الخميس، فبراير 11، 2010

مناظرة و النتائج واضحة


قبل قليل كان هناك بث مباشر على قناة الجزيرة الفضائية


شاهدت جزءا منه و هو عبارة عن مناظرة بين طلاب ( طلااااب )


من الهند و نظرائهم من كوريا الشمالية


حول السلاح النووي و اهميته و خطورته على الدول


لفت نظري العنوان الذي جعلني أرفع الصوت


لأرى فتاة هندية في السابعة عشرة تناقش


و توضح وجهة نظرها حول انتشار السلاح النووي


و كيف يضر بمصلحة الإنسان و تدرجت الى استخدامه في الإرهاب


و الدول الراعية له و كان على ما يبدو اعتراض كوري


على ما تقوله و لكن تم مقاطعتها بكل احترام و ابداء


رأي كوري مقتضب و أكملت هي ما بدأت به دون أن يضربها


أحد و دون أن تقوم مشادة كلامية أو مقاطعة


أو ان ترى زجاجة ماء أرض جو مسددة إلى وجهها كما يحصل في برلماناتنا العربية


و هم مراهقون مجرد مراهقون تلقوا التعليم بشكل جيد و احترموا أسس النقاش و أدب الحديث


في المقابل و خلال تصفحي للموقع عمان نت وجدت هذا الخبر




و طبعا شاركت بالاستفتاء المعروض بالاسفل عن سبب تعرض المعلمين للضرب في المدارس


و هذه الحادثة تتكرر و بشكل دوري في كثير من الدول .


و هذا يحدث اثناء قيام الكثير من الطلاب بالاعتداء على


زملائهم في الحرم المدرسي على مرأى من الادارة المدرسية


و هذه الحوادث منفصلة عما سمعناه


من فترة عن ضرب استاذ في مصر على ما اظن لطالب ضربا مبرحا ادى لموته .


و الاخذ بالاعتبار ما يدور في مدارس المناطق النائية و التي لا نسمع بما يدور فيها


ذكرتني المناظرة و الخبر باحد صديقاتي التي قالت لي فرحة منذ فترة


ان ابنها و هو يدرس باحد الجامعات قد طلب منه اقامة بريسنتيشن


حول المقارنة بين شخصيات عامة و قالت لي و كلها فرح


وهي تريني الصور ان ابنها اختار أن يقيم مناظرة بين


عمرو دياب و تامر حسني كأشهر شخصيات بالنسبة له


و بالفعل قاعة المحاضرة الممتلئة


و الأساتذة و الصور المنتشرة لأشهر شخصيتين في تاريخ هذا الصبي


منتشرة و تصفيق من الزملاء و اعجاب من قبل المحاضرة


التي بانت صف أسنانها و هي مستمتعة لانها من محبي الفنان عمرو دياب


و هنا اتوقف قليلا لاجري انا المقارنة بين عدة اشياء


1- ما يناظر حوله طلاب مراهقون في كوريا و الهند و ما اختاره طالب في السنة الاولى من دراسة الصيدلة


2- طرق التعليم عندنا و عندهم و النتائج التي يصل اليها مستوى التلاميذ الفكري


3- حال المعلم عندنا و عندهم


4- المؤسسة التعليمية ونظرتها إلى العلم والمتعليمن


5- النتائج و اظنها واضحة جدا و الفروق بين التلاميذ و اظنني لا احتاج التوضيح اكثر من ذلك


و هنا تجد بعض اللمحات البسيطة عن التعليم في كوريا و الهند


و اذا اردت ان تتعرف على كوريا اكثر اضغط هنا


هل السبب في فشل النظام التعليمي يقف عندنا على المعلم او الطالب او المؤسسة التعليمية او المجتمع او الدولة ؟
للأسف لم أتمكن من متابعة المناظرة لقطع البث و نقل كلمة لأحمدي نجاد في ذكرى الثورة الايرانية :(
و ما زلت اسمع

هناك 18 تعليقًا:

أشرف محيي الدين يقول...

مساء الخير جفرا

موضوع مهم ومتميز جدا أشكرك على طرحه

من وجهة نظري المتواضعة فإن فشل النظام التعليمي في الاردن تحديدا ولن أقول في الوطن العربي مع توقعي المسبق أن الوضع لا يختلف كثيرا ومن هذه الاسباب :

- الرواتب والأجور المتدنية للمعلمين وما لها من آثار سلبية في هذه الأيام التي تتميز بحياة معيشية ملتهبة الأسعار مما يؤدي إلى شعورهم بالاحباط وعدم الرغبة في ممارسة رسالتهم التربوية قبل التعليمية بسبب غياب الحافز لذلك وبالتالي تغلب سمة اللامبالاة على أدائهم الوظيفي في هذه الرسالة المقدسة .

