الثلاثاء، أغسطس 18، 2009

هما - كر و فر




نظرت اليه من خلف خصلة تغطي وجهها و تحضرت للعودة الى منزلها


- انت بتعرف اهلي و كيف بفكروا بس ما راح يصير الا اللي بدي اياه


- انا االلي بعرفوا حبيبتي انو في نقص بالعرسان و البنات بتعنس انتي اهلك من وين بجيبوهم ؟


- انا اهلي الهم معارف كتير و معروفين و كتير ناس بتحب تتقرب منهم


- لانو جدك المختار


- من غير تريقة - و جلست بالقرب منه و امسكت يديه - لانو اهلي ناس طيبين و ما الهم مشاكل و بابا...


قاطعها متذمرا


- انا بعرف اهلك و بعرفك اكتر من اي حدا راح يتقدملك . خليني اوصلك و خبريني شو بصير هلا من كل البنات يا ربي ما عجبهم غير حبيبتي يا ريت ابوكي شطيب مواس كنت ارتحت شوي


- ضلك احكي هيك و اخرني و الله بكرا ماما راح تحسبلي الخطوة و نتحسر على فنجان القهوة مع بعض




وصلت الى البيت




ماما شو طابخة اليوم ؟


- شو جوعانة ؟


- كتير


دخلت الى غرفتها و اتصلت بسلمى صديقتها


- سلمى عملت اللي اتفقنا عليه


- و شو رد عليكي


- زي العادة شو بدو يرد . انو يحس . انو يفهم .


- يا الله ما اتنحوا انا محمود ما اخد مني عريسين و اجا اتقدم


- لا ووصلني بكير خايف علي اتاخر . يمكن الحرارة طلعت من راسي و ارتفع ضغطي


- ليكون مش مفكر بالزوا...


- لا الله يخليكي بنضل نجرب و بعدين انا متاكدة انو بحبني


- شكلوا لازم نفكرلنا بشي جديد






على الطرف الاخر في قهوة شعبية و اصوات النرد تتعالى




- شو ايمتى نويت النية سيد محمود


- قربت خلص على الصيف و انت ؟ مش ناوي


- لا اكيد ناوي بس بدها شوية وقت يا زلمة بس عرفت انو اجتني زيادة بالمرتب و بلشت افلام متل ما سلمى عملت فيك . انت بعد كم عريس طبيت ؟


- والله اتنين و كنت انا التالت


- لا انا صاروا خمسة


- و الله يا زلمة انك صامد بكرا يمكن يبلشوا بخطة جديدة انا اختصرت اختصر انت كمان


-لا بدي اشوف شو الفلم اللي بعد العرسان




و تتعالى الضحكات و تنخفض و ليعلو صوت النرد مجددا


هناك 12 تعليقًا:

غير معرف يقول...

جميلة جدا
حتى وان كانت من نسج خيالك
لكن فيها من واقعنا الكثير الكثير
ااايه الله لا يجربنا(:

ماء تشرين يقول...

هى لو فى صراحه وصدق معتقدتش ان هيكونو محتاجين للخطط بس مش بنكر انو كل البنات بتعمل كده بس شاب صامد جدا حلو وجميله كالعاده حببتتى

مساءك سكر زياده

همسة يقول...

عجبتني عبارة " ما أخد مني عريسين " ..D: رهيبة
بس فعلا هيك بصير ..وكتير كمان
ويمكن بالنسبة للطرفين " هيك الدنيا بدها او الظروف بدها ..او او "
والحلو بالموضوع انو هالمشهد رح يضل يتكرر مع كتير ناس اليوم وبكرة ولبعد عشر سنين !

لبنــــــــــى يقول...

ياسمين : هي من نسج خيالي البحت و لا انكر انها كانت قصة اخرى و انتهت كالعادة بشيئ اخر

شكرا لك

ماء تشرين : بتعرفي احيانا امور الكر و الفر بين الحبيبين بكون شي بيحفز لاكتشاف الاخر
بس متل ما قلت اهم شي الصراحة


همسة : اسعدني انها اعجبتك
شايفة في شباب بختصروا الطريق الله لا يوقعنا مع حدا بالوا كتير طويل
:) تحية

"سين" يقول...

جميلة جداً

ينقصنا الكثير دوماً لنكون أقوى من المسافة التي تخلق بيننا ،


ربما هي حالة تدعى الزهق ،
يلزمنا الكثير من المحاولة


مودتي
...

لبنــــــــــى يقول...

سين :
اهلا بك
احيانا نصنع بانفسنا المسافات
حتى نتمكن من ارضاء القدر الذي نصنعه بايدينا

زيارتك تسعدني

قط البكتريا يقول...

الخزعبلات هاي تتوارثها الاجيال جيل ورا جيل :d
انو الكل يسحب افلام والاثنين قاهمين بعض ... بس حدا يبلش يصدق الطرف التاني ما بقتنع لانو متوقعو فلم

لبنــــــــــى يقول...

الافلام هاي تعدت - هو و هي - انتقلت الى الحكومة و الشعب حتى الشعب مع نفسوا النواب مع بعض و الكل صاير تخصص سحب افلام و الكل عارف هادا الشي
فلهيك بتضل افلام الشباب و الصبايا اهون شي
قط البكتيريا نورت خربشاتي :)

م م يقول...

اغلب الشباب همهم ملئ فراغ او تسلية
وعند الجد تبدأ خطة الهروب

خطة العرسان قديمة جدا
لابد من خطة جديدة مثلاً " تخبره بأنها ورثت 50 مليون دولار وانا واثق ان بعد اسبوع حيكون عندهم اولاد "

تحياتي لك

لبنــــــــــى يقول...

مسرور عن جد هاي خطة محكمة
50 ملون دولار
مين جدها كاين ؟
عن جد ضحكتني
يعني انا ما كان قصدي ابدا انو شرير و بتهرب لا هو مش مستعد و هي عم تحاول
بس بدون مواجهة
يعني هو بحبها بس ....
و مشكلة بس هاي كبيرة بهيك قصص

بعد اسبوع بدو يكون عندهم اولاد ؟:-)
يعني 50 مليون فكرك بقلبوا الطبيعة الانسانية ؟
هالايام يمكن

غير معرف يقول...

waw jafra bt3a2deee 3njdd ,, bamot b heek osas.. bdna kaman plzzz..

=) ya 3ami lazm 7ad yktshfek.. lazm tkouni mo'7reje :)

لبنــــــــــى يقول...

جمانة :
فكرك بنفع اشتغل مخرجة
من الافلام اللي بشوفها بهالدنيا :)
شكرا لتشجيعك
كلك زوق