السبت، فبراير 20، 2010

و الله ربطة الحمار صعبة



المكان قاعة كبيرة في أحد الفنادق الضخمة


المناسبة : محاضرة لتطوير التعليم الاكتروني


الوقت : من زمان :)


هي : الفنادق الضخمة لها هيبة كبيرة - انا هون رح اعمل عرسي بعد 300 سنة


أنا : انت لاقي المسخم اللي رح يتجوزك و بعدين فكري بالفندق


هي : على رأيك .


فلاش صورة مفاجئ في نص عيني


هي : شوفي المصور شو امور شكلو مندوب عن جريدة ...........


او صحفي بشبه اسمر و الله و احلى منو . انت بتحبي الصحفيين


أنا : اسكتي بلشوا حكي ... مين أسمر؟


هي : مش عارفة اسمر وين عايشة انتي ؟ بذمتك مش لو خلوه هو يحكي احسن


أنا : هششششششششششش


فلاش تاني بقوة و بعد الوميض الابيض نظرة من المصور باتجاهنا مع ابتسامة


أنا : العمى انعميت انا


هي : مش مشكلة انعمي بعد ما تشوفي هالجمال احسن ما تنعمي على منظر قبيح


ضحكة خافتة


وقت الأسئلة


أنا : بالنسبة للمشروع المتضمن تطوير التعلمي الالكتروني


بالمنطقة اثبت فشله و سلبيته في التاثير على التلاميذ


و تم ايقافه و استبداله من بعض الدول و العودة الى الطريقة القديمة .


لماذا يجب علينا ان نجرب ما فشلت به الدول المتقدمة


على الدوام و لم لا نبدا بتجربة ما نجحوا به و لا نضطر الى


استخدام هذه التقنيات فقط لدعم بعض الشركات ؟؟؟


المنظر :::::


وجوه غاضبة و صاحب المشروع عيونو طلعوا لبرة


و انا حسيت بانتصار لاني ما بحب الاستهبال .


احد الموجهين الفنيين اشار لي بابهامه - ممتاز -


بعض الحضور نظروا الي و صاحب المشروع بعت يعرف اسمي


و لا رد على السؤال فجاة 3 فلاشات قوية بعيني كاني رح انزل الانتخابات


و اجابة ما سمعت نصها من صاحب المشروع المخنوق مني


هي : الله لا يوفقك هادا سؤال


أنا : لازم يقنعونا بالمنتج و ايجابياته


هي : بس صاحبنا ما شال عينو عنك


انتهت المحاضرة و اتجه الجمع للبوفيه


هي اسمعي بنشرب قهوة و بعدها بنروح


عيون صاحب المشروع لهلا ما فارقتني كانو بقولي سم يسمك


أنا : اسمعي انا برة بالسيارة جيبي قهوتك و تعالي


الشب الوسيم يقاطع بلطافة و بلهجة انجليزية مهجنة


Hi Im Jano - photographer from


................ newspaper . im from India


ابتسامة متبادلة


Hi


- can you translate your question to ? relly they are surprised


- هي : انا اللي اتسربزت على الاخر


و بعد الترجمة وعدنا بانو رح يبعت الصور النا على المدرسة


و بعد فترة خبرني الموجه الفني اللي ذكرتو فوق .


انو صاحب المشروع بالرغم من انو حقد علي


بس اعجب بطريقة تفكيري ووعيي بس ما قبل ترشيحي لتطبيق البرنامج


و عمل تجربة نظرية و بحث مترافق معو






شو ذكرني بالقصة


مممممممممممممم اني ما بعرف اربط الحمار يا مياسي ؟؟؟؟ صعبة




هناك 15 تعليقًا:

غير معرف يقول...

كويس جدااااااا

احسن حاجه انك ماتعرفيش مين هو اسمر

بجد احيكي على شجاعتك

تحياتي

Whisper يقول...

