الجمعة، سبتمبر 17، 2010

دوري أنا


هلا انا بحب هاي النوعية من التاج
و بسمي تاج تثقيفي
ليش ؟
لانو بدلك على كتب و اراء فيها احيانا بتشجعك لتقرا او تدافع او تحكي رايك
لهيك بشكر مياسي انها تذكرتني بهيك شي حلو
و عم اكتب و انا مستمتعة :)

من أرسل الدعوة ؟
مياسي

ما هي كتب الطفولة التي بقيت عالقة في ذاكرتك؟

لو حسبنا سن الطفولة ل 14 سنة
طبعا لولو الصغيرة
كل قصص تانتان و ماجد
كتير من المكتبة الخضراء



بحيرة البجع - ساندريلا - سنو وايت
انتهاءا بالبؤساء لفكتور هيوجو


من هو الكاتب الذي قررت أن لا تقرأ له مجددا؟
بدون استغراب
" نجيب محفوظ "
يمكن لاني قرات رواياته كتير
لهيك قررت اني ما اعود اقراله مع اني استفدت منو كتير

من هو الكاتب الذي لم تقرأ له أبدا وتتمنى قراءة كتبه؟

قائمة طويلة عريضة

ما هي قائمة كتبك المفضلة؟
شعر و نثر محمود درويش



كل غسان كنفاني


"مدن الملح " عبد الرحمن منيف


كل جبران خليل جبران


" السفينة " جبرا ابراهيم جبرا


عمرو بن كلثوم( شعر)
ثلاثية احلام مستغانمي
أغلب كتابات حنا مينا



الكتب المقدسة


الياذة هوميروس


الكثير لغادة السمان


نزار قباني " شعر "

ذهب مع الريح " مارغريت ميتشل "
و طبعا كتير كتير

الكتب التي تقرؤها حاليا ؟
بعد رواية الرابح يبقى وحيدا لباولو كويلو و بعد رمضان عم اقرا كتاب خفيف و حلو لبلال فضل و هو ما فعله العيان بالميت و بصراحة ممتع جدا و رح ادور هاليومين بالمكتبات على شي لديكينز و بتمنى اقرا ترنيمة الميلاد مش عارفة ليش

في صحراء قاحلة اي الكتب تحمل معك ؟
تعويذات امي و هي محفوظة

ارسال الدعوة الى اربع مدونين ؟؟؟؟؟؟
ريتا
ميسم
سيدة الزرقة
اشرف

مش عارفة يمكن مر التاج عليهم
و اللي بحب يحكي عن الكتب اكتر يا ريت
مشان تفيد و تستفيد

هناك 8 تعليقات:

مقلوبة يقول...

بصراحة إنتي أثرتي فيا لأنه أنا بحب القراءة وبحب الكتب بشكل جنوني ولكن صارلي فترة ما بقرأ ومتوقف ونفسي أرجع ولكن ما عندي وقت بحكم شغلي..!

أنا لو بدي أنصح بحكي إنه فيه كتب الأدب الروسي وهي كثيرة جداااا، ولكن على رأسهاالروائي الروسي ليو تولستوي..

واحترم عدد كبير من الكتاب الذين تركتوا الكتابةومنهم::
الكاتب السوري حنا مينة
الروائي دوستويفسكي
الكاتب الأميركي مارك توين وهو من أعظم كتاب الأدب الساخر، وبصراحة أنا تعلمت منه كيف أكتب في مدونتي مقلوبة..


أما من الكتاب والمفكرين الذين قرأت لهم، فهناك::
جورج أورويل وروايته 1984
الرغيف ينبض كالقلب لغادة السمان. سأخون وطني لمحمد الماغوط.
طبائع الاستبداد ومصارع الاستعباد للكواكبي.
ذاكرة جسد لأحلام مستغانمي.
الاغاني للأصفهاني, وكيف أشكو إلى الحجر لعبد الوهاب البياتي.
لا شيئ يهم لإحسان عبد القدوس وهو رائع جدا
السلطان الحائر توفيق الحكي.

