الجمعة، يوليو 23، 2010

أهو ده اللي صار و دي ...............



منذ ايام و أنا افكر في خربشة تلك الفكرة لكن ترددت إلى أن تصفحت بعض المواقع التي تدعي انها صحف و قرأت بعض المقالات فيها و ضاق صدري " و خلقي " الى ان انفجرت هذه الكلمات " فشة خلق " فالرجاء ممن يقرأ أن يتحمل


كنت منذ صغري أهوى القراءة و الكتابة و أحاول أن أنظم الشعر و قررت في مرحلة ما أن أتخصص في الصحافة و الإعلام و بدأت بالتمهيد لهذا الحلم و حاولت أن أغذي معلوماتي العامة و أقرأ و أقرأ


إلى أن تخرجت من الثانوية العامة و حصلت على معدل لا يؤهلني لدراسة الطب فقرر والدي أن أدرس تحاليل طبية و مختبرات " متل كل الأفلام العربية اللي بنشوفها و صرنا نسمعها "


أبديت رغبتي في دراسة الصحافة " و يا ويلي شو صار " بكل بساطة حدث انقلاب بالعائلة ضدي
أبي من طرف و أمي من طرف آخر و أعمامي و أخوالي و .......................


المهم


بما أنني بنت العائلة المدللة لم أتحمل فكرة مقاطعة العائلة لي و فتاة بالثامنة عشرة تفكر بشكل غض و طري و لم أتحمل الحصار


لو أنني تخرجت الان من الثانوية لتعلمت الصبر المر من أهل غزة و لكن رضخت بعد اقل من ست ساعات لرغبة الأهل
و دخلت الجامعة و تخصصت كما تمنى أبي المهم أن يقال بنت فلان دكتورة و أحمد الله أنني لم أحصل على مجموع عال في الثانوية العامة و إلا كنت للآن في كلية الطب
و تم الاستمرار في القراءة و ما عدت أكتب الى أن اكتشفت جيران و صارت لي مدونة هناك
و أخيرا تم الاستقرار هنا على هذه الجدران البيضاء الضيقة التي تدعى بلوجر
و لا أدعي أنني متمرسة بالكتابة او باللغة العربية بل حاولت و ما زلت احاول ان انقذ ما تبقى منها لدي
و مضى الوقت الى هذه الايام التي يملؤها الفراغ فصرت اقرا الكثير من الصحف العربية و الاجنبية في بعض الاحيان و امرّعلى مقالات لكتاب كبار او فنانين او مدونين .

مثلا أجد بعض الكتاب في الصحف العربية يكتبون شيئا يسمى بالمقال و لكنه لا يشبه شيئا و لست ادعي عليهم
مثلا تجد الكاتب يبدا مقاله بكتابة فقرات غير مترابطة و يبدا الشتات و اقرا المقال مرة بعد مرة و لا افهم شيئا مما يود الكاتب التعبير عنه
في البداية كنت اظن انني لم ارتق لمستوى الكاتب الثقافي و لا الحس الادبي و لكن بعد فترة وجدت ان الكاتب يكتب و يعبر عن رايه و لا احد يفهمه بل هناك الكثير من المعلقين على المقال يسالون نفس سؤالي ماذا تريد ؟


و لانني انا ادفع ثمن الصحيفة فمن حقي ان اجد ما اقرا و تكرر هذا الموقف مع عدة كتاب مقالات و للان لا اريد ان اظلمهم علني انا لم افهم .


ووقعت عيناي على مقال اجتماعي اذا صنف بهذه الطريقة للسيد الفنان النجم الخارق الذي لا يتواني عن كشف عضلاته في الصيف او الشتاء تامر حسني و المقال فيه " و خد و هات " لكن للحق فهمت ما كان يود قوله فانا متخصصة بالتعامل مع الاطفال و جملهم المقطوعة و المقال كان نوع من الترويج لاغانيه هذا ما فهمته على الاقل .