هههههههههههه
جد يا بنت في امور كتيره متشابهه بينا

زكرتيني بالجامعه لمّا اعترضو كل لاحظي كل اللي بالقسم على الدكاتره و اسلوبهم و بالاجتماع مع العميد الكل سكت, الا اختك بالله
ما قدرت يختي, كرجت الشكاوي مره وحده و بنص صباحهم و حددت اسم كل دكتور
اي نعم رسبني الدكتور بالماده و راجعت العميد اللي وعدني انه اذا صار هالشي ارجعله و طبعا ما عمل اشي, بس بصراحه انفش قلبي :)

بكره اللي بستهبلني, يعني بمشي كتير وقليل ولكن الاستهبال...ابدا
و لهلأ نفس الشي بالشغل :)

و بالنسبه للحمار...يربطه هو مش هو صاحبه ...

لبنــــــــــى يقول...

فتاة من الصعيد
لا ما عليكي بالشجاعة في عندي منها كتير بس هالايام حابة صير ارنبة بتعرفي مع اني بالتلاتينات بس تعبت عم حس حالي بنفخ بقربة مقطوعة

نورتيني




ويسبر : عن جد افلام
يلا شدي حيلك هيك و جمعيهم مشان نعمل كتاب انا و اياكي و نسميه مممممممممم مش عارفة
يمكن هلا عمي بطل هالكشرة :)
لا اذا بدي احكي عن ايام الجامعة فحدث و لا حرج
كم مرة دكتور قلي اتفضلي اطلعي برة ؟؟؟
و الله ما بنعدوا بس الحلو بالموضوع في ناس كانت تنسحب معي اعتراضا و نحمل المادة سوا :) و احنا موازي
و شوفي شو بدك تحكي لاهلك
رح احكي عنها شي يوم
المشكلة مش بالحمار المشكلة بصاحبة

NasEr يقول...

lol
كان لازم صاحب المشروع شغلك معو بالتخطيط لو انو بفهم

قط البكتريا يقول...

يعني انا كنت بعتقد انو انتي لطيفة يعني بس مش لهل درجه
سميتي بدونو للشب ... مسكين كان بتوقع سؤال مش صاروخ ارض جو بتلاقيه كان طاير جيتي ضربيته صاروخ ستنيغر نزلتيه على راسو
بس برضو وجهة نظرك صحيحه مية المية وزي ما قالو الي بجرب المجرب عقلو مخرب

ما تردي على مياسي وخلي الحمار فالت :D

مين هاظ اسمر ؟؟

لبنــــــــــى يقول...

ناصر : هادا لو بيفهم و الله وكيلك مع الواسطة هيو مبدع و الطلاب كمان اللي نرلوا البرنامج بمدارسهم صاروا مبدعين
بطلوا يعرفوا يكتبوا و لا يقروا
و المناهج شلفقة
يعني نجاح مبهر و صار عندو شركتين
شكلوا العالم اذا ما فهموا متلوا رح يضلوا زيي :)



قط البكتيريا : انا بالعكس كتير لطيفة ما بكفي اني من برج الحمل
:)
بس فيي هادا العرق اللي انت عارفة الله وكيلك مسيطر
بتعرفوا هادا العرق ؟؟؟؟

رح خليه فالت لاشوف لوين رح اوصل انا و اياه :)

نورتوا

قط البكتريا يقول...

على الكونغو يمكن او ممكن يرجعك سالمة لبيتكم :D

أشرف محيي الدين يقول...

فعلا الحقيقة المؤلمة ياجفرا أن العديد من المشاريع التي يتم تنفيذها لا تخدم إلا مصالح فئة معينة ولا تهدف إلى خدمة الصالح العام أبدا ولكن طريقة الترويج والدعاية والهالة التي تستخدم في اقناع العامة بأهمية تلك المشاريع وأنها ستحقق العديد من الامور الايجابية في القطاع الذي ستخدمه ليست سوى وهم لا أكثر ولا أقل .

وفعلا إلى متى ستبقى توكل مهمة ربط الحمار وفقا لرغبات وأهواء صاحبه أحسن حل يموت هالحمار ونخلص :)

تحية .

