جيبوتي هي الحل

سمعت اليوم او لاكون صادقة اكثر قرات ان السيد الرئيس ( على من رئيس و لاي دولة لهلا ما بعرف ) محمود عباس - ابو مازن - يتجه الى جيبوتي لوضع حجر اساس السفارة الفلسطينية في جيبوتي
جيبوتي دولة عربية احترمها و لا اود ان اقول اي شيئ عن اهميتها او عدم اهميتها في جامعة الدول العربية ان ما يعنيني كفلسطينية هو ان يتوجه من يسمي نفسه رئيسا فلسطينيا الى افريقيا لافتتاح السفارة هناك الا يرى ان بعض المشاكل التي قد لا تشغل باله حاليا لانه مشغول اظن بجبل الاسمنت او تنقية الطوب المناسب او لعله اخذ حفنة من تراب الوطن المحتل من حديقه منزله ليجبل به الاسمنت و يضع تلك الطابوقة
اليس من الاولى على الرئيس الفلسطيني بناء ما تهدم من بيوت غزة
لا اقصد من حسابه الخاص او من حساب متعهد بناء الجدار و المستوطنات
لا ان يتضامن بحجر او بكيس اسمنت يدخل الى غزة و يكسر الحصار

و قبل ان يفكر في وضع حجر او عثر في جيبوتي ( اكرر مع اهمية جيبوتي ) اليس من الاولى ان يقود فريقه المكون من مسؤولين بناء الجدار العازل و حاملي ملفات المفاوضات التي اثقلت كاهلهم بكثرة اوراقها التي اغلبها فارغة من الحبر و الاخرى من المضمون و البنغريوني الاصيل و الاخرين الذين يبتزون ابناء و بنات شعبنا
لحل المواقف و المشاكل العالقة


مثل الاعتقالات الاسرائيلية لسكان الضفة و طرد المقدسين من ناحية اخرى و تهويد القدس


او هدم بيوت الفلسطينيين في الضفة الغربية


او مشاكل مصيرية مثل مشكلة القدس التي تهمنا اكثر من سفارة حضرتك بجيبوتي


اليس من الاولى ان تغفر لشعب غزة خطاهم ( بنظر السيد ابو مازن طبعا و اللي حوليه ) باختيار حكومة حماس و ان تزورهم





او ان تؤازرهم على الاقل بدل بيعهم بالرايحة و الجاية

سمعت مؤخرا عن دعوة للزعماء العرب لزيارة غزة فلماذا لا تكون الاول فانت محسوب على الرؤساء و ايضا تقتتح سفارات

اوليس من الاولى ان تجلس مع حماس و تتنازلوا عن الحكم و المسخرة القائمة و تتركوا الساحة حتى لو فارغة فهي ستكون افضل
ولن تكون القاضية سيدي الرئيس





لاننا شعب لا ننسى


الوطن


و لا الرجال العظماء


و لا حتى العملاء





لن نعتمد على برنامج وثائقي او كاتب تاريخ


نحن نرث و نورث ايامنا و تاريخنا و ذكرياتنا حتى الوطن بالصورة الحية

بطاقة عرس فلسطينية

( ليكون رايح تحضر نهائي كاس العالم .مممممممممممم؟ من حقك ما حكينا اشي )

شو الجديد ؟ (2)

في الادراج الماضي عرضت فكرة - خربشة ما نتيجة مواقف متعددة متتالية في فترة زمنية قصيرة
ريما كنت متشددة - عصبية - ظهرت كعنصرية بشكل ما و لكنني اعتبر كلمة عنصرية كلمة قاسية او نوع من السباب الذي لا احترمه
للذي يعرفونني بحق و لهم معي من الايام و المواقف نصاب جيد يعرفون انني لا اجيد ان اكون منحازة بشكل قطعي و منفر الى قومية ما او حزب او دين او طائفة و لست من اصحاب فكرة
............ و افتخر ان كنت فلسطينية او اردنية او عربية او مسلمة او سنية
لكن لم تكن تلك المواقف مستفزة لي شخصيا و لكن استفزت اسئلة بداخلي
شو الجديد ؟
تضمن هذا السؤال عن الوضع الفلسطيني العربي و العالمي بشكل عام و بحثت في بعض المراجع عن طريق النت و بعض الكتب و قررت ان ارد بشكل بحث او ما شابه التقرير و لكنني تراجعت لانني لست ملمة بشكل كامل عن بعض المعطيات ووجدت انني من الممكن ان اقع في سهو يزيد الطين بلة و ان يؤدي الى عنصرتي بالاكثر
و لذا ساترركم مع المواقف التي تعرضت لها و و اترك لكم الانطباع مع طلب صغير لكل شخص ان يقرا الفعل و ان يضع نفسه و مواطنته بدل كلمة فلسطيني ليقارن و يذكر لي ان كان الفلسطيني تميز بالشر و الخطيئة ام ان الغريزة الانسانية التي تدفعنا دوما الى النفي عن انفسنا ما قد يقع به غيرنا من خطا بنظرنا و صواب بنظر البعض
1- بانتظار طبيب الاسنان ( الموقف الاول )
في القاعة البيضاء التي تخلو من ملامح حيوية تجعل للوقت ممرا سهلا و بسيطا . و الام بعض المرضى او المراجعين بادية على وجوههم حملت كتابي لانتظر دوري في الدخول الى غرفة تحتل المعدات و الكرسي الكبير بها مساحتها بالاكمل و تسمح للطبيب بالوقوف على راس اصابع قدميه و هو يعاين و الممرضة تقف على بعد ذراع ( ذراعها ) حتى ما ان طلب الطبيب منها شيئا مدت ذراعها و كانها تمطه و تمط جسدها لتصل الى يد الطبيب دوما كنت اقول ان قامتها كانت اقصر عندما بدات العمل و مع المط و الشد زادت طولا
( التعليق باللون الخضر لي لكنه كان تعليقا صامتا لا يسمعه سواي )
فلاش باك للموضوع
في قاعة الانتظار جالسة على احد الكراسي المريحة احمل معي كتابا خفيفا اشتريته لقتل الوقت و تسييح دمه في مثل هذه المواقف و تجلس بالقرب مني سيدتان تثرثران و بدات احداهما بالانفعال و الحديث بصوت يصل الى مسامعي دون رغبة مني و لكن استمتاعي بالحديث لم يترك لي اي خيار اخر - الحوارللسيدتان - و لم اتنفس بالقرب منهما لكن كنت استمع و انا صامتة حد الضحك و حد البكاء
- هؤلاء الفلسطينيون يريدون منا ان نحترق بالحرب لاجلهم الم يكفي ما عانيناه منذ زمن طويل لاجل قضيتهم و قرفهم و الان انظري الى التلفزيونات التي تهاجمنا و تهاجم بلدنا بسببهم انا لو كنت حاكمة للبلاد لكنت احرقت كل من اخترق الحدود و اقترب من حدودي و علقته عبرة لغيره و تشاركت و مع الاسرائيليين لقتهم جميعا دون ان انظر اليهم
- نحن من اعطاهم العين و اليد ايضا ليتكلموا بكل هذه الوقاحة يجب علينا اهمالهم تماما هل نفتح لهم الحدود كي ياتوا الى بلادنا و يسرقون لقمة عيشنا البلد التي يتغرب اولادها كي يعملوا ما رايك ان نترك لهم البد و نهاجر و نغترب جميعا علهم يرضون - قرف يقرفهم - اوسخ ناس
- لا و انظري كيف يعيشون و المساعدات التي تاتيهم ياخذونها و لا حمدا و لا شكورا انا راضية ان تاتيني ربع هذه الشحادة و اجلس ببلدي دون ان اغترب
- لا و لا يكفيهم انهم يحتلون كالسرطان كل بلد تسافرين اليها صدمت عندما قابلت امراة فلسطينية في احد الفنادق الفارهة في قبرص و الله ما استطعت ان امد يدي لها باعوا بلادهم و الان يريدوننا ان نقف الى جانبهم
- و الشركة التي اعمل بها يديرها فلسطيني كان الخبراء هم فقط فلسطينيون و لا يفقه اي شيئ و ياخذ مرتب عشرة اضعاف مرتب الموظف العادي و لو اتوا بموظف اجنبي افضل حتى اقبل باليهودي و لا اقبل به
- اليهود اخطاوا عندما تركوهم احياء كان من المفترض ان يبيدوهم جميعا و ساعتها لن نكون مرغمين ان نتحمل قرفهم
( كنت محدقة بالكتاب لكن علامات الدهشة تبدوا واضحة علي لكنني اعتبرت ان تدخلي لن يكون ابدا في صالح الانسانية )

