الجمعة، سبتمبر 18، 2009

كيف تجرأت الشمس و اشرقت يومها ؟

تمر بنا الايام و السنون


و لكن يبقى هناك مكان صغير في زاوية مظلمة من الروح


للذكرى


صبرا و شاتيلا لن ننسى



لن ننسى - و ان نسينا ما الفرق ؟؟؟




ربما لا شيئ




من الغريب ان تدور احداث هذه المجزرة و لم اكمل انا الخمسة اعوام و لكنني اعرفها بتفاصيلها المرة و بتداعياتها و اسبابها و نتائجها ربما السبب تربيتي الفلسطينية البحتة و بحثي الدائم عن كل شيئ - بوجّع الراس -

الكثيرون ما عادوا تذكروا لكنني احب ان اتذكر كل شيئ مع انني انسى دوما اهم المواعيد - و انسى دوما اسم العطر الذي يفضله هو

ربما تعلمت من صبرا و شاتيلا شيئا اخر لا يجعلني انساها

انك لن تقتل الا عندما ترخي سلاحك . ستسمع صوت تمزق احشائك بعد دوي الرصاصة الاخيرة , و ربما سترى عيني قاتلك تسخر منك لانك صدقت ان الحمامة هي رمز السلام ، الحمامة يا مغفل لا ترمز لشيئ كانت في الماضي ساعي بريد اما الان لن نحتاجها ...............

فلا تنزل سلاحك - فتموت الف مرة قبل ان تلفظ نفسنك الاخير

ادمع عندما اتخيل ما جرى في ذلك المخيم و كم كان الخوف كبيرا

و كيف لم تستح الشمس من اشراقها بعد ان خذلتهم و غابت و كانت تعلم انهم سيقتلون و يذبحون

لم لم تستح الشمس من جثثهم

كيف استطاعت و تجرات ان تقابلهم ؟ كما يفعل قتلتهم الان



( قمة المسخرة انو القتله هم الان رموز للحرية و الاستقلال و الديموقراطية )
طز فيك يا ديموقراطية



الانا هنا ايضا

هناك 18 تعليقًا:

قط البكتريا يقول...

صبرا وشاتيلا ؟؟
شو يعني صبرا وشاتيلا ؟؟ وشو المميز فيها
صبرا وشاتيلا حلقة من مسلسل الذبح الفلسطيني المستمر يعني صبرا ولا تل الزعتر والا اجتياح ولاحرب المخيمات ولا ولا ولا ولا
كلها شغلات اتعودنا عليها واستسغنا طعمها
هيهم محترمين ومبجلين القتله ومحدش بحكي معهم هيه بطل المعارضة وداعم المقاومة نبيه بري سفاح المخيمات منور الشاشات
وايلي حبيقة كان وزير الاسكان ومحدش حكا
وهي جعجع بطلع على العربيه مع جزيل خوري بتصورو زي بطل التحرير والحرية

يعني يا نتذكر هل مذابح عشان نفهم ونستفيد
يا اما ننسا ونسامح الاسرائيلين واليهود لانو اقل ناس قتلو فينا هم

jafra يقول...

اشياء كتير بتميز صبرا و شاتيلا
منها انها بداية لتكشف ناس تانين مسؤولين عن القتل و طرق جديدة للترانسفير انكروها اليهود -المعلم الاول - في دير ياسين و القرى الفلسطينية
و اكتشفنا صيغة اخرى للقاتل متل ما قلت اللي منهم وزير
و اللي منهم عضو برلماني
و جعجع بطل الحرية و مع مين مع جيزيل خوري يعني شو جيزيل خوري و شو هالشخصية العظيمة يعني ؟؟؟
اما بالنسبة لانو نسامح اليهود فاكتر من اللي العرب عاملينوا شو في
فتح بتوفر عليهم المواجهة في الضفة و دول بتصدر الغاز و بتسكر معابر و دول بتدعم ماليا و اخرى بتدعم اعلاميا و كل ما قتلوا فينا و سبوا و عملوا بنوطي و بنبوس رجلهم
شو في اكتر من هيك ؟؟؟


