الثلاثاء، فبراير 02، 2010

للتقليل من الخيانة فقط



هي : انا حامل


انا : مبروك لكن مش استعجلت شوي . ابنك ما كمل السنة و نص


هي : هيك احسن ورا بعض بتربوا مرة وحدة


انا : اسم الله صار عندك اربعة و هادا الخامس و انتي عارفة الدنيا و الغلا و قصص الاقامة


و المدارس و انت بطلت تشتغلي و الاهم انك عم تهلكي جسمك و كل ولد مش عم ياخد حقو منيح


هي : لا هيك احسن خليه يبطل يبصبص و يتطلع برة


انا : ؟؟؟؟؟؟؟ زوجك ؟؟؟


هي : اه


انا : بس هاي مش طريقة يعني قصة اربطيه بالاولاد صارت قديمة شوفي شو اللي ناقصه


هي: ناقصه عقل و دين


انا : و انت راضية


هي: شو بدي اعمل هيني بحاول


انا : لا انت بتخلفي مش بتحاولي و هاي مش طريقة و.....


هي : الله يخليكي بلا حكي كتب و تلفزيونات بدي اخليه ما يعرف يرفع راسو


بعد فترة من الزمن و بوقت قياسي و بعد الطفل السادس


انا : هلا ما عاد يطًلع لبرة


هي : خف عن زمان صار بس مع وحدة انا عارفتها كويس
- يعني خفف خيانته و صار .. مرة بالاسبوع انا هيك حاسة


انا : ممتاز الله معك و للعاشر بكون انهد حيله (و بسري حكيت :و حيلك و حيل المجتمع معاه )


هناك 7 تعليقات:

أشرف محيي الدين يقول...

مرحبا jafra

بصراحة جعلتني أضحك وأبكي في آن واحد وأنا أقرأ كلام هذه السيدة .

ضحكت كثيرا على سذاجة هذه المرأه وأعذريني على قول ذلك ولكن هل ما يزال هنالك نساء يعتقدون أن الأولاد يكبحون جماح شهوات رجل دنيء حتى ولو بلغ عددهم مائة ولد ؟

أما حزني فكان على هؤلاء الوافدين الجدد (الاطفال)الذين يفتقدون الحنان والعطف ويعيشون كالغرباء في بيوتهم منذ لحظة ولادتهم بسبب أنانية آبائهم وعدم الاهتمام من أمهاتهم .

ولكن فعلا استوقفني سؤال وأنا أكتب هذا التعليق وهو لماذا لا تهتم العديد من الزوجات بمظهرهن وأناقتهن وزينتهن عند حضور الزوج إلى المنزل في حين أنهن يصبحن أجمل الجميلات عندما يخرجن من المنزل ؟

أنا لا أبرر أبدا بسؤالي هذا خيانة الرجل .

أشكرك جدا jafra وكم نحن محظوظين بمدونتك ( لجوء ) .

ياسين السويحة | Yassin Swehat يقول...

مشهد مؤلم بواقعيته....


للأسف

لبنــــــــــى يقول...

اشرف مشاء الخير
ان تجعلك الخربشة العفوية التي صدرت مني هكذا تضحك فهذا يسعدني اما ان تبكي ....:(
المراة هذه لا اسميها ساذجة بقدر ما هي تحاول بطريقة اكتسبتها من خلال حياتها و تجاربها و مجتمعها و غيره .....
و لكن للتعقيب على الملاحظة الاخيرة
المشكلة في خيانة الرجل ليس مظهر الزوجة على الاغلب و هذا ما لمسته عن قرب من خلال عملي في مجتمع نسوي بحت
احدى زميلاتي و هي جميلة و انيقة و مرتبة فضل زوجها ان يخونها مع احدى الفتيات التي نعرفها جيدا و ليس لها بالذوق او النظافة اي علاقة
هناك موازين اخرى كثيرة تجعل الرجل او المراة يلجاون الى الخيانة و تعزى الى المظهر او اسلوب التعامل
و سيكون لنا في هذا حديث مطول بتدوينة اكتبها لتحكي بعض المواقف التي رايتها عن قرب

شكرا لاطرائك على خربشاتي المتواضعة
اسعدني مرورك


ياسين : واقعية هذا المشهد تتكرر و تؤلم
و لكن ان يكون ضحايا اطفال فاظن ان الالم سيكون اعمق
شكرا لمرورك

تحية

Whisper يقول...

بستغرب ان لسا في ناس بفكرو بهالطريقه
و لسا في ناس برضو يعيشو بقهر و اهانة و همه راضيين و محسسين الطرف التاني انهم راضيين

ما فكرت الاخت انها بس بتجيب نماذج جديده مشابهه الها او لابوهم للمجتمع؟؟

ما فكرت انها باللي عملته بعدت اكتر عن زوجها مش قربت منه؟؟ لشو ويلا لشو راح تكون فاضيه
بتخيل زوجها - اللي ما بحس باي شفقه عليه - بس يرجع من الشغل اكيد راح يلاقيها مش فاضيه و لا ملحقه لتعمل اشي بحالها او بالبيت او بالاولاد

منظر كئيب بصراحه

لبنــــــــــى يقول...

ويسبر : يمكن هي ما بتحس انها مضطهدة اللي بتتصرف هاي التصرفات بيكون تفسيرها للامور مختلف
و هي عم تساهم في اضطهاد ولادها و كمان زوجها بهالتصرف

نورت يا حلو :)

مهندس مصري بيحب مصر يقول...

مش عارف
بس اعتقد انا لو مكانها كنت صارحته بمعرفتي بخيانته اول ما عرفتها
و يا كان استقام يا كنت طلبت الطلاق
لكن العيشة كده مش مضبوطة بالمرة
منطقها عجيب و جوزها واضح انه واطي و مش حينفع العيشة معاه

لبنــــــــــى يقول...

مهندس مصري اهلا بك
بالنسبة للنص هو مش واقعي تماما هو رؤية
اما بالنسبة للخيانة بكل انواعها فهي تصدر من اناس بلبا اخلاق رجل كان او امراة
هلا بالنسبة للي زي المراة هاي يمكن هاي الوسيلة اللي اكتسبتها من مجتمعا و من قلة خبرتها او ضعفها
في امراة في الواقع و الحقيقة زوجها بخونها و حذرته ووصلت للطلاق بس ما قدرت انها ترجع بيت اهلها بعد 6 شهور زواج و قالت يمكن يتغير
البنت حاولت بكل الوسائل بصراحة ما قصرت
و بعد سنتين زواج
صارت مسالة تعود او تناسي مشان الحياة تمشي
احيانا الحياة ما بتساعد المراة على استخدام حقوقها او قوتها
شكرا لمرورك