و آخر ليس عنده الا كلمة حرية و ما ان يتحدث عن راي اخر يبدا بالتهكم و الشتم و الاسفاف
و صحفي يصوغ الخبر بلا مراعاة للتاء ان كانت مفتوحة او مربوطة و لا قواعد للغة العربية تحترم فالمنصوب
مجرور و الفاعل منصوب اما الفعل صار مفعولا به الى ما نهاية


دبت بي الغيرة


بعض الاقلام جافة و لكن ما يجعلها براقة هو حظ دفع بهم على صفحات تباع لامثالنا بالمال أو واسطة أو شهرة في مجال آخر فلم لا تستغل اسماء براقة و تزيد المبيعات ؟
نشتري الصحف و يقال زادت المبيعات لان فلان كتب . و فلان يحاول ان يرفع رصيده بمهارة اخرى فمن الممكن ان تكون راقصا و سياسيا و كاتبا و مغنيا و ووووووووو في شخص واحد اما الصحف فتقلب يمينا و يسارا و الى الاعلى و الى الاسفل و تستقر مفروشة فاضحة كل ما بداخلها من استهتار لعقل القارئ على طاولة الغذاء هذا ان كنت لا
تعتني بصحتك لا تخاف من الحبر الاسود الذي من الممكن ان تعلكه مع الخبز

"ا استغرب هذا في وطننا العربي فشفير التاكسي يمكن ان يكون محلل رياضي بينما بياع الخضرة خبير عسكري


و دكتور في الجامعة من الممكن ان يتحول الى خبير في الاسعار و البورصة و عند ركوب باص الجامعة معه من الممكن ان يكون كنترول باص ( كمسري بالمصري ) "


حزنت جدا ليس لانني اكتب ببراعة حنا مينا او غسان كنفاني او حتى كاتب مقال درجة ثانية في صحيفة نصف مشهورة


و ليس لأن لغتي العربية سليمة مئة بالمئة فمن الممكن ان تخرج لي في هذه الخربشة مئة خطا لغوي و تعبيري و اخطاء جمة في قواعد النحو و الصرف لكنني كنت ساحاول ان اكون الافضل و ارتقي بصياغة الجملة و احافظ على الفعل و المفعول به كما هو متوارث باللغة العربية


ربما كنت ساكون افضل منهم و ربما


أو لا





فقط لو كنت استطيع تحمل الحصار قليلا

هناك 12 تعليقًا:

Whisper يقول...

صديقتي

مشكله ارغام الاطفال تحقيق اماني الاهل الشخصيه للاسف لساتها موجوده بكل بيت

بالنسبة للغه العربيه, انا وللاسف من اللي ما بتقنوها وبسبب بعدي عنها بديت افقد بعض الكلمات العربيه الفصحى من قاموسي, لدرجة اني ما بلاقي المرادف لكلمة عاميه و بفكر كتير لالاقي الكلمة, معظم مدونتي باللغه العاميه اللي بحسها اسهل للتعبير و للوصول للقارئ مع اني بعترف ان هذا خطأ :$

مع هيك وانا بقرأ الصحف او و انا بسمع المذيع تلقائي الخطأ النحوي بضرب بالاذن وبكون واضح انه خطأ و بطلع نشاز بالاذن
وياما اكتر تكرارها :(

Dr.Mohammed يقول...

ماشي! انا راح أعلق على نقطتين ، الاولى أبدا ما كان قرار سليم انك ترضخي لقرار أهلك ، مزبوط هم أهلك اولا و أخيرا و لكن هذا القرار مصيري و انت راح تدرسي هاي الدراسة مش أهلك ! انا ما بحكي هاد الحكي عشان تشعري بتأنيب ضمير او اي شي مثل هيك ، اصلا اعتقد انو الامر أكل عليه الزمان وشرب ! بس انا بحكي هاد الحكي لانو عن جد عنا مشكلة بهاد الموضوع ، يعني الاهل قاعدين بختارو شو بدهم ابنهم يطلع و لا حدا مستنظف يسألو انت شو حابب تدرس!!

النقطة الثانية ، حتى لو انت لحد الان بتحبي الصحافة و الاعلام و بتحبي هاي المهنة كثير فما في مانع ابدا انك تستمري فيها و تطوريها و تطوري كتاباتك و مقالاتك ، ليش؟! ببساطة لانو ظاهر جدا انو لا زال عندك حب الكتابة و لا زال عندك حس الانتقاد و الدليل انك ضاق صدرك من اللي بتقرأيه كل يوم و من طريقة الكتابة "التجارية" او "الاشهارية" فهذا دليل اكثر من كافي انك تملكي الموهبة و يمكن أفضل من كتيير ناس بكتبو بصحف "الدرجة الممتازة" ، ما في حدا ببلش كبير مره واحده ! و مش كل مين من كتب هو كاتب ، الكتابه بدها موهبة و ما بعتقد ابدا انو هاد الشي بنقصك!

بالتوفيق

Dr.Mohammed يقول...

...............

أشرف محيي الدين يقول...