( و نادت الممرضة على اسم احداهن و قامت و اعتذرت عن وجع الراس الذي سببته لها لكن من فقعة قلبها تحدثت كما اشارت لصاحبتها )
الفارق بالموضوع ان طبيب الاسنان فلسطيني ايضا لكن علها تنصدم بالداخل او انها تعتقد انه شامي او لبناني و الاحتمال الاخير ان الاطباء لم يدخلوا قائمة حقدها بعد )
الموقف الثاني ( مشاهدة التلفاز )
في الوقت المتاح لي بشكل كبير نتيجة اجازة الصيف التي لا مشاريع بها جلست امام التلفاز و نادرا ما افعل و لكنني احببت ان اكتشف بعض ازرار الريمونت لا اكثر و لا اقل
المهم حولت الى قناة كنت اود مشاهدة برنامج كنت سمعت عنه و الا بلقاء مع احد اقطاب المعارضة الكبار و الذين يعرفون في ذلك الوطن بالنزاهة و المذيعة التي تفننت بوضع الاي شدو و يتحدثون عن كائنات حية هبطتت من السماء فجاة لتنصب خيم في بلادهم وان ابناء البلد مضطهدون نتيجة وجود هذه الكائنات التي تطلق على نفسها فلسطيني
هذه المذيعة المتحذلقة و التي لم و لا تعرف عن الحرب الاهلية اي شيئ اتصل بها احد المشاهدين مصححا ان الذين قتلوا بالحادثة ( التي ذكرت من قبلها و تستشهد بها ان الفلسطينيين ظلمة )
لم يقم بها الفلسطينون بل حزب تنتمي له نفس المذيعة و الشخص التي استضافته ضد الفلسطينيين العزل في احد الطرقات و التي لم يذكرها احد حتى الفلسطينيون لان الذين ماتوا لم يتجاوز عددهم عن ثلاثة
و عندما سالته رد عليها بانه من القتلة اي من الحزب و انه تعصب جدا عندما بينت بحديثها ان الحزب و رجاله ضعاف و يجب ان تتوقف عن نعيهم كانهم نساء بل نحن نستطيع الدفاع عن انفسنا جيدا و تذكروا صبرا و شاتيلا ان كنتم لا تذكرون
طبعا الشخص المستضاف ضحك و قال انه لا يوجد دليل على ان الحزب قتل احد و انه محض افتراء في هذه الحادثة و الذي تحدث فلسطيني و يحاول ان يشوه سمعتنا
( كنت بدي اتصل على الاخ و اسالوا ليش انحبس الحكيم و ليش الذاكرة تبعت الحزب سودا و بيمدحها حتى الاسرائيلي ؟ بس للاسف البرنامج معاد و ما تنبهت لاسم البرنامج و ما بدي اعطيه هلا اي اهمية و اذكر اسمو)
في نفس هذا الشان تضج البرامج التلفزيونية و الاذاعية و بعض الجرائد و اغلب من يتحدثون كانوا لا يفقهون شيئا بالمرة عن التاريخ الفلسطيني ابدا الا ما قد قراوه او سمعوه في احاديث جداتهم
و اخر مقال قراته هو من مدونة اسعد ذيبان تحت عنوان الاستقواء التويني
الموقف الثالث _ قراءة في بعض المدونات عن الشعب الفلسطيني و معاناته
المدون رقم 1 : الفلسطينيون باعوا ارضهم و هناك وثائق تدل علة انهم باعوا اراضيهم لليهود المهاجرين و الان يتباكون عليها لان النقود صرفت و الان يريدون التبرعات
المدون رقم 2 : ما الذي يريده الفلسطينيون من العرب لا تعرف و لكن هم يريدون ان يعيشوا في بلادنا و يشاركوناا حقوقنا هذه الحقوق التي لم نطلها نحن . لن ننسى ما فعل الفلسطينيون في الاردن و لبنان و الكويت و ما يفعلونه الان عل معبر رفح الذي اذا فتح قالوا جزئيا و اعترضوا و انبوا العالم على سكوته و اذا اغلق ولولوا كالنساء و ساندتهم به قناة الفضيحة الاخبارية و الذي اعتقد ان متعهدها فلسطيني
كاتبة في منتدى : قامت بسرقة زوج صديقتي فتاة صدمت لكونها فلسطينية و من بعدها اكتشفت ما هم الفلسطينيون على حقيقتهم فهم حرامية و ليسوا اصحاب حق فاحذري ان كان لك صديقة فلسطينية
تعليقات لها نفس المعنى : و المدون 5 و المدون 6 اجتمعوا على اننا شعب لا يستحق الا اليهود و هذا عقاب الهي لنا
تعليق : انا ليس لي مشكلة مع الاسرائيلي و لكن بالفعل مشكلتنا هي الفلسطيني

مواقف شخصية :
قالت لي صديقتي يوما ما انهم في بلادها كانوا يتمنون ان يكونوا فلسطينيين ليس لان الفلسطيني استثناء و لكن هو استثناء في بلدها و يدرسون على حساب الدولة و يتوظفون وظائف حكومية و هم استثاء في المعاملات ايضا
و ترد عليها اخرى و تقول لها عندنا يحملون السلاح و عندما نطالبهم في اسقاطه تقوم الدنيا و لا تقعد بالرغم من انها لم تزر بلادها الا مرة او اثنتين و منذ زمن بعد اكتسابها الجنسية الاسترالية لم تعد بحاجة لزيارة بلدها و تشوف تعتيره كما قالت بل الان يجب ان ترى الدنيا رددت بطريقتي و لا احب ان ادرج الرد هان لانه كان طويلا و ناقشناه الى ان تمت هناك قناعه من جميع الاطراف

في احد الجمعات النسائية : شوفوا احنا الفلسطينيين صرنا نحب و نغني و ندبك و نكتب شعر يعني هلا ما ضا عنا غير هاي المواضيع و خلصنا من القضية



رايي انا الشخصي
ان الناس الذين بنوا تخيلاتهم على ان الفلسطينيين استثناء و ملائكة من السماء اود لو يتنازلواعن هذا الخيال و ان يتفهموا ان الشعب الفلسطيني هم اناس طبيعيون من حقهم الارض و الحب و السلام و ليسوا فقط صورة نمطية للبطل الثائر و لا هم هنود حمر ماتوا كي يكونوا ذكرى و ديك في عيد الشكر و ان يتفهم الكثير ان الفلسطيني ليس نمطا لشذوذ الحياة فهو يخاف الموت ايضا و لكن اجبر على ان يكون شهيدا بين الفنية و الاخرى و ليس كرها بالحياة و لكن دفاعا عنها و ان الفلسطينيين بالشتات هم مغتربون كالاخرين و لكن الفرق ان الاخرين لهم غية في الاغتراب و لكن نحن جبرنا عليه حتى لو اردناه و اننا و ان احببنا او غنينا او رقصنا او لبسنا الماركات و ركبنا اغلى السيارات فذلك لاننا كانتم
و لم نحصل عليها من صدقة و لكن من عمل و لا اظن ان اهل الشتات يجلسون في بيوتهم و تاتيهم الاموال في صندوق من نحاس كل اول شهر
لكل منا خطاياه و لكن ان تعمم على شعب او على انسان دون غيره فاظن ان من يفكر بهذه الطريقة احمق
و علينا نحن الفلسطينين ما على غيرنا و ان ننزع ذلك القناع الذي لبسنا رغما عنا و ان ندافع عن انسانيتنا ايضا بالقرب من دفاعنا عن الوطن
فالفلسطيني من حقه ان يخطا كما غيره
و ان يصلي او ان يكفر كغيره و له رب يحاسبه
من حقه الرقص و الغناء و من حقه الصوم و الصلاة و من حقه الحياة و يجب عليه الموت
و له قيامة مع كل الناس