Unknown يقول...

له له

مش عارفه تربطي الحمار صح

ما تردي على بكتيري؛ جربي اربطيه وشوفي شو بيطلع معاكي:)

كان صفوكي جنب شلة المبدعين انتي وويسبر

والله محتجات و عاملات فيها رووس

بس بدك الصراحه؛ بحترم أي انسان بيحكي للأعور أعور بعينو

لأني ما عندي الشجاعه اللازمه أعمل هيك

بس ضحكتيني على أسمر؛ جد حلوه هاي:)

بوبو يقول...

jafra
لا على فكرة ربطة الحمار سهلة اوي بس مش لامثالنا.. اللي زيك مبيعرفوش ينافقوا ولا ينقادوا مع القطيع بيشوفوها صعبة.. انما تعالي عندي الشغل في المدرسة وانتي تلاقي كل الناس رابطة الحمار ومريحة نفسها.. طالعين عندنا في اختراع اسمه الجودة للمدارس.. مش عارفة عندكم ولا لا.. بس يعني استهبال على الاخر.. الحكومة واخدة منحة من امريكا على حس الجودة ومطلعة عنينا.. معظم الناس ربطة الحمار ومريحة دماغها.. بس احنا مبنعرفش
تحياتي

Gabriel يقول...

لو كنتي منزلتيها على الفايس بوك ( بعرف انك بتكرهيه لهاد الاختراع الفس توك ) لكنت ضجيتلك بالخط العريض i like

الله يعطيني خير هلضحك هاد
احلى جفرا

مهندس مصري بيحب مصر يقول...

:))
فكرتيني بأيام الشغل في الحكومة في مصر
بس تفكيرك صح

mohra يقول...

هو الواحد بيحاول يربط الحمارصحيح لكن مش دايما بيعرف
غصب عنه دماغه بتفك الربطه
خالص تحياتى لكى و لمياسى

لبنــــــــــى يقول...

قط البكتيريا او يمكن ياخدنا على العصفورية :) الله اعلم


اشرف محي الدين : مش دايما الحقيقة بتكون مؤلمة
احيانا بتكون قاتلة يعني من الاخر مريحة
بس فكرك اذا مات الحمار ما بنطلع ارهابيين و ممكن يحتلونا مشانوا ؟
او طلع طائفة بتقدس الحمار و تسمي حالها الحميريين ؟
لا خليه بلا مصايب جديدة

مياسي : للحق يعني بلا ما اكون كذابة بعد المحاضرة شفت اسمر افندي بس لمقارنته مع المصور بصراحة كان احلى من اسمر :)
هههههه هلا هاي النهفات بتصير معنا كلنا مشيها

bobo : على فكرة في ناس كتير هيك عنا نحنا كمان
يعني هاي القاعدة عامة بس صدقيني حتى هم مش مرتاحين مش مشان الشغل لا هم بدهم يربطوا الحمار و يتكرموا على الببيونة اللي عملولوا اياها
و اغلبهم بيجيهم ترقيات شريعة
مش شي بيقهر ؟

لبنــــــــــى يقول...

جابرييل : كيفك وينك ؟؟؟ شكلو الفيس بوك عامل عمايلوا معك
لا يا سيدي بطلت اكرهوا بصراحة عم استخدموا على الخفيف بشكل عائلي بحت لحتى ما انشر التخلف التكنلوجي على الملأ يعني خليها مستورة :)
ما تطول الغيبة

مهندس مصري : لو جربت تشتغل بمدرسة خاصة رح تعرف انو شغل الحكومة رحمة
يعني تتحكم فيك اهواء الحكومة احسن ما يتحكم فيك اهواء و اطماع عبيد الحكومة .؟
صدقني في فرق
نورت


مهرة كيفك :
نورت
اصلا لو حاولت اربطه هادا لو
ما تزبط معي الله وكيلك لا هيك نافع و لا هيك نافع
بس نوعا ما انا راضية عن حالي بهالطريقة على الاقل ما بحس بتانيب ضمير