الخميس، فبراير 04، 2010

مستشرق من طول كرم



تاثرا على ما قد رايته من صفاقة وجه
بعض الشخصيات التي تقبع في معقل رام الله
متحصنة بالامن الاسرائيلي و بعض المرتزقة

ارجو ان تعذروني على ما ساقوله الان

" يعني هاي سلطة رام الله اكيد خرفت او صاير فيها شي
- لا مش لهالدرجة الوقاحة يا عمي صاروا بلا حيا بالمرة من بعد ضربة غزة ما عادوا استحوا .
اي ورقة توت سقطت هدول اتعروا على الاخر و مبسوطين بفضايحهم . تعقيبا على سلام فياض

يا اخي علمي انك من طول كرم مش من باريس
و معاصر للقضية يعني حسستني انك جاي على البلد
من بعد اوسلو بشي خمس سنين و هالفلسطيني
خدعوك و انت هلا المصلح للوضع .
ما هو لما بتحضر مؤتمر قومي امني يهودي ما بكون هادا فخر
او حب لا هادا اعلان انو نحنا مقاطعة تابعة للدولة الاسرائيلية اليهودية
يا فياض
و بس الاختلاف انو رح نكون دولة منزوعة القيم و الاخلاق
و الارض و السلاح و عايشين متل ما بدها اسرائيل و على هوى نتنياهو و خلافه "

ما عاد هناك اي حس وطني يا اخي بلاش مشان اهل غزة
مشان الاسرى تبعونكم و الشهدا
و الاطفال و الحواجز و الا انت جاي من برة مو عارف باللي بصير
قال بيريز عنه :" فياض البن غوريوني الأول للفلسطينيين "
بكفي هيك و بكفي تشبيهك ب ... بن غوريون
هامش - على فكرة ماما من طول كرم يعني ما تزعلوا مني انا بحبها كتير و كان مجرد تعبير -

هناك 8 تعليقات:

Whisper يقول...

يا حبيبتي خلص اللي استحو ماتو من زمااان
و هلأ فجرو العالم و بطلو يشتغلو من تحت الطاولات
عيني عينك الخيانه صارت و بوجه مبتسم

لبنــــــــــى يقول...

صباحك سكر ويسبر
يا ستي و صاروا يتسابقوا الله يستر من اللي جاي شكلوا الوضع فرط عندهم واحد رايح لاسرائيل وواحد قاعد بهدد من رام الله و التالت نازل على غزة
زي اللي مو عارفين او عارفين و الله يستر

مهندس مصري بيحب مصر يقول...

لأ و الأنقح إن كاتب إسرائيلي في أحد جرائدهم بيشيد بسلام فياض و بيقول عليه كان واثق من نفسه و محدد هو عايز إيه في المؤتمر على عكس نتنياهو اللي كان تايه و شارد و مشتت
و بيعتبر فياض هو مؤسس الدولة الفلسطينية اللي حتنشأ بعد عامين
هأو أو
كانت أنشئت لما وعدوا عرفات بإنها حتنشأ سنة 1999 في اتفاق اوسلو
إسرائيل مش حتوهب الأرض للعرب ببساطة
ما أخذ بالقوة لا يسترد بغير القوة
و فعلاً الخيانة سواء من عباس او فياض او مبارك او غيرهم بقت عيني عينك و علنية بشكل مقرف

لبنــــــــــى يقول...

مهندس مصري :
يعني بصراحة مين رح يمدح فياض غيرهم
و لو عاجبهم يبقوا ياخدوا هو و في 3 اوفر عليه و انت عارفهم اكيد :)

و انا بقول هيك كمان - ما اخذ بالقوة لا يسترد الا بالقوة - و الله يرحم قائلها


و البجاحة و الوقاحة هاي ما ظهرت على اللي ذكرتهم الا بعد حرب غزة
لانو خلص ما عاد يقدروا يستروا حالهم ابدا

نورت المدونة بوجودك :)
تحية

- يقول...

http://www.jammoull.net/Forum/showthread.php?p=84617#post84617

fayyad

لبنــــــــــى يقول...

- :
بلا اسم
انا من اعضاء جمول الصانتين و اسعدني ان احد الاعضاء يتابعني هنا

فعلا صورة معبرة
جدا

ممكن استعيرها هون في الخربشة

قط البكتريا يقول...

انتو بس متحاملين ضدو ... شو الولد عم بخطط وبدو يخدعهم بس بالعقل
المشكله ماعنا استراتيجية سياسيه كل واحد عنا زي جحش ضايع بطلع باماكن مش لازم يكون فيها بس برضو ممكن يكون تكتيك ( جحاشي ) بتعرفوش

لبنــــــــــى يقول...

قط البكتيريا : معك حق صارت سياسة السلطة بتميل للتكتيك الجحاشي في اغلب المواقف بس انا اللي طلعت مو فاهمتهم
حقهم علي بضل مواطنة شو بجيب فهمي لفهم المسؤولين

نوًرت