الثلاثاء، يوليو 27، 2010

خيالي مع فتاة الخس

قرأت بالأمس ما عُنونت به بعض المواقع و الأخبار التي كتبت و التعليقات عن أمراة الخس كما سموها أو كما أسميها أنا
" أمرأة من عمان عبرت عن رأيها "
لمن لا يعرف القصة عليه بمتابعة المواقع الأردنية . و أنا هنا لست بصدد أن أكتب عنها أو عن تجربتها . و لكن سرح خيالي قليلا معها و أنا أعد فنجان القهوة بعد قراءة ما كتب عند مياسي و التعليقات في بعض المواقع
تخيلت ان كانت هذه الفتاة ليست بالأردن . مثلا لو كانت في لبنان ما رد الفعل الذي سيكون و قابلته برد الفعل الاردني و خاصة رد فعل الشباب الاردني و التعليقات
لبنان : فتاة ترتدي الخس فقط للتعبير عن رايها بالسوليدير
يراها المارة يصورونها يتضامن معها احدهم . و يزينوا ثوبها بالبقدونس لانه رمز الطبق اللبناني الاصيل التبولة
البعض تجاهلوها لانهم باعتقادهم هناك ما هو اهم . تنهي تجوالها برفقة امن السوليدير الذي اعتبر انها دعاية للشارع
اكثر من صاحب مطعم و كافيه سيود ان تعرض فكرتها امام محله لجذب الناس . و اخيرا مقابلة في تلفزيون الجديد
من الممكن ان تواجه بانتقاد او اخر . لكنه ممزوج ببعض النكات اللبنانية الخفيفة و غزل من الممكن ان يكون ....... وقحا ... مجرد خيال
فالشعب الذي يزيح صحن التبولة عنه غبار حرب هو شعب جميل و بسيط -
(اه انا فلسطينية بحب لبنان بس مش رح استوطنه ... مشان تفكيركم ما يروح لبعيد )
مصر : لن تقف اكثر من ربع ساعة لان الاخوان المسلمين سيناهضوها لانها تحرم ما احل الله و التجمع سيؤدي الى تدخل الامن و حتروح على بيتها جري ..... مجرد خيال
( بحب مصر و عبد الناصر و عبد الحليم و ابراهيم عيسى و النيل كمان )

السعودية : ستنزل من سيارتها الى سيارة الهيئة ( هيئة الامر بالمعروف و النهي عن المنكر ) ... خيال
( ارض بها بيت الله اكيد بحبها )

السودان : سترجح المحكمة جلدها 100 جلدة و يمكن ان تتهم بالجاسوسية لتشي بالبشير.............. خيال
( اصحابي من السودان عرّفوني قديش الشعب هادا اخلاقو حلوة لهيك انا بحب السودان )

فلسطين : حسب مكان تواجدها اذا كانت في غزة و حازت على موافقة الحكومة المقالة . ستعرضها قناة الاقصى كرمز لمقاومة الحصار و يؤكد المشاهد العربي من خلال المسجات لبرنامج منبر الجزيرة انها مثال للمرأة الغزاوية . ( و هيها في حرية عند حماس ) ... خيال
اما اذا كانت تقف في احد شوارع رام الله فالكل سوف يعارضها لانها تروج للسلطة ( هلا هادا وقتوا . تحررنا و خلص ما ضل غير الخس . شوفوا كيف بلهوا العالم . و تعليق اخير ينطبق على معظم مواطني الدول العربية ... احنا لاقيين اللحمة لنرفض او نقلل اكلها ) ..خيال ( انا من هناك - من فلسطين )

البرازيل : لن تكلف نفسها بالكثير من الخس فقط خستان تكفي و تزيد ايضا و سنتداول صورها في المواقع و الايميلات . خيال
( رقصهم "السامبا " بجنن بحبه و بستمتع فيه لهيك انا بحب البرازيل جربوه على فكرة رياضة ممتعة حتى للروح )

المشكلة ليست في طرح الفتاة . لكن ان نتقبل طريقة الطرح . هي تملك من الحرية ما يؤهلها للخروج بتلك الفكرة و لم تخدش حياء احد او تتعدى على حرية الغير .
لكن برايي و ما اراه اننا نفتقد للطرق التي نستطيع ان نعبر بها عن راينا و هي على فكرة تدرس كمادة اساسية في بعض الدول ( مهارات حياتية ) ( Life skills ) و هي تعلم الانسان منذ نعومة اظافره كيف يستطيع ان يعبر عن راي او مبدا او الاعتراض بطرق مختلفة و مبدعة
لكننا مازلنا نمارس الصراخ كالديوك في ابسط قضايانا و زدنا على الصراخ الدعس على ازرار الكيبورد بقوة حتى ننتقد
لذا نظرنا الى الفتاة بغرابة . هي عبرت بطريقة فردية و لم يكن لها اي اثر سيئ على المجتمع . و واجهت كل هذه الانطباعات و ايضا الاحتجاز في مركز الشرطة
لماذا ؟؟؟؟
اظننا نفتقد لمهارة مهمة في الحياة و هي طرق التعبير عن الراي
لذا للان لم نستحق الحرية و لا الديموقراطية
( انا اكره الديموقراطية)