مين قال انو اليهود اقل عالم قتلوا فينا لهالدرجة صرنا بنبري فيهم ؟؟؟؟؟
انا مش معك هون بالمرة

بالنسبة الي انا ما بنسى ولا بسامح
و رح ضل متل ما انا
على الاقل بكون مرتاحة و ما رح اضل طول عمري اضل ادور على سبب ابرر فيه موقفي
لما بتوقف مع المظلوم و المضطهد و الفقير و صاحب الحق
ما في داعي لتبرر ابدا

youssif يقول...

للأسف مش قادر اعقب ...
ملوش داعي الكلام اطلاقا ...
كلام بدون معني
للأسف مش قادر اعقب ...

حمدى جعوان يقول...

ستبقى صبرا وشاتيلا جرح ينزف فى جسد كل انسان صاحب نخوه وكرامه ... وسيبقى من باعوا اوطانهم واخوتهم بمزبلة التاريخ....
ومادمنا احياء سنبقى نتذكر شهدائنا
ونلعن كل خائن ممن يوهمون الناس بالباطل ويطلقون على انفسهم بانهم الزعماء وانهم اولى الامر...

jumana يقول...

الله يرحم جميع شهدائنا..
مجرد ذكر هل إسم.. ما بعرف شو بصرلي.. بغمض عيوني و بروح لبعيد وبصير فكر واتذكر كل الحروبات يلي مرة وأنا كبيره و واعيه.. و شايفه شو عم بيصير بناس متلنا متلون ..

والله إنو العرب هني المشكله بل موضوع. هني أساس كل خراب..
والله يجيرنا من الأعظم!!!

قط البكتريا يقول...

لا انا بحكي عن جزيل خوري انو اشي واو ... بحكي عن العربيه الي هيه تمويل من العربيه السعودية
وبخصوص المسامحه هي نوع من التهكم لا اكتر ولا اقل
انا الي بدي اوصلو انو الشعب الفلسطيني من يومو بموت ختي صار الغريب انو يوم ما بيموت منا حدا
وبخصوص فتح وحماس قتلو كل الناس العاقلين بالطرفين وتركو الاغبياء والعملاء والمبتدئين

jafra يقول...

يوسف بالفعل الواحد لما يشوف و يقارن اللي صار باللي بيصير كل يوم و كل ساعة بفضل الصمت لانو الحكي وقتها بكون بلا فايدة


حمدي : الجسد العربي شو بدو يتحمل ليتحمل
الله يعينا على اللي جاي

jafra يقول...

جمانة : و الله انو نحنا العرب النا تاريخ حلو كمان و شعوب جبارة بكفي انو لهلا عايشين و ما انقرضنا
بس مش عارفة الحمة من انو نوصل لهيك مرحلة ؟؟؟؟

و متل ما قلت الله يجيرنا من اللي جاي


قط البكتيريا انا فاهمة عليك
و نكبتنا اليوم بقصص فتح و حماس
و الله انا لا عارفة حماس شو بدها و لا فتح شو بشبعها لهيك بتلاقيني ما بحكي بهيك مواضيع بالمرة لانو قلبي بوجعني و ما بعرف شو بدي احكي
و دوما يسعدني مرورك :)

It's me يقول...

..

عندما تقال مجزرة ، أول شيء يلمع في الدماغ هي مجزرة صبرا وشاتيلا

ربما للموت طعم آخر كان هناك !


/

أما عن العرب
فهم كالعاهرة التي تدعي العفة

لم يعد يهم ..


يسعدني أن أتواجد هنا

jafra يقول...

it"s me :
لم يعد يهم ....... كم شيئ بعدها سنفقد لنكرر تلك العبارة


مرورك اسعدني ... رغم الذكرى المؤلمة

حـــــدوتـــــة يقول...