و ان الشعب الفلسطيني يحوي عددا لا باس منه من الخونة و كذلك هم الشعوب الاخرى فلا نحن و لا انتم استثناء
اما من تدعي عن نفسها و تقول انها هي الحكومة الفلسطينية و المتحدثة باسمنا او سلطة علينا هي تبعات سلام زائف و ليست ارادة شعب كامل
من حق القضية الفلسطينية ان تكون ماثرة ليست لاننا استثناء بل ان القضية هي نفسها استثناء و انها متشعبة بمن حولها بالرغم عنها فانا لم ار ان الدول التي ابرمت سلاما مع اسرائيل قد تفادت خطرها و انهم حتى و ان احرقوا الفلسطينيين كانوا بمامن فهذه القضية هي قضية دولية و عربية رغما عن انف الجميع


كتير حكيت هالمرة و بحب خبركم انو اي تعليق عنصري او اهانة لاي جنسية او دين او مذهب سيكون لي الحرية الكاملة بحذفه و الرد عليه بقسوة
و اظنني هنا ذكرت سبب كتابتي للادراج الماضي و الذي احببت ان اوضح به سبب السؤال
شو الجديد ؟

لكن السؤال الاصلي هو بالعامية كالتالي
ما الهدف من استثارة الاحقاد هكذا فجاة من قبل التلفاز و الجرائد و الكتاب و ادراج مقالات مشبوهة بوقت قصير و معين
هل هناك حرب على الطريق علينا او على غيرنا
ام ان هناك هدف لن نستطيع معرفته الا بعد تحقيقه
فالتكالب هكذا فجاة على الوضع الفلسطيني و من قبل اكثر من اذاعة و هيئة اعلامية و كتاب معروف اتجاههم ليس بالشيئ الطبيعي
ام ان هناك اوامر ؟

الله يستر


تحديث
الرائع مهندس مصري زودني بالروابط التالية للبحث و القراءة
الروابط

الفلسطينيون لم يبيعوا أرضهم


حول غزة و المعبر نحكي علهم يفهمون


شبهات حول قضية "غزة" والرد عليها


كتاب حقائق عن قضية فلسطين

تحديث 2

و بردو من عند مهندس مصري اصيل جدا :)))

بنتمنالوا الفرح الدائم

لكتاب حقائق عن قضية فلسطين
للحاج أمين الحسيني مفتي فلسطين


و هدا رابط اخر

شو الجديد ؟

( افتحي الباب فما زلت واقفة .. .... انا من هناك )

مش عارفة شو مشكلة العالم لما بعرفوا انو اللي قدامهم فلسطيني ؟

هو في شي صار و انا مش منتبهة ؟

شو الجديد ؟

ما احنا من زمان كتير موجودين ليش كل يوم بتطلع نقرة

ما بكفينا السلطة و غيرها و حصار و هدم و تهجير و قصص بتعل

الكل بحاول يفهمني انو نحنا مشكلة العالم

طيب انا عندي حل للعالم كلو

:

:

:

:

:

انتحروا

احنا رح نضل موجودين

منيح هيك طلعوني عنصرية باخر هالليل

( الصورة لوديع خالد - رسم على القماش مش عارفة من وين جبتها )

سيجارة

حوار بين نون النسوة في مقهى خارج اطار المونديال

نون : هلا لنحكي عن جد لايمتى بدك تضلي هيك

هي : مالني ؟

نون : يعني عزابية و بلا ارتباط يعني لتكوني مرتبطة و نحنا ما بنعرف
رشفة قهوة . نفثت دخانها
هي : لا يا ستي و اذا بدي ارتبط ليش ما بدي احكي ؟؟
نون : هلا و لا بعمرك ارتبطي ؟
هي : ارتبطت و انتي عارفة بمين ليش بتسالي
نون : بدي اوصل لشي
هي : و الله كنت عارفة.... اساليني دغري بلا لف و لا دوران
نون : هلا كل هالحب و العشرة كل هالسنين .. وين راح و ليش ما كملتوا ؟
هي : نصيب .... معك ولاعة و لاعتي بطلت تشتغل شكلو بدها غاز

نون تناولها ولاعة محترمة و طقطقة الولاعة لم تنسي نون ما تريد ان تعرفه

نون : طيب و بعد النصيب و هالقصص ... شو السبب

هي بخباثة و ضحكة جانبية لئيمة : القدر
نون تلوح بيدها و كانها تقول لها التالي التالي : و بعد القدر و النصيب شو السبب الاساسي
هي : يا ستي طلب مني اني اوقف تدخين
نون : مش هو اللي كان يجيبلك الدخان من السوق السودا و بسعر ارخص
هي : اها
نون : و شو خطر على بالوا ؟
هي : عنت على بالوا الزلومية و بلشت المشاكل بعدها ...
نون : طيب بس انتي كنتي بتحبيه كتير هيك انا بعرف .... ليش ما بطلتي مشانوا كنتي حاولي
هي : ما انا ابديت استعدادي بس نوقف دخان مع بعض يعني انا و هو
نون : هلا هو شو دخلوا دخيلك ؟ هادا رجال
هي : ليش حبيبتي هو الدخان بسرطن بس البنات ؟ و بضرنا لحالنا شوفي يا ستي الدخان و الزنا و شرب المي متل بعض ما فيها شي اسمو رجال و مرة - يعني اللي بضروا بضرني و اللي بعيبوا بعيبني و اللي بيحتاجوا انا كمان بحتاجوا هي ما فيها رجال و مرة
نون : بس العالم مو هيك بتفكر
هي : لو فكرنا كيف العالم بتفكر لكنا اصلا ما ارتبطنا انا و هو من الاساس .... المبدأ واحد ..
نون : هادا تفكيري انا و انتي بس مش كل العالم
هي : و الله هادا اللي اجاه
نون : اكيد زعلتي لما افترقتوا بتذكر كانت حالتك صعبة بس ما طولتي
هي : بنص الاسبوع ماتت القطة اللي كنت مربيتها
نون : اه بتذكر
هي : فالتهيت بالزعل على القطة و نسيت موضوعوا
نون : يا سلام ليش يعني ؟
هي : القطة كانت بتحبني متل ما انا بعيوبي و بسيجارتي
و ما الها شروط لتعيش معي هو بلش يتفصحن و يحط شروط بعد 4 سنين
.......مين اللي بعادوا بزعل اكتر برايك ؟
نون : القطة طبعا .. ما بتعرفي عنو اخبار ؟
هي : اكيد
نون : شو ؟؟ احكي
هي : مرتوا كانت حردانة الاسبوع الماضي
نون : يا ويلي عليكي كيف عرفتي
هي ما هو اتزوج بنت ..........................................

