الأربعاء، يوليو 13، 2011

بزعل منك يا شام




بتذكر اول زيارة الي للشام كانت بعيد الاضحى من شي 7 او 8 سنين




كانت حلوة و الها هيبة




الشي اللي بميز دمشق و بتحبو فيها انك لما بتمشي بالشوارع




بتحس انو التاريخ عم يمشي معك بنفس الخط و بيحكيك منبين الحجارة العتيقة




و يسطر بخط صغير انك موجود متل ما كانوا هم موجودين




الحلو بالشام انو الياسمين بيرحب مع اهلها بكل غريب




الحلو بالشام اهلها طيبين و مبتسمين




الحلو بالشام انك كل ما بتمشي في شوارعها بخطر على بالك خليفة او نبي او شاعر مر يوم من الايام




الحلو بالشام الهوا اللي بيحاول يسلم على تقاسيم وجهك




الحلو بالشام ................................................




في كتير اشيا حلوة يا شام




بزعل منك لو تغيرتي




مهما حاولوا هم يغيروا فيكي




انت حلوة




و انا بحبك








انا مندسة بحبك








و شبيحة بحبك








بزعل منك هه




بس بعرف انك ما بتحبي تزعلي حدا لهيك رح ترجعي احلى

هناك 13 تعليقًا:

غير معرف يقول...

الزيارة الأولى و لن تكون الأخيرة

لبنــــــــــى يقول...

:) نورت المدونة

مواطنون بلا حدود يقول...

والله اذا الشام تغيرت ما رح أسامح حدا لا ثائر ولا شبيح ولا مندس و لا بعثي ولا عربي...الشام الها مكان في قلبي لا ينافسها عليه أحد...يكفي أني وجدي هواي و حبي فيها..أعشق المدينة بكل أركانها و طباعها و زواياها...هاي السنه اختصرت اجازتي لأني ما قدرت أنزل على دمشق...مكانتها بمكانة عمان و حصتها مني محفوظة...شكرا على البوست فعلا

سنفورة يقول...

حلو.. أنا كل اللي قعدتهم بالشام بحياتي كانوا 4 ساعات وحبيتها.. ان شاء الله ما بتتغير وأهلها ما بشوفوا شر

Em Ommar يقول...

لتكوني إنضميتي لحزب المندسه السورين من ورانا؟؟

انا مابعمري زرت الشام,, كل ما نخطط نطلع ما بتتيسر

بس إلا ما أوصلها ,, كتير بحب سيرتها انا

نيسآان يقول...

هذه دمشق وهذه الكأس والراح
اني أحب ....وبعض الحب ذباح

نزار قباني

زينة زيدان يقول...

راح تضل الشام عروس مزينة

بالفل والياسمين

راح تضل حلوة إلها بهجة بكل خطوة

وبكل شارع وبكل زاوية

راح تضل مزينة بعزيمة شعبها بمجدها

راح تضل مزينة بعراقتها وتاريخها


أتمنى أن تخطو أقدامي اعتابها

Whisper يقول...

الله يفرجها عالشام واهلها و ترجع تنور زي زمان و احسن

لبنــــــــــى يقول...

اسيل : ان شاء الله و قبل رمضان كمان بيهدا الوضع

ام عمر : لا حبيبتي انا مو حزبية و ما عمري بحب الاحزاب مع انو القلب على اليسار :))

نيسان : منيح انو مات قبل ما يشوف هالشوفات لانو اكيد كانوا اغتالوا وقتها ( الطرفين )

لبنــــــــــى يقول...

مواطنون بلا حدود :) الله يمحي هالحدود يا رب ... بلاد متل الشام بتاريخها الكل بحبها
و الله يهدي الوضع و نزورها كلنا



زينة : رح تضل حلوة و رح تحلى اكتر ان شاء الله


ويسبر : يا هلا هلا هلا لو بعرف انو موضوع الشام رح يرجعك النا كان خربشت من زمان هالخربوشة
كيفك اشتقنا يا صبية

لبنــــــــــى يقول...

يا جماعة على فكرة جفرا انا و لبنى انا

هيك انا قررت :)

Em Ommar يقول...

حلو إسم لبنى
بس انا بحوب جفرا :(

غير معرف يقول...

مرور عابر وبالصدفة...لكن سعيدة جداً بكلماتك
اقبلي تحيتي ايتها المُدوّنة