الخميس، أغسطس 13، 2009

عن جد حكي جرايد - قال شرف و حجاب قال



عن جد اللي بقرا جرايد و مواقع اخبارية بشوف العجب


اتفضلوا اول خبرية





جرائم شرف اردنية


_________________


عمان (ا ف ب) - وجهت محكمة الجنايات الكبرى الثلاثاء تهمة القتل العمد لاردني قتل ابنة شقيقه القاصر بداعي "الدفاع عن الشرف" اثر علمه بانها تعرضت للاغتصاب قبل عام وانجبت طفلا غير شرعي، على ما افاد مصدر قضائي لوكالة فرانس برس.( يعني اغتصاب و قتل لطفلة ؟ اين الشرف بالموضوع )
وقال المصدر ان "المتهم (41 عاما) اعتقل بعد اطلاقه ثماني رصاصات على ابنة شقيقه (16 عاما) في انحاء متفرقة من جسمها ما ادى الى مقتلها في منطقة النصر (شرق عمان)
وبحسب المصدر فان الجاني الذي كان لا يزال يحمل مسدسه لحظة اعتقاله اعترف بجريمته مدعيا ارتكابها ل"تطهير شرف العائلة" ( . لا زلمة؟؟؟ )
واوضح ان "المتهم اعترف بجريمته فورا مدعيا انه ارتكبها لتطهير شرف عائلته لعلمه بان ابنة شقيقه اغتصبت العام الماضي وانجبت طفلا قبل نحو شهرين واحتفظت اسرتها به".( يعني اهلها تفهموا الموقف ركزلي على انو اهلها احتفظوا بالبنت طيب ليش ما عملوا تحليل DNA ليتعرفوا على اللي اغتصب بنتهم مثلا ؟ و وين كان عم البنت من سنة ؟ و ليش اتذكر هلا ؟)

تصل عقوبة جريمة القتل في الاردن الى الاعدام شنقا الا ان المحكمة تفرض عقوبة مخففة في حال ما يسمى



"جرائم الشرف"


خاصة اذا ما تنازل اهل الضحية عن حقهم الشخصي.
ويشهد الاردن سنويا 15 الى 20 جريمة قتل تصنف على انها "جرائم شرف".
ورفض مجلس النواب الاردني مرتين تعديل المادة 340 من قانون العقوبات التي تفرض عقوبة مخففة على مرتكبي جرائم الشرف رغم ضغوط تمارسها منظمات تعنى بحقوق الانسان لتشديدها.






طبعا اللي مكتوب بالازرق هادا أنا مش الصحيفة ولا وكالة الانباء


على فكرة لو عمها عندو شوية شرف كان من الاولى انو دور على اللي اغتصب البنت و شنقوا في ميدان عام و ساعتها نرفع القبعة احتراما له مش يستنى سنة و بعدها ياخذ بتار العيلة و يطخ البنت


هادا ما الو دخل بالشرف


و شو راي الاهل ؟؟








_______________________________________








ايناس الدغيدي : الله لا يحكم علية بيه .





الخبرية التانية و بلا تفاصيل عن السيدة التي تثير الجدل بعد اثارة الشهوات الحيوانية بافلامها


ايناس الدغيدي


اللي صرحت ببرنامج خاص سيقدم برمضان ( شف الاشكال اللي بدنا نشوفها برمضان ) يقدمه المذيع اللي بحب حكي النسوان كتير طوني خليفة


من بين التصريحات : الله لا يحكم علي بالحجاب


سيدة ايناس انا بنت مش متحجبة و بقلك انوو الحجاب و الاسلام لا ناقصني ولا ناقص امثالك انت خليكي بتصوير خلفيات الممثلات و تعرضيها على التلفزيون مين قلك تتحجبي و الا هم كلمتين لازم تحكيهم علشان الحلقة يصير عليها جدل


وحدة المفروض انها مخرجة تلفزيونية تحترم اي فئة في مجتمعها بس للاسف انت وحدة عندك عقد نفسية و بتتفششي في الاسلام و الرجال و رمز ديني زي الحجاب اللي ما رح ينقص بعدم لبسك اياه و لا انا حتى بس ما بتبجح و بشتم فيه لاني معقدة منو بسبب طفولتي و مراهقتي متل حضرتك


ليش ما يكون الموضوع اسهل و تروحي تعرضي حالك على طبيب نفسي مثلا


او احكيلك ط.........فيكي وو بشخصك المعقد ا


____________________________________








اول واحد بحكي عن الشرف و التاني عن الحجاب


انا رح ابطل اقرا جرايد و لا مواقع اخبارية

هناك 10 تعليقات:

همسة يقول...

انا اشطر منك لا بقرا جرايد ولا بسمع اخبار وهو هيك هيك كل الشعب صاير وكالات انباء !
مشان جرائم الشرف !!! ما في شي اسمو هيك في جريمة وبس و اكبر ظلم انو يتخفف الحكم بدعوى انها بسبب الغيرة عالشرف ! الحالة اللي ذكرتيها اساسا البنت غير مذنبة وين الشرف اللي رجع لما قتلها
وبرجع اقول القانون هو اللي اعطى مصوغ لهيك افعال لما سمح ضمنيا للناس لأرتكاب هيك جريمة


اما مشان ايناس الدغيدي .. انا حضرتلها مرة لقاء على روتانا .. ومن وقتها اقتنعت فعلا انها واحد من تنين يا مريضة نفسية يا بتسعى تشهر حالها بأي شكل وبأي طريقة
لاني أشك انو كلامها هيي نفسها مقتنعة فيه
بس انو هيك بيعمل سكوب !
وهو بصراحة يعني كان مش ناقص إلا هاي تفتي .. بتكون كملت علينا

Whisper يقول...

