الخميس، سبتمبر 24، 2009

بين هذا و ذاك - قهقهة و انسحاب -

من العادات السيئة التي يرثها الفلسطيني من جد جدوده و سيورثها دون ان يلاحظ لاخر حفيد له ربما سيكون هذا الحفيد مريخيا او غيره لكنه سيحتفظ بالجين السائد و الطاغي و هو حضور نشرات الاخبار و الاهتمام بالخطابات السياسية بالرغم من عدم ايماننا بالامم المتحدة و ما ستفعله لنا او لاي مظلوم الا اننا نتابع اخبارها و خطابات رؤسائها و هذا ما نفعله ايضا اثناء عرض القمم العربية و على امتداد ستين عاما و اكثر ما زلنا نسمع و ايضا غيرنا من الغرب و الاسرائيليين يسمعون و ربما تطور الوضع الى انهم ملو و صار احد عملاء الموساد هو من يكتب الخطابات لبعض الرؤساء و غيرهم لمن تابع خطاب الزعيم الليبي معمر القذافي للاحظ ان كلامه هو الذي نقوله نحن و نؤمن به الى ان مزق ميثاق الامم المتحدة و هذا شيئ بالفعل جيد بل جميل ما حدث بالفعل لكن لو انه خرج من اخر غير الرئيس القذافي لمن سمع الخطاب لسمع عدة ضحكات انهالت من المستمعين بشكل لافت و لم تنسحب اسرائيل او امريكا او اي احد عندما القى خطابه الناري و لكن ما ان اعتلى المنصة الرئيس الايراني حتى انسحب الاسرائيليون و الامريكان و الكنديون و الفرنسيون ؟لماذا ؟ هل كان احمد نجاد سيقول زيادة على ما قاله القذافي بل بالعكس كان متعقلا و متوازنا و لم يهمس بشان الهولوكوست ابدا لكن الفرق واضح لاي مشاهد عربي يعرف ما يدور بالكواليس الفرق ان ايران لها موقف ثابت باتجاه قضاياها و لن و لم تتنازل لاي سبب كان و ان قامت حرب سيحاربون بكل قوة لديهم لكن بالنسبة لزعيم الثورة و هذا لا يخفى على احد هو كلامه صحيح و لكن بدون افعال او مواقف ثابته انا لا اجمل احدا و اذم الاخر لكنني احاول ان احلل موقف
احد ما ياتي ليشتمك و يمزق ورقة و يلقيها بوجهك و تضحك من فعلته و الاخر مجرد وجوده يستفزك و يجعلك تنسحب ؟
ما الفرق بينهما ؟؟؟؟؟؟؟؟؟؟؟؟؟؟؟؟؟
و اللوحة لم تكتمل بعد
تم نشره في موقع جفرا :) رح اصير كاتبة قال :)))) شوفوه

هناك 18 تعليقًا:

حمدى جعوان يقول...

عزيزتى جفرا
من حديثك عن هذه العادة السيئة ..وان الشعب الفلسطينى يرثها ويورثها .... اعلمى انى فلسطينى مئة بالمئة .( ولى الشرف ) .. فمازلت اتابع كل ماهو مسموع ومقروء مرئى من تشرات الاخبار وخطابات كل القمم ومايدور فيها... حتى اننى اظن نفسى اعرف ماسيقوله فلان او فلان قبل ان يتحدث .. و امتى سوف يصفق الحضور وماالى ذلك ..
اما خطاب الرئيس الليبى هو كما قلتى .. خطابة هو مايقوله كل فرد فينا وعندما كنت اتابعه .. كنت اتابعه لانى اعلم انه سيقول هذا ... ويبدو اننى اشعر بالراحه على الاقل عندما ارى عربى يقول هذا الكلام امام العالم حتى ولو لن يحرك ساكنا..
وسأظل اتابع آملا فى يوم ارى فيه زعيم عربى يفعل مايقوله .. ويهرب من حضرتة الصهاينة والامريكان ومن اتبعهم.
شكرا لكى

jafra يقول...

حمدي جعوان :
للاسف مشاهدة الاخبار و الادمان عليها عادة متوارثة بين الشعوب العربية
ربما مجازا قلت الفلسطينيين
لكن هذه الصفة تعم
اختي بتقولي انو الموضوع لو تطور اكتر من هيك عندي بدها تشوفلي دكتور نفسي
شكلو رح طمنها و قلها انو في كتير ناس متلي و متلك :) و الشغلة مو خطيرة

اما بالنسبة للخطاب فكان ممتع للاسف انو احكي عنو ممتع كان نفسي اني احكي انو خطاب قوي و عبر في عنا و غيرو
بس ما اظن انو مع الضحك اللي صار بالقاعة و التاريخ للقذافي بيستحق انو نقول اكتر من كلمة ممتع

بس انت شوف ردة الفعل على الخطابين و رح تعرف مين اللي بحكي حكي و مين اللي بايدو يطبق بالفعل

تحية لك :)

قط البكتريا يقول...