ملاحظة بالعامية ( ما بدي حدا يزعل مني و يجي يقولي ليش بتحكي عن بلدي هيك او غيروا . انا ما قصدت اهانة اي حدا بالعكس حبيت اعرض وجهة نظر خيالية مش اكتر . و بتمنى انو ما تزعلكم )

هناك 16 تعليقًا:

Unknown يقول...

عن جد عن جد حلوه:)

العطله معاكي عامله عمايلها :)

على فكره انا كمان خطر في بالي لو كانت في لبنان شو كان صار معاها؟!

لبنــــــــــى يقول...

مياسي
عيونك الحلوة و انتي اوحيتي بالفكرة
عن جد من عشرتي لكتير لبنانيين هون بلاقيهم بياخدوا الامور ببساطة كبيرة و شكلي انعديت منهم :)

العطلة و ما ادراك ما العطلة
لا عن جد في ناس ما بلبقلها الراحة زي حضرتي

طمنينا كيف الشغل ؟

Unknown يقول...

:)

الشغل منيح كتير الحمدلله
ما بحس بالوقت ومسلي نوعا ما

ان شالله بيضل هيك
الشعب اللبناني على قولة أمي "مرن" وبيتقبل
أما السوداني فمن أحسن الشعوب العربيه :)

لبنــــــــــى يقول...

بتمنالك التوفيق
و يضل الشغل منيح و اكتر كمان
ماما رايها صح
و بالنسبة للسودانيين عن جد اخلاقهم عالية و التعامل معهم مريح

ما تطولي علينا يعني مش لازم مظاهرة لتكتبي
بنستناكي :)

غير معرف يقول...

اخوان ايه يا بنتي

هي ربع ساعه والتحرش هيشتغل وموش هتلاقي غير موديل فتاه البرازيل اللي باقي على جسمها :)

هي فكره حلوه بس غريبه

تحياتي

ميسم يقول...

ممممممممم صحيح عملو قصه من ولا اشي يعني الموضوع انثار قبل بيوم والناس كاينه بتستنى البنت هناك.....
يعني صحيح احنا في عنا أشياء أهم من هيك
بس الناس حره تحكي وتعبر عن الي بدها اياه
حلوه :)))

Ahmad M. Al-Mahrouq يقول...

والله معك حق !!
والناس معهم معهم عليهم عليهم

انا سمعت الخبر وانا بالطريق للجامعة ع الراديو .. كانت المذيعة بتتخوت عليها!!
طيب ما المذيعات بهديك الاذاعات مسخرة اكتر منها بمليون مرة .. بتخوتوا ع الشعب وبعملوا برامج فاضية من القلة !!

تحياتي

قط البكتريا يقول...

يعلموهم لايف سكليز ... وتكوينج سكيلز كمان
المواقع الاخباريه عنا صارت صحافة صفراء بكل ما تعني الكلمة ... بديرها اشباه متعلمين جهلة ومتملقين وحثالة طفيلية

مع الي صار مع الانسة خسه انا مش معها لانو الناس مو لاقية توكل بس برضو حقها تعبر خصوصا انو ما بتنتهك اي قانون .

وعفكره اللبنانين مرنين جدا ورايقين والسودانين مؤدبين جدا ولطيفين

حبيت تقسيم الدول ويعني بتوصلي فكرة بما معناه اني بكره تصرفاتكم وافكاركم وغبائكم بس بحب البلد وبحب الي فيها والي بتمثلو
عفكرة بوست بايخ " بس هاي الاضافة زناخه بس "

قط البكتريا يقول...

http://ar.ammannet.net/?p=54050

شوفي هادا اللينك

لبنــــــــــى يقول...