و لم يبقى من القصة الا بقايا بن يلف الفنجان و دخان بدأ يتلاشى

مين قال المونديال عاطل ؟؟

بالفعل هاي الايام الها نكهة غريبة



يعني لو فكرت انك تروح شي مطعم او كافيه



ببداية خطواتك رح تحس حالك داخل على مقر للأمم المتحدة و الأعلام عم ترفرف على يمينك و شمالك و ما بتقرب من الباب بتصحى من تخيلك و بتشم ريحة الارجيلة على الغالب تفاحتين



يعني تخيل الاعضاء في الامم المتحدة عم يارجلوا زغلول و تفاحتين و بعضهم رح يكون تخصص حشيش



و الله ساعتها القرارات رح تمشي و الدنيا رح تصير احسن بدل ما كل واحد مادد بوز و مش فاهم على التاني



المهم



بيجي واحد لابس برتغالي و حاطط اسم رونالدو على البلوزة و بدلك على الطاولة المحجوزة و ميسي باللبس الارجنتيني بزبط الارجيلة و بحط فحم اما دروغبا فهو تخصص العصير و الكوكتيل و بيجي رونالدو ليرحب فيك مرة تانية و يصبلك القهوة



شو هالعز اللي احنا فيه



و صاحب المحل قاعد و لابس مردونا و التاني برازيلي و بصرخوا و بحكوا كانهم في بيت ابوهم



الشباب الطيبة جايين يرندفو و يخلصوا من نق الانسة فبيجيبوها على هيك اماكن ليخلصوا من الحكي و النق



و بالمرة بحضروا المباريات و كل وحدة فيهم قالبة بوزها و هو عيونوا مش عم تنشال من على الشاشة اللي بحجم الحيط الكبير



و انا طبعا مكيفة



ليش ؟



يعني قاعدة بمقر الامم المتحدة و اللي بحطلي القهوة رونالدو و اللي بزبطلي الفحم ميسي



اي هارون الرشيد ما حلم بهيك ابدا



و اذا فاز الفريق اللي بشجعوا صاحب المحل بنزل ضيافة و حلو للقاعدين



شو بدك احلى من هيك قعدة



بس هلا لنحكي جد ....



عم تابع على قد ما بقدر المباريات لاني ( و انا صاحبة وقت فراغ قاتل ) عم استمتع باللعب الحلو بصراحة و عم اتعلم اللهجة المغربية او الجزائرية عن طريق المعلق و غير هيك عم شوف و قدر روح رياضية عالية انا شخصيا ما عندي اياها



يعني لاعب بدز التاني و بياخد الكرة وبنتبه انو غلط بيرجع ليساعد المشحر اللي على الارض و لا كمان بسلم عليه و بيعتذرلوا و التاني بابتسامة بتقبل الموضوع و كيف عم يتعاملوا اللعيبة مع بعض



و اللي بياخد انذار بوقف قدام الحكم متل التلميذ الشاطر و راسوا بالارض



و اللي بياخد طرد بمشي و بيطلع بادب من غير ما يسب و يعمل



( يعني لو انا بدل كاكا و اخدت طرد يمكن كنت ضربت الكرة بوش الحكم )



و احلى شي اني بكون بشجع شي فريق



يعني ما بكون قاعدة هيك بدون اي تفاعل



و بيدخل جول بصير شفقانة على الفريق التاني و بدي اياهم يدخلوا جول حتى ما يزعلوا :)



لا روحي رياضية و بحب التحدي خير الله



و اكتسبت معلومات هامة متلا انو ميسي ما بلعب مع اسبانبا و هو لاعب ارجنتيني



و رونالدو ما بيلعب مع ايطاليا و هو لاعب برتغالي



مين وين اجتني فكرة انو ميسي مع اسبانيا و رونالدو ايطالي ما بعرف



و طبعا تعليق انثوي على لبس هادا الفريق و هداك يعني هلا البرازيل ما عندهم زوق ابدا شو شورت ازرق و بلوزة صفرا فيها خطوط خضرا شو بصير لو الشورت اخضر او اصفر و يصير في تناسق بالالوان



و كنت مفكرة انو الافرقة ما بتغير لبسها تفاجات انو بغيروا الالوان ببعض الحالات



و ما بعرف ليش بحب اشوف المدربين و اراقب ردات فعلهم و بالفعل الانجليز هم الانجليز



بذمتكم هادا مدرب و الا ناظر مدرسة على هالكشرة اللي عليه و حالتو حالة



حتى لما يدخلوا هدف بكون مكشر



اهم شي بالمباريات لمة العيلة و كل واحد بشجع حدا شكل



و الروح عنا مو رياضية بالمرة خاصة مع مشجعين المانيا كتير متعصبين



بس انا و لا بهمني كل شوي بشجع حدا



على الاقل ما اكون قاعدة بلا شغلة و لا عملة



شوية روح رياضية و تسلية رياضية احسن من ميلودي دراما و روتانا افلام و mbc4

تغيييييييييييييييييييييييييييييييييييييييير

إجازة و أكثر

متل العادة بلشت الاجازة الصيفية للعاملين متلي بحقل التعليم ( عن جد حقل ) لانو العمل بالحقل يعني الحفر و الحرث لكن الحقل و الارض يمكن تعطي بعكس ما المعلم بصير معو


بيحرث طول السنة و لكن شو الحاصل او التحصيل


يمكن شوية طلاب فهموا و راتب مزري و اجازة ما خططت فيها لاشي


يمكن تصليح كمبيوتري اللي كان عم يحتضر من الفايروسات و القصص اللي انا محملتها من برامج و افلام تعليمية خلتني ارجع شوي لتركيزي و انو الاجازة نافعة على الاقل لارجع اقرا و اشوف اخبار الدنيا


يمكن


و يمكن المفيد اني هلا بقدر اشرب قهوتي باي وقت من غير ما احسب حساب اني انام و اصحى بكير مع اني لهلا عم فيق بكير ليش ما بعرف


بس لهلا ما في خطط ابدا


و عم استنى لهلا اقرر شو بدي اعمل


شو رايكم ؟


على فكرة بالرجعة لموضوع استقالتي من المدرسة الادارة ما وافقت و صار شوية اتفاقات بعرف انها ما راح تتم و رح ضل معلمة علوم بمدرسة خاصة الى حين ؟


الا اذا لقيت شغل بناسبني و بتوافق مع خبرتي التعليمية او على الاقل بقدر اني اعمل في شي مهم


ساعتها رح اكون شريرة و اكتب عقد و ما رح اسال باتفاقاتهم او قرارهم


انو الواحد يكون شرير احساس حلو على فكرة


حكيت كتير صح ؟

HoMeWoRk - تاج الفضايح

هلا اجاني هوم ورك من ابلة مياسي
هلا لكون صريحة بنبسط بس شوف حدا يتذكرني حتى لو بهيك قصص رمزية فشكرا الك مياسي
و مع اني فاشلة كتير بالحكي عن حالي و بقدر
اوصفلك بطيخة من جوا قبل ما تفتحها بس للاسف لما بحكي عن حالي بكون ....فاشلة
لهيك رح احكي كم شغلة باختصار حتى ما تكرهوني :)

ست اسرار
1- اغلب الناس اللي بتشوفني بفكروني كتير قوية - للاسف الشديد انا قوية بس مو لهاي الدرجة
2- انا ما بحب الكمبيوتر مع اني بقضي عليه وقت كبير - س لهلا بحب امسك القلم و الورقة و اخربش
3- ما بحب الالتزام بالمرة و بكره البس ساعة و ما بحب اي حدا يسالني كم الساعة و بخاف من الوقت كتير
4- بحب الرقص كتييير بكل انواعه من الدبكة للشرقي و اللاتيني اكتر شي ( عن جد تاج فضايح )
5- كتير ناس بفكروا اني ملحدة او شيوعية او مش عارفة بس المهم اني رح افوت النار
( على اساس انو فوتت النار بالتصويت او بايدهم )
... ليش ما بعرف ...
انا بحب الله و القلب على اليسار بس بالاخر و الاول انا انسانة من هنا او هناك :)
6- اخيرا . ممممممممم ...
على قد ما بحب بكرة و للاسف اللي كرهتهم تماما كانوا ناس بالاول الهم مكانة خاصة كتير عندي
يعني انا يا بحب يا بكره ----
ما عندي تسامح بالمرة
و لا قلبي كبير و لا هالحكي كلو -
اذا كرهت اي انسان او اخدت موقف للاسف ما بتراجع عنو ابدا :)