والله هاي مزبوطه ادمان يا جفرا ... يعني مثلا انا مرتب قنوات الاخبار اول اشي على الستالايت ومدمن بس افتح الانترنت وكالة الانباء كلها مش عارف شو هل ادمان بس جينات على مايبدو
انا القذافي بتعجبني حركاتو وكلامو مرات بس للاسف هو بحكي شي وبسوي شي تاني معمر ذكي جدا ولا ما كان ضل بالحكم لهلاء بليبا من سنه 69
بس هو بحكي شي وبعمل شي تاني يعني برضي الجميع
بس بخصوص احمد نجاد هم بحاولو يضعفوه ويحجموه سياسيا عشان الشعب الايراني يختار احد( الاصلاحيين )
فعشان هيك ببينو للعالم انو شخص غير مرغوب فيه عالميا لانو ياي كتتير كتتير شرير
وتاني اشي الفرق بين ليبيا وايران انو ايران دولة مهمة وقادرة على الدفاع عن نفسها في حين انو ليبيا دولة مهمة جدا وللكن لاتستطيع الدفاع عن نفسها
هو سؤال يطرح نفسو ارضا عندي لهلاء ليش بندفع اشتراك للام المنتحبه ؟

jafra يقول...

قط البكتيريا : بتعرف انو لو سافرت لدولة مش عربية و كان التلفزيون بالاوتيل ما في قنوات عربية اول شي بعملوا الصبح اني بفتح النت على مواقع الاخبار
عادة سيئة على فكرة مو كتير منيحة لانها بتحدد نوعا ما بداية يومك لولا صوت الست فيروز ما بعرف كيف ابلش صباحاتي
هلا القذافي بيحكي صح خاصة بكلمتوا احنا مش حيوانات و تمزيقوا للميثاق بس بينطبق عليه المقولة
اسمع كلامك .... اشوف افعالك ....
بالنسبة انو ذكي لانو لهلا موجود هيدا ما بعتمد على نسبة الذكاء عنا بعتمد على نسب تانية اولها بيت خالتنا :) الله يجيرنا منو
اما بالنسبة لسياسة نجاد و الاصلاحيين فهي ما بتفرق كتير يعني كلو من هالمنبع في السياسة الخارجية بس الفرق بطريقة الخطاب و التعامل مع الغرب
لانها عندهم سياسة دولة مش سياسة مزارع و اقطاعيات
هون الفرق انو تكون مواطن بدولة او مواطن باقطاعية تابعة
في فرق كبير بنظري
مرورك بيسعدني دايما
تحية

It's me يقول...

..

أنا لا أتابع الخطابات السياسية ، مزاجي معكر دائماً والقهوة مقطوعة من السوق ، ولا حاجة لي بسحق مزاجي بفعل أو قول
أو أي شيء يخص عالم الكذب المتتالي

هذا الغاب يخرج منه في كل مرة مفترس جديد ، وكلهم يفترسونا ولكن بطرق مختلفة


جفرا ،

فيروز وأغنية في إطار غرفتك ِ فقط

مسرور يقول...

الصغار عندما يتكلمون
مهما قالوا سيبقى كلامهم لعب عيال
اما الكبار فأن انفاسهم تحسب عليهم

سؤال :- هل موقع جفرا خاص بك D:
تحياتي لك

jafra يقول...

لا شو القهوة تنقطع
لا سمح الله اوعك تقولها

معك حق فيروز و بكفي لشو وجع هالراس
بس ما في فايدة جينات ما في مهرب منها شو ماحكينا :)
ما تتعكر ما في شي محرز في هالدنيا لتتعكر مشانوا
( الا قصة القهوة هاي معك حق )

jafra يقول...

مسرور : و الله ما احنا صغار بس شو بدنا نحكي .....
و الله حرام اللي عنا من موارد و بشر و تاريخ و ثقافة هيك يضيع على عتبات الخليفة :)

بالنسبة لجفرا - موقع جفرا -
لا بس تشابه بالاسماء :) و بخربش هناك و بزعجهم
تحية

قط البكتريا يقول...

جفرا هو صحيح انو ايران ممكن تكون دولة مختلفة عنا بنظام الحكم بس بالاخر الكلمة لمرشد الثورة
والاختلاف بين نجاد و الاصلاحيين انو نجاد مش مهتم الا بالجمهورية الايرانيه وما بهموش مصالحو الماليه , مش انو ملاك بس الزلمة ردود فعلو واضحه
الاصلاحيين بدهم اياهم الغرب بس عشان يوقفو دعم عن الفلسطنين - الي دايما اكلين هوا - وعن حزب الله
بخصوص ذكاء معمر , كل الناس عندها خالات بس بروح بنقلابات معمر لا قسم ليبيا لمؤتمرات والمؤتمرات لكانتونات والكنتونات بتسوي مؤتمرات
يعني وزع كراسي على الشعب ومحدش فضي لحدا وهو قاعد عتلها بلعب بمليارات ليبيا

gabriel يقول...

