
استغربوا من تصرفي و سالتني وحدة منهم انت ليش هيك عملتي ؟
انا شخصيا بقدر الراهبات و بحترمهم و كنت بحضر قداس الاحد بكنيسة بشارع الحصن ( اللي ساكنين باربد بعرفوها ) مع صاحباتي و كان القداس روحاني بتنغسل فيه الروح بطريقة رهيبة متل الصلاة
انا بامن بالرب الواحد اللي بكون موجود بكل مكان طاهر فيه قلوب بتحبو و بتجلوا و بتتذكروا

و عنا متل القسيس متايل
و في كل دين و مجتمع في استغلال للدين
تعا شوف عنا اي نوع بدك اياه موجود
الله وكيلك تنوع مش طبيعي :)

لبنــــــــــى يقول...

ويسبر
هلا انت طولي متل ما بدك
كل المدونة على حسابك ولو
و انا و انتي مرينا بتجارب بالجامعة و مرق علينا كتير
حلو انك التزمتي باقتناع و هادا الشي بخلي احترامك يزيد و اهتمامك بمعرفة دينك تزيد و هادا مبين بتدويناتك و انا بحترم هيك شي
يمكن الانسان بمر بتجارب مختلفة بتاخر فيها او بكون متقدم عن غيرو بخطوات مهمة لكن دايما في فرصة
و زي ما حكيتي " ربنا اللي رح يحاسبنا " عن جد رحمة

Unknown يقول...

مش عارف شو بدي احكيلك

بس يت ريت تحكي للاب المحترم انو في ايه بالقرآن-وبصراحه- مش متزكره شو نصها تجديدا للاسف بتنهى عن سب اديان الاخرين حتى ما يسبوا ديننا

الكنيسه اللي بتحكي عنها من نفسي افوتها جد؛ كل ما امر من عندها بتساءل: "يا ترى بيفوتوني وانا محجبه؟"

Sofftheme يقول...

من الهرطقة ان يربط المرأ قناعته بجواز شيء ما بقناعة صاحب الشيء,
فإذا انت مقتنع بما انت عليه, هذا لا يؤثر في قناعتي بذات الشيء

انا مع الحجاب "عذرا للجينز" ولكن لا اكراه في الدين قد تبين الرشد من الغي

ولست مع اطلاق لقب سافرة على من لا ترتدي الحجاب فهذا تطرف و ظلم فالسفور سلوك و قد نظلم بهذا المصطلح الكثير, و لا أريد أن أسجل نظريات هنا فهذا أمر يتعلق بالفقهاء, ولكن يجب تبني مبدأ لين الكلام و عذب الملافظ و الترغيب على الترهيب

فقال تعالى "لو كنت فظا غليظ القلب لانفضوا من حولك" صدق الله العظيم

لبنــــــــــى يقول...

مياسي : نورت المدونة :)
مش كل من قرا القران بيفهم فيه
و بيطبقوا
في ناس بس بتقرا لتحرك شفايفها يعني رياضة روحانية مو اكتر
هو الاب لو فاهم بالدين كان اول شي طبقوا هو ادب الحوار لكن للاسف منظر و طول على الفاضي

انا كنت اروح على الكنيسة مع صديقات الي . ما اظن انهم بيسمحوا لاي حدا يدخلها لما ما يكون في قداس لو الك حدا تروحي معو افضل و بمناسبات التكليل بتلاقي محجبات بشاركوا اصحابهم فرحتهم
بس هي حلوة والها هيبة اذا نزلت للاردن بنروح سوا :)


ثائر : طبعا الحجاب فرض ديني. مع او ضد هادا فرض ما فينا نحكي فيه
بس متل ما قلت لو كنت فظا غليظ القلب لانفضوا من حولك
و للاسف كتير من العالم اللي بتلتزم اول شي بمسحوا من وجهم هو الابتسامة
طبعا مش الكل انا بتعامل مع اشخاص متدينين رجال و نساء من اهل و اولياء امور جدا برتاحلهم و بعزهم
بس اكيد الانسان الغلط هو اللي بلفت النظر اكثر

تحية

نسيـــــــان يقول...