بتمنى ما تشوفوني شريرة بعد هالبوست
بس هاي هي جفرا :)

تغيـــيــــــــــــــر

ممممممممممممممممممممممممممممممممممممم
ههههههههههههههههههههههههههههههههههههههههههههههههههههههههههههههههههههههههههههههههههههههههههه

يعني البرتقالي و لاكون كوول و على الموضة لازم احكي ( أورانج )

ماشي حالو عجبني

بس الموضوع بدو تزبيط كتير

بس ماشي الحال

تغيـــــــــــــــــيــــــــــــــــــر

:)

هلا بدنا نشوف المراجل ...

في الفترة الاخيرة ويعني منذ سنين عديدة

و من الممكن ان تكون عادة متوارثة جينية و ليست مكتسبة من البيئة

كثرت و زادت الشماعات التي نحب ان نفصلها لانفسنا

و لغيرنا و تستخدم في تعليق جميع خيباتنا عليها

الا انها لم تعد تتحمل و لضيق العيش و الازمة الاقتصادية

بدأنا باستيراد تلك الشماعات من الصين

و لكن بالعودة الى الشماعات الاصلية

سنجد ان اشهرها و اكثرها تحملا

العرب

الحكام

لدرجة اعتقدت بها ان العرب شيئ من الجذام او السرطان

و لكن

برايي المتواضع جدا

العروبة و العرب ليس بالشيئ السيئ

هناك الكثير من العرب الذين نعتز بهم حديثا و قديما

لكننا ما لبثنا ان نردد تلك الكلمات التي توارثناها تبعا لخيبات اجدادنا

نكبة - نكسة - ايلول - مخيم -

عراق - سنة - شيعة -فتح - حماس - جنوب - شمال - مجاحة و و و و و و و

هل العروبة هي التي فعلت كل هذا ؟

و لست ادعي ان الحكام

او الحكومات المتعاقبة

ملائكة غضب عليهم الرب فارسلهم هنا ليعذبهم

كلنا يعرف و كلنا وقت القول يسكت ( وانا اولهم :)) )

المهم ايها العروبي المخزي من عروبتك تفضل

و ارني تلك الروح القوية التي بداخلك

و اقهر الغضب فيك و تفضل الى اسطول الحرية 2

ارني من الذي سيمنعك ؟

ما الذي سيمنعك من تادية واجبك اتجاه غزة

التي بسببها تجلس متسمرا

امام شاشة الحاسوب لتكيل الشتائم للعرب و العروبة

و غيرها باللغة العربية الركيكة

و الفصحى و العامية و اللغة الدارجة و هي ( تييييييييت )

حان الوقت لنرى هل العروبة المشكلة و العرب

ام انت ؟

كنت استكمل طلب الالتحاق بالاسطول الثاني و لكن اردت ان اشارككم بالعنوان قبلا

و دعونا نعري هذا الكون و نعري انفسنا و نرى الحقيقة

لمن اراد المشاركة باسطول الحرية 2

اضغط هنا

و اكمل استمارة التسجيل و سنرى

http://savegaza.eu/svar/index.php?view=26

من هنا سنبدا بالتفكير بشيئ جديد

و بطريقة جديدة

والشكر لاسامة الرمح الذي ساعدني بتدوينته على التقاط انفاسي بعد اخذ العنوان

رسالة من السفارة الاسرائيلية على ايميلي - يخرب بيت الكذب -

من أحد ردود الأفعال البسيطة و

الموجهة تم تفعيل حركة رسائل الى بعض السفارات

و الهيئات العامة الدولية و غيرها و قد اشتركت في هذه الحملة

و لم تكلفني الا حركة نسخ و لصق الرسالة و الايميلات و حركة بسيطة على زر الارسال و قد تم
اذا احببت ان تطلع على نص الرسالة التي تم ارسالها يمكنك الضغط هنا و ارسالها مرة اخرى
و لكن الملفت ان السفارة الاسرائيلية قامت بالرد على الايميل و هذا نصه
Israel regrets the casualties on both sides of this tragic incident

, although responsibility rests solely with Hamas,

an internationally recognized terrorist organization

, and the participants who organized this flotilla.

Israel labored intensely to persuade the demonstrators to

convey the flotilla’s cargo to Israel where, after proper screening,

it would be transferred to responsible parties in Gaza.

Unfortunately, the organizers were not

interested in providing humanitarian aid to

the civilians of Gaza, but rather in staging

a premeditated and highly publicized provocation of Israel.
By the time Israeli soldiers reached the Mavi Marmara

they had already boarded five of the six vessels in

the flotilla without incident. However,

when they boarded the sixth ship

they were met with a premeditated attack

. The Israeli forces, who boarded the ship

with paintball guns

, initially used non-lethal means to repel the demonstrators.

According to initial reports it was

not until after their fellow soldiers

were shot that the Israeli soldiers resorted

to using their side arms in self-defens.
In a typical week,

15,000 tons of supplies enter Gaza through the

land crossings and since the ceasefire in January 2009

, well over a million tons of humanitarian

supplies entered Gaza from Israel - that is almost a ton of aid for each man, woman and child in the Strip. Each day some 100 trucks, laden with food and medicine, enter Gaza from Israel.

Israel only bans those items that can assist Hamas

in its stated goal of destroying Israel. If Hamas,

which has deliberately fired more than 7,000

rockets at Israeli civilians,

would renounce violence and join the peace process,

then Israel would gladly remove all such restrictions.
Israel regrets having to make these tough

decisions and run the risk of incurring casualties

. In intercepting the flotilla, Israel acted as any state

, including the United States, would.

But given the option of either running such

risks or endangering the lives of its citizens,
Israel has no choice.

Israel has no choice.

Israel has no choice.

Israel has no choice.
و بالنهاية ساعد رسالة ارد بها
و اذا ارتم الرد بطريقتكم
يمكنكم الرد
على
Joshua Felice
Joshua Felice Embassy of Israel
Department of Public Diplomacy
Phone: (202) 364-5480
embassy1@israelemb.org www.israelemb.org
طبعا يمكنك القول ان هذا لا ينفع
و اي شيئ لكن
من الممكن ان تكون فعالا في هذه الدنيا فقط بضغطة زر
( هلا بالعامية لاني بدي ارد بجملة وحدة
انا قرات الرسالة مرتين او تلاتة
بصراحة يخرب بيت الكذب الدوبلماسي و المنمق يعني لو كنت من غير هالبلاد يمكن صدقت
لهيك يمكن برسالة تعرض وجهة نظر لحدا من غير هالبلاد

و اذا حدا حب يعد رسالة و حقائق و نبعتها كلنا انا ما عندي مانع و ممكن ننشرها اكتر
بس لاحظتوا انو حماس و ايران هم اللي باعتين السفن و هدول كلهم ايرانيين متنكرين اكيد

لا عن جد الكذب فنون )

الورد المالح

لم أستغرب أبدا الفعل الاسرائيلي

و لا الموقف التركي او الكويتي او العربي و لا حتى خطاب الجامعة العربية الذي يخلو من العربية و الذي كان ركيكا كالفعل الذي تؤديه الجامعة منذ زمن

كان الدمع اغزر عندما رأيتهم على الشاطئ ينتظرون

حملوا الورد ليستقبلوهم به

يزفزنهم

و لكنهم في النهاية رموه في البحر

و اعلنوا الحداد و اصبحت الخيمات المعهودات في تاريخ هذا الشعب خيمات عزاء

يد الفتاة التي رمت بالورد في البحر كانت ترتعش

عل اعينها التقت بقطرة دم وصلت الى الشاطئ اخيرا بعد طول عناء قالت في سرها

ان غزة لم يكن ينقصها الدم ليصل اولا

و لا الشهداء

كانت تريدكم احياء بين ذراعيها

و لكن

.