بالنسبة لبكرة شو زياد الرحباني, وقد استقيت هذا الإسم ووضعته في مدونتي..

المجنون جبران خليل جبران.

والكتاب الرائع الذي قرأته أكثر من مرة (ليون الأفريقي)لأمين معلوف، وهو رائع جدا جدا.

غربة تحت الصفر، وكتاب الحب من الوريد إلى الوريد لغادة السمان أيضا.

في هادي الأيام فقط استكفي بقراءة ما يكتبه بعض الكتاب من مقالات وغيرها فأقرأ للكاتب والمفكر السعودي خالص جلبي، والكاتب المصري سيد ياسين

jafra يقول...

حرام عليك حسستني اني مو قارية شي بالمرة :(
الادب الروسي و اللاتيني
عن جد ادب راقي
و يا ريت القى كتب هون بتستحق القراءة
رح اعمل قائمة بالكتب اللي حكيت عنها و حالو اني الاقيها
الادب الساخر للماغوط و حنا مينا
رائع على قد ما بيضحكني بيبكين
شكرا لمتابعتك

Whisper يقول...

بتعرفي اني قارئة لحنا مينا و لعبد الرحمن منيف " مدن الملح" وناسية تماما وهلأ بس قرأت الاسم تذكرت :(

مع اني كتير استمتعت فيهم....شكلي لازم ارجع اقرأ اكتر

كان عنّا مكتبه كبيره بالبيت القديم و فيه من الروايات والقصص لكتب علم الاجتماع والفلسفه , و بس نقلنا عالبيت الجديد ما كان في وسع للمكتبه فباعها بابا هي و الكتب اللي فيها :(

أشرف محيي الدين يقول...

مرحبا جفرا

في الواقع كان لدي شعور بتقاطع إعجاب متبادل بيننا لكل من شعر نزار قباني و ثلاثية أحلام مستغانمي وغاده السمان :)

أصبح الواجب شديد الصعوبه بما أن هنالك معلمتين مشرفتين عليه (( أنت وويسبر )) :)

الياذة هوميروس كم أتمنى قراءة تلك الملحمة الشعرية سمعت عنها الكثير ، أتنصحيني بقراءتها ؟

تحيه

jafra يقول...

ويسبر : ما اصعبها انو يكون في مكتبة بالبيت و تنفقد لاي سبب كان
الواحد ما بحس فيها الا مع مرور الزمن
على فكرة انا اغلب الكتب برجع بعد فترة بقراهم بس اكيد مش الروايات اللي الها حبكة و مغامرة لانوم القصة انفقست و ما عاد حلو الواحد يرجعلها



اشرف: لاحظت انو الواجب مرتين عليك :) يعني عليك لجنة مراقبة
انا بحب نزار و مستغانمي بالفعل و غادة بحبها و اللي دلني عليها اسم غسان كنفاني :)
الالياذة مممممم
طبعا كل واحد الو زوقوا انا قراتها بسنة تانية جامعة و بشكل متقطع بس كنت بقراها لسببين واحد منهم انو كل ما تقرا لشاعر او كاتب لازم يستشهد فيها لهيك لازم اعرف عنها لافهم الكنايات خاصة عند درويش
بس بدها طولة بال و خيال
بس مهم انك تقراها انا شخصيا حبيتها
تحية

فتاه من الصعيد يقول...

التاج ده جميل ويا ريت كل المدونين يجاوبوا عليه لانه بيوضح أفكارهم وميولهم

إجاباتك حلوه على فكره :)

تحياتي

Rita يقول...

اوه ، هاد شايفتلك طلع اسمي !

ترقبونا معناتو P= .

Ahmad M. Al-Mahrouq يقول...

بعطيكي 12.5 على 10 :)

يبدو اني طلعت (الأمي) الوحيد بيناتكم :(