الاثنين، أغسطس 09، 2010

أنت منذ الآن غيرك ..........



أعدي لي الأرض كي أستريح
فإني أحبك حتى التعب

..................................................
اطمئن يا محمود فلا شيئ يدعو للتفكير بنا
لا تغيير
حصار و اقتتال و فضائح علنية و القدس في طريقها للانهيار
سوبر ستار فلسطيني و قنوات تتغنى بالتراث و اخرى تلعن و ندها يصيح
الفرقة صارت ميزة يا رفيق
و اعتقلات بالضفة -( من الجهتين اذا ما اندق بابك من السلطة بندق من ولاد الحرام الجنود الاسرائيليين )
اما في غزة فالاقوال متضاربة و ما عدت أصدق أحد
سيتم الانتقال للمفاوضات المباشرة ( هيك بدو عباس و اوباما و ايهود )
ليش ؟ و لا شي تغيير روتين و ( على الاغلب بدهم يعملوا حرب تانية فبهدوا الوضع عند ولاد عمنا )
شو استفدنا ؟
ولا شي بس لهلا ما صار في قرار ياخدوا مفاتيح بيوتنا في الجليل و يافا و حيفا و صفد و مخلينهم للذكرى
شي غريب ؟


الشي الوحيد الغريب انو لما بتيجي سيرتك
زهر اللوز بصير أحمر

سلام لروحك

هناك 10 تعليقات:

Khadija.april يقول...

لم يرد لقصيدته تلك أن تنتهي .. وانتهت على غفلة منا وصحو داخلي منه ..

لم ندرك غيابه بعد .. لم ندركه أولاً .. فهو الغياب وهو السماوي الطريد.

nissan يقول...

اطمئن يا محمود
...
بالرغم من كل القرارات
بالرغم من كل المفاوضات والتنازلات بالرغم من كل الانشقاقات
بالرغم من كل الحصارات
بالرغم من كل الاهانات

ما زلنا نحن قعودٌ ...قعودْ

أشرف محيي الدين يقول...

مفاتيح البيوت يا جفرا أصبحت وبكل أسف وسيلة انتظار للتعويضات التي طغت على أحاديث العديد من اللاجئين في التكهن والتنبؤ بمقاديرها .

كيف وصلنا إلى هذا الحال صدقا لست أدري .

تحية

jafra يقول...

خديجة : مسا الخير
لم ندرك غيابه ........
لم ادركه بالفعل



نيسان : نحن قعود
بس غيرنا ؟؟ الله اعلم



اشرف : مفاتيح العودة سيتم طرح مناقصة عليها
لكن اللي بحكوا هل بعرفوا مسؤوليتهم الحقيقية تجاه هاي المفاتيح و كروت المؤن . اظن انو لازم يكون في توعية تجاه هادا الموضوع
دينية - اخلاقية - وطنية
بس ما رح يوعوا و لا رح يحكوا
و انا بصراحة ما رح الومهم خاصة اهل المخيمات
يعني نحنا عايشين بالتكييف و برخاء و مو حاسيين باللي هم عم يعانوه كل يوم
يمكن يطرا شي تغيير يخلي عندهم اكل ؟ يمكن

سقراط مصر يقول...

ربنا يجعلنا سبب في صلاح الحال

كل سنه وانتى طيبة بمناسبة رمصان





بقولك ايه ياريت تضيفي المدونة دي في قائمة المدونات اللى عندك
http://mycammacym.blogspot.com/
مدونتى التانيه عدستي

GIA يقول...

ممكن بيتهيئ للعالم انو نحنا العرب بدنا نتخلي عن حقنا وعن القدس بسهولة
بس اكيد لسا صامدين وراح ترجع كل الاراضي الفلسطينية المحتلة لاصحبها
رمضان كريم وينعاد عليكم بالصحة والقوة والصبر
وايدنا معكم اكيد
وبنحبكم

jafra يقول...

سقراط مصر : يا رب انا نكون سبب في صلاح الحال مش في ترديه :) زي ما انا شايفة
و كل سنة و انت طيب و بخير
و تكون من الفايزين و العايدين زي ما بقولوا هون

هامش : انا كنت بتابع عدستك من فترة للتانية و تمت اضافتها :)

jafra يقول...

GIA :
و انت بخير و يعدي رمضان علينا بخير لانو بكل المقاييس
شكلو اسرائيل ناوية تعمل شي
الله يهدها

نحنا العرب يا بنتي مو عارفين شو بدنا بالزبط
لنعرف شو بدنا ساعتها بنقرر
انا القدس ليش باقية لهلا فهاي تدابير ربك و صبر اهلها في الداخل

و الله بعين

Whisper يقول...

الشي الوحيد الغريب انو لما بتيجي سيرتك
زهر اللوز بصير أحمر


:)


كلنا راحلين.... و لكن ما يميزنا الاثر الذي نتركه خلفنا
و بصمات محمود درويش منتشرة في الدنيا كلها

jafra يقول...

ويسبر اشتقنالك يعني شو هالغيبة يا بنت ما تطولي علينا بنشتقلك بجد
كل هادا مشان تزيني و تحطي الهلال انا عارفة :)

درويش ترك اثر
عم يحاول البعض انو يمسحوا بس هم رح ينمحوا و يضل شعر درويش