مرحبا جفرا

بصراحه وبدون أية مجاملات أنت كاتبة من طراز رفيع سواء من ناحية سلامة اللغة التي تكتبين بها أو من ناحية الأفكار التي تطرحيها في مختلف القضايا والمواضيع .

وصدقا هذا رأيي بكل حيادية وموضوعية فأنت حقا مميزة يا جفرا

كل الود

قط البكتريا يقول...

بالاول 90 % من كتابنا عبارة عن نسخ ولصق
يفتقدو للثقافة والقدرة على التعبير , دخلو مجال الكتابة فقط للتباهي او لامر في نفس " بعض الاشخاص "
عشان هيك بحسبة صغيرة انتي افضل منهم

ما تفكري بالماضي ما حدش بعرف اذا كان حيكون الوضع ام افصل ... بلكي سكرت البواب بوجهك واضطريتي تكوني صحفي او كتاب يغطي اخبار النخب " الفنية " وكل يوم بتشوفي سوبرمان زي طامر حصتي

لبنــــــــــى يقول...

صباح الخير ويسبر
ويسبر كلنا عنا اخطاء لغوية بس اكتر شي بغيظني موضوع التاء المفتوحة و التاء المربوطة
انا هون بتسكر معي ليش ؟ ما بعرف
انا عندي قناعة انو حلو التعبير بالعامية بس ما يعتمد كمنهاج تعبيري في كل مكان لانو اللغة العربية الفصحى هي الاساس و لازم يضل الها مكانتها بالمجتمع
هادا رايي الشخصي
لهيك كتير من التدوينات عندك و عند غيرك انا بحبها و بتكون تلقائية و حلوة و بالعكس بتكون قريبة للقلب يعني سلسلة عرسان ابدا ما بنفع معها الفصحى لكن نحنا لقينا استخددام العامية دارج حتى على علب الشوكولاته و اسماء المحلات غير الانجليزي
هون بكون في غلط و نوع من التغيير الغير مقبول
انا بكتب بالعامية باغلب الاوقات و بلاقيها اسهل و بسيطة بس عم حاول اكتب بالفصحى اكتر

مرورك دايما بيسعدني :)
بالمناسبة من زمان ما سالتك :
كيف عمان ؟


د.محمد
هادا الشي صار قبل شي 10 سنين بالفعل كنت كتير ارضخ لرغبة الوالد و الوالدة حتى بامور بسيطة لكن لما اكتشفت الغلط ساعدت اخواني و خليتهم ما يرضخوا و نشكر الله كلهم توفقوا باختياراتهم
و شكرا لتشجيعك و اطراءك
عن جد اسعدتني :)

تحية



اشرف محي الدين : مش عارفة شو ممكن احكي يمكن حكيك خلاني اسكت و مو عارفة شو التعليق المناسب
شكرا و اكيد رح استنى الفرصة المناسبة
هلا ما اظن اني مؤهلة هون في هاي البلد اني ادور عليها
و بكرر شكري
تحية



قط البكتيريا : يعني اذا بدي اصير تبعت نخب متل طامر لا بطلت خليني مع هالصغار يمكن يطلع منهم شي رح يكون اكيد احسن من طمورة
يعني فكرك استنى تنسد كل البواب يا سيدي اكتر من هيك سدة رح اختنق
و على كل
يسعد صباحك :)


شكرا لتعليقاتكم عن جد جبرتوا خاطري و يمكن يصحلي اكتب مقال شي يوم و يرزقنا متل ما رزق طمورة
سلام

قط البكتريا يقول...

@ ويسبر ذكرتيني بصاحب الي كان يعربلي نشرة الاخبار اذا غلط المذيع

جفرا ما تكتئبي هيك هون بتكتبي وعم تتطور ملكة الكتابة عندك وان شاء الله ما بتعرفي ممكن نشوف كتاباتك بشي محطة او مجلة الها وزونها واعتبراها


يلاه خلينا نرفع معنوياتك

sheeshany يقول...

تعالي بدي أوشوشك شغلة ... "أشطبي تعليق أشرف لأني بدي أكتب نفس اللي حكاه، و احكيلو في خطأ تقني و بيمشي الحال" :)))
جد كلماتك ممتازة و أسلوبك جميل + رصين و هذه ليست مجاملة. صدقا ً.

أنا بنجلط من التاء المفتوحة / المربوطة + همزة الوصل / القطع ، و حاسبين نفسهم كتاب ! معظمهم بيسرق الموضوعات و / أو بترجم مع شوية تصرف (و يا ليت ما يتصرف و يترك المقال المسروق مثل ما هوه!)