في زيارة البابا الأخيرة لفلسطين أو ما أسماه "الحج إلى الأراضي المقدسة " ظهر رجل من الشارع اللبناني في ريبورتاج أعدته إحدى القنوات

سألته المذيعة : " هل تتوقع أن زيارة البابا ستحمل طابع سياسي "

اجابها : " حتى لو ما حملت نحن رح نحملها "

وعندما طالبته بتوضيح اجابته فسر موقفه بجملة لن انساها أبدا " نحن منتنفس سياسة "

وهذه هي حال سكان بلاد الشام بالمجمل .. منتنفس سياسة

في الآونة الأخيرة استطعت التخلص من عادة متابعة قناة الجزيرة والعربية وموقع سيريا نيوز وسيريا ستيبس وبي بي سي

الأمر الذي أنعكس ايجابا بغياب مظاهر الأرق وغياب طابع "الكوابيس" عن أحلامي

كالعادة يا جفرا راخد راحتي زيادة عن الزوم بصفحتك
شو بعرفني ليش .. بس انه فيها شي بريحني :D

jafra يقول...

قط البكتيريا : بس على الاقل المرشد كمان عم يشتغل لمصلحة ايران الدولة و البلد
و بالنسبة للاصلاحيين لو شافوا انو وجود ححزب الله ىضرورة رح يدعموا متل نجاد و اكتر و نفس الشي بالنسبة لاي موقف خارجي يعني الاهم مصلحة الدولة العليا و هادا شي محترم و مشرف الهم
و بينحسدوا عليه
و ما في حدا فينا ملاك بس شياطين النفس هي اللي بتختلف و كيفية ضبطها :)

بالنسبة للقذافي و ايا دولة عربية اخرى انا ما في احكي الاولاى انو ينحكى عن السلطة اللي خربت الدنيا برام الله من ناحيتي لهيك ما بحب انتقد ايا حدا كان من يكون

كتير بتسعدني بنقاشاتك
كن بالقرب :)

jafra يقول...

جابيريل: خد راحتك متل ما بدك المدونة على حسابك بس ما تطول الغيبة ولو :)
هادا الشي بيفرحني

نحنا بنتنفس سياسة
بتدكرني بجملة لغوار لمن قال نحنا الخضرجي عنا خبير عسكري :)
بس هالعادة ما في بطلها رح حاول بالفترة الجاية
و خبرك شو رح يصير معي

كن بالقرب :)

jumana يقول...

katbi w nos w '7amseh... wala enti mo tabe3eeh ismalla ismallah 3aleki.. ana ma b7sed huh....
waineeeeek :)nset shu kan bedi e7ki

yala see u :)

ميسم يقول...

تحيه
يعني يا جفرا هو بحكي!!!!!!!!!
بصراحه كلامه معمع حكى كتير بس أسلوبه لازم يكون في تقنيه أكبر بما انه عم بخاطب شعوب أخرى يعني ممكن يتبع نفس الاسلوب اذا طلع وحكى بقمه من هالقمم العربيه بس مجلس أمم متحده المفروض يفرض هيبته بشكل أكبر وبالنسبه لاحمدي نجاد شخص فرض هيبته من أول ما طلع وحكي ومتل ما حكيتي العبره بالثبات عالمواقف مش اليوم بحال وبكرا بحال مختلف تماما

ماء تشرين يقول...

مش بس الفلسطينين كل العرب صدقينى

اما بالنسبه للفرق فرق كبير اووووووى ياجيفارا ده شخص كوميدى عمل مسرحيه في العيد لكن نجادى الرجل التراجيدى الذى يمكن ان يبكى اسرائيل لا يضحكهم


تقبلى مرورى

jafra يقول...

جمانة : تسلميلي يا رب كلك زوء
كيفك هلا ؟ حمد لله على السلامة :)

ميسم : فكرك بس هو اللي فاضحنا
لا احنا من زمان هيك .....

ماء تشرين : زي ما قلت العبرة باللي ببكي او بضحك بالاخر

تحية
وجودكم اسعدني :)

خالد السعود يقول...

سلام ..
كيفك جفرا ؟
صراحة اشي محبط للغاية !، ومحبط ومقرف كمان.

jafra يقول...

خالد اهلا فيك
اذا على الاحباط في كتير منو
بس بتمنى ما تكون محبط :)
ما في شي بستاهل
تحية