- مشكلة المناهج التعليمية والتي يغلب عليها سمة الطابع النظري واستخدام الأساليب التقليدية التي تعتمد على التلقي فقط فبصراحه وبكل أسف لا توجد استراتيجيات تعليمية تساعد في صقل مهارات الطلبة في بناء القدرات العقلية والتفاعل مع ما يتم تلقينهم به ومحاولة اعادة صياغته بل بعبارات أدق هنالك غياب واضح لعملية بناء شخصيات طلابية تفاعلية قادرة على النقاش وحل المشكلات والمبادرة في تحمل المسؤولية .

- الضعف الواضح في الانفاق على المرافق العامة في المدارس وأقصد هنا تحديدا تدني نوعية الخدمات المقدمة في المكتبات سواء الالكترونية أو الورقية وكذلك المختبرات والملاعب والمرافق المخصصة لممارسة الفنون المسرحية أو الموسيقية وغيرها .

- بالنسبة لموضوع العنف المدرسي فأنا لا أحمل المسؤولية للمعلم ولا للطالب لأن الطرفين يعانون من نفس المشكلة في كثرة الضغوطات التي يعانون منها في كافة نواحي حياتهم فيأتون إلى المدارس ويفرغون جل تلك الضغوطات بطريقة عدوانية كمحاولة لرفض الواقع الذي يعيشونه خارج المدرسة وما أكثر الضغوطات التي يعاني منها أبناء مجتمعاتنا سواء في النواحي الاقتصادية أو الاجتماعية وغيرها كثير .

أعتذر عن الاطالة ودمتي بكل الخير .

mood يقول...

اوافق 100%

دمت بود

bobo يقول...

مساء الخير
بما اني مدرسة مصرية اقدر اتكلم عن حال التعليم هنا ف مصر وبيتهيالي ميفرقش كتير ف باقي الدول العربية.. السبب في تدني حال التعليم ليس الطالب ولا المعلم ولا المجتمع ولكن في المؤسسة الحكومية اللي هدفها اصلا تدني حال التعليم لان لو التعليم كان كويس والطلبة بتتعلم بجد دا معناه تخريج عدد كبير من الناس المستنيرة الواعية لحقوقها وبالتالي قادرة على المطالبة بها ، وبما ان النظام الفاسد من مصلحته ان الاجيال تكون تافهة وكل همها لقمة العيش وتامر حسني وعمرو دياب يبقى الطبيعي ان النظام الفاسد دا يحاول على قدر استطاعته افساد نظام التعليم وبالتالي مسح الهوية العربية وتحويل الاجيال الى مسوخ بعيدة كل البعد عن اصلها العربي ، وابسط مثال على كدة تدهور حال اللغة العربية وهو في رايي تدهور مقصود ومتعمد من نظام فاسد تحركه ايدٍ خارجية
اسفة على الاطالة
تحياتي

zuhair يقول...

wallah belnesbeh ele .. o zay ma 2ana shayef.. elmushkele la ektesadyeh wala syaseyh..e7na mujtama3na premitive ." beda2y " bdo fatra men elzaman .. ya3ni 2e7na men kaber o men 2ool eno mafe 5alal besha5syet elmowaten el3arabi.. bas fee .. o fee 5alal kbeer ... ay wa7ad 3endo shwayet solta aw akwa men '3ero .. beseer bdo yseer safa7.. mabda2 27teram el'3er aw 2e7teram almehneh masalan .. mesh eno la yotabak.. bas mesh mafhoom aslan.. simply as we say "to3rafo alnaso men alsenatehim".. just go to the streets and see how much pplswears at each others..

قط البكتريا يقول...

مهم عشان ولاد ... لو زلام زينا كان وصلنا الدم للركب ... بتعرفي نوع التربيه عنا
الكل عصبي ومتوتر وعلى استعداد للانفجار الكل مخنوق وبدو اشي يتفشش فيه
وتاني اشي ما عنا ثقافة الاعتراض والمعارضه
يعني اذا عارضتك بعارض لانو بتوقع انو وجهة نظري صح وانو المعارضة مش دقارة بس هيه نوع من النقاش الي بخدم الطرفين
بس عنا اذا عارضتني يعني انتا بتداقر فيي وبدك تبين انو انتا بتفهم والثاني جحش :d

ميسم يقول...