كل يوم عن يوم بنكتشف ان العقل البشري عم برجع لورا وما بتقدم بالمره ولا حتى بصير طبيعي عند كتير من الناس...

انا انصدمت ان عمر العم 41 سنه...يعني المفروض سن حكمه و وعي , عاده بعزو اسباب متل هالجرائم انه شب صغير و طايش وما عرف يتصرف - وهاد اكيد مش مبرر - لكن 41 سنه هاد دليل على جبن وضعف مش اكتر


اللي ما تتسمّى ما بدي ارفع من قيمتها واحكي عنها :)

لبنــــــــــى يقول...

همسة مسا الخير : بالظبط الجريمة لا تتجمل بالحاقها بكلمة شرف

اما بالنسبة للقانون فهو قانون جائر مش عارفة كيف لهلا ساري في دولة متل الاردن اللي فيها عقول كتير متفتحة ؟


ايناس الدغيدي . بالفعل بعد شيوخ الفضائيات و الفنانات المعتزلات مش ناقص غيرها يحكي و يفتي

يا هلا فيكي و ما تطولي الغيبة

لبنــــــــــى يقول...

ويسبر : من زمان ما نورتي هون يا هلا

العقل البشري بتقدم عند الناس اللي بتفكر قبل ما تعمل ايا شي مش بتنسخ و بتعمل زي مديري و مديرك متلا \

اكيد مش مبرر اللي عملو و انا من ناحيتي شاكة اصلا في نيتة و لازم اهلها هلا يطلبوا التحقيق معو و ما يتنازلوا هادا اذا كانوا اهل بستحقوا الاحترام

و احسن شي انك ما جبتي سيرة اللي ما بتتسمى

و ابقي طلي :)

غير معرف يقول...

انو مش عم بفهم يعني بنشر هالاخبار
بهالجرايد المعتة لن يعود الشرف في خطر؟؟
او عم يسلطوا الضوء عالحدث المثير لتوعية الناس او شو المضمون بالزبط حدا يفهمني ..يعني وكانو بدل ما نستر منفضح..
هالجرايد صايرة متل لتحدث عنهم الدكتور محمد العوضي نقلا عن ابن قتيبة ..أن شابا اتجه إلى شيخ يستفتيه .. و قال له يا شيخي .. لقد زنيت بامرأة و حملت مني
فقال الشيخ .. لعنك الله .. لم جعلت الإثم مضاعفا .. زنيت .. لماذا لم تعزل ؟
فقال الشاب .. بلغني أن العزل مكروه !!

لبنــــــــــى يقول...

ياسمين الله يجازيك عن جد ضحكتيني
العزل مكروه ما عزل بس الزنا اللي حرام عملوا

محمد العوضي من الاشخاص اللي انا كتير بحترمهم و بتابعهم بكثرة

الفايدة انو العالم رح تفتح الموقع و الاعلانات تزيد اما الجرايد نوع من انواع البربجندا المزيفة انا مثال للقراء
قرات انفعلت و نقلت الخبر لكن صدقيني انو كل ما افكر بالموضوع اكتر بتقلب معدتي - اسفة على التعبير - بس عم احكي الواقع

لو مثلا جابوا تذييل للموضوع بمقابلة الاهل - الشرطة - نتائج تحقيق اولي - راي ديني
ما في بس نقل خبر و بس
و احنا بنقرا و بنتنكد
الله يرحمها
و الله لا يسامح هالعم الغبي هادا اذا كان غبي انا اصلا شاكة بموضوعة

م م يقول...

الخبر الاول ليس عن جرائم الشرف وانما جرائم الغباء
وذلك العم قاتل ابنة اخيه
الحمار يفهم احسن منه مع احترامي للحمير

الخبر الثاني
لا يستحق تعليقك عليه
لان هؤلاء لا ينبغي ان يعلق عليهم احد لان ذلك هو مكسبهم الذي يسعون اليه
تعليقات الناس التي تكسبهم الشهرة
--

هم يتصرفون كالذي يخلع ملابسه في الشارع ليلفت انتباه الناس

وكما قلتي مكانهم الحقيقي مستشفى الامراض العقلية
تحياتي لك

لبنــــــــــى يقول...

مسرور
بتعرف اللي انا مستغربته في الخبر التاني انو كل واحد بدو ينشهر او يتسلط الضوء عليه بنلاقيه بطلع ببرامج بمناسبة و من غير مناسبة و يبدا بالحكي باسفاف عن تعاليم دينية على فكرة الموضوع هجا منتشر عالميا مش عندنا نحنا بس
بس متل ما حكيت
مشفى امراض عقلية

ماء تشرين يقول...

مش عارفه اقولك ايه بجد ياجيفارا ياعنى هو الانسان ده قصدى الشيطان ده معندوش شرف طبعا بس هو متعلمش حاجه ولا حتى يعرف دينو ربنا يرحمنا يارب

اما الشيطانه التانيه دى اصلا هى ياعينى مريضه وعندك حق لو هى محترمه كانت هتحترم طبقات الشعب والله يخدها يارب لانها بجد سوءة فكره العالم عن بنات مصر

كل سنه وانت طيبه ياقمر وبلاش جرايد

لبنــــــــــى يقول...

ماء تشرين هو بالفعل ما النا الا نطلب رحمة الله