بتعرفي شو يا رفيقه
انتي بني ادمه واضحه و صريحه و مشكلتك بانك تتحجبي هي مشكله بسيطه .. يعني الي فهمتو انك مؤمنه بأنو الحجاب فريضة على المسلمات
و بما انو احنا "مسلمين" فلا بد في يوم من الايام بأنك تتحجبي ..
وكما ذكرت مشكلتك بانو مش عارفه تتأقلمي بالحجاب هي مشكله بسيطه اعتقد بأنو بتعاني منها اي بنت لسه متحجيه جديد او ناويه على هيك
--
هي شغلت وقت و بتتعودي ..وبالنسبه لحكي الناس و العالم الي بتلت و بتعجن ..فسيبك منهم و حطيهم على جنب
الحخجاب مش فريضه اجتماعيه هي فريضة دينيه
و بما انو المجتمع ذو اغلبية اسلامية فبتلاقي كتير متحجابات و بما انو حضرتك "لسه مش محجبه" فرح تلاقي كتير انتقادات و هاد حكى و هاد لسه بدو يبدي رأيو الجوهري عانيت قبل لاتحجب من هيك حكي ، و لسه اختي شايفها بتعاني
بس كلو بالقناعه
لانو لو البستي عشان اتسكتيهم .. رح تكرهي او رح تشحلي بيوم من الايام .. او ما بعرف
بس اقتعني فيه قبل لتلبسيه
.
.
.
وتحياتي الك يا رفيقة

لبنــــــــــى يقول...

شكرا نسيان لاطراءك اللطيف
بعض الناس و انا منهم بنعاني مشكلة البساطة و عدم تعقيد الامور
متلا انا هلا ما بدي اتحجب لاسباب بتخصني اقتنع فيها الغير او لم يقتنع و لا ني ما بحب اجبر حدا على الاقتناع بفكرتي بالمقابل ما بحب حدا يجبرني بطرحوا او بافكاره
بس مش ببرر لحالي عدم الحجاب باهانة الدين او تبريرات و افتاءات
خلص الموضوع بسيط انا ما بدي اتحجب هلا و انتهى
و بتعرفي البساطة وين انو اللي رح يحاسبني ربنا مش اي حدا تاني

حكي الناس ممممممممم
ما بيعني الي ايا شي اذا كان اسفاف و ما بكون باطار ادب الحديث
لهيك ما بهتم
و انا مش مضطرة ارضي اي انسان
انا هيك و فيّ عيوب اكيد زي ما بغيري عيوب
مش حابة اكون اله لاعجب حدا
و متل ما بقول دايما اللي ما بعجبوا ما يتعامل معي
و عندي ايمان بقول المسيح عليه السلام " و من منكم بلا خطيئة ....."
و بالمناسبة نوّرت :)

غير معرف يقول...

لا يتوانى رجال وظفوا أنفسهم ناطقين باسم الله عن وصف المسحيين بالكفرة والنجس و غير المحجبات بالكاسيات العاريات و المناضلين بالشيوعيين الكفرة و المفاوضين بالخونة الخ

الحديث يطول عن هذا الموضوع فقد الغيت مدونتي الأصلية و اتهمت بالزندقة لطرحي الموضوع

تحياتي
يسار حر

Che يقول...

حاسس انى شفت الكلام ده قبل كده .... انا ياما تكلمت عن حريه العقيده و الحريه الشخضيه و انه ربنا اللى بيحاسبنا و ياما برضه اتهاجمت و واتوصفت بأنى مفسد و كافر او بالقليل مش فاهم دينى
و فى الاخر وصلت لنتيجه جميله جدا ... انهم يقولون .. ماذا يقولون ... دعهم يقولون
المجتمع اللى احنا فيه مش قادر يستوعب طريقه التفكير اللى احنا بنفكر بيها مش لغلط فى طريقه التفكير ذاتها انما لغلط فى المجتمع ... بغض النظر عن طريقه التفكير و اذا كانت صح ولا غلط ... بس الله ادانى عقل و ادانى حريه الاختيار ... و على اساس اختياراتى هتحاسب يوم القيامه ... موضوع بنعيشه كلنا و للاسف ملوش حل

ماء تشرين يقول...

لا ياجيفارا انا طبعا معاكى في موضوع الابن وابوه ياعنى دى قله ادب ياعنى والله امرنا انا لانسب دين احد حتى لا يسبو الله بغير علم

اما بالنسبه للحجاب فاانا اتحجبت لما حسيت اوى انو ده رمز بيفرق المسلمات عن غيرهم زى ما المسيحيات بيلبسو الصليب رمز ياعنى انى فخوره بانى مسلمه وبقول لكل الناس انى كده بس ياعنى انا اتولدت مسلمه فحبت بس انى اؤكد على انو مش بس بالميلاد لكن هو اختيار ده عن نفسي وانا مش ابدا مع الناس البيعملو غير المحجبات على انهم عندهم جرب لا طبعا دول مسلمين وفى منهم والله احسن من المحجبات بس اكيد نقصهم يحسو بالقولتلك عليه

دمتى بكل الود والحب

Unknown يقول...

