السبت، فبراير 27، 2010

شو بدك بالحكي - القلب على اليسار

هي " هاي البنت شو جنسيتها

أنا : هلا شو بدك بالجنسية بكفي انها بني ادمة و فوق هيك بتحكي عربي

هي : انتي لهلا قومية عربية

أنا : الله يرحمك يا ابونا بس هلا عم حاول اكون قومية انسانية

هي : ليش

أنا : اذا الانسان نفسو ما عاد الو احترام ؟

العربي رح يكون الو احترام ؟ نرجع بني ادمين بعدين بنحكي بالقوميات

____________________

هي : هلا فتح و الا حماس ؟؟؟


أنا : حاليا ما بقدر كون الا خضرا شوي و صفرا شوي


هي : ليش ؟


أنا : صرت استحي من زلم المنظمة و عمايلهم و الله اشي بخزي


هي : يعني انتي اخوان ؟


انا : هلا انتي شايفة في شبه بيني و بين الاخوان اشي ؟؟؟؟؟


الله وكيلك كل واحد منا من اب شكل بس هي الام اللي بتكسر الخاطر


هي : لا بس موقفك ....


انا : زلم فتح و السلطة خلونا نكرههم و لك شوفي


اي مقابلة تلفزيونية بردحوا فيها


و الله اشي بخزي و عاملين زي بياعة الفجل


هي : يعني انت مو اسلامية
انا : لا

هي : الله لا يوطرزلك لتكوني شيوعية ...انا كنت حاسة انك منهم .....


انا هههههههههههه : لا بس بحبهم اخلاقهم عالية اكتر من الراسماليين


هي : مالهم الراص ماليين


انا : الله وكيلك نازلين هز على جيبتنا


لفضيت و بعدين انا من الفقرا عمرك شفتي فقير راسمالي ؟


هي : علمانية ؟


انا : مش عارفة بس الله عندي بكون بكل اشي ما بقدر افصل و اكون بين و بين



هي : طيب ايا من ايا حزب


انا : لا ما بحب التزم بحزب -


انا بني ادمة هادا هو الحزب تبعي


لو التزمت بحزب يعني لازم افكر زيو و اكون وفية الو


بكل عمايلو و برر اخطاءوا و سامحوا


انا ما بعرف اعمل هيك -


انا معترة بحكي للاعور اعور بعينوا و ما بعرف احكي بسياسة


ما عندي ادب سياسي .


اصلي فلاحة فاهمة شو يعني فلاحة


هي : بس ميالة لشي على الاكيد


انا : يا بنتي القلب على اليسار هو مايل لحالوا شو بدك بهالحكي


تعي نشرب القهوة بردت

هناك 26 تعليقًا:

Whisper يقول...

بتعرفي
بدي اصير استخدم هاي الجملة
القلب على اليسار... لانه بطلنا كلنا ولاد 9 صار في ولاد سبعه و اولاد 8

انت من وين...انا من ذوي القلب على اليسار
اي سؤال بدي اجاوبه هيك

معقول يصيرو يفكوني يسارية!!!
لاااا يختي خلينا على كلنا ولاد 9

اضمن... :)

فتاه من الصعيد يقول...

امممممممممم

بس انتي قلبك مايل لليسار على فكره :)

تحياتي

jafra يقول...

انا لهلا شايفة انو اللي قلبهم على اليسار - معنويا - هم اللي ولاد 9
بصراحة الشغلة فطرية
:)
القلب على اليسار
علميا
و عمليا
الشغلة بالفطرة



فتاة من الصعيد :
انا ما بنكر انو قلبي و عقلي مايل لليسار
بس متل ما قلت انا ما بحب الالتزام

صباحكم سكر

Sh3rawi يقول...

كلامك مزبوط فيما يتعلق بشغلة الاحزاب,
لانو حتى تاعون الاحزاب اللي بتغنوا بالوحدة ( عنا في الأردن) بتلاقيهم بغلطوا اغلاط كتير كبيرة و بتكون عكس مبادئهم و افكارهم,و بعدين بصير يطلع تعليلات بتكتشف منها انو هو في الحزب بس شكلا,و كتير منهم بس انو في حزب,و انو بدي حزبي الاكتر و مني عارف اشي.كلو حكي فاضي...

قط البكتريا يقول...

والله يا ام الجفافير كنت بدي اكتب عن قصه زي هيك
يعني بس نتناقش مع الناس بصيرو يحكولك حمساوي ؟؟
بقلهم لاء
بسئلوك فتحاوي ؟؟ بقلهم لاء
بعدين افكارك علمانيه؟ بقلهم انا مسلم مؤمن بالله عن اقتناع
بعدين افكارك اسلامية بعدين شيوعي

انا بعتبر افكاري علمانيه اسلامية قومية عربيه مع ميول يساريه راس ماليه

Rita يقول...

