كل سنة و بيجي رمضان و نحنا بنسال و بنتناقش بنفس الاسئلة
ليش برمضان بكتروا المسلسلات البايخة ؟ و لما تسال الكل بقلك انا عارف انا اصلا ما بحضر مسلسلات و الغريبة انو بزيد عددها و الفضائيات بتربح من الاعلانات ؟
و بنرجع كل رمضان نسال نفس السؤال ؟ و ما في فايدة
بنسال ليش برمضان الجمعيات بتكون ازمة و كل شي بيغلى ؟
كانوا العالم ما بتاكل الا برمضان مع انو ربنا فرضه لعدة اسباب منها انو نجرب الحرمان
فاحنا شو بنعمل . بنجوع حالنا اكتر لناكل براحتنا الذ و اغلى الاطعمة ؟
في ناس كتير ما بتعرف وين القبلة الا برمضان و قبل رمضان بيوم بسالوا وين يا ربي حطينا القران باخر رمضان السنة الماضية ؟
و في ناس ما بفرق معها رمضان بالمرة لانها اصلا ما بتصوم
بدي اسال : هل بالفعل هادا هو رمضان اللي ربنا فرضوا علينا ؟
و هاي هي فوائد رمضان ؟
انو الناس الفقرا تفقر بزيادة و تجوع بزيادة و الناس المقتدرة تكب اكل بزيادة بالزبالة ؟
انو اسعار الاطعمة كلها بلا استثناء تغلى و ترتفع ؟
بتعرفوا انا هلا مين تذكرت ؟
اهل غزة متلا اللي ممنوع عنهم كل اشي - الفقرا - الناس المعترة اللي بعيدة عن أهلها - و كتير متل الزبالين و حراس البنايات و العمال
مش لاني نكدية - لأ
بس اظن انو رمضان انفرض علينا لتتغير حياتهم هم . بس للاسف رمضان ما بغير شي . لانو مش هو هدا رمضان اللي انفرض علينا .
و مع هيك ينعاد علينا و عليكم بعقل جديد و وطن بيوسع كل الناس و برمضان حقيقي مش اللي وصلناله هلا
و سامحوني
هناك 12 تعليقًا:
هي العادة يا صديقتي
فقد بات رمضان لقمة مستحبة للتجار
والمستفيدين منو والاسعار بقدرة قادر بتنط
فجاة بين يوم وليلة ويا ريت بتصير دوبل بل تريبل واكتر ..كنت فكر انو هالشي بس موجود بي لبنان
بما انو لا يوجد رقابة عالاسعار والسلع التموينية
تاريه وين ما كان
ورمضان كريم..ان شئنا ام ابينا
ينعاد عليكِ
اولا كل رمضان وانت بالف خير
وربنا يتقبل طاعاتنا
فعلا كل سنه بتحسي الزمن بعيد نفسه برمضان, ما في اشي بتغير لكن الشكاوي بتزيد :(
الاسباب و المشاعر الحياتيه و الروحانيه لشهر رمضان مفقوده من زمان
نسيتي تحكي عن ازمه الشوارع, ما بعرف شو اللي بتغير برمضان؟؟ على ايش العالم مستعجله و بتقاتل و بتتدحوش؟؟؟
الله بعين....
ياسمين : كل عام و انت بخير
لا يا ستي مش بس بلبنان فنون النصب و الغلاء و اخفاء المواد التموينية وصلت الى كل بلد عربي و مسلم حتى في ماليزيا و تركيا
بهاي الشغلة نحنا اتفقنا و ما تحكيلي عن الرقابة
بوجود رقابة او بعدم وجود رقابة لان اللي براقبوا ما بياخدوا بالهم انو الاسعار ارتفعت اصلا الموضوع ما باثر عليهم
و رمضان كريم و يتقبل منك :)
ويسبر النشيطة
كل عام وانت بخير
اه من الشوارع يا ستي السر انو اغلب العالم اللي بتدخن يا بتصوم يا بتعمل حالها صايمة و خاصة شفرية التكاسي
فبتكون روحهم طالعة على سيجارة
فبفشوا خلقهم بالشوارع و اللي في الشوارع
اما من ناحية روحانية رمضان فكرك بس رمضان اللي بطلنا نحس فيه ؟
كل سنة وإنتى طيبة ورمضان كريم
تقبل الله منا ومنكم صالح الأعمال
تحياتى
ميخو : وين هالغيبة
كل سنة و انت سالم و ينعاد عليك بالصحة و العافية انت و الاهل
ضاقت ولما استحكمت حلقاتها فرجت وكنت اظنها لا تفرج
لم يعد هناك اسوأ مما نحن فيه لذلك نحن في انتظار الفرج
اسأل الله ان يكون قريباً
كل عام وانتم بخير وتقبل الله صالح اعمالكم
مسرور:
كلنا بانتظار الفرج فكرك فرج رح ييجي لحالوا و الا لازم نحنا نمهدلوا الطريق ؟
كل عام و انت بخير و ينعاد عليك بالصحة و العافية
وحشتيني ياجفرة ياجميلة البوست جميل قوي وأنتي عندك حق في كل اللي قلتيه ده مش رمضان اللي عاشه النبي والصحابة
ويارب رمضان الجاي نصلي كلنا التراويح بالأقصى
كل سنة وأنتي طيبة ياقمر
شوكولاتة : كيفك
كل عام و انت بخير
و ينعاد عليكي بالصحة و العافية يا رب
ya rait enas t7trm hl shahr,, walahi she by2har.
btla2i el wa7ad iza waja3o raso aw 3asab byro7 byftar 2al shuu bsoom bel day off ta3o.. allah wakel ma bymrado ela b ramadan w ya rait bet7mlo ms2oleet ino y2do hl ayam..
yn3ad 3leki,b3rf ine late bs lesatna fe =)
اهلا جمانة الامورة
يا ستي ايمتى ما تمرقي بكون مبسوطة ( عن جد بحكي :) )
المهم انك بخير
و بيسعدني انك عم تقرئي كل شي كاتبتوا
الشهر هادا العالم بتمرض و بتغيب و حالة الله وكيلك كانهم خايفين الاكل يخلص
بتعرفي احلى شي الاطفال انا بتخيلهم هم اللي بصوموا عن حق مش زي الكبار اللي محملين حالهم جميلة
بس و مع هيك ينعاد عليكي بالصحة و العافية
و يتقبل منا كلنا
إرسال تعليق