رائعة المقالة وأكثر من رائعة :)
كتبنا بالمدونة تاعتنا عن هاد الموضوع تحت عنوان "دعوأ الخلق للخالق" :)

يزيد

لبنــــــــــى يقول...

يساري حر مش بس الرجال امتهنوا بهاي المهنة
فكرك شي يوم رح افتح المدونة و لاقيها ملغية ؟
شو فايدة التدوين اذا ؟

تشي : اكيد شفت الموضوع او ملامح مشتركة لانو اكيد مش انا لحالي بهالدنيا بتتعرض لهيك مواقف
و على فكرة في ناس محجبة بتتعرض لمواقف مشابهة و بتوصل لحد الاهانة احيانا
على العموم انتشرت في المجتمعات ظاهرة قلة احترام الاخر
و طبعا الاسباب كتيرة بس مش كل شي سيئ نلاقيلوا مبرر على طول

تحية


ماء تشرين : الله يسامحك هلا في ناس بتتعامل معنا على انو عنا جرب :))))

هلا حلو انك تعتزي برمز ديني بس فكرك الحجاب او المظاهر الدينية هي اللي بترفع منو ؟ ما اظن
الاخلاق و حسن التعامل هو الاساس
و هل كل المحجبات برمزوا للدين الاسلامي ؟؟؟
ما اظن
و بعدين انا انولدت مسلمة لكن ما توقفت عند شهادة ميلادي بالعكس انا صرت دور لحالي و اتعلم عن دبني مش بس هسك حاولت اني اقرا عن الطوائف المختلفة و الاديان الاخرى
العهد القديم و الجديد و البوذية و و غيروا و لقيت اني تقربت من الله اكتر و اكتر
مش بسحجابي اللي رح ياكد هويتي الاسلامية في اشياء اهم بكتير من الحجاب ( هادا ما بيعني انو الحجاب مو مهم) لا كل اسس الدين مهمة لكن الها ترتيبها و اولوياتها

كوني بالقرب صديقتي

لبنــــــــــى يقول...

Farah and Yazid :
نورتوا المدونة
اكيد رح اقرا موضوعكم
و هاي المسائل منتشرة هالايام
تحية

ماء تشرين يقول...

جيافارا ياقمرايه سورى والله يمكن خانى التعبير لا طبعا انت مش جرب ولا حاجه حببتى انت قمرايه والله بس بردوا لو قصدك المسلمه بمعملتها الكويسه هتبين انو مسلمه اوك معاكى بس في كتير من اصحاب الديانات الاخرى بيعملو كده وكانت عندنا معيده بالكليه والله لو شوفتى معاملتها متتخيليش ابدا انها مسيحيه انا في اعتقادى انوالحجاب الاسلامى هويه وعلى فكره ياجيافارا الحجاب مش بس في الاسلام لا كمان شوفي الراهبات مثلا بيلبسو الحجاب وهم بيمثلو الطائفه الاختارت انها تدين فهمتينى ياعنى هو رمز دينى عارفه ياجيفارا انا عشت محجبه لانى كنت في دوله خليجيه ولما كنت برجع مصر كنت بخلع الحجاب لانى كنت شايفاه مجرد زى رسمى في الدوله دى ولما رجعت طبعا كنت بصلى علطول ومش بسيب فرض فجاه زميل ليه قالى ازاى بتصلى وانت مش لبسه حجاب واتريق عليه اوى سعتها زعلت من نفسي
كفايه كده انا رغيت كتير بس وحشنى الكلام معاكى

تقبلى ودى

مهندس مصري بيحب مصر يقول...

ياه دا أنا فاتني بوستات كتير قوي
بس قريتهم كلهم
:)
المهم
بصي يا ستي
الولد غلطان و ابوه غلطان لأن الإسلام ينهانا عن سب أهل الأديان الأخرى
يقول الله تبارك وتعالي في الاية 17 من سورة الانعام ((وَلاَ تَسُبُّواْ الَّذِينَ يَدْعُونَ مِن دُونِ اللّهِ فَيَسُبُّواْ اللّهَ عَدْوًا بِغَيْرِ عِلْمٍ كَذَلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَى رَبِّهِم مَّرْجِعُهُمْ فَيُنَبِّئُهُم بِمَا كَانُواْ يَعْمَلُونَ))

يعني كل أمة مقتنعة بإن اللي هي عليه هو الدين الصحيح و مش السب هو اللي حيغير فكرتهم دي لأ بل المناقشة بالحكمة و الموعظة الحسنة من ناس مؤهلين مش من طفل ما يعرفش حاجة
و في النهاية ( لكم دينكم و لي دين )
و لا إكراه في الدين