.

.

لن ازايد على الالم او الفخر من وراء ششتي الزرقاء الانيقة

لكن

.

.

تعب الورد في البحر المالح

تعب من ملاقاة الدم

تعب

برشلونية بالفطرة و بالقطر كمان

طبعا انا انسانة بحب الرياضة بس ما يوصل الفكر لكرة السلة او القدم

كل الرياضة اللي ممكن امارسها متلا المشي او السباحة

و من سنة لسنة يعني محسوبتكم مش لائقة بدنيا

لاني كل ما افكر اروح امشي على البحر بتشدني ريحة القهوة و الارجيلة

في اي كافيه منتشر على الشاطئ

و بوعد حالي انها اخر مرة و بروح قاعدة

و طالبة اكبر فنجان قهوة و ارجيلة تفاحتين

و بتفرج على اللي بمشو و بفتح كتاب و بقرا

و هيك بكون عوضت الرياضة البدنية برياضة ذهنية

اما اذا كان حدا معي

فما بنخلي موضوع الا بنفتحوا من سلطة رام الله لاسعار الدهب و لنوصل للنميمة على جارتنا

نميمة مو مقصودة يعني موضوع بجر موضوع بس :)

و هيك بكون عوضت الرياضة البدنية برياضة فكية و لسانية و سمعية

لانو الحكي المتشعب عند البنات بيوطى و بيعلى حسب الموضوع

يعني متلا لو جبنا سيرة بنت بتلاقينا وطينا صوتنا بالبديهة

و لو حكينا عن السوق و الاسعار بتلاقينا علينا صوتنا بردو بالبديهة

اخر مرة رحنا على كافيه لاتلاقى مع صديقة جاي من السعودية

و الي فترة ما شفتها من وقت سفرة تركيا و هي صاحبتي من 10 سنين

المهم ما لقينا غير الاضواء صارت خافته و الشباب الطيب

لابس ابيض و جزء لابس احمر و الصبايا على نفس الوتيرة

و بنص الحكي علي صوت المعلق

( الان سنعرف تشكيلة برشلونة و بلد الوليد )

يا دي برشلونة و ريال مدريد

بصراحة مش مهتمة مين اخد الدوري

و القصص هاي بس من كترة ما اسمهم بتردد عنا بالبيت و الجكر

و المغايظة على الفيس بوك

بين اخواني و اقاربي صرت اهتم اني اعرف مين اللي رح يجيب كنافة الليلة

- الاخوة في ريال او الاخوات في برشلونة

موضوع الكنافة عندي ما الو حل و صرت كل ما احب اكل كنافة اسال مين رح يلعب الليلة ؟

لاعرف على مين الكنافة هاي المرة

و لكن من باب الفضول بس كنت حابة اتعرف على لباس كل فريق

و بما انو القلب على اليسار جذبني اللون الاحمر اكتر و سلاسة ميسي

و طريقته القروية بالتعبير عن نفسو مع اني سمعت انو من اغلى لاعبين كرة القدم

و بالفعل الشب شاطر

( هادا حسب خبرتي الكروية اللي ما بتتعدى خبرتي بالطبخ كمان )

الا انو بتصرف بطريقة طبيعية و غريبة ببعض الاحيان على شب غني و مشهور متلو

المهم نرجع للكافيه

طبعا الشاشات عرض الحيط و الدنيا مولعة

و الاغلبية مع الفريق البرشلوني و المدريديين مش عاجبهم

لانو ما في ولا شاشة بتعرض مباريات فريقهم

و انا و صاحبتي موضوعنا غير

عن الكل احنا مو عارفين ننم على حدا و حتى نحكي ايا شي اصلا

مو سامعين غير المعلق و لو علينا صوتنا بدنا مايكروفون لنسمع بعض

المهم اكتفينا بالتحدي مين الو نفس اطول لحد ما خلص رحت لاختنق

و طلعنا من المحل

كتير بسالوني انتي مين بتشجعي

بصراحة انا ما بشجع حدا

لاني مو متابعة لكن بمعرفتي القليلة

و متابعتي اللي اقل جذبني فريق برشلونة للسلة لما طرد اللعيبة الاسرائيليين

اه انا متطرفة حتى بالرياضة و بعترف كمان

و قرات شوي عنهم

و عن الكاتلونييين و غيرو و لقيت انو انجذابي الهم هو بالفطرة مش اكتر

يعني احمر و القلب على اليسار

و العلم الكاتلوني بجنب العلم الفلسطيني

و قصة الحلم الكاتلوني تبعهم

و قصتنا يعني نوع من انواع التعاطف يعني الموضوع تعدى كرة القدم

و لقيت حالي بستنى مباراة كرة القدم اللي جاي

مش عشان اتابع لا

بس جاي على بالي كنافة

( ملاحظة ممكن يكون في معلومات

رياضية مش صح او مخربطة

بس اعذروني لجهلي

و على فكرة هادا الحكي

بعد اخر مباراة من كم يوم لبرسا و بلد الوليد )

اه صحيح بالمناسبة الشباب المثقف الرياضي سمعتو

عم يحكي على بلد الوليد و ليش اسمها هيك ؟

طبعا قام كبير الثقافة فيهم و حكى يمكن اللي فتحها

و حررها الوليد بن المغيرة ( ابو خالد بن الوليد )

بجد ميلة تميلوا بجد يا فرحة امو لا و هادا الفهمان اللي فيهم كمان

( لا ميلة تميلهم كلهم )

بس للعلم هي على اسم الوليد بن عبد الملك بن مروان

على حسب معلوماتي او هيك بتذكر

دروس آدمية

من الغريب أن يتوقف الزمن بك برهة

(برهة يعني رمشة عين متلا )

و ان تكتشف انك انسان بمعنى الكلمة

ليس لأن لك المقدرة الكافية على الحب فقط

و على العطاء

و على الغفران

لا

بل لأنك تستطيع أن تكره

شعور ليس بهذا السوء بل بالعكس

قد يبرر لك أشياء أخرى في الأيام القادمة

أنك إنسان

كما تحب عليك ان تكره

و أخيرا استسلمت للواقع

و بالفعل لم أجده بهذا السوء

بل اعطاني فرصة جديدة لاكتشاف مهارات اخرى

كنت انكرها علني ادخل الجنة

لكن هل يدخل الجنة فقط

الأناس الطيبون ؟

مرحلة ...................

مرحلة صعبة

مؤقتة

بس مرهقة

بلشت افيق هلا

بس مع عقم بالغ في التعبير

................................