كلها مسخرة * مسخرة ، برضو بيقهرني الخلط بين الفصحى و العامية في ما يسمى صحفا ً أو نشرات متخصصة و/أو مجلات.
-طبعا ً أنا عم بنظر و برتكب نفس الأجطاء اللي عم بتكلم عنها- :@

غير معرف يقول...

لا تمووووره ده حاجه تالته .... ده مطرب الجير ..

يعني حاجه كده من ذنوب العصر اللي لازم نتحملها :(

عموما استمري في تطوير اسلوبك فربما يأتي الزمن الذي يعاد فيه الصحيح لمكانه ... وينتهي عصر العشوائيه ..

تحياتي

لبنــــــــــى يقول...

قط البكتيريا :
الله يجبر بخاطرك :))))
انا زي صاحبك كنت ادقق لحد ما ماما و اختي زهقوا مني و بطلت بس احيانا بعصب و بفش خلقي بالمذيع

يمكن الاحوال تتغير
يمكن ؟


هيثم : هلا نحنا غير و هم غير
هدول كتاب القاصي و الداني ممكن يقرالهم اما نحنا على قدنا

يعني هدول بعبروا عن لغة امة باكملها و المفروض انو هاي شغلتهم اللي بقبضوا عليها فلوس
يعني مش هواة زينا
اشطب تعليق اشرف و الله ما بهون علي :)
بكفي اللي حكيتوا و شكرا على مرورك


فتاة من الصعيد : حلوة هاي ذنوب العصر
عن جد عجبتني
بتعرفي نحنا بالفعل بعصر العشوائية و مشان هيك اندمجت كتير بفيلم هي فوضى لانو عم يحكي عنا كلنا بس بطريقة مختلفة بس الفكرة مطبقة علينا كلنا
نورت يا قمر

سقراط مصر يقول...

جفرا احيييك فعلا
بقيت حاجه مستفزة
اسماء المحلات والمشاريع التجارية بقيت بالانجليزي حتى لو الاسلم عربي لازم يكتبوه بالانجليزي

كمان قصة العاميه اللى بقيت في ترجمة بعض الافلام

المفروض اننا نتكلم بالعربية الفصحى على قد ما نقدر او على الاقل نتكلم بالعامية ونكتب العربية الفصحى

كمان في اخطر من كده الفرانكواراب
اننا نكتب العربي بالحروف الانجليزي بجد دي حاجه سخيفة جدا جدا جدا جدا

وبتورينا قد ايه ان اللى بيكتب بيها ده منعدم الهوية معندوش اعتزاز باصولة وبلغته وبحضارته

انتى جيتي على الجرح بصراحه

موضوع الصحافة الطب وقصص الافلام العربي دي زي ما قولتي بجد انا مش عارف اقولك ايه تخالفي الوالد وترضي نفسك ولا ترضيه وتحجري على امنيتك
كان الله في عونك

وتحيه لك وما والى ما تكتبيه

لبنــــــــــى يقول...

سقراط مصر
مسا الخير
هلا فات الوقت لاعارض بصراحة الي 7 سنين متخرجة من الجامعة و بتنقل بالشغل
لكن التدوين فش الخلق شوية
يمكن كان المفروض اتابع دراسة الصحافة مع دراستي الجامعية و يمكن اشياء كتيرة
لكن هادا اللي صار حتى لو حاولت اغير الواقع
الواقع اللي حولينا ما رح يساعدني بس اكيد في فرصة
بالنسبة لاستخدام اللغة العربية في التعليم كنت من المعارضين لانو المصطلحات و الادوية و الاجهزة و كتير من الابحاث اللي بتدعم دراسة الطب خاصة بدها تعريب اولا بعدين بنبدا نعرب الدراسة لكن مع اللي عم شوفهم يتخرجوا من سوريا و خاصة اطباء الاسنان و البشري بلاقيهم شاطرين ومتابعين يعني نحنا فينا نعرب و نبدا باستخدام اللغة العربية بابحاثنا بس بدك مرجعية لغوية و ناس تفكر بطريقة عملية بالتعريب و ما نحكي شاطر و مشطور عن شندويشة
بدها وقت و ناس فهمانة :(
يعني متلا الالمان و الاتراك و الامريكان بحترموا لغتهم و بقدروها و بحافظوا عليها
و نحنا ما رح نتطور الا باحترامنا لذاتنا و لغتنا
الانسلاخ صعب و اظن جربناه و ما فاد باشي
رح نضل عرب
اذا نحنا نكرنا بعيونهم رح نضل عرب


اسفة للاطالة

تحية