الجمعة، أغسطس 13، 2010

حوار مع رمضان


طرق جميل على الباب ............ و يصاحبه عطر





رمضان : أنا وصلت افتحيلي الباب


أنا : اهلا رمضان


رمضان : شو اخباركم يا فتاة ؟


أنا : انت لوين وصلت معنا بالسنة الماضية


رمضان يبدا بحك راسه و السرد


انا : لا فات عليك الكتير يا سيدي صار ................. و اسهبت بالسرد


رمضان : كل هادا صار لما تركتكم


انا : ما هو انت رحت من هون و الشياطين فلتت علينا من هون و بتعرف انو ايمانا شوي بدو اساسات


رمضان : مممممممممم و دخلك العالم اللي صايمة و مصلية و داعية وين بتروح بعد رمضان . ما هم كل مرة بوعدوني .. للاحسن


انا: ممممممممم بنستناك لنوعدك بنفس الاشياء في السنة اللي بعدها


رمضان : ليش


انا : قلتلك بدنا اساسات .. اساسات اصلية مش تقليد اعمى و حكي على الفاضي


رمضان : الله يسامحكم و يهديكم





___________________________


هامش1 : برمضان و الشياطين محبوسة . الناس بردو بتقول اعوذ بالله من الشيطان الرجيم


الشياطين بترد : اعوذ بالله من نفس الانسان الشريرة


----------


هامش 2 : احلى شي بعد ما يثبتوا رمضان بحس بريحة غريبة بالجو بتصير ؟؟؟ هيك مريحة و عطرة ؟ حدا بصير معو هيك شي ؟


---------


هامش 3 : كل رمضان و انتوا بخير





هون اشي بشبهني ....





هناك 15 تعليقًا:

nawar يقول...

كل عام و انت بألف خير
يقولون يأتي شهر رمضان و يأتي خيره فيه ، و لكن هي النفس التي عادت إلى نور الله التي تعطي للشهر عبقه ، دمت على نور

لبنــــــــــى يقول...

نوار :

هي النفس التي عادت إلى نور الله التي تعطي للشهر عبقه

:) اكيد الشغلة نفسية و بتصير
مش بس معي


و لخطواتك على خربشاتي عبق اخر
جميل

تحية و نورت المدونة

Whisper يقول...

رمضان كريم
و كل رمضان وانت بالف خير


من الاشياء اللي بحمد ربي عليها برمضان ان اخطائي بتقل, اكيد ما بتنتهي و لكن بتقل و بنبسط ان نفسي مش امّارة بالسؤ كتير
الله يهدينا للطريق الصحيح

الهامش 2 ...انا هيك, جد بحس فيها خصوصا وانا بطريقي لصلاة التراويح :)

معتصم يقول...

هامش 2 : احلى شي بعد ما يثبتوا رمضان بحس بريحة غريبة بالجو بتصير ؟؟؟ هيك مريحة و عطرة ؟ حدا بصير معو هيك شي ؟

نعم ، أخت جفرا .. رائحة تذبّ عن المساء آثار الطبخ و النفخ التي خلفها يوم بأكمله .. لكن أكثرهم لا يعلمون . لأنهم مشغولون بباب واحد من الحارة عن القعود بحارة واسعة يهبّ عليها الهواء البارد و النسيم العليل ..

يمكن أن نطلق على مقالتك خواطر صائم . تحية لجفرا ..

Palestinian Princess يقول...

أول شي كل عام و انت بخير و ينعاد عليكي رمضان بالمغفرة و الرحمة ان شاء الله
:)

طبيعة الإنسان المتجبرة و الكسولة هي من تجعلنا مقصرين مع رمضان. يعني مش بس موضوع أساسات. حتى المتربيين تربية دينية كتير أحيان بقصروا دينيا لأنه هاي طبيعتنا و سهل علينا ننجرف وراء الوساوس.

في تعليق جانبي و انا أقرأ :
رمضان : أنا وصلت افتحيلي الباب
أنا : اهلا رمضان

تذكرت بنت أختي إم السنتين و نص و هي بتحكيلي: أزا رمضان! أزا رمضان! (يعني جاء رمضان) و هي سعيدة و معنى رمضان عندها هو الهلال و النجوم المضيئة المعلقة و الفانوس اللي أهدتها إياهم خالتها.
بتمنى لو إنه مفهومنا لرمضان لساته زي ما كان و إحنى صغار! كان إله طعم نقي و بريئ!

تحياتي

Ahmad M. Al-Mahrouq يقول...