السلام عليكم

تقبل الله طاعتك
وأتم بالعيد فرحتك
وأقر عينك بنصر أمتك

كل عام وانتم بخير

jafra يقول...

حدوتة و الجميع
كل عام و انتم بخير
شكرا لك

ميسم يقول...

لا أدري ماذا أقول المأساة تتكرر بشكل دوري ان كانت على أيدي الصهاينه أو العملاءأو أبناء البيت الواحد أصبح حالنا كبيت الوقف المهجور يريد حسنة من أي مارق طريق أنظري للوضع الراهن فمن مطالبة بوقف للاستيطان لتجميده لتعليقه هذا لا يعني سوى شيئا واحدا أننافقدنا أولوياتنا ومبادئنا منذ تلك الاتفاقيه المشؤومه
جفرا مدونتك جميله للغايه سأستمتع كثيرا بتصفحها

عاشقة الفردوس يقول...

بجد

رغم انك بتتكلمي عن صبار وشتيلا

اللي كنت مش موجودة اصلا ساعت ماحصلت

لكن ياما قريت عنها وكل مااسمعها بحس كإن الجرح لسه بينزف

طول مافيه واحدة زيك ياJAFRA

وغيرك وغيرك ناس بيحافظو على تاريخم وحافظينه

بكل آلامه وبكل مواجعه

هنكون احسن وهنقف ضدهم

متفتكريش ان المشوار بعيد

لا والله

ده وقت الاخذ بالتار قررررب جداااا


اسال الله العظيم ان يديم عزة الفلسطينييين ويعز المسلمين

كل عام وانتِ وكل الفلسطينيين بخير

ماء تشرين يقول...

انا جيت اقولك كل سنه وانت طيبه لقيت أشلاء وطن مش عارفه ياجيفارا اقولك ايه بس ربنا يمهل ولا يهمل


تقبلى مرورى

jafra يقول...

ميسم اهلا بك دوما و تشرفني زيارتك لي
منذ تلك الاتفاقية التي ابرمت مع وفد فلسطيني و ليس الشعب مع الهواء لاننا لم نجد من نتفق معه حتى انفسنا
و استلم رجال السلطة بغض النظر عن بعضهم الشرفاء و صارت القضية تتلخص بكم مستوطنة و شبرين من الارض بلا ماء او هواء ايضا
المشكلة الاكبر هي الاقتتال الفارغ بين الفصيلين الاكبر هناك
على شو عم يتقاتلوا مو عارفة
المهم
اسعدني مرورطك و كل عام و انت بخير




عاشقة الفردوس
نلت ما تعشقين و كل عام و انت بالف خير انت و من تحبين
المشكلة ليست بالنسيان بل بمن يتناسون يا صديقة


ماء تشرين : كل عام و انت بخير
كيفك ؟؟؟؟ استفقدنالك
كوني بالقرب :)

تحية

Wa2el يقول...

مازلت أذكر صدمتي العنيفة عندما قرأت عن مجزرة صبرا وشاتيلا وحرب المخيمات (وكان ذلك قبل عدة سنوات) وبأنها تمت بأيدٍ عربية وبمباركة اسرائيلية..
سحقا لديمقراطية مزعومة ان كان عرّابوها شرذمة من القتلة والسفاحين..
رحم الله كل الشهداء..

تحيّة لك جفرا..

jafra يقول...

وائل :
تخيل اللي بطالب بالديموقراطية متلا اللي عذبوا سجناء ابو غريب
بتلاقيها مو غريبة لانو اللي قبلهم ( و كانوا منا و فينا ) عملوا صبرا و شاتيلا

يعني القصة قدية بس الاختلاف كان بالتقنية الاعلامية مش اكتر

و هلا صاروا برلمانيين و بطالبوا بمحكمة دولية و قصص

الله يجيرنا من اللي جاي