يعني يا جفرا ولا جامعه عربيه باستثناء واحده اوتنتين اخدوا مرتبه بالنسبه للتصنيف العالي ناهيك عن العنف الجامعي الي بيحدث لأتفه الأسباب ولاعة سجاير مثلا انتخابات عشائريه وطائفيه ومناطقيه شيء مخزي والحبل جرارللأسوأ ونظام صوت واحد للانتخابات وفش وعي لا سياسي ولا اجتماعي وضع بشع واسأليني أنا الي بشوفو ببكي

jafra يقول...

اهلا اشرف انا لاني بقدر احكي باسهاب و بثقة عن هاي المهنة لاني متورطة فيها فرح نحكي بالنقاط كالتالي
1- بتفق معك بموضوع الاجور المتدنية جدا للمعلمين و اللي بخليهم يلجأوا لاعمال اخرى تساعدهم على العيش ابسط هذه الاعمال هي الدروس الخصوصية و غيرها مثل شوفير او.........
في الدول المتقدمة - في مجال التعليم - اليابان مثلا يعتبر المعلم من الوظائف التي يحلم بها الكثير لانها ذات دخل عالي و مميزات

2- المناهج ... الان تم تحديث المناهج بشكل يتناسب مع التطور العلمي في اغلب البلدان و ان لم يتم تطبيقه في بعض البلدان الان و لكن سيكون مطبق خلال سنتين و هو نظام ماجروهيل و rec
و هذه المناهج بالفعل جميلة و متطورة و تنمي عقل التلميذ و لكن هل المعلم متهيئ لهذه المناهج؟؟؟؟ هل لديه الوقت و النفسية الملائمة لتطوير نفسه ؟
هل البيئة المدرسية مناسبة لتطبيق مناهج تعتمد على تطوير مهارات التلاميذ ؟ و هي تعتمد على التجربة و اعادة المحاولة للتوصل الى النظرية او الاجابة الصحيحة
3- العنف .......ممممممم
بدي احكي كلمة يمكن اكون ملامة عليها و لكن بعد تجربة و مع عدم التعميم
مش الاولاد او المعلم اللي بدهم اعادة تاهيل لا الاسرة - الاب و الام - هم اللي بدهم اعادة تربية و تاهيل
المعلم ممكن يزرع بذرة في الطالب لكن اغلب الاهالي و ليس الكل بخنقوها و بدفنوها و بدفنوا معها تعب و اعداد و افكار و مهارات ابنهم

طولت كتير ......... لكن مهما حكينا بضل هناك بقية

تحية

jafra يقول...

مود : اسعدني مرورك



bobo : اهلا بالزميلة و انا اوافقك الراي كما وافقني مود يعني مش 99.9 لا اكتر :)
اظن انو انتو ايضا اتبعتوا الملف الانجازي اللي ما بينفع ابدا تطبيقه في مدارسنا و بالفعل النظم و الادارات التعليمية ما هي الا اداة بيد السلطة و النتائج تدل على غاية السلطة
و بالنسبة للغة العربية اللي عم تنسحب بيد خفيفة من السنتنا و صار اسلوب حكينا مهجن بشكل مقزز اظن انو وعي الاسرة و اهتمامها ممكن يحاربوا هاي الظاهرة
نورت يا زميلة و اسعدني مرورك :)

jafra يقول...

زهير اهلا فيك : اللي ادى لهاي النتائج سوء التعليم من عشرات السنين و اللي انتج اهالي ما عندها اي خلفية علمية او عملية يساعدوا فيها ولادهم على تطوير انفسهم
اذا كان في اي عيوب بالشخصية العربية مع اني ما بتفق معك و لكن بيعود على عدم الاهتمام بثقافة الفرد و انحدار مستوى التعليم
و لكن في عنا نماذج كتير ممكن نقتدي فيها ممكن العالم احمد زويل ما اطن انو من القمر و لا تربى في سويسرا و لا مدارس غالية او اجنبية
و حتى ذهابوا لامريكا بعد انتهاؤوا من البكالوريوس
بس الاحباط اللي بنعاني منو هو اللي مخلينا نشوف حالنا مغبنين بشكل مبالغ فيه

jafra يقول...

قط البكتيريا : كيف الكونغو بس ما يكون وصلتكم موجة الصقيع مشان القرود حرام :)

مشان هيك انا ما بامن بالديموقراطية
و ما بحبها اصلا مش صحبة ابدا معها
شو معارضة ما معارضة على طول الموس جاهز :)
هيك تعلمنا هيك بدنا نطلع :)


ميسم : المشكلة بالتعليم الاساسي
اذا كان الاساس غلط كيف بدو يكون التعليم العالي صح ؟
ميسم لازم اعادة هيكبة التعليم عنا و توعية المجتمع قبل الطلاب لانهم مهما علمتيهم برة سور المدرسة ممكن يتغير كل اللي عملتيه بكلة من الاب و الام

اشتقنالك :)

فتاه من الصعيد يقول...