أولا .. رمضان كريم وينعاد عليكي ان شالله بالخير والصحة

ثانياً .. ليه تبعدي كتير وتروحي لبعد رمضان ؟؟
رمضان بطل شهر الاعمال الخيرة .. وزيادة عبادات .. بالعكس .. بتزيد روحاتنا على الخيم الرمضانية .. منسرف بالاكل ومنترك عيل جوعانة ما عندها خبر .. منرفه عن نفسنا التعبانة من الصيام .. منروح نحضرلنا حفلة هون ولا هون .. ومع انه المشروبات ممنوعة برمضان .. بس صرنا ندبر حالنا .. ماتخافي .. وبلاوي تانية اكيد انتي بتعرفيها بتصير برمضان نفسه.

بالنسبة للريحة الغريبة .. ما بعرف اذا متل ما انا بحس.. بس وقت ما يثبتوا رمضان بحس فعلا بانه الجو نقي و في ريحة هوا نضيف .. متل وقت المطر

تحياتي

غير معرف يقول...

ريحه رمضان دي فعلا بكل سنه :)

وربنا يكفينا شر نفسنا وشياطين الانس في رمضان

رمضان كريم عليكي

لبنــــــــــى يقول...

ويسبر بتمنالك الخير دايما و تكوني نقية دايما
لا انا بحس بهاي الريحة على طول قبل ايا شي و بتضل لازقة :) لاخر يوم لحد ما نشتري المعمول


معتصم : نورت
لا الريحة ما الها بالاكل
و لا باب الحارة مع انو نغمة المسلسل صارت سمة رمضانية
قبل كل هادا بشمها :)


Palestinian Princess:

و انت دايما بخير
ذكرتيني بطفل العيلة المدلل
لما قلنالوا رمضان اجا ركض علىالباب يفتحلوا :) و لما صرنا نضحك عليه زعل و عصب و قال خلث يوَح و زئل منكم

بقرط بكل الحروف


احمد المحروق : صح برافو هي تقريبا الريحة هيك
هون ما في خيم رمضانية متل عمان و ما بكذب عليك كنت كتير احب اروح العب طاولة بعد الفطور فيها :)
بس هون رمضان رايق بيتوتي و هادي و احيانا بشتاق للخيم الرمضانية بس الرايقة مش المراقص الرمضانية اللي صايرة منتشرة


فتاة من الصعيد : الله اكرم
و ينعاد على الكل بالخير
و يكفينا الشر بكل انواعه
اميييييييين

مسرور يقول...

اذا جاء رمضان
فتحت ابواب الجنة وغلقت ابواب النار وصفدت الشياطين
بمعنى ان الصائم هو من يفتح ابواب الجنة ويغلق ابواب النار ويصفد الشياطين
ان شاء بطاعته لله عز وجل
اما لغير الطائع فأبواب النار مفتوحة كذلك الشياطين حره

تقبل الله صالح اعمالك

Rita يقول...

هلّا الرمضانات بيشبهو بعض ولا انا مسطولة؟ D:

ينعاد عليكي عـ كل حال :)

نيسآان يقول...

كل عام وانتي بخير جفرا ... احمممم..أن تأتي متأخرا أحسن من مفيش:)
رمضان هذا العام بدون رائحه ...مش عارفه ليش ؟!
لكن عادة استشعر رائحة رمضان قبل ايام من وصوله ...بنحكي بالعيله في ريحة رمضان أو ما في...الظاهر ان جيوبي "الروحيه" مسدوده هاي السنه ...اللهم عافيني يا رب ...لكن بالفعل لرمضان عبق غريب كما للعيد ايضاً...كل سنه وانتي سالمه يا قمر

أشرف محيي الدين يقول...

رمضان كريم وكل عام وانت بألف خير يا جفرا

بالتأكيد رمضان فرصة جيدة للتغيير نحو الأفضل لأن فيه الترفع والتنزه عن ملذات الجسد الفانية ولكن يبقى التساؤل مطروحا في مدى الاستمرارية بعده في تلك العزيمة والصبر ولكن هذا هو حال الايمان ( يزيد وينقص ) ولايمكن أن يستمر على وتيرة واحدة .

نهارك سعيد

Che_wildwing يقول...

كل سنة وحضرتك طيبة
تحياتي

laila hajji يقول...

تقبل الله صيامكم وابقى موائدكم عامرة بالخير واكل الحلال وابقها مقاطعة وجامعة للاهل والاحباب تحياتي جفرا

اقصوصه يقول...

رمصان كريم