فتاة من الصعيد : لا يا ستي التحرش هاي صفة عامة و رح يصير باي مكان
بس بعض الدول - اكيد مو عنا - رح يوقف شرطي يحرس الخس من التحرش



ميسم : الطريقة اللي انعرض فيها الموضوع كانت طريقة - وقحة -
قتاة عارية - يعني اول القصيجة كفر
نورت

احمد المحروق : من قلة العالم بطلت تسمع راديو
من هالمذيعين اللي ما عندهم اسلوب بالمرة
يعني ممكن كانت المذيعة بدل ما تتخوت تحكي عن الفكرة بس
لانو الاذاعة مش ملك ابوها لتتخوت فيها و تعبر عن رايها الشخصي

لبنــــــــــى يقول...

قط البكتيريا : يا سيدي انا معك العالم مو لاقية تاكل بس اعتبروها رسالة للعالم اللي لاقية تاكل
الموضوع اخد اكبر من حجمو بس شكلنا فاضيين - انا شخصيا فاضية - لهيك صرنا نكبر بكل شي
ما فهمت شو اللي بايخ ؟ البوست ؟ شكرا
انا تعودت من حياتي كمغتربة احترم كل الجنسيات و ما اقيمها او اقسمها هيك كبلدان
يعني بتعامل معهم كبني ادمين زيي زيهم بطلت عندي عقدة التعامل مع الغير - يمكن اللي بتغرب طول حياتو بيفهم عن شو بحكي
رح اشوف اللينك
شكرا
و نورت :)

قط البكتريا يقول...

بمزح معاكي البوست مش بايخ ولاشي ( بس هاي نغاشة اردنية ) ... وعذكر الغربة , مهو انا فلسطيني يعني الديفولت تبعي متغرب .
نقطتي انو حرية برضو
هاف نايص دي


( زي ما بكتبو عربي حروف انجليزيه , بدي اشل امل الانجليزي واكتبو حروف عربية :P

Unknown يقول...

حلوة هالتدوينة ..
استغربت شوي انو هالشي صار بعمان، وأكيد استغربت أكتر من مسألة التوقيف عجبني انها دعوة للرفق بالحيوان مع اني ما ممكن اتحول لنباتية عجبني انها محجبة بس كل هاد بيدل انو لسا نحنا غير قادرين على تقبل المشاهدات غير المألوفة نوعا ما، يمكن لحتى تجذب الانتباه والاستغراب بشوارعنا ما بدك انو تبلس خس بيكفي تبلش تاخد صور لشارع عجبك لحتى تنهال عليك نظرات الاستغراب بما انك مو اشقر ولابس قصير يعني مو سائح، أو الأبلى انو تبلش تدون ملاحظاتك او افكارك بمكان غير متوقع الكل رح يستهجن القصة من اسبوع كتبت شغلة سريعة بمحل أحذية وفكروني تموين :)
يمكن المؤسسات المدنية بدها شغل كتير وشغل حقيقي وبين الناس، او الأكتر انو الناس تتعود تعيش بكل تفاصيل الحياة وتتقبل أكتر.
لو كانت بالإمارات رح يعملو بناء عليه أكبر فستان خس بالعالم ويفتتحوه بليلة راس السنة بمليار دولار على الألعاب النارية .. بحب فزاع وشعر فزاع وبحب دبي .. مجرد خيال ..
:)

Whisper يقول...

جميل جدا.. وللاسف واقعي بشكل مؤلم

" تعلم الانسان منذ نعومة اظافره كيف يستطيع ان يعبر عن راي او مبدا او الاعتراض بطرق مختلفة و مبدعة"

بهاي الجملة انتي وضحتي وجهة نظر اللي عنّا

لا بدهم تعبير ولا رأي ولا اعتراض, و الابداع المفروض يموت منذ نعومة اظافره

لبنــــــــــى يقول...

قط البكتيريا معلش الي زمان على النغاشة الاردنية بس و الله اشتقتلها :))

انا كمان كنت بتزانخ بس زناخة مش اصلية لهيك ما طلعت حلوة

خلص لازم نعمل جروب و نسميه جرب معنا كيف رح نشل امل الانجليزي
( الحروف طبعا مش غيرها :))) )

بتنور دايما :)



خديجة يا عسل فاتت علي موضوع الامارات عن جد :)
كان اكبر صرح خسي بالعالم و تتعرض لهجوم ارنبي كبير يقال انه مدسوس من ايران :)))
عن جد عجبتني

نورتي

لبنــــــــــى يقول...

ويسبر اشتقنالك كلو من البسس و الحمام الله يسامحهم :)
يا ستي احنا لهلا موجودين و رح نشوف مين اللي رح يموت
في عندي دائما قناعة
اي ابداع بعيش بالرغم من موت صاحبه
و موت الانسان اللي حاول يغتاله
لكن الابداع و صاحبه بنضل نتذكرهم
اما الاخر مات بالظل حتى اللعنات ما نال نصيبوا منها
:) شو رايك