شي عجيب كيف الجنسيات و الاحزاب بتهم بعض الناس اكتر من اسم البني ادم D:

من هون اجا ايماني باني فلسطينية, و انو فلسطينتي تمتد من اقصى الكون .. لاقصى الكون

سلاماتي جفرا :)

jafra يقول...

sha3rawi :
اهلا فيك في رحاب خربشاتي المتواضعة و طبعا باللي سبقوك و اللي تلو خطواتك
( عشان ما يقولوا في تحيز :) )
هلا لو رجعنا لتاريخ الاحزاب بنلاقي انو الحزب باول تاسيسه و بهده بعشر سنين بضم النخب المؤمنة حتى لو بتوافق مع اراءنا او لا
مثال عندك حزب الاخوان المسلمين ( هادا الحزب مع احترامي للمؤمنين فيه انا ما برتحله )
من البنا لقطب لمش عارفة مين كان الهم اراء و خطط اما الان مجرد حكي و بس و فعاليتات و بس
و هلم جر على الحزب الشيوعيي على الماركسي و الاشتراكي و التحريري و غيروا و غيراتوا
زمان كان في ايمان كبير بقضايانا حتى لو اختلفت نظرتنا الهم مشان هيك انشات احزاب هلا هي مجرد اسم و الانضمام الها مجرد عرط :)
لانا بطلنا نؤمن بقضايانا كما يجب بس

jafra يقول...

قط البكتيريا عجبتني ام الجفافير
هلا انا كل ما حدا بيتعامل معي بسالني انتي شيوعية ؟
مو عارفة ليش ؟
يمكن لاني متحيزة للفقرا ؟
ما انا منهم يعني مين قال اني مليونيرة ؟
او يمكن لاني بحب جيفارا طيب ما انا بحب صلاح الدين و حتى السيج حسن نصرالله و الاب كبوتشي كمان ؟
مش عارفة شو السر انو بفكروني شيوعية لهلا مو عارفة ؟
هلا علمانية اسلامية قومية مشيناها

بس راس مالية يسارية هاي ما فهمتها
اوعك تكون ليبرالي من فرع الاخوان المسلمين الارثودكس ؟

jafra يقول...

اهلا ريتا نورتي
ذكرتيني بقول لدرويش بقول فيه
كنت قوميا عربيا و كلما اشتدت قوميتي و قويت ردتني لفلسطينيتي
هلا في كتير ناس بتعاملوا على اساس الجنسية و الاسوأ على اساس الدين و اللي اسوأ على اساس الطائفة
هلا موضة الطائفة
انا منحازة لمن هم تحت
مع ناجي العلي هو كمان هيك و غسان و غيروا بس ما بقدر انفي انو القلب بميل لليسار الله خالقه هيك ما في اعترض

Yassin يقول...

الدم أحمر.. و القلب على اليسار

jafra يقول...

ياس اهلا بك
:)
بالفعل الدم احمر و القلب على اليسار
ما فينا ننكر هادا الشي انا شخصيا اي حدا بيسالني برد و بقول القلب على اليسار
ما في نقاش

تحية

قط البكتريا يقول...

راس مالية يساريه يعني ... يعني بحب جزء من مبادئ الراسماليه ومبادئ الاشتراكيه وواليساريه واليمينية ... ما بحبهم ككتله واحده بس بحب اجزاء منهم وعشان هيك سميتها يساريه راسماليه

عفكرة برضو انا بحب نصرالله والشيخ احمد ياسين وياسر عرفات وتشي جفيار وكارلوس وهتلر ... وستالين بعجبني فيه امور كتتير

jafra يقول...

يعني متفقين ببعض الشخصيات
متل السيد حسن و الشخ ياسين و كارلوس بعض الشيئ اما هتلر انا ما بحبو بالمرة
يعني مجرد راي

بالفعل احيانا العقل بيتقبل عدة نظريات تطبيقها بالمجمل بيخدم الانسانية لكن للاسف انا يسارية الهوى لكن مش بالمجمل
مش قلتلك القلب علىاليسار :)

منور دايما بكتيري

قط البكتريا يقول...

بعرف انا دايما منير ( قمة التواضع )

بس هتلر منيح بس انتي اعطيه فرصه ... الانسان هو الي بحدد افكارو مش نظرية لازم نستلمها جاهزة وما نطلع عنها هاي مشكلتنا الي بتفسد اي شي عنا

عشان هيك بمنطقتنا فشلو اليسارين ( متشفي فيهم ) والديمقراطيين ( متشفي فيهم كمان )
ومش حينجح الا البكتريين
امسية سعيدة ام الجفافير

jafra يقول...