شكرا للاحتباس الحراري

مع اني من انصار الارض الخضراء

و الخط الاخضر و الطبيعة

بس اول مرة بشكر التلوث و الاحتباس الحراري اللي عيشنا بجو المطر كم يوم

شكرا للراس مالية اللي خلتني بعز الصيف و الحر

( عنا طبعا لانو في عالم عندهم ربيع )

استمتع بالمطر و اسمع فيروز

و اشرب فنجان قهوة

و يمكن هاي من اللحظات اللي بحبها بحياتي كتير - جد روقان -

شكرا لكل المصانع

شكرا لكل واحد عندو استعداد يسحق جيل بكامله بمرض السرطان

شكرا للمطر الاسود و الاخضر و الاحمر و اللي بينزل عنا مو عارفة لونه

يمكن هلا عم اشكر لاني من 10 سنين

عم اعترض و اسب و احرق باعصابي و ازرع اي شي ممكن ينزرع و يعيش

بس ما في فايدة ( كنت اسمعت اذا ناديت حيا )

الى اكتر من سنة بعلم بطلابي اهمية انو يكون كل انسان عندو نبته يعتني فيها

و الي اكتر من شهر بترجى نبتاتي ما يموتوا

بالنهاية توصلت اني اشكر الاحتباس الحراري لانو عطاني وقت قليل كنت بدي اياه من زمان

و عطى شباكي صك غفران و زحت الستارة عنو

و اطلق رصاصة الرحمة على شوية الريحان اللي زارعتهم الي سنة و عم ينازعوا

و سمعت فيروز على طقطقة المطر

هامش : مع اني ما كملت شهر و انا غايبة عن المدونة بس حسيت بانو الي سنة او اكتر

كنت بمر متل اي زائر على مدونتي و كل المدونات اذا صحلي وقت

للي بيسال ...لا انا ما بشتغل شي مهم و لا انا في الكونجرس

و لا حتى بمجلس النواب الاردني

انا معلمة علوم و مع هيك مش لاقية وقت افتح ايميلي .... ليش ؟

انا شخصيا ما بعرف ؟:(

حلو انك تلاقي 220 ايميل عندك مع انو اغلبهم اعلانات

بس الشعور الاجمل

انك لهلا عايش و فيك تعمل delete

اكذب اكذب حتى يصدقك الناس .....

و كأنوا العالم مليان صدق

و كل الناس اسم الله صادقين و صريحين

بيستنوا اول ابريل بس ليكذبوا

كذبة بيضا و كم فيلم قصير و ضحكة باخر اليوم و خلص

يعني كانوا نحنا عايشين في المدينة الفاضلة

و لابسين ابيض بابيض و

جوهنا كلنا بيضا من الحب و الاخلاص

لنستنى اول ابريل لنفش خلقنا

لازم يتغير اسم اول ابريل من كذبة ابريل ل................

يا بتحكي الصدق اليوم يا بتخرس -

و العرض اجباري - و خليه يستمر مش يوم بس 3 ساعات بكفي

الصدق ب 3 ساعات في العالم كلو مممممممممممممم .....

ما رح تزبط فرضا في زعيم وطني عندو خطاب

او شي قمة على الطريق

او فرضا صاحب شركة عم يعمل اجتماع

طيب و دعايات التلفزيون و الشوارع و الموبايل

كلها لازم توقف لانها كلها كذبة .

و حتى قراية الفناجين لازم تاخد اجازة

و نص الرجال ما يبينوا يومها

و يا عيني على حوا شو بدها تعمل اذا سالها جوزها عن سعر شغلة شاريتها

لا لا خليه يوم للكذب هي فرقت على هاليوم :)

كل كذبة و انتو بخير

هامش : يعني اذا كل كذبة كنا بخير اكيد

رح تكون حياتنا افضل لانو حتى على حالنا ما عم نبطل كذب

هامش تاني : انا عم خربش مستعجلة كتير مش عارفة ليش

مع هيك عملت ارسال بدون ما اقرا شي فسامحوني ( هاي عن جد مو كذبة )

مجرد يوم

في ظل المها تنطلق هناك زفرات حياة اخرى كانت الانا

و اليوم احتفل بالمها و الغريب انها تحتفل معي

ابتسمنا لكنها للان مازالت تقول لي انها تحبني

مع انني متاكدة من هذا

بل ميقنة

لكنها تصر دوما على انني الاولى

و سابقى في قلبها كذلك للابد

كان يومي جميلا - و كان الاجمل ( كيكة الفراولة اللي بحبها :) )

والهدايا

:)))))))

كل عام و انت بخير ؟؟؟؟

طيب مين قال اني اصلا بخير

مع هيك و الكل بخير

:)

طولت الغيبة و اشتقتلكم بس كانت امور غريبة رح احكي فيها :)

العلم ما بيعرف عربي

أشعة الشمس تتحدى ذلك العامود الشاهق الارتفاع و تسخر من زجاجته المهملة منذ زمن

انا الشمس كنت اله في الماضي

غضب قومي مني كذبوني

فجعلوا مني آلة لبقائهم

انت

لا شيئ سوى بريق باهت لا تستطيع ان تضيئ حتى داخلك

انت فاني

و كلما ضحكت زاد لهيبها

انه آ ب

شهر تضحك به الشمس

تحت العمود العقيم الذي كان منارة لتجمع المتظاهرين يوما ما

كانت أصوات الباعة المتجولين تعلو

يروجون للبضاعة الاتية من الصين

يقول للزبونة: يه ختي مقاس الحذاء 40

الزبونة: و انا ارتدي 38( مقاسات احذيتك مش مزبوطة )

الاسكافي العتيق : هم يفصلون بضاعتهم على مقاساتهم لا ضير ان لبست الاربعين ( في سره اربعين حذاءا على راسك )

الاسكافي العتيق له خبرة في جلد الاحذيه و مقاساتها و يترحم على ما كان يصنع في الماضي لكن ما عاد احد يشتري منه

( الكل بركض ورا الرخيص و الصيني مطلوب )

خبرته بالأحذية لم تعوض عليه جهله في النساء

كم تكره النساء ان تكون مقاس احذيتها كبيرة و حتى و ان كانت كذلك

يجب ان تلوم الحذاء و تمدح قدم السيدة

اصابها الحر بالجنون و كلام الاسكافي لا يليق بامرأة منذ

صاحت بطفلها الذي يزن و يئن تحت وطئة الحر

و بدأت بشتمه و شتم أبوه

الأم تشتم الأب

و الأب يشتم الأم

ماذا تبقى للطفل ليشتمه ؟

سكت فجأة عندما ابتسما له

صديقان منذ زمن المعتقل التقيا هناك ليشربا بعضا من عصير البرتقال

كانا قد ادمناه قديما منذ زمن من نفس البائع الذي صار

يستخدم التكنلوجيا و الكهرباء ليعصر به حبيبات البرتقال

و يخلطه بالثلج و الماء

احدهما قال للاخر

كنت يوما معها هنا في كزدورة و اشتريت لها البرتقال

قامت مظاهرة

نسيتها و نسيت البرتقال

و هتفت للوطن

بعد فترة عندما التقيتها انبتني

--- لماذا ؟

لانني نسيت ان ادفع ثمن البرتقال فاضطرت ان تدفعه هي

و ضحكا

ما عاد له طعم ..... (حتى البرتقال نشف بالبلاد )

فقير
يمر بجانبهما ينظر اليهما بطرف عينه
كأن ثأرا بينه و بين أحدهم
انتظر ان يرمي احدهما الكوب الورقي حتى باخذه ليبيعه

انحنى حتى يأخذ الكوب و الا بقدم كبيرة تدوسه و تهرسه

موظف حكومي

يركض متلهفا دوما
يتصبب عرقا
تحس انه متعب و منهك
هو ذات الرجل الذي يكلم نفسه دوما
يقول لها : هذا أول الشهر
و ترد عليه : و هو نهاية الراتب
و ما ان يصل هذا الرجل المسكين الى مكتبه
يتفرعن
كيف ؟
حاول ان تقدم له معاملتك و سترى
زاحم امرأة تقف

لم ينتبه انه كاد ان يوقعها و هي افاقت فجأة كأنها لم تكن هنا

عاشقة

لمن ؟ لهذا الشاب الذي يقف بالزاوية
و كيف عرفت
في بلادي لا تستطيع الانثى ان تعبر عن حبها و الا رجموها على الاقل بالنظرات
و لكن ان اصبحت عاهرة فمن الممكن ان تكون على مستوى رفيع
كيف ؟
هل رأيت يوما ما عاهرة تقف في صف لدفع فواتير الكهرباء ؟