بالنسبة للحجاب فاللي قالت لك غطي شعرك و إلبسي ما بدك دي مش فاهمة الحجاب و جاهلة بمعنى الحجاب الشرعي

و انا عن نفسي قلبي بينفر من المحجبات بحجاب ينافي الشرع كأن تغطي شعرها و تلبس الضيق و القصير و الشفاف
فكل هذا ضد الحجاب
و قد تكون غير محجبة و لكن لبسها محتشم و افضل من لبس المحجبات السبور بتوع غطي و إلبسي ما بدك

و شروط الحجاب الشرعي أربعة
1 - أن يغطي محل العورة
و العورة للرجال هي من الصرة للركبة و للنساء هي الجسد كله ما عدا الوجه و الكفين
2- أن لا يشف
أي لا يكون شفافاً أو رقيقاً يظهر ما تحته

3 - أن لا يصف
أي لا يكون ضيقاً مفصلاً واصفاً لتفاصيل جسم من ترتديه او يرتديه

4 - ان لا يكون زينة في نفسه
أي لا يكون مزيناً بطريقة مبهرجة تلفت الأنظار و تلوي أعناق المارة في الشارع
بل يكون غير ملفت

و هذه الشروط تنطبق على لباس الرجل و المرأة
لذا فالرجل الذي يرتدي بنطلوناً ضيقاً
مفصلاً لعورته فهو يرتدي زي غير شرعي
و هو غير محجب :)
و مثله الرجل الذي يرتدي بنطلوناً ساقطاً عن وسطه ليكشف أجزاء من ظهره او بطنه اسفل الصرة
و مثله من يرتدي شورتاً قصيراً أعلى من الركبة
فكلهم رجال سافرون و يخالفون الحجاب الشرعي و الزي الإسلامي الشرعي

و مثلهم النساء التي لا ترتدي الحجاب بالشروط السابق ذكرها
أما من تغطي شعرها بدون الإلتزام بما سبق ذكره فهي ليست محجبة و تخطئ لو ظنت ذلك

المهم ما دمتي مسلمة و تعترفين بفرضية الحجاب فلا أعرف لما لم ترتديه حتى الآن ؟
:)
لكن يجب على من تدعوكي للحجاب أن تكون ملتزمة بالحجاب الصحيح و ليس الحجاب المسخ المنتشر حالياً و أن تدعوكي بسماحة و إبتسامة و ليس بغلظة و عنف

بس ما دام متأكدين إنه أمر من الله و من الرسول فلا نملك سوى ان نقول : سمعنا و اطعنا
و ذلك بسبب تلك الآية
وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً " (الأحزاب، 36)

هدانا الله و إياكي إلى ما فيه الخير
و عموماً كل شئ بوقته و لعل الله يأذن لك بالحجاب الشرعي الصحيح قريباً
و على فكرة موقف العرسان صحيح لو كانوا يقصدوا انك تطيعي الله مش إنهم يخبؤكي لهم فقط
لأنه لو تزوجك اصبح مسؤول عنك شرعاً أمام الله و الحديث يقول :كلكم راع وكلكم مسؤول عن رعيته، فالإمام راع ومسؤول عن رعيته، والرجل راع في أهله وهو مسؤول عن رعيته، والمرأة في بيت زوجها راعية وهي مسؤولة عن رعيتها، والخادم في مال سيده راع وهو مسؤول عن رعيته.

معذرة للإطالة و لكنني أحترم قلمك و أحسست أنني لابد أن أعلق
مع خالص مودتي

Shaima يقول...

فعلا الدنيا غريبة :)))
انتي ما بتتوظفي لإنك مو محجبة وأنا ما بتوظف لأني محجبة..:)))

انا كنت متلك مقتنعة بس مو فاهمة كيف ألبسه وبعدين ما بتعرفي بين يوم وليلة الله بيهدي .. :))

على كلٍ، موضوع أكتر من رائع وفعلاً إنو هاي مشكلة بتعاني منها المجتمعات العربية بالذات..

وهاد الشيخ أنا نفسي أفهم من وين جايب معلوماته :p اذا بدك يعني انتي بس عطيني عنوان بيته وأنا بفهملك ياه;p كتير غريب والمسكين ابنه اللي حطه بموقف عنجد محرج معك :))) :p

تقبلي مروري جفرا
ودمت بحب

لبنــــــــــى يقول...

و الله يا شيما العالم كتير غريب
بس احيانا الافضل انو نتجاهل بعض الناس متل هالشيخ
لانا بالنقاش معهم بنعطيهم اكتر من قيمتهم
نورّت