اعتقد ان سبب تخلف معظم الدول العربيه هو نظام تعليمي فاشل ويثبت فشله باستمرار

سطحيه الشباب ليست سببها سوء التربيه ولكن عيب المناهج

حينما يقارن فتى بين تامر حسني وعمرو دياب .... فربما لو كان يتلقى تعليم افضل لقارن بين موزارت وباخ مثلا

تحياتي لمقالك الجميل

قط البكتريا يقول...

لا قرودنا مبسطوين مرتاحين وما بدفعوش ضرايب
بخصوص الديمقراطيه ... هيه حلوه بس ما بتقدري تقدمي الديمقراطية كمنتج جاهز
يعني لازم تتغير من مجتمع لمجتمع عشان تناسبو
بس زي ما بقدموها النا اتوقع بالنسبة النا غير صالحه للاستهلاك البشري

حسام كراسنه يقول...

لما نصير مهمين بنظر الحكومة، وقتها بنتقارن معهم، يعني كيف الواحد بده يفكر ويناقش ويجادل ويحاور ويتعلم ويشتغل بضمير اذا كان همه الوحيد، بعد حسبه الضرايب والفواتير، كم ظل من الراتب..!؟
ويــــن احنا ويـــــــن هم

jafra يقول...

فتاة من الصعيد يمكن لو قلت باخ لكان افتكروا قائد جيش في الحرب العالمية الاولى
او شخصية فيلم
هلا لنكون صريحين الاسرة هي الاساس بجانب التعليم يعني جميعنا تلقينا التعليم لكن للاسرة دور في تطوير ثقافة و فكر اطفالها
يعني حمدي قنديل او زويل او نجيب محفوظ لم يتلقوا التعليم في سويسرا بل هنا و لكن كانت هناك خلفية اجتماعية فرزت لنا امثلة متعددة لنقتدي بهم

يعني انا ما درست باخ او بيتهوفن في المدرشة و لا نيرودا اوحتى نزار قباني اللي شعروا منبوذ في اغلب الدول العربية لكن كناك اسباب جعلتني ابحث و للعائلة دور كبير
لكن و مع هذا دور الاسرة مكمل لدور التعليم في انشاء الجيل القادم
و عنا بعض النماذج اللي حكيتي عنهم
:( شفتي على هالانتاج
نورت خربشاتي المتواضعة


قط البكتيريا : يا خوفي انو نصير نتمنى نكون قرود في يوم ما
و بالنسبة للديموقراطية بدها حكي كتير كتير ما اظن انو هون رح نوفيها حقها
تحية

jafra يقول...

حسام مسا الخير
نظام الضرايب مفروض عندهم من زمان لكن وين بتروح هاي الضرايب
هون الفرق
الضرايب عندهم بتروح لتطوير المجالات اللي بتخدم الشعوب من تعليم و صحة و صناعة
و متل ما قلت
احترام الادمية مهم جدا لانتاج شعوب واعية
او بصير ما في فرق بينا و بين القرود اللي عند قط البكتيريا :)


نورت

Whisper يقول...

اشي بخزي بصراحه :$

كنت اعرف ان مستوى الطلاب و في بعض الاحيان اهاليهم متدني, بس انه يوصل ان يكون قدوه طالب جامعي مطربين اكبر انجاز الهم انهم نطنطو على المسرح الفلاني فهي مأساه كبيره

احنا عنّا الطالب متلقي بس, ما في اله فرصه يعبر عن رأيه في موضوع معين, المناظرات هاي نادرة الحدوث حتى بالجامعات, ومناقشه مشروع التخرّج بكون مضمونها هو اللي بدو اياه المشرف على المشروع وما بتركلك الحرّيه الكامله بالتعبير.

بالمدرسه المدرسين محملين الطلاب جميله انهم بدرسوهم, غير كم الالفاظ البذيئه اللي بسمعها الطالب من مثله الاعلى الاستاذ, و بالجامعه معظم الدكاتره بضلو يحبطو فيكي انه لا تفكري حالك بكره بدك تتخرجي و تصيري زيي زيك, بضلي احسن منك

انا ما بعمم و لكن للاسف الغالبيه العظمى هيك بفكرو

jafra يقول...