اعطي فرصة لهتلر لا هو استخدم كل الفرص و هلا بين ايدين ربو هناك يبقا يطلب اللي بدو اياه بس بدون وسيلة الاتصال بصديق ما اظن انو خلى الو صديق

اليساريين ما فشلوا لكن تم تهميشهم اثناء فترة المد الديني في المنطقة او خلينا نقول اثناء فترة الرجوع للدين و ظهور حركات و احزاب دينية و نحنا بطبيعتنا كشرقيين روحانيين
بس على فكرة لو عطينا مجال لليسار رح يرجع يثبت نفسو بس نحنا لهلا خايفين من حكم الاخر علينا
مش موضوعنا
انا كمان صرت اكره الديموقراطية
و بطلت اطالب فيها
عم توحيلي اكتب بوست يا منير
بتمنالك مساء بكتيري ممتع مع الجو الغائم بعمان

melicieuse يقول...

you cut anyone it bleeds red, you crack anyone's head you will find a greyish white goo, you shoot us in our left shifted heart we will all end up the same way....dead and breathless

أشرف محيي الدين يقول...

مرحبا جفرا

فعلا وبكل أسف ضاعت قضية الامة بين اختلافات المذاهب والاحزاب والتيارات السياسية وفي هذا الادراج تعلمت منكي حكمتين رائعتين وأرفع القبعة احتراما لكي عليهما .

الاولى عندما قلتي أحاول أن أكون قومية انسانية ففعلا أين تلك الانسانية التي لم تعد تحترم ولاتصان أبدا .

الثانية وهي أن القلب على اليسار ولكني أرى في هذه العبارة كما رأت فيها ويسبر دليل على أننا جميعا أولاد تسعة .

رائعة أنت ياجفرا تحية لقلمك .

Sh3rawi يقول...

اهلين فيكي...
والله مزبوط,هلأ روح المقاومة و روح القضية بطلت موجودة عنا الشرقيين "الروحانيين" ...
كله ضاع !
بعدين الواحد عندو عقل,واذا في ناس عقولهم ما تلوثت فممكن يعرف بكل سهولة انو هلأ فش اشي,و كل يغني على ليلاه!
الله بيعين على كل حال...
تحياتي على المدونة الاكثر من رائعة!

Ahmad Merie يقول...

6b men el a5er ente shoyo3yeh wella ra2s maleyeh wella eslameyeh wella fat7aweyeh wella 7amsaweyeh wella e5wan wella 7ezb allah wella men ay jama3a belzabt!!

bs ana 7assek m3 falasteen.. !!
o koll elle albhom 3l yasaar m3 falasteen elle mesh m3 falasteen fesh 3endhom alb aslan!!
ya3ne men el a5er albek 3l yasaar.. be e5tesar m3 falasteen...!!:)

jafra يقول...

melicieuse:
اوكي انا معك بس ما فهمت لشو بدك توصل ؟؟؟؟:)


اشرف محي الدين : هي ويسبر مترددة شوي
بس بكرا بقنعها :)))

و شو رايكم نسبق الغرب بعمل جمعية لحماية الانسان من حيونة العالم :)
بلا حقوق انسان بلا حكي فاضي
بالاول لازم نفهم شو يعني انسان

شعراوي :
لا انا باكد انو في اشي
و ليلاه هاي بتاكد انو في اشي
و الاشي هو خلل في وظيفة العقل الانساني
بطل في وقت لنفكر هو كلو كوبي و بيست
تحية


احمد : كيفك ؟
انا شو
انا اللي متاكدة منو اني انسانة من فلسطين
و قلبها على اليسار :)
بس

مياسي يقول...

labeling

مشكلة كل الحياة
الظاهر صعب انو تكون بني آدم
وبس

بس انتي لليسار

هيك انا بحس:)

jafra يقول...

مياسي هلا ما فيني احكي يسار يسار بس متل ما قلت القلب بميل لليسار
على كل اليسار من اكتر الاشيا الحلوة بحياتي و بعتبرها قناعة عن تجربة
مش حكي بس :)

نورت

hamdanism يقول...

LOOL
بتذكريني بالهجوم الصاروخي اللي بتعرضلوا كل يوم من زملائي بالشغل لاني مش حمساوي

jafra يقول...

hamdnism
اهلا فيك
ما هي هون المشكلة يا بتكون معانا او ضدنا
اما انك تكون موضوعي او على الحياد فهادا شي ما تعودنا عليه ابدا
انا حددت موقفي و اللي مو عاجبه بلاش :)
اعمل زيي طنش

Mesh يقول...

من الاخر..
يسعدوا، اخيرا لقيت حدا "احزابلس"

jafra يقول...

mesh :
a7san nkon heek aw nekzob 3la 7alna ?
ma3lesh pc darab w batal yekteb 3arabi
shaklo tfarag 3ala a5bar elyoom :(