عاهرة :
و كيف عرفت ؟
هي الوحيدة التي تمشي بثقة أمام مركز للشرطة

بعد ان شربا البرتقال

نفث دخان سجائره الرخيص و همس لصاحبه بصوت لا يكاد يسمع

في بلادنا تتحول ميادين النضال الى مواقف و كراجات عامة

كانت هناك قبل عشرون سنة مظاهرة تطالب بالاستقلال

و قبل عشر سنين تطالب بالديموقراطية

الان هذه مظاهرة على سجيتها تطلب لقمة العيش ؟

و يرنو العلم العالي الى الاسفل بنظرة غريبة

ليسال

هل هذا ما اردتم بالفعل ؟

ماذا تريدون مني ؟

هل انا امثلكم بالفعل

في نهاية العلم طرف مكتوب عليه

( made in china )

لهذا لم يفهم العلم رمزنا و رايتنا المصونة قصدنا و ما اردنا

العلم طلع ما بعرف عربي

أمر طبيعي بل في غاية الطبعنة

منذ الثمنينات من القرن الماضي تغيرت مفاهيم المقاومة و الجهاد

بعد تشتت الآراء حول العمليات الإستشهادية

و اذا كان الفلسطيني المدافع عن ارضه هو شهيد او لا

مجرد انسان قتل و لا شهادة له هذا برأي بعض الشيوخ و المفتيين بأمر الحاكم

الذي اراد ان يحول النظر عن القضية الفلسطينية الى افغانستان و الشيشان

ليس رغبة في إعلاء كلمة لا اله الا الله

و لكن لأمر ما في نفسهم تحقق للآن و نتائجه ظاهرة للعيان

و بدأ من بعدها القول المقزز

برأيي من بعض الشيوخ هم ذاتهم من في الأعلى و بعض من تتلمذ على ايديهم

و استقى المهنة و فنها اننا لسنا مضطرين في الدفاع عن حجارة تسمى بالاقصى

فالف الف مسجد على الارض يمكن بناؤه

و لا يستحق المسجد

اي مسجد قطرة من دم انسان متناسين او مستهينين بما سيحصل بعد ذلك
فالطريقة التي تربينا عليها هي كالتالي

( لا تفكر ابعد من مناخيرك هذه امور غيبية و الا اصبحت كافرا )

من الصحيح ان دم الانسان اغلى من الارض و الحجارة و الشجر فهذه وجهة نظر

و لكن لم تجمهر شيوخ و اعدوا العدة

ليدافعوا عن ولاية افغانية بعيدة بينما الاقربون اولى بالمعروف

( بحسب حسابات المساحة في الوطن العربي )

الا اذا كانت اسرائيل دولة اسلامية و انا لم تصلني المعلومة بعد

و تتالت الاقوال و الافتاءات حتى حرب غزة

قالوا فيها انهم اتبعوا ايران و هذه شيطان

لا يريد بنا خير و نفس ما رددوه بل اقوى في حرب لبنان الاخيرة

بل و سمعت البعض منهم يدعون على حزب الله و يتمنون خسارته امام اسرائيل

و كان اسرائيل هي الملاك اما ايران و حزب الله هي الشر المحدق بنا

فاسرائيل تبني لنا المدارس و الملاعب و الحدائق و تبعث لنا بالهدايا في اعيادنا

و نتيجة هذا التفكير الغريب الغير متوازن

من جهات دينية تؤمن بان الانسان العربي المسلم

يخاف الله و يخاف عذاب النار لذا ابتدانا بتكفير الاستشهادي و تهميش الاقصى

و وصلنا لمرحلة ندعو فيها لاسرائيل خوفا من عذاب الاخرة

و ما نتج عن هذا ضم الحرم الابراهيمي الشاهد على مجزرة بشعة الى الاثار اليهودية

لن استغرب بل سيكون امرا طبيعيا لو استيقظت صباحا

و ادرت الراديو و سمعت ان الاقصى و ما حوله هدموا

و هذا ليس بايد يهودية بل بعقول غيبها بعض الشيبة و لحق بهم بعض الشباب

لن يتم التباكي كثيرا فهو نتاج ما مررنا به من السنين

في استغلال الدين و تسييسه على حسب رغبة الحاكم

و على حسب ذمة عمائم السلطان

اظنني ساعتها سابكي و لكن ساكمل الطريق

ربما لعملي متفادية الحديث في الامر حتى لا اكون زنديقة لانني كفرت

بقدر قدره الله علينا فهذا مكتوب و ما مر بالاسلام فهو

اكثر و لكن في النهاية ............... و بر بر بر بر بر و حكي كتير

وعندما اعود الى البيت

لن اشترك في اي جروب في الفيس بوك يعبر عن غضبه لهدم ما تبقى منا

في القدس و لن اكتب تعليق على اي مدونة تتحدث بالموضوع

لان جدتي علمتني ان اي شيئ لا تستطيعين تغييره اهمليه

او اقتلي نفسك

و هي تراني احاول جاهدة التعلق بمرجوحة قديمة على ظهر سطح بيتنا القديم

شو بدك بالحكي - القلب على اليسار

هي " هاي البنت شو جنسيتها

أنا : هلا شو بدك بالجنسية بكفي انها بني ادمة و فوق هيك بتحكي عربي

هي : انتي لهلا قومية عربية

أنا : الله يرحمك يا ابونا بس هلا عم حاول اكون قومية انسانية

هي : ليش

أنا : اذا الانسان نفسو ما عاد الو احترام ؟

العربي رح يكون الو احترام ؟ نرجع بني ادمين بعدين بنحكي بالقوميات

____________________

هي : هلا فتح و الا حماس ؟؟؟

أنا : حاليا ما بقدر كون الا خضرا شوي و صفرا شوي

هي : ليش ؟

أنا : صرت استحي من زلم المنظمة و عمايلهم و الله اشي بخزي

هي : يعني انتي اخوان ؟

انا : هلا انتي شايفة في شبه بيني و بين الاخوان اشي ؟؟؟؟؟

الله وكيلك كل واحد منا من اب شكل بس هي الام اللي بتكسر الخاطر

هي : لا بس موقفك ....

انا : زلم فتح و السلطة خلونا نكرههم و لك شوفي

اي مقابلة تلفزيونية بردحوا فيها

و الله اشي بخزي و عاملين زي بياعة الفجل

هي : يعني انت مو اسلامية

انا : لا

هي : الله لا يوطرزلك لتكوني شيوعية ...انا كنت حاسة انك منهم .....

انا هههههههههههه : لا بس بحبهم اخلاقهم عالية اكتر من الراسماليين

هي : مالهم الراص ماليين

انا : الله وكيلك نازلين هز على جيبتنا

لفضيت و بعدين انا من الفقرا عمرك شفتي فقير راسمالي ؟

هي : علمانية ؟

انا : مش عارفة بس الله عندي بكون بكل اشي ما بقدر افصل و اكون بين و بين

هي : طيب ايا من ايا حزب

انا : لا ما بحب التزم بحزب -

انا بني ادمة هادا هو الحزب تبعي

لو التزمت بحزب يعني لازم افكر زيو و اكون وفية الو

بكل عمايلو و برر اخطاءوا و سامحوا

انا ما بعرف اعمل هيك -

انا معترة بحكي للاعور اعور بعينوا و ما بعرف احكي بسياسة

ما عندي ادب سياسي .

اصلي فلاحة فاهمة شو يعني فلاحة

هي : بس ميالة لشي على الاكيد

انا : يا بنتي القلب على اليسار هو مايل لحالوا شو بدك بهالحكي

تعي نشرب القهوة بردت