اهلا ويسبر
كيفك ؟
شوفي يا ستي انا شخصيا ما بعرف كتير عن المدارس بالاردن لكن تابعت قريبة الي بتدرس بمدرسة خاصة ناسية اسمها لكن بصراحة كانت عاجبتني المناهج و طرق التدريس و انا ساعدتها بتحضير محاضرات و ندوة عن الاحتباس الحراري
يعني كان مستوى المدرسة حلو و مشجع و كنت كتير بحب اختباراتها و اطلب انها تبعتلي نسخة منها لاخد فكرة عن المهارات عندها و يا ريت كنت متذكرة اسمها لتكون دليل على انو نوعية هيك مدارس موجودة لكن اللي انا متاكدة منو انو اقساط هاي المدرسة كانت عالية جدا بالنسبة للمدارس الخاصة بعمان
و بالنسبة الي بالجامعة كان في مناظرات كتير خاصة بمواد العلوم الانسانية و ايام الانتخابات و كمان مشروع التخرج ما تدخل فيه المشرف الا ببعض التعديلات و كنت بدرس بجامعة اليرموك ما بعرف اذا كانوا لهلا هيك بس كنت بحترم كتير الدكاترة و الاساتذة عنا لانهم كانوا في قمة الروعة و التواضع و التواصل بينا كان كتير حلو و ممتع لدرجة اني بكل زيارة لعمان لازم ازورهم و اشوفهم
يعني انا شخصيا بشهد لدكاترتي انهم الهم فضل علي كبير خاصة من الناحية الثقافية لانهم كانوا بوجهونا قبل ما نبدا باي محاضرة و بحاورونا حول افكار كتير
و كنت انا من العالم الحشرية اللي بتحب تحضر بقسم علم الاجتماع و الصحافة بالرغم من انهم ما الهم دخل في بالمرة بس كان في اسماء ناس لازم تسمعيهم و تكسبي النقاش معهم
دراسيا بحس انو نحنا كجيل مقارنة بالمدارس الغربية و المتقدمة كتير انظلمنا لكن المدرس او الدكتور مش غلط
البيئة اللي انتجت بعضهم كانت غلط
يعني مرة كنت ماشية بالممر و سمعت معلمة بتحكي لولد بصف اول يا جزمة صابني ذهول و فضول كمان لاعرف مين هي و اكتشفت انها مدرسة تربية اسلامية
:-0
تخيلي هيك معلمة شو بدها تنتج لكن لو شفتيها و تعاملتي معها ما بتتوقعي انها مؤهلة لتدرس بحضانة حتى
لازم اعادة تاهيل للمجتمع و المعلم
شو ما عملتي جو الصف في تاثير كبير من البيت - و اذا كانوا اهل البيت مربى و متحضر صدقيني رح تلاقي هادا الطالب متميز و حتى المعلمين رح يحاولوا يطوروه
هادا رايي الشخصي

Whisper يقول...

احكيلك عن تجربتي الشخصيه

بالصف العاشر انتقلت لمدرسه جديده, و الصف العاشر هو الصف اللي معدله بحدد التخصص اللي راح تكملي فيه علمي او ادبي او تجاري

كنّا بنستنى تيجي مربيه الصف, من الممر سمعنا صوت المعلمه بتصرخ و بتغلط علينا لسا قبل ما تشوفنا و نشوفها, ولك يا حيوانه انت واياها انكسحي مكانك و انخرسي...موشح طويل عريض, كانت مدرسه العلوم و كانت حامل درستنا اسبوعين واخدت اجازه امومه و اجت بديلتها انسانه رائعه, اخدت عندها 100 من 100, الفصل التاني رجعت الاخت من اجازتها اول شي حكتلي اياه, هيني رجعت لاشوف كيف اخدتيها هال 100 :$ طبعا انا مش عنيده الا شوي, جكاره فيها شديت حيلي بزياده و برضه اخدت 100 وما صدقت وانا اطلع من كل المدرسه.

موقف تاني بالجامعه, الدكتور يدخل عالقاعه ومعو وراق الامتحانات و وجهه احمر من كتر التعصيب, و بدا يعاتب و يحكي و بالاخر طلع زعلان ان اول 10 علامات عاليه ماخدينهم البنات, اخس عليكم يا شباب اخس...
و واحد تاني بنسأله عن احسن تخصص للماستر نكمله و يفيدنا, بضحك و بحكيلنا والله ما انا عارف ليش انتو البنات بتدرسو جامعه اساسا, مكلكم راح تعلقو هالشهاده بالمطبخ...
هاي افكار مدرساتي و دكاترتي بالجامعه
ومن هون كونت وجهه النظر الكئيبه عن المدرسين و افكارهم
وبس :)

مش تعليق ...هاد بوست جديد
سامحيني :)